சக்தி வாய்ந்த புயல் ஒன்று ஆஸ்திரேலியாவைத் தாக்கியதில் ஆயிரக்கணக்கானோர் மின்சாரம், வீடுகள் என எந்தவொர் அடிப்படை வசதிகளும் இன்றி கடுமையாகப் பாதிக்கப்பட்டுள்ளனர்.

செரோஜா என்னும் புயல் ஆஸ்திரேலியாவை கடுமையாகத் தாக்கி உள்ளது. 170 கி.மீ வேகத்தில் இந்த செரோஜா புயல் ஆஸ்திரேலியாவைத் தாக்கியதில் கடுமையான மழைப்பொழிவு ஏற்பட்டது. இந்த மழைக்குத் தாக்குப் பிடிக்க முடியாமல் இடிந்துள்ளன. குறிப்பாக மேற்கு ஆஸ்திரேலியா மிகக் கடுமையான சேதாரங்களைச் சந்தித்து உள்ளதாக ஆஸ்ஹிரேலியா பிரதமர் ஸ்கார் மோரிசன் அறிவித்துள்ளார்.

புயல் தாக்குதலுக்கான முக்கியக் காரணமாகவே காலநிலை மாற்றம் தான் என சுற்றுச்சூழலியளார்கள் தெரிவிக்கின்றனர். இன்று தான் புயலின் வேகமும் மழையின் தாக்கமும் சற்று தணிந்திருப்பதால் பாதுகாப்புப் படையினர் முழு வீச்சில் மீட்புப் பணிகளில் ஈடுபட்டு வருகின்றனர். சேதரங்களின் முழு நிலை இதுவரையில் தெரியாததால் மீட்புப் படையினர் துரிதப் படுத்தப்பட்டுள்ளனர்.

இந்த நூற்றாண்டில் காண முடியாத பயங்கரமான புயல் ஆக சரோஜா புயல் கருதப்படுகிறது. காலநிலை மாற்றத்தால் தொடர்ந்து இதுபோன வலிமையான புயல்களின் தாக்கம் இருக்கும் என்றும் சர்வதேச அளவில் சூழலியலாளர்கள் கருத்து தெரிவித்து வருகின்றனர்.

சமீபத்தில் சூயஸ் கால்வாயில் எவர்கிரீன் என்ற கப்பல் சிக்கிக் கொண்டதை அடுத்து இரண்டு பக்கமும் கப்பல்கள் செல்ல முடியாமல் கிட்டத்தட்ட ஒரு வாரம் காத்து இருந்தன என்பது தெரிந்ததே. இதனால் உலக பொருளாதாரமே சிக்கல் ஏற்பட்டது என்பதும் இதனை அடுத்து நெதர்லாந்திலிருந்து தொழில்நுட்ப வல்லுநர்கள் வரவழைக்கப்பட்டு ஒரு வாரம் போராட்டத்திற்கு பின்னர் அந்த கப்பல் மீட்கப்பட்டது என்பது குறிப்பிடத்தக்கது.

இந்த நிலையில் எவர்கிரீன் கப்பல் சூயஸ் கால்வாயில் சிக்கியது காரணமாக சூயஸ் கால்வாய் நிர்வாகத்திற்கு பல மில்லியன் டாலர்கள் இழப்பு ஏற்பட்டுள்ளதாகவும். இதனை அடுத்து ஒரு பில்லியன் டாலர் நஷ்ட ஈடு கொடுக்க வேண்டும் என்றும் எகிப்து அதிகாரிகள் தெரிவித்தனர். ஆனால் நஷ்ட ஈடு கொடுக்க முடியாது என எவர்கிரீன் கப்பலின் நிர்வாகம் தெரிவித்ததை அடுத்து எவர்க்ரீன் கப்பலை எகிப்து அதிகாரிகள் பிடித்து வைத்துக் கொண்டதாக தெரிகிறது.

சூயஸ் கால்வாயில் எவர்கிரீன் கப்பல் சிக்கியதன் காரணமாக ஏற்பட்ட இழப்புக்கு நஷ்ட ஈடு தராமல் கப்பலை விடமாட்டோம் என எகிப்து அதிகாரிகள் கூறியதால் பெரும் பரபரப்பு ஏற்பட்டுள்ளது. ஆனாலும் இது குறித்து நீதிமன்றத்தில் எந்தவித வழக்கும் தொடரப்படவில்லை என்றும் இரு தரப்பினருக்கும் தற்போது சுமூக தீர்வு காண பேச்சுவார்த்தை நடத்தி வருவதாகவும் கூறப்படுகிறது.

இன்னும் ஓரிரு நாட்களில் இந்த பேச்சுவார்த்தையில் உடன்பாடு ஏற்பட்டு ஒரு குறிப்பிட்ட தொகையை எவர்கிரீன் கப்பல் நிர்வாகம் சூயஸ் கால்வாய் நிர்வாகத்திற்கு அளிக்கும் என்று எதிர்பார்க்கப்படுகிறது.

கூகுள் மேப் வழிகாட்டுதல் மூலம் திருமண மண்டபத்திற்கு சென்ற மணமகன் வேறொரு திருமண மண்டபத்திற்கு மாறிச் சென்ற சம்பவம் பெரும் பரபரப்பை ஏற்படுத்தியுள்ளது.

இந்தோனேஷியாவைச் சேர்ந்த வாலிபர் ஒருவருக்கு திருமணம் நடைபெற இருந்தது. அவர் திருமணம் நடைபெற இருக்கும் மண்டபத்திற்கு செல்வதற்காக கூகுள் மேப் மூலம் வழியை பார்த்து கொண்டு அதன் மூலம் அவர் காரில் சென்று கொண்டிருந்தார்., அப்போது ஒரு மண்டபத்தை கூகுள் மேப் காட்டியது. உடனடியாக அவர் இறங்கி மண்டபத்தின் உள்ளே சென்றபோது அங்கு வேறொரு மணமகள் மண மேடையில் உட்கார்ந்து இருந்ததை பார்த்து அதிர்ச்சி அடைந்தார்.

அதன்பின்னர்தான் கூகுள் மேப் வழிதவறி வேறொரு திருமண மண்டபத்திற்கு அவரை அழைத்துச் சென்றது தெரியவந்தது. இதனையடுத்து அவர் அங்கிருந்த மணமகன், மணமகள் உள்பட அனைவரிடமும் மன்னிப்பு கேட்டுவிட்டு பின்னர் சரியான பாதையை அவர்களிடமே கேட்டு தெரிந்து கொண்டு சரியான மண்டபத்திற்கு சென்றார். அங்கு அவருக்காக காத்திருந்த மணமகள் குடும்பத்தினர் மணமகன் வருகையை கண்டவுடன் மகிழ்ச்சி அடைந்தனர். அதன்பின் அவரது திருமணம் சிறப்பாக நடைபெற்றது.

கூகுள் மேப்பில் வழி தவறி சென்று வேறொரு திருமண மண்டபத்திற்கு சென்ற மணமகனால் சிறிது நேரம் பரபரப்பு ஏற்பட்டது. கூகுள் மேப் பெரும்பாலும் சரியான வழியை தேடி கொடுத்தாலும் ஒரு சில முறை இது போன்ற தவறான பாதையை காட்டுவதால் குழப்பம் ஏற்படுகிறது என்பது குறிப்பிடத்தக்கது.