ஜூன் 23 முதல் சென்னை காவல் எல்லை தவிர, பிற தமிழகப் பகுதிகளில் ஆட்டோக்கள் இயங்க அரசு அனுமதி வழங்கியுள்ளது.

மே 25 முதல் விமான போக்குவரத்துக்கு அனுமதி அளிக்கப்பட்டது. ஊரடங்கு காலத்திலிருந்து தமிழகத்தில் ஆட்டோ போக்குவரத்துக்கும் தடை விதிக்கப்பட்டு இருந்தது. விமான சேவைக்கு அனுமதி அளிக்கும் போது ஆட்டோ போக்குவரத்துக்கு அனுமதி வேண்டும்.

இல்லை என்றால், ஊரடங்கால் வாழ்வாதாரத்தை இழந்த அட்டோ ஓட்டுநர்களுக்கு மாதம் 15 ஆயிரம் ரூபாய் வழங்க வேண்டும் என்று வியாழக்கிழமை ஆட்டோ ஓட்டுநர் சங்கங்கள் போராட்டம் நடத்தினர்.

அதை அடுத்து வெள்ளிக்கிழமை முக்கிய அறிவிப்பை வெளியிட்டுள்ள தமிழக அரசு, காலை 7 மணி முதல் மாலை 7 மணி வரை ஆட்டோ சேவை வழங்கலாம். ஆனால் ஆட்டோவில் ஒரு பயணியை மட்டுமே அழைத்துச் செல்ல அனுமதி வழங்கப்படுகிறது.

ஓட்டுநர்கள் மாஸ்க் அணிந்து மட்டுமே ஆட்டோ ஓட்ட அனுமதிக்கப்படுவார்கள். மேலும் சானடைசர் போன்றவற்றை ஓட்டுநர்கள் ஆட்டோவில் வைத்து இருக்க வேண்டும் என்றும் தமிழக அரசு வெளியிட்டுள்ள அரசாணையில் குறிப்பிட்டுள்ளது.

தமிழகத்தில் கொரோனா ஊரடங்கு காரணமாக மார்ச் மாதம் முதல் ஏப்ரல் மாதம் வரை நடைபெற இருந்த 10-ம் வகுப்புத் தேர்வு தேதி காலவரையின்றி ஒத்திவைக்கப்பட்டது.

இந்நிலையில் இன்று முக்கிய அறிவிப்பை வெளியிட்ட பள்ளிக் கல்வித் துறை அமைச்சர் செங்கோட்டையன், ஜூன் 1-ம் தேதி முதல் 10-ம் வகுப்பு பொதுத் தேர்வுகள் நடைபெறும் என்றும் என்று அறிவித்தார். மேலும் 10-ம் வகுப்புத் தேர்வு அட்டவணையையும் அவர் வெளியிட்டார்.

10-ம் வகுப்பு பொதுத் தேர்வு அட்டவணை

2020 ஜூன் 1 – மொழிப் பாடம்
2020 ஜூன் 3 – ஆங்கிலத் தேர்வு
2020 ஜூன் 5 – கணிதத் தேர்வு
2020 ஜூன் 8 – அறிவியல் தேர்வு
2020 ஜூன் 10 – சமூக அறிவியல் தேர்வு
2020 ஜூன் 12- தொழிற்பிரிவு தேர்வு

கொரோனா ஊரடங்கால் தமிழகத்தில் 10-ம் வகுப்புத் தேர்வு ரத்து செய்ய வாய்ப்புள்ளதாகக் கூறப்பட்டது. ஆனால் 10-ம் வகுப்புத் தேர்வுகள் ரத்து செய்யப்படவில்லை என்று அமைச்சர் செங்கோட்டையன் தொடர்ந்து கூறிவந்தார்.

இந்நிலையில் இன்று அறிவித்துள்ள தேதிகளில் 10-ம் வகுப்புத் தேர்வுகள் நடைபெற உள்ளது. தேர்வுக்கு வரும் மாணவர்கள் மாஸ்க் அணிந்தே வர வேண்டும். அனைத்து தேர்வுகளுக்கு இடையிலும் குறைந்தது 1 முதல் 2 நாட்கள் வரை விடுமுறை அளிக்கப்பட்டுள்ளது.

ரேஷன் கார்டு உடன் ஆதார் எண்ணை இணைக்க செப்டம்பர் 30 வரை காலக்கெடு நீட்டிக்கப்படுவதாக அறிவிப்பு வெளியாகியுள்ளது.

மேலும் ரேஷன் கார்டு உடன் ஆதார் எண்ணை இணைக்கவில்லை என்றாலும் பயனாளிகளுக்கு ரேஷன் பொருட்களைத் தங்கு தடையின்றி வழங்கவும் உத்தரவிடப்பட்டுள்ளது.

பொலி ரேஷன் இருப்பதை தடுக்க அதை ஆதார் எண்ணுடன் இணைக்க மத்திய அரசு உத்தரவிட்டு இருந்தது. அதனை தொடர்ந்து 2017-ம் ஆண்டு ஏப்ரல் மாதம் முதல் ரேஷன் கார்டு உடன் ஆதார் எண்ணை இணைப்பதற்கான பணிகள் நடைபெற்று வருகின்றன.

ஆதார் எண்ணுடன் ரேஷன் கார்டு இணைக்கப்பட்டால், ஒருவர் பெயரில் ஒன்றுக்கு மேற்பட்ட கார்டுகளை பயன்படுத்த முடியாது. போலி கார்டுகள் குறைக்கப்படும். எனவே ரேஷன் கார்டுடன் ஆதார் எண் இணைப்பது கட்டாயம் ஆக்கப்பட்டது.