நமது மொபைல் போன் அல்லது கணினிகளில் சேமித்து வைத்திருகுகம் தகவல்களைத் திருட பல்வேறு வைரஸ்களை கருப்புச் சந்தையிலிருந்து ஹேக்கர்கள் தொடர்ந்து உருவாக்கி உலவவிட்டுக் கொண்டு தான் இருக்கிறார்கள். அந்த வகையில் புதிய வரவாக வந்துள்ளது WhatsApp Pink என்னும் வைரஸ். 

மால்வேர் வகை வைரஸான இது, வாட்ஸ்அப்பில் ஒரு இணையவழி லிங்க் போல் அனுப்பி வைக்கப்படுகிறது. அதை க்ளிக் செய்து உள்நுழையும் பட்சத்தில், மொபைல் அல்லது கணினியில் உள்ள மொத்த டேட்டாக்களும் கபளீகரம் செய்யப்படுகிறது.

மேலும் உங்கள் டிவைஸில் வைத்திருகுகம் அத்தனை தரவுகள் மற்றும் தகவல்களும் திருடப்படுகின்றன. இந்த WhatsApp Pink என்பது புதிய வகை வாட்ஸ் அப் என்னும் போலி விளம்பரத்தின் மூலம் பல இடங்களில் அதன் லிங்குகள் பகிரப்பட்டு வருகின்றன.

பலரும் இதை அறியாமல் இரையாகி வருகின்றனர். எனவே, இதைப் போன்று பெயர் அறியாத, சந்தேகத்திற்கு இடம் கொடுக்கக்கூடிய வகையில் எதாவது புதிய லிங்குகள் பகிரப்பட்டால் அதிலிருந்து விலகியே இருப்போம். 

YouTube, Facebook போன்ற சமூக வலைத்தளங்களின் வளர்ச்சி மிக வேகமாக உள்ளது. அதே நேரம் பல வெறுக்கத்தக்கப் பேச்சுகளும் வருவதாகத் தொடர்ந்து குற்றச்சாட்டுகள் எழுந்து வருகின்றன.

சென்ற ஆண்டு அமெரிக்காவில் காவல் அதிகாரி ஒருவர் கறுப்பினத்தை ஒருவரைக் கழுத்தை நெறித்து கொலை செய்த சம்பவம் உலகம் முழுவதும் பெரும் அதிர்வலையை ஏற்படுத்தியது.

உடனே உலகம் முழுவதும் இந்த சம்பவத்துக்கு எதிராக “Black Lives Matter” போராட்டங்கள் நடைபெற்றன. அதைத் தொடர்ந்து வெள்ளை இனத்தவர்களை ஆதரிப்பவர்கள் “white lives matter” என்றும் சமூக வலைத்தளங்களில் பிரச்சாரங்களைச் செய்து வருகிறன.

LAS VEGAS, NV – JANUARY 05: A Google logo is shown on a screen during a keynote address by CEO of Huawei Consumer Business Group Richard Yu at CES 2017 at The Venetian Las Vegas on January 5, 2017 in Las Vegas, Nevada. CES, the world’s largest annual consumer technology trade show, runs through January 8 and features 3,800 exhibitors showing off their latest products and services to more than 165,000 attendees. (Photo by Ethan Miller/Getty Images)

எனவே அது குறித்து நடவடிக்கை எடுக்க விரும்பிய கூகுள், YouTube-ல் வெறுக்கத்தக்கப் பேச்சுகளுக்குத் தடை விதித்துள்ளது. குறிப்பிட்ட சில வெறுக்கத்தக்கப் பேச்சுக்களுக்கான keywords என்று அழைக்கப்படும் குறிச்சொற்களைப் பயன்படுத்தி இருந்தால், அந்த வீடியோக்களுக்கான விளம்பரங்கள் நிறுத்தப்படும் என்று தெரிவிக்கப்பட்டுள்ளது.

ஏற்கனவே இதுபோல, ஆபாச வீடியோக்கள் இருந்தால், அவற்றுக்கான விளம்பரங்களை YouTube நீக்கியது. அதே போன்ற ஒரு முடிவை இப்போது கூகுள் நிறுவனம் மீண்டும் எடுத்துள்ளது.

வாட்ஸ்அப் செயலியில் இரண்டு புது வித அப்டேட்களை அளிப்பதாக ஃபேஸ்புக் நிறுவனம் அறிவித்துள்ளது.

வாட்ஸ்அப் பயனாளர்கள் இனி தங்களது ஃபேஸ்புக் கணக்கை லாக்-அவுட் செய்வது போலவே வாட்ஸ்அப் கணக்கையும் லாக் அவுட் செய்து கொள்ளலாம். இத்தகையை வசதியைத் தான் வாட்ஸ்அப் பயனாளர்களுக்கு விரைவில் புழக்கத்துக்குக் கொண்டு வர உள்ளது ஃபேஸ்புக். இனி வரும் காலங்களில் பயனாளர்கள் தங்களது வாட்ஸ்அப் கணக்கை நீக்க ஏதுவாக இருக்காது.

வாட்ஸ்அப் கணக்கை நீக்குவதற்கு பதிலாக அதிலிருந்து பயனாளர்கள் லாக் அவுட் செய்து கொள்ளலாம். இதேபோல், விரைவில் ஒரே கணக்கை நான்கு சாதனங்களில் இணைத்துக் கொள்வதற்கு ஏதுவான வசதியையும் பயனாளர்களுக்கு வழங்குகிறது வாட்ஸ்அப். தொலைபேசியின் மூலமாக மட்டும் இல்லாமல் தொலைபேசி இல்லாத போது வேறு சாதனங்களின் வழியாகவும் வாட்ஸ்அப் செயலியை பயனாளர்களால் பயன்படுத்த முடியும்.

இந்த புது ஆப்ஷன் பயனாளர்களுக்குக் கூடுதல் ப்ரைவசியைத் தரும் என ஃபேஸ்புக் நிறுவனம் தெரிவித்துள்ளது.