Connect with us

தமிழ்நாடு

சட்டமன்றத் தேர்தலில் சசிகலா போட்டியிடுவார் – டிடிவி தினகரன் அதிரடி

Published

on

அதிமுகவின் முன்னாள் பொதுச் செயலாளரும், முன்னாள் முதல்வர் ஜெயலலிதாவின் நெருங்கிய தோழியுமான சசிகலா, நேற்று தமிழகம் திரும்பியுள்ளார். அவருக்கு பெங்களூருவில் இருந்து தமிழகம் வரை வழி நெடுகிலும் உற்சாக வரவேற்பு கொடுக்கப்பட்டது. இந்நிலையில் இன்று செய்தியாளர்களை சந்தித்த அமமுக பொதுச் செயலாளர், ‘வரும் சட்டமன்றத் தேர்தலில் 2 தொகுதியில் போட்டியிடுவேன். சசிகலா தேர்தலில் களம் காணுவார்’ என்று கூறியுள்ளார்.

அவர் மேலும் கூறுகையில், ‘அதிமுகவில் பொதுச் செயலாளருக்குத் தான் மொத்த அதிகாரமும் உள்ளது. எனவே பொதுச் செயலாளரான சசிகலாவை அதிமுகவிலிருந்து நீக்குவதற்கு யாருக்கும் உரிமை கிடையாது. அப்படி போட்ட உத்தரவு எதுவும் செல்லாது. அதை மீட்பதற்கான சட்டப் போராட்டம் தொடரும்.

நாங்கள் தேர்தலில் கண்டிப்பாக போட்டியிடுவோம். திமுக தான் எங்கள் பொது எதிரி. அவர்களை வீழ்த்தி ஜெயலலிதாவின் ஆட்சியை மீண்டும் தமிழகத்தில் அமைப்பது தான் எங்கள் நோக்கம்.

சசிகலா மீண்டும் தமிழகத்துக்கு வந்த போது, கிட்டத்தட்ட 24 மணி நேரம் வரவேற்பு கொடுக்கப்பட்டது. தமிழக வரலாற்றிலேயே யாருக்கும் இப்படி ஒரு வரவேற்பு கொடுக்கப்பட்டதில்லை. இதன் மூலம் மக்களின் ஆதரவு சசிகலாவுக்கு இருக்கிறது என்பதைத் தான் புரிந்து கொள்ள முடியும்.

அமமுக ஆரம்பிக்கப்பட்டது அதிமுகவை மீட்ப்பதற்குத் தான். அது கண்டிப்பாக நடக்கும். அம்மாவின் தொண்டர்கள் அனைவரும் ஒன்றாக இணைந்து செயல்பட வேண்டும் என்பது தான் எங்களின் நோக்கம். பலர் சசிகலாவின் உடல்நிலை குறித்து என்னிடம் போன் மூலம் அழைப்பு விடுத்து கேட்டறிந்தனர். நண்பர் ரஜினிகாந்த், என்னிடம் அது குறித்து கேட்டு நலம் விசாரித்தார். சட்டமன்ற உறுப்பினர்களும், அமைச்சர்களும் என்னிடம் பேசியிருக்கலாம். அது குறித்துப் பொதுவெளியில் சொல்லத் தேவையில்லை.

அதிமுக – அமமுக இணைப்பு சாத்தியமே இல்லை என்று சொல்வதை நான் 100 சதவீதம் பெரிதாக எடுத்துக் கொள்வதில்லை. ஜெயலலிதாவின் நினைவிடம் திறக்கப்படும் போது, அங்கு சசிகலா செல்வார். அதே போல அதிமுக தலைமை அலுவலகத்துக்கும் செல்வோம்.

வரும் சட்டமன்றத் தேர்தலில் நான் 2 தொகுதிகளில் போட்டியிடுவேன். ஒரு தொகுதி ஆர்.கே.நகராக இருக்கும். நான் எம்.பி-யாக இருந்த தொகுதியிலும் இந்த முறை போட்டியிடுவேன். சசிகலாவும் சட்டமன்றத் தேர்தலில் போட்டியிடுவார். அதற்கான சட்ட வாய்ப்புகள் இருக்கின்றன.

அதிமுகவில் யாருக்கும் ஆளுமை இல்லை. ஆளுமை என்றால் கிலோ எவ்வளவு என்று கேட்கக் கூடியவர்கள் அவர்கள். ஒரு குறுட்டு அதிர்ஷ்டத்தில் அவர்களின் ஆட்சி நடந்து கொண்டிருக்கிறது. மேலே இருப்பவனின் ஆதரவு இருந்தது. அவ்வளவுதான். சீக்கிரம் அனைத்தும் முடிவுக்கு வரும்’ என்று கூறினார்.

