தமிழகத்தில் ஏப்ரல் 6-ஆம் தேதி சட்டமன்ற பொதுத் தேர்தல் நடைபெறும் என்று அறிவிக்கப்பட்டு உள்ளதால் கிட்டத்தட்ட ஒரு மாதம் மட்டுமே இருப்பதால் அரசியல் கட்சிகள் சுறுசுறுப்பாகி தேர்தல் பணிகளில் ஈடுபட்டு வருகின்றனர்

கூட்டணிப் பேச்சுவார்த்தைகள், விருப்பமான பெறுதல், நேர்காணல், தேர்தல் பிரச்சாரம் செய்தல் ஆகியவற்றை கிட்டதட்ட அனைத்து அரசியல் கட்சிகளும் தொடங்கி விட்டன என்பது குறிப்பிடத்தக்கது.

இந்த நிலையில் அதிமுகவில் போட்டியிட விரும்புபவர்கள் விருப்ப மனுவை மார்ச் 5ஆம் தேதி வரை தரலாம் என்று ஏற்கனவே அறிவிக்கப்பட்டிருந்தது. ஆனால் தற்போது போதிய அவகாசம் இல்லாததால் அந்த தேதி மார்ச் 3ஆம் தேதி என மாற்றி அமைக்கப்பட்டுள்ளது.

அதிமுகவில் சார்பில் தமிழகம், புதுவை மற்றும் கேரளாவில் போட்டியிட விரும்பும் விண்ணப்பதாரர்கள் மார்ச் 3ஆம் தேதிக்குள் விருப்ப மனுவை பூர்த்தி செய்து தலைமை கழகத்தில் ஒப்படைக்க வேண்டும் என்று அறிவிக்கப்பட்டுள்ளது. ஏற்கனவே அறிவித்து இருந்த தேதியிலிருந்து இரண்டு நாட்கள் முன்கூட்டியே விருப்பமனு ஒப்படைக்கும் தேதி முடிவுக்கு வருகிறது என்பது குறிப்பிடத்தக்கது.

கூட்டணி முடிவாகும் முன்னே நேர்காணலை தொடங்க இருப்பதாக தேமுதிக அறிவித்துள்ளதால் என்ன திட்டம் வைத்திருக்கிறது அக்கட்சி என்ற ஆச்சரியம் அனைவருக்கும் ஏற்பட்டுள்ளது.

அதிமுக கூட்டணியில் இடம் பெற்றுள்ள தேமுதிக இன்று கூட்டணி தொகுதி பங்கீடு குறித்து பேச்சுவார்த்தை நடத்த இருந்தது. ஆனால் அதிமுக தரப்பில் இருந்து 12 தொகுதிகள் மட்டுமே தருவதாக கூறப்பட்டதால் பேச்சுவார்த்தைக்கு செல்லாமல் இருந்ததால் அந்தப் பேச்சுவார்த்தை ரத்து செய்யப்பட்டது. இருப்பினும் நாளை பேச்சுவார்த்தை நடைபெறலாம் என்று கூறப்படுகிறது.

இந்த நிலையில் கமல் கட்சியுடன் தேமுதிக கூட்டணி வைக்கலாம் என்றும் சசிகலாவுடன் கூட்டணி வைக்கலாம் என்றும் கூறப்படுகிறது. அதுமட்டுமின்றி திமுகவுடன் பேச்சுவார்த்தை நடத்தியதாக தெரிகிறது.

இந்த நிலையில் எந்த கட்சியுடன் கூட்டணி என்பதை முடிவு செய்யும் முன்பே தற்போது நேர்காணலை தொடங்க இருப்பதாக தேமுதிக அறிவித்துள்ளது. சமீபத்தில் தேமுதிக விருப்ப மனுக்கள் பெற்ற நிலையில் மார்ச் 6ஆம் தேதி முதல் 8ஆம் தேதி வரை வேட்பாளர் நேர்காணல் நடைபெறும் என அறிவிப்பு செய்துள்ளது. அதிமுக கூட்டணியில் இருந்து வெளியேறி தனித்து போட்டியிடுகிறதா? அல்லது வேறு கூட்டணிக்கு செல்கிறதா? என்ன திட்டம் என்பது புரியாமல் அரசியல் கட்சி தலைவர்கள் குழப்பத்தில் உள்ளனர்.

கொரோனா வைரஸை கட்டுப்படுத்துவதற்காக இந்தியாவில் கடந்த சில நாட்களாக தடுப்பூசி போடப்பட்டு வருகிறது என்பது தெரிந்ததே. இன்று காலை பிரதமர் நரேந்திர மோடி டெல்லி எய்ம்ஸ் மருத்துவமனையில் தடுப்பூசி போட்டுக்கொண்டார். இதனை அடுத்து அவர் தகுதி உள்ள அனைவரும் தடுப்பூசி போட்டுக்கொள்ள வேண்டும் என்றும் கொரோனா தடுப்பூசி போட்டுக் கொள்வதில் எந்தவித பயமும் தேவையில்லை என்றும் அவர் அறிவுறுத்தி இருந்தார்.

இந்த நிலையில் பிரதமரை அடுத்து சற்று முன்னர் துணை குடியரசு தலைவர் வெங்கையா நாயுடு அவர்கள் சென்னையில் தடுப்பூசி போட்டுக்கொண்டார். சென்னை ஓமந்தூரார் அரசு மருத்துவமனையில் துணை குடியரசுத்தலைவர் கொரோனா தடுப்பூசி போட்டுக் கொண்டார் என்பதும், இது குறித்த புகைப்படங்கள் வைரலாகி வருகிறது என்பதும் குறிப்பிடதக்கது.

சென்னையில் கொரோனா தடுப்பூசி சிறப்பு முகாம் நிகழ்ச்சி ஒன்றில் கலந்து கொள்ள வந்திருந்த துணை குடியரசுத் தலைவர் வெங்கையா நாயுடு அவர்கள், பிரதமர் தடுப்பூசி போட்டுக் கொண்டதை அறிந்ததும் அவரும் தடுப்பூசி போட்டுக் கொண்டார் என்பது குறிப்பிடத்தக்கது. இதனை அடுத்து மேலும் ஒரு சில பிரபலங்கள் விரைவில் தடுப்பூசி போட்டுக் கொள்வார்கள் என்று எதிர்பார்க்கப்படுகிறது