கொள்ளையடித்தயவர்களை சிறையில் தள்ளுவது தான் நமது முதல் வேலை என திமுக இளைஞரணி செயலாளர் உதயநிதி ஸ்டாலின் ட்விட்டரில் பதிவு செய்து இருப்பது பெரும் பரபரப்பை ஏற்படுத்தி உள்ளது.

திமுக இளைஞரணி செயலாளர் உதயநிதி ஸ்டாலின் அவ்வப்போது ஆவேசமான சமூக கருத்துக்களையும் அரசியல் கருத்துகளையும் ட்விட்டரில் பதிவு செய்து வருகிறார் என்பது தெரிந்ததே.

குறிப்பாக அதிமுக மற்றும் பாஜக அரசுக்கு எதிராக அவர் பதிவு செய்யும் ஒவ்வொரு கருத்தும் பெரும் பரபரப்பை ஏற்படுத்தி வரும் என்பது குறிப்பிடத்தக்கது. இந்த நிலையில் அதிமுக அரசின் ஊழல் குறித்து அவர் சற்று முன் தனது டுவிட்டரில் ஒரு பதிவு செய்துள்ளார். அந்த டுவிட்டில் அவர் கூறியிருப்பதாவது:

மதுரைக்கு ஸ்மார்ட் சிட்டி திட்டத்தின் கீழ் ஒரு LED பல்ப் வாங்க ரூ.21,666 செலவு என்பது முதல் ஊரக வளர்ச்சி துணை இயக்குநர் பணியிட மாற்றத்துக்கு பல கோடி லஞ்சம் என்பது வரை உள்ளாட்சித்துறையில் ஊழல் தலைவிரித்தாடுகிறது. தேர்தல் நேரம், கடைசி கால கொள்ளையில் அடிமைகள் வேகம் காட்டுகின்றனர்.

மக்கள் பணத்தை சுருட்டி தம் முதலாளிகளுக்கு பங்கு வைப்பதில் எடுபுடிகள் மும்முரமாக உள்ளனர். கழக ஆட்சி அமைந்ததும் அடிமைகள் கொள்ளையடித்த மக்கள் பணத்தை மீட்டு அரசு கஜானாவில் சேர்ப்பதும் – கொள்ளையடித்தவர்களை சிறையில் தள்ளுவதுமே நம் முதல் வேலை.

மக்கள் பணத்தை சுருட்டி தம் முதலாளிகளுக்கு பங்கு வைப்பதில் எடுபுடிகள் மும்முரமாக உள்ளனர். கழக ஆட்சி அமைந்ததும் அடிமைகள் கொள்ளையடித்த மக்கள் பணத்தை மீட்டு அரசு கஜானாவில் சேர்ப்பதும் – கொள்ளையடித்தவர்களை சிறையில் தள்ளுவதுமே நம் முதல் வேலை. 2/2

— Udhay (@Udhaystalin) March 5, 2021

தமிழகத்தில் ஏப்ரல் 6-ஆம் தேதி சட்டமன்ற பொதுத்தேர்தல் நடைபெற இருக்கும் நிலையில் அதிமுக மற்றும் திமுக ஆகிய இரு கூட்டணிகளும் தேர்தலை சந்திக்க தயாராகி வருகின்றன,

கூட்டணி கட்சிகளுடன் தொகுதி பங்கீடு குறித்து பேச்சுவார்த்தை ஒருபக்கம் நடந்து கொண்டிருக்கும் நிலையில் இன்னொரு பக்கம் வேட்பாளர் பட்டியலும் தயாரிக்கப்பட்டு வருகின்றன. ஏற்கனவே விருப்பமனு கொடுத்தவர்களிடம் இரு கட்சிகளும் நேர்காணலை நடத்தி உள்ள நிலையில் வேட்பாளர் பட்டியல் தயாராகி வருவதாகவும் விரைவில் அறிவிக்கப்படும் என்றும் செய்திகள் வெளியானது.

இந்த நிலையில் சற்று முன் வெளியான தகவலின்படி அதிமுகவின் முதல்கட்ட வேட்பாளர் பட்டியல் இன்று வெளியாக உள்ளது. இதில் முதல்வர், துணை முதல்வர் மற்றும் அமைச்சர்களின் தொகுதிகள் குறித்த விவரங்கள் இருக்கும் என்று எதிர்பார்க்கப்படுகிறது. அதேபோல் திமுகவின் முதல்கட்ட வேட்பாளர் பட்டியல் மார்ச் 10ஆம் தேதி வெளியாக உள்ளது. இன்று நடைபெற்ற திமுக மாவட்ட செயலாளர் கூட்டத்தில் அதன் தலைவர் ஸ்டாலின் இது குறித்த தகவலை அறிவித்துள்ளார்

அதிமுக, திமுக ஆகிய இரு கட்சிகளுமே வேட்பாளர் பட்டியலை வெளியிட தொடங்கிவிட்ட நிலையில் தமிழ்கத்தில் தேர்தல் களைகட்டி விட்டது என்று கூறலாம்.

தமிழகத்தைப் போலவே புதுவையிலும் ஏப்ரல் 6ஆம் தேதி தேர்தல் நடைபெற இருக்கும் நிலையில் அம்மாநிலத்தில் காங்கிரஸ் மற்றும் பாஜக கூட்டணி கட்சிகள் தேர்தலை சந்திக்க தயாராகி வருகின்றன.

இந்த நிலையில் புதுச்சேரியில் மதச்சார்பற்ற கூட்டணி கட்சிக்கு என்ஆர் காங்கிரஸ் தலைவர் ரங்கசாமி அவர்களை திமுக தரப்பு அழைப்பு விடுப்பதாக செய்திகள் வெளிவந்துள்ளது. பாஜக மற்றும் என்ஆர் காங்கிரஸ் கூட்டணியில் இருந்து வரும் நிலையில் இந்த கூட்டணியில் தற்போது முறிவு ஏற்பட்டுள்ளது.

இந்த நிலையில் திமுக தரப்பு என்ஆர் காங்கிரஸ் தலைவரை கூட்டணிக்கு அழைத்து உள்ளதாகவும் விரைவில் இந்த கூட்டணி தொடர்பாக அறிக்கை வெளியாகும் என்றும் கூறப்படுகிறது. புதுச்சேரி நலன் கருதி காங்கிரஸ் திமுக உள்ளிட்ட கட்சிகளின் மதச்சார்பற்ற கூட்டணிக்கு என்ஆர் காங்கிரஸ் தலைவர் ரங்கசாமி வரவேண்டும் என வலியுறுத்த்தப்படுகிறது.

இதற்கு திமுக தலைவர் ஸ்டாலின் ஒப்புதல் கொடுத்துவிட்டதாகவும் காரைக்கால் மாவட்ட திமுக வேட்பாளர் தெரிவித்துள்ளார். புதுச்சேரியில் பாஜகவை உள்ளே நுழைய விடக்கூடாது என்பதை கருத்தில் கொண்டு என்ஆர் காங்கிரஸ் திமுகவுடன் கூட்டணி அமைக்க வேண்டும் என்று கூறப்பட்டு வருவதால் பெரும் பரபரப்பு ஏற்பட்டுள்ளது.