அரசியல் வாழ்க்கையில் சக்கர நாற்காலியில் அமர்ந்து கொண்டு மக்களைத் தொந்தரவு செய்ய மாட்டேன் என்று மக்கள் நீதி மய்யம் கட்சியின் தலைவர் கமல்ஹாசன் பேசியுள்ளது பெரும் சர்ச்சையை ஏற்படுத்தி உள்ளது. ஒரு பக்கம் கமல் பேசியது, தமிழக முன்னாள் முதல்வரான கருணாநிதியைப் பற்றித் தான் என்று விமர்சனங்கள் முன் வைக்கப்பட்டு வருகின்றன. இன்னொரு புறம், அவர் மாற்றத் திறனாளிகளை கேலி செய்யும் வகையில் பேசியுள்ளதாக புகார்கள் எழுந்துள்ளன.

மக்கள் நீதி மய்யம் கட்சியின் ஆண்டு விழா சமீபத்தில் சென்னையில் நடந்தது. அந்த விழாவில் பேசிய கமல்ஹாசன், ‘நான் சர்க்கர நாற்காலியில் அமரும் நேரம் வரும் போது மக்களை தொந்தரவு செய்ய மாட்டேன்’ எனப் பேசினார்.

உசுரோட இருக்கற வர ஒரு வார்த்தை பேச வக்கில்ல. நாட்ட விட்டு போறேன்னு மூக்க சிந்த வேண்டியது.

இப்ப இப்படி பேசறது @ikamalhaasan இந்த மானங்கெட்ட பொழப்பு தேவையா?

pic.twitter.com/vo0BIKRU5j

— நிதன் பொற்கொடி (@SriniLeaks) February 25, 2021

இந்நிலையில் இன்று தாம்பரத்தில் செய்தியாளர்கள் சந்திப்பில் பேசிய கமல், ‘முதுமையை கேலி செய்ய முடியாது. அது உங்களுக்கும் வரும் எனக்கும் வரும். அந்த வயதில் எதுவும் செய்ய முடியாது என்பது தான் என்னுடைய கணிப்பு. அதே நேரத்தில் என்னுடைய முதுமை எப்படி இருக்கும் என்று எனக்குத் தெரியாது.

கருணாநிதியின் மேல் எனக்கு அதிக மரியாதை உண்டு. நான் என்னுடைய சக்கர நாற்காலியைப் பற்றியும், என்னுடைய முதுமையைப் பற்றியும் தான் மேடையில் பேசினேன்’ என்று விளக்கம் கொடுத்துள்ளார்.

தமிழகம் உள்பட இந்தியா முழுவதும் கடந்த சில நாட்களாக பெட்ரோல் மற்றும் டீசலின் விலை உயர்ந்து கொண்டே இருப்பதால் ஏழை எளிய நடுத்தர மக்கள் பெரும் பாதிப்பில் உள்ளனர்.

பெட்ரோல் டீசல் விலை உயர்வு காரணமாக லாரி வாடகையும் உயர்ந்துள்ளதால் காய்கறிகள் உள்ளிட்ட அத்தியாவசிய பொருட்களின் விலையும் உயர்ந்து வருகிறது. ராஜஸ்தான் உள்ளிட்ட ஒரு சில மாநிலங்களில் ரூ.100ஐ தொட்டுவிட்ட பெட்ரோல் டீசல் விலை விரைவில் தமிழகத்தில் 100 ரூபாயை தொடும் என்று எதிர்பார்க்கப்படுகிறது.

இந்த நிலையில் ஒருசில மாநிலங்களில் பெட்ரோல் மீதான வாட் வரி குறைப்பு காரணமாக பெட்ரோல் டீசல் விலை குறைந்து வருகிறது. அந்த வகையில் தற்போது குடியரசுத் தலைவர் ஆட்சி நடைபெற்று வரும் புதுவையிலும் வாட் வரி குறைக்கப்பட்டுள்ளதாக தகவல்கள் வெளிவந்துள்ளது.

புதுச்சேரியில் பெட்ரோல் மற்றும் டீசல் மீதான வாட் வரி 2 சதவீதம் குறைக்கப்பட்டு இருப்பதாக துணைநிலை ஆளுநர் தமிழிசை சௌந்தரராஜன் அவர்கள் சற்று முன் உத்தரவு பிறப்பித்துள்ளார். இந்த வாட் வரி குறைப்பால் பெட்ரோல் டீசல் விலை லிட்டருக்கு ரூபாய் 1.40 குறையும் என்று எதிர்பார்க்கப்படுகிறது.

இதேபோன்று தமிழகத்திலும் முதல்வர் பழனிச்சாமி அவர்கள் பெட்ரோல், டீசல் மீதான வாட் வரியை குறைக்க வேண்டும் என வேண்டுகோள் விடுக்கப்பட்டு வருகிறது.

தமிழகத்திற்கு வரும்போதும் சரி. தமிழகம் குறித்து பேசும் போதும் சரி திருக்குறளை அச்சுப் பிறழாமல் பேசி வருவதை பிரதமர் மோடி வழக்கமாகக் கொண்டிருக்கிறார் என்பது தெரிந்ததே. மேலும் அவர் கூறும் ஒவ்வொரு திருக்குறளிலும் அன்றைய நிகழ்ச்சியில் அவர் பேசுவதற்கு தகுந்த வகையில் பொருத்தமாக இருக்கும் என்பதும் குறிப்பிடத்தக்கது

தமிழகத்தில் பிறந்து வளர்ந்து பல ஆண்டுகளாக அரசியல் செய்பவர்கள் கூட துண்டு சீட்டுகளை வைத்துக்கொண்டு திக்கி திணறி படித்துக் கொண்டிருக்கும் நிலையில் தமிழே தெரியாத பிரதமர் மோடி தமிழில் திருக்குறளை எந்தவித துண்டுச் சீட்டும் இல்லாமல், பிசிறில்லாமல் பேசி வருவது அனைவரையும் ஆச்சரியத்தில் ஆழ்த்தியுள்ளது.

இந்த நிலையில் பிரதமர் மோடிக்கு போட்டியாக தற்போது காங்கிரஸ் எம்பி ராகுல் காந்தியும் திருக்குறளை படித்தி வருவதாக தனது டுவிட்டரில் கூறியுள்ளார். திருக்குறளில் உள்ள ஆழ்ந்த கருத்துக்கள் தன்னை வியக்க வைத்ததாகவும் திருக்குறள் முழு புத்தகத்தையும் தான் தற்போது படித்து வருவதாகவும் அவர் தெரிவித்துள்ளார்.

எனவே இனிவரும் நாட்களில் ராகுல் காந்தியும் தனது மேடை பேச்சுகளில் திருக்குறளை உதாரணமாக கூறுவார் என்று எதிர்பார்க்கலாம்.

Have been reading "Tirukkural”. Am stunned by its depth.

Listening

Through your ears to hear, to listen and to understand.

Is to make gold of grain and golden grain of sand.

— Rahul Gandhi (@RahulGandhi) February 26, 2021