தேமுதிக பொருளாளர் பிரேமலதா விஜயகாந்த்துக்கு கொரோனா தொற்று உறுதியாகியுள்ளது.

செப்டம்பர் 24-ம் தேதி தேமுதிக தலைவர் விஜயகாந்த், கொரோனா தொற்று அறிகுறி காரணமாக, சென்னை நந்தம்பாக்கத்தில் உள்ள மியாட் மருத்துவமனையில் அனுமதிக்கப்பட்டார்.

இந்நிலையில் விஜயகாந்த் அவர்களின் மனைவி பிரேமலதாவுக்கு கொரோனா தொற்று உறுதியாகியுள்ளது. எனவே பிரேமலதாவும் மியாட் மருத்துவமனையில் சிகிச்சைக்காக அனுமதிக்கப்பட்டுள்ளார்.

கட்சித் தலைவரைத் தொடர்ந்து, கட்சி பொருளாளரும் கொரோனா தொற்று காரணமாக மருத்துவமனையில் அனுமதிக்கப்பட்டுள்ளது, தேமுதிக கட்சி தொண்டர்கள் மத்தியில் அதிர்ச்சியை ஏற்படுத்தியுள்ளது.

மதுரையில், காதலித்து திருமணம் செய்துகொண்ட கணவனை விட்டுப் பிரிந்து, ஜிம் மாஸ்டருடன் மனைவி சென்ற சம்பவம் அந்த குடும்பத்தை நிலைகுலைய வைத்துள்ளது.

மதுரை மாவட்டம் பெருங்குடியைச் சேர்ந்தவர் ராஜேஷ். மதுரை விமான நிலையத்தில் செக்யூரிட்டியாக வேலை பார்த்து வருகிறார். இவர் கனிமொழி என்ற பெண்ணை காதலித்து வந்த நிலையில், குடும்பத்தார் சம்மதத்துடன் மூன்று ஆண்டுக்கு முன்பு திருமணம் செய்துகொண்டார்.

இத்தனை நாட்கள் ஆகியும் குழந்தை பிறக்கவில்லை. மருத்துவர்களிடம் ஆலோசனை செய்த போது கனிமொழியின் கர்பப்பையில் நீர் கட்டிகள் உள்ளன. எனவே சில உடற்பயிற்சிகளைச் செய்ய வேண்டும் என்று பரிந்துரைத்துள்ளனர்.

எனவே தனது வீட்டில் அருகில் உள்ள ஜிம்மில் உடற்பயிற்சி செய்யத் தொடங்கியுள்ளார். ஜிம்மில் உடற்பயிற்சி செய்யும் போது யோகேஷ் கண்ணா என்ற ஜிம் பயிற்சியாளருடன் ஏற்பட்ட நெருக்கத்தில் காதல் வயப்பட்டுள்ளார்.

இவர்களது காதல் செல்போனிலும் தொடர, கணவர் ராஜேஷ் எச்சரித்துள்ளார். ஆனாலும் கணவனை மறந்து காதலன் பக்கமே இருந்துள்ளார் கனிமொழி. ரஜேஷ் மற்றும் யோகேஷ் கண்ணா இருவர் இடையிலும் இதன் காரணமாக அவ்வப்போது சண்டையும் ஏற்பட்டுள்ளது.

பிரிச்னை பெரியதாகக் கனிமொழி வீட்டை விட்டு வெளியேறி காதலனுடன் செல்ல முடிவெடுத்துள்ளார். இதை அறிந்த ராஜேஷ் மனைவிக்கு எதிர்ப்பு தெரிவித்துள்ளார். கனிமொழி நடந்த சம்பவத்தை யோகேஷிடம் தெரிவித்துள்ளார்.

உடனே ஜிம் மாஸ்டர் யோகேஷ், கனிமொழி வீட்டுக்கு 4 பேருடன் வந்து கணவன் முன்பே, காதலியை அழைத்துச் சென்றுள்ளார். தடுக்க சென்ற ராஜேஷை கொலை செய்துவிடுவேன் என்று மிரட்டியதாகவும் கூறப்படுகிறது.

