பிரபல காமெடி நடிகர் விவேக் சமீபத்தில் காலமான நிலையில் அவருக்கு மரியாதை செய்யும் வகையில் பல பிரபலங்கள் மரக்கன்றுகளை தங்கள் வீடுகளில் நட்டு வருகின்றனர் என்பதை பார்த்து வருகிறோம். குறிப்பாக நடிகை ஆத்மிகா, நடிகர் அருண் விஜய் உள்பட பலர் மரங்கள் நடும் புகைப்படங்கள் சமூக வலைத்தளத்தில் வைரலானது.

இந்த நிலையில் தற்போது வந்த தகவலின் படி சிம்புவின் மாநாடு குழுவினர் விவேக் நினைவாக மரக்கன்றுகளை நட்டு உள்ளனர். இதுகுறித்த புகைப்படங்கள் டுவிட்டர் உள்ளிட்ட சமூக வலைதளங்களில் வைரலாகி வருகிறது.

இந்த மரம் நடும் விழாவில் சிம்பு, வெங்கட்பிரபு, தயாரிப்பாளர் சுரேஷ் காமாட்சி உள்பட பலர் கலந்துகொண்டனர் என்பது குறிப்பிடத்தக்கது. ஏற்கனவே விவேக் மறைவின்போது இரங்கல் தெரிவித்து சிம்பு அறிக்கை ஒன்றை வெளியிட்டிருந்தார் என்பதை பார்த்தோம்.

இந்த நிலையில் தற்போது சிம்பு தனது படத்தின் படப்பிடிப்பிற்கு முன்பாக விவேக் நினைவாக மரக்கன்றுகளை வைத்துள்ளதற்கு சிம்பு ரசிகர்கள் பாராட்டு தெரிவித்து வருகின்றனர்.

பிக்பாஸ் கேப்ரில்லா அணிந்த ஜீன்ஸ் பேண்ட் கேலி செய்த நெட்டிசன் ஒருவர் கேப்ரில்லாவை கேலி செய்து கமெண்ட் பதிவு செய்து இருப்பது பெரும் பரபரப்பை ஏற்படுத்தி உள்ளது.

பிக்பாஸ் நிகழ்ச்சியின் போட்டியாளர்களில் ஒருவரான கேப்ரில்லா கடைசி நேரத்தில் ஐந்து லட்ச ரூபாயை பெற்றுக் கொண்டு போட்டியில் இருந்து வெளியேறினார். அவர் எடுத்த முடிவு மிகச் சரியானது என்றும் அந்த போட்டியில் அவர் தன்னால் வெற்றி பெற முடியாது என்பதை புரிந்து கொண்டு ஐந்து லட்சத்தை பெற்றுக் கொண்டார் என்றும் ரசிகர்கள் அவருக்கு பாராட்டு தெரிவித்து வந்தனர்.

இந்த நிலையில் இன்ஸ்டாகிராமில் அவ்வப்போது தனது புகைப்படங்களை பதிவு செய்து வரும் கேப்ரில்லா, நேற்று கிழிந்த ஜீன்ஸ் அணிந்த ஒரு புகைப்படங்களை பதிவு செய்திருந்தார். இந்த புகைப்படத்திற்கு ’இருந்தாலும் ரொம்ப கிழிஞ்சு இருக்கு என்று ரியோ ராஜ் கமெண்ட் பதிவு செய்திருந்த நிலையில் அதற்கு அடுத்ததாக நெட்டிசன் ஒருவர் ’எடுத்துட்டு போன 5 லட்சத்தில் நல்ல பேண்ட் வாங்கி இருக்கலாம்ல்ல’ என்று கூறியுள்ளார்.

இந்த கமெண்ட்ஸ்கள் தற்போது பரபரப்பை ஏற்படுத்தி உள்ளது. தற்போது கிழிந்த ஜீன்ஸ் அணிவது ஃபேஸன் என்றாலும் அளவுக்கு அதிகமான கிழிந்த ஜீன்ஸ் பிரபலங்கள் அணிந்து வருவது ஒரு கட்டத்தில் ஆபாசத்தை எட்டி உள்ளதாகவும் நெட்டிசன்கள் பலர் கருத்து கூறியுள்ளனர்.

மூன்றாவது குழந்தை பெற்றுக்கொண்டால் சிறை தண்டனை அல்லது அபராதம் விதிக்க வேண்டும் என பிரபல நடிகை ஒருவர் தனது டுவிட்டரில் பதிவு செய்து இருப்பது பெரும் பரபரப்பை ஏற்படுத்தி உள்ளது.

தமிழில் ’தலைவி’ படத்தில் நடித்தவரும், பிரபல பாலிவுட் நடிகையுமான கங்கனா ரனாவத் அவ்வப்போது தனது டுவிட்டரில் தெரிவிக்கும் கருத்துக்கள் பெரும் பரபரப்பை ஏற்படுத்தும் என்பது தெரிந்ததே.

அந்த வகையில் சற்று முன் அவர் பதிவு செய்த டுவிட் ஒன்றில் மக்கள் தொகை காரணமாக இந்தியா பெரும் சிரமத்தை அடைந்து வருகிறது என்றும் 130 கோடி என்பது அதிகாரபூர்வ கணக்கு என்றும் இதோடு சட்டவிரோதமான குடியேறியவர்களை சேர்த்தால் 150 கோடிக்கும் மேல் இந்தியாவின் மக்கள்தொகை இருக்கும் என்றும் கூறியுள்ளார்.

அமெரிக்கா இந்தியாவை விட மூன்று மடங்கு நிலத்தையும் வளத்தையும் வைத்திருந்தாலும் அங்கு 32 கோடி மக்கள் தான் உள்ளனர் என்றும், ஆனால் இந்தியா தான் 130 கோடி மக்கள் தொகையால் பெரும் சிரமங்கள் ஏற்படுகின்றன என்றும், இன்றைய நிலையில் மூன்றாவது குழந்தை பெற்றுக்கொண்டால் சிறை தண்டனை அல்லது அபராதம் விதிக்க வேண்டும் என்று கங்கனா கூறியுள்ளார்.

கங்கனாவின் இந்த கருத்து பெரும் பரபரப்பை ஏற்படுத்தி உள்ளது/ ஆனால் அதே நேரத்தில் கங்கனா சரியான கருத்தை கூறியுள்ளார் என்றும் அவரது கருத்தை மத்திய அரசு சட்டமாக வேண்டும் என்றும் ரசிகர்கள் சிலர் கூறி வருகின்றனர்.