 

 

 

 

Advertisement

தமிழ்நாடு

ரூ.3408 கோடி மதிப்பில் இப்போது கட்டிடங்கள் கட்டும் பணி தேவையா? ராகுல்காந்தி சாட்டையடி கேள்வி

Published

on

By

கொரோனா வைரஸால் இந்தியாவே தத்தளித்துக் கொண்டிருக்கும் நிலையில் தற்போது 3408 கோடி ரூபாய் மதிப்பில் 3 செயலகங்கள் கட்டும் பணி தேவையா? என காங்கிரஸ் எம்பி ராகுல் காந்தி கேள்வி கேட்டுள்ளது பெரும் பரபரப்பை ஏற்படுத்தி உள்ளது.

இந்தியா முழுவதும் தினமும் மூன்று லட்சத்துக்கும் மேற்பட்டோர் கொரோனா வைரஸால் பாதிக்கப்பட்டு வருகின்றனர். கொரோனா வைரஸ் நோயாளிகளுக்கான சிறப்பு மருத்துவமனை ஏற்பாடு செய்தால், ஆக்சிஜன் பற்றாக்குறையை நீக்குதல், கொரோனா வைரஸ் தடுப்பூசி தட்டுப்பாட்டை சரிசெய்தல் உள்பட பல்வேறு மக்கள் உயிரை காக்கும் பணிகள் இருக்கும் நிலையில் ரூபாய் 3408 கோடி மதிப்பில் மத்திய அரசு மூன்று தலைமை செயலகங்களை கட்டும் பணியில் தீவிரமாக உள்ளன.

இது குறித்து ராகுல் காந்தி தனது டுவிட்டர் பக்கத்தில் ’கொரோனா பரிசோதனைக்கான ஏற்பாடுகள் இல்லை, தடுப்பூசி இல்லை, ஆக்சிஜன் பற்றாக்குறை காரணமாக ஆக்சிஜனும் இல்லை, ஐசியூவில் இடமில்லை, மக்களின் தேவைக்காக எந்தவித முன்னேற்பாடும் செய்யாத மத்திய அரசு மூன்று தலைமை செயலகங்களைகட்டும் பணியில் முக்கியத்துவம் செலுத்துவது எதற்கு? என்று கேள்வி எழுப்பியுள்ளார். ராகுல் காந்தியின் இந்த கேள்விக்கு மத்திய அரசின் தரப்பில் என்ன பதில் கூறப்போகிறது என்பதை பொறுத்திருந்து பார்ப்போம்.

Continue Reading

தமிழ்நாடு

பெரியாரை பின்பற்றும் ஸ்டாலின், கமல் முட்டாள்கள் தான்: எச்.ராஜா விமர்சனம்

Published

on

By

பெரியாரைப் பின்பற்றும் ஸ்டாலின், முட்டாள் தான் என அனைவருக்கும் தெரியும் அதேபோல் பெரியாரைப் பின்பற்றும் கமல்ஹாசனும் முட்டாள் தான் என செய்தியாளர் சந்திப்பின் போது பாஜக பிரமுகர் ஹெச் ராஜா கூறியிருப்பது பெரும் சர்ச்சையை ஏற்படுத்தி உள்ளது.

சமீபத்தில் வாக்கு எண்ணும் மையம் அருகே மர்மமான சில விஷயங்கள் நடப்பது குறித்து தமிழக தேர்தல் ஆணையத்தில் கமலஹாசன் புகார் அளித்தார். இந்த புகார் குறித்து செய்தியாளர்களிடம் கூறிய எச் ராஜா அவர்கள் ’கமல்ஹாசன் நடிப்பில் மட்டுமே பெரிய ஆள், வாக்கு எண்ணும் மையம் அருகே கண்டெய்னர், மொபைல் டாய்லெட் என எது இருந்தாலும் அவர் பயப்படுகிறார். இவரெல்லாம் ஒரு உலக நாயகனா?.

ஸ்டாலின் முட்டாள் என்பது தெரியும், அதுபோல பெரியாரை பின்பற்றுவதாகக் கூறும் கமல்ஹாசனும் முட்டாள் தான், தமிழ்நாடு இன்று முட்டாள் நாடாக மாறி வருகிறது என்றும் எச்.ராஜா கூறினார்.

