சமீபத்தில் சூயஸ் கால்வாயில் எவர்கிரீன் என்ற கப்பல் சிக்கிய நிலையில் அந்த கப்பல் ஒரு வாரத்திற்குப் பின்னர் தொழில்நுட்ப வல்லுனர்களால் மீட்கப்பட்டது. இந்த ஒரு வாரத்தில் சூயஸ் கால்வாய் வழியாக செல்லும் கப்பல்கள் காத்திருந்ததால் எகிப்தின் சூயஸ் கால்வாய் நிர்வாகத்திற்கு மிகப்பெரிய இழப்பு ஏற்பட்டதாகவும் அந்த இழப்பை சரிகட்டும் வகையில் ஒரு பில்லியன் டாலர் நஷ்ட ஈடு தர வேண்டும் என்றும் சுயஸ் கால்வாய் நிர்வாகம் தெரிவித்தது.

ஆனால் எவர்க்ரீன் கப்பல் உரிமையாளர் இழப்பீடு தர முடியாது என்று கூறியதை அடுத்து சுயஸ் கால்வாய் நிர்வாகம் சார்பில் எகிப்து நீதிமன்றத்தில் வழக்கு தொடர்ந்தது. இந்த வழக்கு நேற்று நீதிமன்றத்தில் விசாரணைக்கு வந்தபோது இழப்பீடு வழங்கும் வரை எவர்கிரீன் கப்பலை பறிமுதல் செய்ய எகிப்து அரசுக்கு நீதிமன்றம் உத்தரவிட்டது.

இதனை அடுத்து எவர்கிரீன் கப்பல் சூயஸ் கால்வாய் நிர்வாகிகளால் பறிமுதல் செய்யப்பட்டுள்ளது என்பது குறிப்பிடத்தக்கது. மேலும் இழப்பீடு தொடர்பாக எகிப்து அரசும், எவர்க்ரீன் கப்பல் நிர்வாகமும் பேச்சுவார்த்தை நடத்தி வருவதாகவும் விரைவில் பேச்சுவார்த்தை சுமூகமாக முடியும் என்றும் எதிர்பார்க்கப்படுகிறது.

கொரோனா வைரஸ் பரவல் காரணமாக இந்தியா உள்பட உலக நாடுகள் அனைத்துமே முடங்கி உள்ளது என்பதும் குறிப்பாக கடந்த ஒரு வருடமாக பள்ளி மற்றும் கல்லூரிகள் இயங்கவில்லை என்பதும் ஆன்லைனில் மட்டுமே பாடங்கள் நடத்தப்பட்டு வருகின்றன என்பதும் தெரிந்ததே.

இந்த நிலையில் இதே ரீதியில் சென்றால் மாணவர்களின் படிப்பு மிகப்பெரிய அளவில் பாதிக்கப்படும் என்பதால் ஸ்பெயின் நாட்டில் ஒரு புதிய முயற்சி எடுக்கப்பட்டுள்ளது. அதாவது ஒரு அறைக்குள் முடங்கி கிடந்து பாடங்கள் நடத்தினால்தான் கொரோனா வைரஸ் ஒருவருக்கொருவர் பரவும் என்றும் இதே வெட்டவெளியில் தூய்மையான காற்று உள்ள இடத்தில் வகுப்பறையை மாற்றினால் கொரோனா வைரஸில் இருந்து தப்பித்துக் கொள்ளலாம் என்றும் முடிவு செய்யப்பட்டது.

இதனை அடுத்து ஸ்பெயின் நாட்டின் ஒரு சில பள்ளிகள் கடற்கரையில் மாற்றப்பட்டுள்ளது. தூய்மையான காற்றுடன் அலைகள் வீசும் பின்னணியில் தனிமனித இடைவெளியை கடைபிடித்து கடற்கரையை பள்ளி வகுப்புகளாக அந்நாட்டின் கல்வி அதிகாரிகள் மாற்றியுள்ளனர். இதே முறையை உலகின் பல நாடுகள் கடைபிடிக்கலாம் என்று கூறப்படுகிறது.

கொரோனா தொற்று ஒருவருக்கு பரவி இருக்கிறதா என்பதை கண்டுபிடிக்க தற்போது பல்வேறு முறைகளை பயன்படுத்தி வரும் நிலையில் கண்களை ஸ்கேன் செய்து செயலி ஒன்றின் மூலம் மூன்றே நிமிடத்தில் கொரோனா தொற்று பரவியுள்ளதா? என கண்டுபிடிக்கலாம் என ஜெர்மனி நிறுவனம் ஒன்று அறிவித்துள்ளது.

இந்த முறையின்படி கண்களை ஸ்கேன் செய்து அந்தப் புகைப்படத்தை தாங்கள் கண்டுபிடித்துள்ள Semic EyeScan என்ற செயலிக்கு அனுப்பினால் கண்ணில் உள்ள இளஞ்சிவப்பு அழற்சியின் அறிகுறி மூலம் கொரோனாவை உறுதி செய்யலாம் என்றும் அந்த நிறுவனம் தெரிவித்துள்ளது.

கண்விழி படலத்தில் ஏற்படும் லட்சக்கணக்கான இளஞ்சிவப்பு அழற்சியில் கொரோனா பாதிப்பினால் ஏற்பட்ட அழற்சியை எளிதாக கண்டறியலாம் என்றும் இந்த செயலி மூலம் 95 சதவீதம் சரியாக இருப்பதாக ஏற்கனவே நிரூபிக்கப்பட்டு உள்ளதாகவும் இந்த செயலியை பயன்படுத்தினால் மூன்று நிமிடத்தில் ஒருவருக்கு கொரோனா இருக்கிறதா இல்லையா என்பதை கண்டறிய முடியும் என்றும் அந்நிறுவனம் தெரிவித்துள்ளது.

இந்த செயலி விரைவில் பொதுமக்கள் பயன்பாட்டிற்கு வரும் என்று இந்த செயலியை கண்டுபிடித்த நிறுவனம் தெரிவித்துள்ளது.