அதிமுக கூட்டணியில் பாமக மற்றும் பாஜக ஆகிய இரண்டு கட்சிகளுக்கும் கூட்டணி பேச்சுவார்த்தையை முடித்துவிட்ட நிலையில் தற்போது அடுத்த கட்டமாக தேமுதிகவுடன் கூட்டணி பேச்சுவார்த்தை நடைபெற்று வருகிறது

அதிமுக கூட்டணியில் பாமகவுக்கு 23 தொகுதிகள் கொடுக்கப்பட்டுள்ள நிலையில் பாஜகவுக்கு எத்தனை தொகுதிகள் என்பது குறித்த அறிவிப்பு இன்று வெளிவரும் என தெரிகிறது. இந்த நிலையில் பாமகவுக்கு இணையாக தேமுதிகவும் தங்களுக்கு 23 தொகுதிகள் வேண்டும் என்று கேட்பதாகவும் தகவல்கள் வெளிவந்துள்ளன.

ஆனால் அதிமுக தரப்பில் இருந்து 10 முதல் 15 தொகுதிகள் மட்டுமே கொடுப்பதாக கூறப்பட்டு வருகிறது. அமைச்சர் தங்கமணி இல்லத்தில் நடைபெற்று வரும் இந்த பேச்சுவார்த்தை இரண்டாவது நாளாக இன்றும் தொடர்கிறது என்பது குறிப்பிடத்தக்கது.

சற்றுமுன் வந்த தகவலின்படி தேமுதிக தங்களுக்கு 20 தொகுதிகள் மற்றும் ஒரு ராஜ்யசபா எம்பி சீட் வேண்டும் என கோரிக்கை வைத்து வருவதாகவும் இதற்கு அனேகமாக அதிமுக ஒப்புக்கொள்ளும் என்றும் கூறப்படுகிறது.

இன்று நடைபெறும் பேச்சுவார்த்தைக்கு பின்னர் அதிமுக கூட்டணியில் தேமுதிகவுக்கு எத்தனை தொகுதிகள் என்பது குறித்து அதிகாரப்பூர்வமாக அறிவிக்கப்படும் என்றும் கூறப்படுகிறது.

திமுக தலைவர் முக ஸ்டாலின் இன்று தனது 68 ஆவது பிறந்தநாளை கொண்டாடி வரும் நிலையில் இன்று அதிகாலை முதலே அவருக்கு வாழ்த்துக்கள் குவிந்து வருகிறது என்பது குறிப்பிடத்தக்கது.

தமிழக அரசியல் தலைவர்கள் மட்டுமின்றி தேசிய அரசியல் தலைவர்களும் திரையுலக பிரபலங்களும் அவருக்கு வாழ்த்து தெரிவித்து வருகின்றனர். சற்றுமுன் ராகுல் காந்தி அவர்கள் முக ஸ்டாலினுக்கு வாழ்த்து தெரிவித்தார் என்பது குறிப்பிடத்தக்கது.

தயாநிதி மாறன்

இந்த நிலையில் திமுக எம்பி தயாநிதிமாறன், முக ஸ்டாலினுக்கு பிறந்தநாள் வாழ்த்துக்களை தனது டுவிட்டரில் குறிப்பிட்டுள்ளார். அவர் இதுகுறித்து கூறியதாவது: மக்கள் நலனை மட்டுமே தம் லட்சியமாகக் கொண்டு, அயராது பாடுபடும் கழகத் தலைவர் திரு @mkstalin அவர்கள் நீடூழி வாழ்ந்திட, வாகைகள் சூடிட இனிய பிறந்தநாள் வாழ்த்துகள்! இந்நாளில், தமிழகம் தலைநிமிரவும் தலைவர் தளபதி தலைமையில் நல்லாட்சி மலரவும் சபதம் ஏற்போம்! சாதனை படைப்போம்! என்று கூறியுள்ளார்.

ஆனால் அதே நேரத்தில் தனது வாழ்த்து டுவிட்டில் திமுக ஐடி குழுவினர் கொடுத்த #DMK மற்றும் #MKStalin ஆகிய ஹேஷ்டேக்குகளை அவர் தனது டுவிட்டில் பயன்படுத்த முடியாது என்று மறுத்து விட்டதாக சமூக வலைதளங்களில் வதந்திகள் பரவி வருகிறது.

மக்கள் நலனை மட்டுமே தம் லட்சியமாகக் கொண்டு, அயராது பாடுபடும் கழகத் தலைவர் திரு @mkstalin அவர்கள் நீடூழி வாழ்ந்திட, வாகைகள் சூடிட இனிய பிறந்தநாள் வாழ்த்துகள்!

இந்நாளில், தமிழகம் தலைநிமிரவும் தலைவர் தளபதி தலைமையில் நல்லாட்சி மலரவும் சபதம் ஏற்போம்! சாதனை படைப்போம்! pic.twitter.com/ymdt886NZ4

— Dayanidhi Maran தயாநிதி மாறன் (@Dayanidhi_Maran) March 1, 2021

நடமாடும் நகைக்கடை என்று கூறப்படும் ஹரி நாடார் அவர்கள் சமீபத்தில் ’2k அழகானது காதல்’ என்ற திரைப்படத்தை தயாரித்து நடிக்க உள்ளார் என்றும் இந்த படத்தில் அவருக்கு ஜோடியாக பிக்பாஸ் புகழ் நடிக்க இருப்பதாகவும் தகவல்கள் வெளியானது

இந்த நிலையில் காங்கிரஸ் எம்பி ராகுல் காந்தி தற்போது தென் மாவட்டங்களில் சுற்றுப்பயணம் செய்துவரும் நிலையில் சுரண்டையில் ராகுல் காந்தியை சந்தித்தார். அப்போது அவர் அந்த பகுதி மக்களின் பிரச்சினைகளை எடுத்துக் கூறினார்

ஆங்கிலம் இந்தி தமிழ் என மூன்று மொழிகளிலும் மாறி மாறி ஹரிநாடார் பேசியதை ஆர்வத்துடன் ராகுல்காந்தி கேட்டுக்கொண்டு இருந்ததாக தெரிகிறது. அது மட்டுமின்றி ஹரிநாடார் சுமார் 4 கிலோ தங்க நகைகளை அணிந்து கொண்டிருப்பதையும் ராகுல் காந்தி மிகவும் ஆச்சரியத்துடன் பார்த்ததாக கூறப்படுகிறது. ஹரிநாடார் ராகுல் காந்தியை சந்தித்த புகைப்படங்கள் தற்போது சமூக வலைதளங்களில் வைரல் ஆகி வருகிறது என்பது குறிப்பிடத்தக்கது