மேலும் ஸ்டெர்லைட் ஆலையில் ஆக்சிஜன் தயாரிக்கலாம் என நீதிமன்றம் கூறியிருக்கும் நிலையில் அத்தியாவசிய தேவையான ஆக்சிஜன் தயாரிப்பதற்காக ஸ்டெர்லைட் ஆலையை திறக்கவேண்டும் இதற்கு எந்தவித ஆட்சேபனையும் செய்யக்கூடாது என்று அவர் கேட்டுக்கொண்டார்.

Continue Reading

தமிழ்நாடு

மே 2க்குப் பிறகு முழு ஊரடங்குக்கு வாய்ப்பிருக்காது: முக ஸ்டாலின்

Published

on

By

மே 2ஆம் தேதிக்கு பிறகு முழு ஊரடங்கிற்கு வாய்ப்பு இருக்காது என திமுக தலைவர் முக ஸ்டாலின் தனது தொண்டர்களுக்கு கடிதம் எழுதியுள்ளார்

ஏப்ரல் 6-ஆம் தேதி தமிழகத்தில் சட்டமன்ற தேர்தல் நடைபெற்ற நிலையில் இந்த தேர்தலில் பதிவான வாக்குகள் மே 2ஆம் தேதி எண்ணப்படுகின்றன. அன்று மாலையே தமிழகத்தில் புதிய ஆட்சி அமைக்கப்போவது யார் என்பது தெரிந்துவிடும்

இந்த நிலையில் திமுக தலைவர் முக ஸ்டாலின் தனது தொண்டர்களுக்கு எழுதிய கடிதத்தில் மே 2ஆம் தேதிக்கு பிறகு ஊரடங்கிற்கு வாய்ப்பு இருக்காது என்று கூறியுள்ளார். அவர் தனது கடிதத்தில் மேலும் கூறியிருப்பதாவது:

முதல் அலை தாக்கத்தின்போது, நாடு முழுவதும் முழுமையான ஊரடங்கு கடைப்பிடிக்கப்பட்டது, எனினும், அதனால் ஏற்பட்ட பொருளாதார நெருக்கடிகள், உளவியல் சிக்கல்கள், தனிநபர் பாதிப்புகள் இவற்றிலிருந்து இன்றுவரை முழுமையாக மீள முடியவில்லை

தொழில் வாய்ப்புகளை இழந்தோர், வேலையினைப் பறிகொடுத்தோர் இப்போதும் மன உளைச்சலில் தவிக்கின்றனர். அதனால், இந்த இரண்டாவது அலைத் தாக்கத்தின்போது குறிப்பிட்ட அளவிலான கட்டுப்பாடுகள் மட்டுமே விதிக்கப்பட்டுள்ளன என்று சுட்டிக்காட்டியுள்ள ஸ்டாலின், பொதுமக்களும் திமுகவினரும் அவற்றுக்குக் கட்டுப்பட்டுச் செயல்பட வேண்டும்

மேலும், “மே 2க்குப் பிறகும் முழு ஊரடங்குக்கு வாய்ப்பிருக்காது என்ற நம்பிக்கையுடன் செயல்படுவோம். அதுவரை, கொரோனா பரவல் குறையும் வகையில் உரிய பாதுகாப்பு முறைகளைக் கையாள்வோம். நமக்கு நாமே பாதுகாப்பாக இருப்போம். நம்மைப் போன்றவர்களுக்கு பக்க பலமாக நிற்போம்”

இவ்வாறு முக ஸ்டாலின் தொண்டர்களுக்கு கடிதம் மூலம் வலியுறுத்தியுள்ளார்.

Continue Reading
சினிமா செய்திகள்2 mins ago

விறுவிறுப்பாக நடக்கும் படப்பிடிப்பு – #VIJAY65 கலக்கல் அப்டேட்!

கிரிக்கெட்15 mins ago

IPL- கொரோனாவிலிருந்து மீண்ட அக்சர் படேல் மீண்டும் டெல்லி அணியுடன் இணைந்தார்

சினிமா செய்திகள்35 mins ago

கொரோனாவில் இருந்து குணமடைந்தார் பிரபல நடிகர்: திரையுலகினர் ரசிகர்கள் வாழ்த்து!

வேலைவாய்ப்பு35 mins ago

வருவாய்த்துறையில் வேலைவாய்ப்பு!

