கொரோனா வைரஸ் தாக்குதலால் பாதிக்கப்பட்டு சீனாவில் 1,500-க்கும் அதிகமானவர்கள் இறந்துள்ளனர். 60 ஆயிரத்துக்கும் அதிகமானவர்கள் கொரோனா வைரஸால் பாதிக்கப்பட்டுள்ளனர்.

சீனா சென்று கொரோனா வைரஸ் குறித்து ஆய்வு செய்துள்ள உலக சுகாதார மையம், COVID-19 என அழைக்கப்படும் நோவல் கொரோனா வைரஸ் நீர்த்துளிகள், அசுத்தமான பொருட்கள் மற்றும் கண் நோய் போலப் பாதிக்கப்பட்ட நோயாளிகளை போல நேராகப் பார்ப்பதன் மூலமாகவும் பரவும் என்று தெரிவித்திருந்தது.

இதனால் சீன வங்கிகள், தங்களிடம் டெபாசிட் செய்யும் ரூபாய் நோட்டுக்கள் மற்றும் இருப்பு வைத்துள்ள ரூபாய் நோட்டுக்களை அல்ட்ரா வைலட் லைட் கதிர்வீச்சுகள் மூலம் வைரஸ்களை கொள்ளும் நடவடிக்கையில் ஈடுபட்டுள்ளன. எனவே தங்களிடம் வரும் ரூபாய் நோட்டுக்களை 14 நாட்களுக்கு இப்படி சுத்தம் செய்யும் பணியில் சீன வங்கிகள் செய்ய வேண்டும் என்று, சீனாவின் மத்திய வங்கி பத்திரிக்கையாளர்கள் சந்திப்பில் கூறியுள்ளது.

மேலும் பழைய ரூபாய் நோட்டுகளை அளித்துவிட்டு புதிய ரூபாய் நோட்டுகளும் அறிமுகம் செய்யப்பட்டு வருகின்றன. இதனால் ஆன்லைன் பரிவர்த்தனைகள் செய்வதும் சீனாவில் அதிகரித்து வருகிறது.

2017-ம் ஆண்டு வெளியான ஆய்வு முடிவுகளின் படி சீனாவில் மாதத்திற்கு 1023.71 ரூபாய் ரொக்கப் பணம் இருந்தால் போது, மீதமெல்லாம் டிஜிட்டல் பரிவர்த்தனைகள் மூலமாகவே ஒருவரால் செய்துகொள்ள முடியும் என்று கூறப்பட்டது குறிப்பிடத்தக்கது.

டெட்டால் ஸ்பிரே பயன்படுத்தினால் கொரொனா வைரஸிலிருந்து தப்பிக்கலாம் என்று சமுக வலைத்தளங்களில் பரவி வந்த செய்திக்கு, டெட்டால் நிறுவனம் விளக்கம் அளித்துள்ளது.

டெட்டால் நிறுவனத்தின் கிருமிநாசினி ஸ்பிரே சலி, இருமல் போன்ற குளிர் தொற்று நோய்களை ஏற்படுத்தும் கொரொனா வைரஸ்களை கொல்லும்.

ஆனால் தற்போது உலகம் முழுவதும் பரவி வரும் நோவல் கொரோனா வைரஸ் போன்ற நோய்களை டெட்டால் கிருமிநாசினி ஸ்பிரேவால் கொல்ல முடியாது.

இதுவரை டெட்டால் தயாரிப்புகள் கொரொனா வைரஸ்-ஐ கொல்ல கூடியது என்பதற்கான எந்த சோதனை முடிவுகளும் தங்களிடமில்லை என்று டெட்டால் உற்பத்தி நிறுவனமான ரெக்கிட் பென்கிசர் தெரிவித்துள்ளது.

சீனாவின் நம்பர் 1 கோடீஸ்வரர் மற்றும் அலிபாபா நிறுவனத்தின் தலைவருமான ஜாக் மா, கொரொனா வைரஸ் தாக்குதலுக்கு எதிரான தடுப்பூசியை கண்டு பிடிக்க 103 கோடி ரூபாய் நிதியுதவி செய்துள்ளார்.

கடந்த சில வாரங்களாக சீனாவில் இருந்து பரவி வரும் கொரொனா வைரஸ் உலக மக்களை பீதியடைய செய்துள்ளது.

கொரொனா வைரஸ் தாக்குதலினால் சீனாவில் 100-க்கும் மேற்பட்டவர்கள் இறந்துள்ளனர். இந்த வைரஸ்க்கு எதிரான மருந்தை கண்டுபிடிக்கும் பணியில் பார்மா நிறுவனங்கள் ஈடுபட்டு வருகின்றன.

எனவே இந்த தடுப்பூசியை விரைந்து கண்டுபிடிக்க இரண்டு சீன பார்மா நிறுவனங்களுக்கு, ஜாக் மா ஃபவுண்டேஷன் தொண்டு நிறுவனம் 103 கோடி ரூபாய் நிதி ஒதுக்கியுள்ளது.