இந்தியா சென்றால் கொரோனா வைரஸ் பரவும் என்றும் அதனால் இந்தியாவுக்கு யாரும் செல்ல வேண்டாம் என்றும் அமெரிக்கா தனது நாட்டு மக்களுக்கு அறிவுறுத்தி உள்ளது பெரும் பரபரப்பை ஏற்படுத்தி உள்ளது.

உலகில் கொரோனா வைரஸால் அதிகம் பாதிக்கப்பட்ட நாடு அமெரிக்கா என்பதும் இதனை அடுத்து இரண்டாவது இடத்தில் இந்தியா உள்ளது என்பதும் குறிப்பிடத்தக்கது. ஆனால் அமெரிக்கா இந்தியா செல்ல வேண்டாம் என தனது நாட்டு மக்களுக்கு எச்சரித்துள்ளது.

இந்தியாவில் தினமும் 2 லட்சத்திற்கும் அதிகமானோர் கொரோனா வைரசால் பாதிக்கப்பட்டு வருகின்றனர் என்றும் அதனால் இந்தியா செல்வதை தவிர்க்குமாறு அமெரிக்கா தனது நாட்டு மக்களுக்கு எச்சரிக்கை விடுத்துள்ளது. இது குறித்து அமெரிக்காவின் நோய் கட்டுப்பாட்டு அமைப்பு வெளியிட்டுள்ள அறிக்கை ஒன்றில் இந்தியாவில் கொரோனா வைரஸ் வேகமாக பரவி வருவதால் இந்தியா செல்வதை தவிர்க்க வேண்டும் என்றும் இந்தியா சென்றால் கொரோனாவால் பாதிக்கப்படும் அபாயம் இருப்பதாகவும் தெரிவித்துள்ளது.

இதனால் இந்தியா செல்ல திட்டமிட்டிருந்த பல அமெரிக்கர்கள் தங்களது பயணத்தை ரத்து செய்து விட்டதாக கூறப்படுகிறது. மேலும் இந்தியாவிலிருந்து அமெரிக்காவிற்கு வரும் பயணிகளுக்கு கடும் கட்டுப்பாடுகள் விதிக்கப்படலாம் என்று எதிர்பார்க்கப்படுவதால் பெரும் பரபரப்பு ஏற்பட்டுள்ளது.

ஆப்பிள் பழம் ஆர்டர் செய்த நபருக்கு ஆப்பிள் ஐபோன் டெலிவரி செய்யப்பட்டுள்ள ஆச்சர்யம் இங்கிலாந்தில் நடந்துள்ளது.

இங்கிலாந்தைச் சேர்ந்தவர் 50 வயதான நிக் ஜேம்ஸ். இவர் டெஸ்கோ என்னும் சந்தையின் கீழ் சாப்பிடுவதற்கான ஆப்பிள் பழங்களை ஆர்டர் செய்துள்ளார். ஆனால், ஆர்டர் டெலிவரி வாங்கிய போது நிக் ஜேம்ஸ்-க்கு ஆச்சர்யம் காத்திருந்தது. காரணம், ஆப்பிள் பழங்களுக்குப் பதிலாக அவருக்கு ஆப்பிள் ஐபோன் எஸ்இ கிடைத்திருந்தது.

டெஸ்கோ என்னும் நிறுவனம் விளம்பரத்துக்காக குறிப்பிட்ட நபர்களுக்குப் பரிசாக எதிர்பாராத சர்ப்ரைஸ் கொடுக்கப் போவதாக அறிவித்திருந்துள்ளது. இதன் காரணமாகவே நிக் ஜேம்ஸ்-க்கு அதிர்ஷ்டம் அடித்து அவருக்கு ஆப்பிள் ஐபோன் எஸ்இ கிடைத்துள்ளது. ஈஸ்டர் சமயத்தில் தனக்குக் கிடைத்த மிகப்பெரிய சர்ப்ரைஸ் இது என நிக் ஜேம்ஸ் ஐபோன் கிடைத்தது குறித்துக் குறிப்பிட்டுள்ளார்.

A big thanks this week to @Tesco & @tescomobile. On Wednesday evening we went to pick up our click and collect order and had a little surprise in there – an Apple iPhone SE. Apparently we ordered apples and randomly got an apple iphone! Made my sons week! 😁 #tesco #substitute pic.twitter.com/Mo8rZoAUwD

— Nick James (@TreedomTW1) April 10, 2021

சமீபத்தில் சூயஸ் கால்வாயில் எவர்கிரீன் என்ற கப்பல் சிக்கிய நிலையில் அந்த கப்பல் ஒரு வாரத்திற்குப் பின்னர் தொழில்நுட்ப வல்லுனர்களால் மீட்கப்பட்டது. இந்த ஒரு வாரத்தில் சூயஸ் கால்வாய் வழியாக செல்லும் கப்பல்கள் காத்திருந்ததால் எகிப்தின் சூயஸ் கால்வாய் நிர்வாகத்திற்கு மிகப்பெரிய இழப்பு ஏற்பட்டதாகவும் அந்த இழப்பை சரிகட்டும் வகையில் ஒரு பில்லியன் டாலர் நஷ்ட ஈடு தர வேண்டும் என்றும் சுயஸ் கால்வாய் நிர்வாகம் தெரிவித்தது.

ஆனால் எவர்க்ரீன் கப்பல் உரிமையாளர் இழப்பீடு தர முடியாது என்று கூறியதை அடுத்து சுயஸ் கால்வாய் நிர்வாகம் சார்பில் எகிப்து நீதிமன்றத்தில் வழக்கு தொடர்ந்தது. இந்த வழக்கு நேற்று நீதிமன்றத்தில் விசாரணைக்கு வந்தபோது இழப்பீடு வழங்கும் வரை எவர்கிரீன் கப்பலை பறிமுதல் செய்ய எகிப்து அரசுக்கு நீதிமன்றம் உத்தரவிட்டது.

இதனை அடுத்து எவர்கிரீன் கப்பல் சூயஸ் கால்வாய் நிர்வாகிகளால் பறிமுதல் செய்யப்பட்டுள்ளது என்பது குறிப்பிடத்தக்கது. மேலும் இழப்பீடு தொடர்பாக எகிப்து அரசும், எவர்க்ரீன் கப்பல் நிர்வாகமும் பேச்சுவார்த்தை நடத்தி வருவதாகவும் விரைவில் பேச்சுவார்த்தை சுமூகமாக முடியும் என்றும் எதிர்பார்க்கப்படுகிறது.