மனைவியை அழைத்துச் சென்ற சில நாட்களுக்குப் பிறகு, மனைவியைத் திருப்பி அனுப்ப வேண்டுமென்றால், பணம் அளிக்க வேண்டும் என்று ராஜேஷூக்கு போன் செய்துள்ளார் யோகேஷ். அதிர்ச்சியடைந்த ராஜேஷ், பெருங்குடி காவல் நிலையத்தில் புகார் அளித்துள்ளார்.

குழந்தை வேண்டும் என்ற நல்ல எண்ணத்தில், மனைவியை ஜிம்முக்கு அனுப்பியது ராஜேஷூக்கு இப்போது பிரச்னையை ஏற்படுத்தியுள்ளது.

இன்று காலை நடைபெற்ற அதிமுக செயற்குழு கூட்டத்தில் 25 தீர்மானங்கள் நிறைவேற்றப்பட்டுள்ளன.

ஈபிஎஸ், ஓபிஎஸ் இடையில் உள்ள கருத்து முரன் போன்றவற்றுக்கு இடையில் இன்று அதிமுக கட்சியின் செயற்குழு கூட்டம் நடைபெற்றது. அடுத்த முதல்வர் வேட்பாளர் குறித்து தற்போதைக்கு விவாதிக்க வேண்டாம் என்று முடிவு செய்யப்பட்டுள்ளது. எனவே இன்று நடைபெற்ற செயற்குழு கூட்டத்தில் 15 தீர்மானங்கள் மட்டும் நிறைவேற்றப்பட்டன. அதுகுறித்து இங்கு விளக்கமாகப் பார்க்கலாம்.

1) கொரோனா காலத்தில் அயராது உழைத்த முதல்வர் மற்றும், துணை முதல்வரைப் பாராட்டி தீர்மானம்.

2) கொரோனா தடுப்பு பணிகளுக்கு அரசு கூடுதல் நிதி உதவி வழங்க வலியுறுத்த வேண்டும்.

3) மேகதாதுவில் அணை கட்ட முயற்ச்சித்து வரும் கர்நாடக அரசு தடுத்து நிறுத்தியதாக, தமிழக அரசுக்கு பாராட்டு.

4) நீட் தேர்வை ரத்து செய்ய வேண்டும்.

5) காவேரி டெல்டா மாவட்டத்தைப் பாதுகாக்கப்பட்ட வேளான் மண்டலமாக அறிவித்த தமிழக அரசுக்கு பாராட்டு.

6) 2021 தேர்தலில் அதிமுக அரசு தொடர, தொண்டர்கள் ஒன்றுபட்டு உழைக்க வேண்டும்.

7) ரூ.14 ஆயிரம் கோடி செலவில் காவிரி – தெற்கு வெள்ளாறு – வைகை -குண்டாறு இணைப்பைச் செயல்படுத்தும் தமிழக அரசுக்கு நன்றி.

8) ஜெயலலிதா, எம்ஜிஆர் நினைவிடங்களை அழகுற அமைக்கும் தமிழக அரசுக்கு நன்றி.

9) மருத்துவ படிப்பில் அரசு பள்ளி மாணவர்களுக்கு 7.5 சதவீதம் உள் ஒதுக்கீடு வழங்கிய தமிழக அரசுக்கு நன்றி.

10) 11 மாவட்டங்களில் புதிதாக மருத்துவக் கல்லூரி அமைக்க அனுமதி பெற்ற தமிழக அரசுக்கு நன்றி.

11) ஜிஎஸ்டி நிலுவைத் தொகை மற்றும் இதர திட்டங்களுக்கு மானியத் தொகையை மத்திய அரசு உடனடியாக விடுவிக்க வேண்டும்.

12) தமிழ்நாட்டில் இருமொழிக் கொள்கை என்ற நிலைப்பாட்டில் அதிமுக உறுதியாக இருக்க வேண்டும்.

13) கொரோனா காலத்தில் சிறப்பாக பொதுப்பணி செய்து வந்த அரசு ஊழியர்கள் மற்றும் தன்னார்வத் தொண்டு நிறுவனங்களுக்கு நன்றி.