தமிழகத்தில் ஏப்ரல் 6-ஆம் தேதி தேர்தல் நடைபெற இருக்கும் நிலையில் அதிமுக மற்றும் திமுக ஆகிய இரண்டு பெரிய கட்சிகளும் கூட்டணி குறித்த பேச்சுவார்த்தையை நடத்தி வருகின்றன என்பதும், இன்னும் ஓரிரு நாளில் இரண்டு கட்சிகளும் கூட்டணி குறித்த பேச்சுவார்த்தையை முடித்து விடும் என்றும் கூறப்படுகிறது.

இந்த நிலையில் ஏற்கனவே காங்கிரஸ் கட்சியுடன் கூட்டணி மற்றும் தொகுதி உடன்பாடு குறித்து பேசி முடித்துவிட்ட திமுக, அடுத்ததாக மதிமுக, விடுதலை சிறுத்தைகள் கட்சி உள்பட ஒருசில கட்சிகளுடன் இன்றும் நாளையும் பேச்சுவார்த்தை நடத்த உள்ளது.

இந்த நிலையில் தற்போது திமுக மற்றும் அதன் கூட்டணி கட்சிகள் தொகுதி பங்கீடு தொடர்பான உத்தேச பட்டியல் வெளியாகியுள்ளது. இதன்படி காங்கிரஸ் கட்சிக்கு 25 தொகுதிகள், இந்திய கம்யூனிஸ்ட் கட்சிக்கு 7 தொகுதிகள், மார்க்சிஸ்ட் கம்யூனிஸ்ட் கட்சிக்கு 7 தொகுதிகள், மதிமுகவுக்கு 5 தொகுதிகள், விடுதலை சிறுத்தைகள் கட்சிக்கு 5 தொகுதிகள் கொடுக்க வாய்ப்பு இருப்பதாக கூறப்படுகிறது.

மேலும் இந்திய யூனியன் முஸ்லிம் லீக் கட்சிக்கு 2 தொகுதிகள், மனிதநேய மக்கள் கட்சிக்கு 2 தொகுதிகள், கொங்கு மக்கள் தேசிய கட்சிக்கு 2 தொகுதிகள், தமிழக வாழ்வுரிமை கட்சிக்கு ஒரு தொகுதி ஒதுக்கலாம் என தகவல்கள் வெளிவந்துள்ளன

மொத்தம் உள்ள 234 தொகுதிகளில் 176-178 இடங்களில் திமுக நேரடியாக போட்டியிடலாம் என்று கூறப்படுகிறது.

காங்கிரஸ் எம்பி ராகுல் காந்தி கடந்த 2 நாட்களாக தமிழகம் மற்றும் புதுவையில் சூறாவளி சுற்றுப்பயணம் செய்து தேர்தல் பிரச்சாரம் செய்து வருகிறார் என்பது தெரிந்ததே. திமுக காங்கிரஸ் கூட்டணி தொகுதிப் பங்கீடு பேச்சுவார்த்தை ஒருபக்கம் நடைபெற்றுக் கொண்டிருக்கும் நிலையில் இன்னொரு பக்கம் ராகுல் காந்தி தேர்தல் பிரச்சாரம் செய்து வருகிறார் என்பதும் அவரது பிரச்சாரத்திற்கு மக்கள் மத்தியில் மிகப்பெரிய ஆதரவு கிடைத்து வருகிறது என்பதும் குறிப்பிடத்தக்கது

இந்த நிலையில் இன்று காலை நெல்லை வந்த ராகுல் காந்தி நெல்லையப்பர் சுவாமி கோயிலில் சாமி தரிசனம் செய்தார். இதனையடுத்து அவர் தேர்தல் பிரசாரம் செய்து கொண்டிருந்த போது அங்கிருந்த சாலையோர கடையில் டீ குடித்தார். மேலும் டீயை குடித்து முடித்தவுடன் ரொம்ப நல்ல டீ என்றும், தமிழ் நாட்டின் மிகச்சிறந்த டீ என்று ராகுல்காந்தி அந்த டீக்கடைக்காரரை புகழ்ந்து வாழ்த்தினார் என்பது குறிப்பிடத்தக்கது.

இது குறித்த புகைப்படம் தற்போது இணையதளங்களில் வைரலாகி வருகிறது. ராகுல் காந்தி அவரது தந்தை ராஜீவ் காந்தியை போகவே மக்களிடம் மிக நெருக்கமாக பழகி வருவதும், பொதுமக்களில் ஒருவராக சகஜமாக இருப்பதும் மக்கள் அனைவரையும் கவர்ந்துள்ளது என்பது குறிப்பிடத்தக்கது.

கடந்த சில நாட்களுக்கு முன்னர் புதுவையில் காங்கிரஸ் மற்றும் திமுக எம்எல்ஏக்கள் சிலர் திடீரென தங்களுடைய பதவியை ராஜினாமா செய்ததால் நாராயணசாமி தலைமையிலான காங்கிரஸ் அரசு கவிழ்ந்தது என்பதும் தற்போது அங்கு குடியரசுத் தலைவர் ஆட்சி நடைபெற்று வருகிறது என்பது குறிப்பிடத்தக்கது.

இந்த நிலையில் புதுவை அரசு விழுவதற்கு காரணமாக இருந்த இரண்டு எம்எல்ஏக்கள் இன்று அமித்ஷா முன்னிலையில் பாஜகவில் இணைந்தனர். இன்று உள்துறை அமைச்சர் அமித்ஷா அவர்கள் புதுவையில் நிகழ்ச்சி ஒன்றில் கலந்து கொண்டிருந்த போது அவருடைய முன்னிலையில் புதுச்சேரி முன்னாள் எம்எல்ஏக்கள் ஜான்குமார், வெங்கடேசன் ஆகியோர் பாஜகவில் இணைந்தனர்

காரைக்காலில் நடந்த இந்த நிகழ்ச்சியில் அமித்ஷா முன்னிலையில் பாஜகவில் ஜான்குமார், வெங்கடேசன் ஆகியோர் தங்களை இணைத்துக் கொண்டனர் என்பது குறிப்பிடத்தக்கது. ஜான்குமார் காங்கிரஸ் எம்எல்ஏ வாக இருந்தவர் என்பதும் திமுக எம்எல்ஏ வாக இருந்தவர் வெங்கடேசன் என்பதும் குறிப்பிடத்தக்கது. ஜான் குமார் வெங்கடேசன் உள்பட 5 எம்எல்ஏக்கள் பதவியை ராஜினாமா செய்ததால் தான் நாராயணசாமி அரசு கவிழ்ந்தது என்பது குறிப்பிடத்தக்கது

அதுமட்டுமின்றி புதுச்சேரி சபாநாயகர் சிவகொழுந்துவின் சகோதரர் ராமலிஙக்ம் என்பவரும் இன்று பாஜகவில் இணைந்தார் என்பது குறிப்பிடத்தக்கது