இதுவரை டிஎன்பிஎஸ்சி தேர்வு எழுதியவர்களுக்கு முடிவுகள் மட்டுமே வெளிவந்து கொண்டிருந்த நிலையில் இனிமேல் டிஎன்பிஎஸ்சி தேர்வு எழுதியவர்கள் தங்களுடைய விடைத்தாள்களை இணையத்தில் டவுன்லோட் செய்து கொள்ளலாம் என்று தேர்வாணையம் அறிவிப்பு செய்துள்ளது பெரும் மகிழ்ச்சியை ஏற்படுத்தி உள்ளது

இதுகுறித்து தேர்வாணையம் வெளியிட்டுள்ள அறிவிப்பு ஒன்றில் டிஎன்பிஎஸ்சி தேர்வு விடைத்தாள்கள் இனி இணையதளத்தில் பதிவேற்றம் செய்யப்படும் என்றும் தேவைப்படுவோர் அதற்குரிய கட்டணத்தை செலுத்தி தங்களுடைய விடைத்தாள் நகலை டவுன்லோட் செய்து கொள்ளலாம் என்றும் அறிவிக்கப்பட்டுள்ளது

டிஎன்பிஎஸ்சி தேர்வுகளில் வெளிப்படைத் தன்மையை அதிகரிக்கும் நோக்கில் இந்த புதிய நடைமுறை அமல்படுத்தப்பட உள்ளதாகவும் இந்த நடைமுறைக்கு தேர்வர்களின் ஒத்துழைப்பு கிடைக்கும் என்று தாங்கள் எதிர்பார்ப்பதாக அந்த அறிவிப்பில் குறிப்பிடப்பட்டுள்ளது

தேர்வுகள் தங்களுடைய விடைத்தாள்களை டவுன்லோட் செய்து தாங்கள் எந்த இடத்தில் தவறு செய்துள்ளோம் என்பதை தெரிந்து கொள்ளலாம் என்பதும் தங்களது உண்மையான மதிப்பெண் இது தான் என்பதை உறுதி செய்து கொள்ளலாம் என்பதும் குறிப்பிடத்தக்கது

இரண்டு மணி நேரம் ஒரே நேரத்தில் தொடர்ச்சியாக உட்கார்ந்து வேலை செய்தால் மாரடைப்பு வருவதற்கு அதிக வாய்ப்பு இருப்பதாக மருத்துவர்கள் எச்சரித்துள்ளனர்.சமீபத்தில் மருத்துவர் அளித்த பேட்டி ஒன்றில் தன்னிடம் வந்த நோயாளி ஒருவருக்கு மாரடைப்பு ஏற்பட்டதால் ஆஞ்சியோகிராம் சிகிச்சை செய்யப்பட்டதாகவும் அவருக்கு வெறும் 29 வயது மட்டும்தான் என்றும் அவருக்கு தான் சிகிச்சை அளித்ததாக கூறி உள்ளார்.

மேலும் அவருக்கு சிகரெட் மது உட்பட எந்த கெட்ட பழக்கமும் இல்லை என்றும் சுகர் பிரஸர் உள்பட எந்த நோயும் இல்லை என்றும் ஆனால் எப்படி மாரடைப்பு வந்தது என்று தாங்கள் ஆச்சரியம் அடைந்ததாகவும் கூறினார். இதனை அடுத்து அவரது பணி குறித்து அவரிடம் விசாரித்த போது அவர் ஒரே இடத்தில் சுமார் 10 மணி நேரம் உட்கார்ந்து வேலை செய்கிறார் என்பது தெரிய வந்ததாகவும், ஐடி துறையில் அவர் பணிபுரிகிறார் என்றும் தெரியவந்தது என்றும் கூறினார்.

இதனை அடுத்து ஒரே இடத்தில் இரண்டு மணி நேரத்துக்கு மேல் உட்கார்ந்து பணி புரிய வேண்டாம் என்றும் ஒவ்வொரு மணி நேரத்திற்கும் ஒரு முறை எழுந்து ஒரு ஐந்து அல்லது பத்து நிமிடம் நடக்க வேண்டும் என்று மருத்துவர்கள்  அறிவுறுத்தியுள்ளனர். ஒரே இடத்தில் இரண்டு மணி நேரத்திற்கும் மேல் உட்கார்ந்து வேலை பார்ப்பது ஒரு சிகரெட் புகைப்பதற்கு சமம் என்றும் மருத்துவர் எச்சரித்துள்ளனர். இது குறித்த வீடியோ தற்போது வைரல் ஆகி வருகிறது.

"ஒரே இடத்தில் அமர்ந்து நெடுநேரம் பணி செய்வோர் கவனத்திற்கு.!"

"முக்கியமாக IT பணியாளர்கள் மேலான கவனத்திற்கு.!"#Caution #எச்சரிக்கை

Cc: @Vanisre25257710 pls make a note.! pic.twitter.com/umjuW5SJXn

— விஷ்வா I Viswa I (@ChennaiViswa) April 20, 2021

தமிழகத்தில் நாளுக்கு நாள் கொரோனா வைரஸ் பாதிப்பு அதிகரித்துக் கொண்டே செல்லும் நிலையில் இன்று தமிழகத்தில் சுமார் 11,000 பேர்களும் சென்னையில் சுமார் நான்காயிரம் பேர்களும் கொரோனா வைரசால் பாதிக்கப்பட்டு உள்ளதாக சுகாதாரத் துறை அறிவித்துள்ளது. இன்றைய பாதிப்பு குறித்த முழு விபரங்களை தற்போது பார்ப்போம்.

தமிழ்நாட்டில் இன்று மட்டும் கொரோனாவால் பாதிக்கப்பட்டவர்கள்: 10,986

தமிழ்நாட்டில் மொத்தம் மட்டும் கொரோனாவால் பாதிக்கப்பட்டவர்கள்: 10,13,378

சென்னையில் இன்று மட்டும் கொரோனாவால் பாதிக்கப்பட்டவர்கள்: 3,711

தமிழ்நாட்டில் இன்று மட்டும் கொரோனாவால் பலியானவர்கள்: 48

தமிழ்நாட்டில் மொத்தம் கொரோனாவால் பலியானவர்கள்: 13205

தமிழ்நாட்டில் இன்று கொரோனாவில் இருந்து குணமாகியுள்ளவர்கள்: 6250

தமிழ்நாட்டில் கொரோனாவில் இருந்து குணமாகியவர்களின் மொத்த எண்ணிக்கை: 920,369

தமிழகத்தில் இன்று கொரோனா பரிசோதனை செய்யப்பட்டவர்களின் எண்ணிக்கை: 99,246

தமிழகத்தில் கொரோனா பரிசோதனை செய்யப்பட்டவர்களின் மொத்த எண்ணிக்கை: 210,56,094