வேலைவாய்ப்பு43 mins ago

இந்திய விளையாட்டு மேம்பாட்டு ஆணையத்தில் வேலைவாய்ப்பு!

வேலைவாய்ப்பு53 mins ago

வடகிழக்கு எல்லை ரயில்வேயில் வேலைவாய்ப்பு!

வேலைவாய்ப்பு1 hour ago

தேசிய நெடுஞ்சாலைகள் உள்கட்டமைப்பு கழகத்தில் வேலைவாய்ப்பு!

தமிழ்நாடு2 hours ago

ரூ.3408 கோடி மதிப்பில் இப்போது கட்டிடங்கள் கட்டும் பணி தேவையா? ராகுல்காந்தி சாட்டையடி கேள்வி

இந்தியா2 hours ago

கொரோனா தடுப்பூசி விலையைக் கட்டுக்குள் வைப்பது எப்படி..?- ப.சிதம்பரம் சொல்லும் யோசனை

வேலைவாய்ப்பு2 hours ago

தேசிய விண்வெளி ஆய்வகங்களின் வேலைவாய்ப்பு!

வேலைவாய்ப்பு1 year ago

தமிழ்நாடு ஊரக வளர்ச்சி மற்றும் ஊராட்சித் துறை வளர்ச்சித் துறையில் வேலை!

சினிமா2 years ago

பிக்பாஸ் வீட்டில் லைட் ஆஃப் செய்த பின்னர் இரவில் நடப்பது என்ன தெரியுமா? வெளியான ரகசியம்!

இந்தியா2 years ago

6 பேரால் இரண்டு நாள் வைத்து சீரழிக்கப்பட்ட சிறுமிக்கு மொட்டை அடித்த பஞ்சாயத்து!

தமிழ்நாடு2 years ago

தமிழகத்தின் 22 மாவட்டங்களில் மழைக்கு வாய்ப்பு: பள்ளி, கல்லூரிகளுக்கு விடுமுறை!

இந்தியா2 years ago

ரோஜாவை ஸ்பெஷலாக கவனித்த ஜெகன் மோகன் ரெட்டி: புதிய பதவியை ஏற்றுக்கொண்டார்!

சினிமா3 years ago

பேரனுக்காக ஆட்டோவில் பயணித்த ரஜினி!

வேலைவாய்ப்பு2 years ago

தமிழக அரசின் ஆரம்ப சுகாதார நிலையங்களில் வேலை!

சினிமா செய்திகள்3 years ago

விஜய் டிவி சீரியலில் நடிக்க ஆசையா? இதோ ஓர் அரிய வாய்ப்பு!

வேலைவாய்ப்பு2 years ago

தமிழக அரசின் சமூக நலத்துறை மற்றும் சத்துணவுத் திட்டத் துறையில் வேலை!

சினிமா3 years ago

நடிகை அமலா பால் முதல் முறையாகப் பிகினி உடையில் கவர்ச்சி போட்டோ!

வீடியோ3 months ago

ஈஸ்வரன் படத்தில் பலராலும் பாராட்டப்பட்ட ‘கொரோனா’ காட்சி – வீடியோ!

வீடியோ3 months ago

ஸ்டைலான சிம்புவின் ‘மாநாடு’ மோஷன் போஸ்டர்!

வீடியோ3 months ago

பூமி படத்தின் ‘தமிழன் என்று சொல்லடா’ பாடல் வீடியோ!

வீடியோ3 months ago

ஈஸ்வரன் படத்தின் ‘மாங்கல்யம்’ பாடல் வீடியோ!

Tughlaq Durbar Teaser Poster
வீடியோ3 months ago

விஜய் சேதுபதி – பார்த்திபன் நடிப்பில் ‘துக்ளக் தர்பார்’ டீசர்!

வீடியோ3 months ago

விக்ரமுக்கு இர்பான் பதான் வில்லை.. ‘கோப்ரா’ டீசர்!

வீடியோ4 months ago

2021-ல் மீரட்ட வரும் ‘கேஜிஎஃப் 2’ டீசர்!

வீடியோ4 months ago

சிலம்பரசனின் ‘ஈஸ்வரன்’ படத்தின் பாடல் ஆடியோ!

சினிமா செய்திகள்4 months ago

இன்று வெளியாக உள்ள ஈஸ்வரன் பட பாடல்களின் முன்னோட்டம்!

கேலரி4 months ago

சஞ்சிதா ஷெட்டி – லேட்டஸ்ட் புகைப்பட கேலரி!

Trending