பிரதமர் மோடிக்கு தமிழக முதல்வர் எடப்பாடி பழனிசாமி பிறந்தநாள் வாழ்த்து தெரிவித்துள்ளார்.

எடப்பாடி பழனிசாமி வெளியிட்டுள்ள வாழ்த்து செய்தியில், “சர்வ வல்லமையுள்ள நம் பிரதமர் தேசத்திற்குச் சேவை செய்ய இன்னும் பல ஆண்டுகள் நல்ல ஆரோக்கியத்தையும் பலத்தையும் அளிக்க வேண்டுமென்று நான் பிரார்த்திக்கிறேன்” என தனது டிவிட்டர் பதிவில் குறிப்பிட்டுள்ளார்.

70வது பிறந்தநாளைக் கொண்டாடும், பிரதமர் மோடிக்கு ராகுல் காந்தி உட்பட, பல்வேறு இந்திய அரசியல் தலைவர்கள் மட்டுமல்லாமல் சர்வதேச தலைவர்களும் வாழ்த்து தெரிவித்து வருகின்றனர்.

On the joyous occasion of our Hon’ble Prime Minister’s @narendramodi birthday, I convey my warm wishes for a wonderful year ahead.

I Pray that the Almighty may grant him many more years of good health and strength to serve our nation.

— Edappadi K Palaniswami (@CMOTamilNadu) September 17, 2020

அரசு பள்ளி மாணவர்கள், மருத்துவ படிப்பில் சேர 7.5 சதவீத உள் ஒதுக்கீடு அளித்த தமிழக அரசுக்கு நடிகர் சூர்யா நன்றி தெரிவித்துள்ளார்.

நீட் தேர்வில் வெற்றிபெறும் அரசு பள்ளி மாணவர்கள் மருத்துவ படிப்புகளில் சேர 7.5 சதவீத உள் ஒதுக்கீடு வழங்குவதற்கான மசோதா, தமிழக சட்டப்பேரவை கூட்டத்தில் சென்ற செவ்வாய்க்கிழமை நிறைவேறியது.

இந்த மசோதா நிறைவேறியதற்கு வாழ்த்து தெரிவித்து டிவிட்டரில் பதிவிட்டுள்ள நடிகர் சூர்யா, “அரசுப்பள்ளி மாணவர்களுக்கு மருத்துவ படிப்பில் 7.5% உள் ஒதுக்கீடு வழங்கப்படுவதை உறுதி செய்த தமிழக அரசுக்கும், உறுதுணையாய் இருந்த அனைத்து அரசியல் கட்சிகளுக்கும் நெஞ்சார்ந்த நன்றிகள். மாணவர்களுக்குத் துணை நிற்போம்… ஒன்றிணைந்து செயல்படுவோம்…” என்று குறிப்பிட்டுள்ளார்.

அரசுப்பள்ளி மாணவர்களுக்கு மருத்துவ படிப்பில் 7.5% உள்ஒதுக்கீடு வழங்கப்படுவதை உறுதி செய்த தமிழக அரசுக்கும், உறுதுணையாய் இருந்த அனைத்து அரசியல் கட்சிகளுக்கும் நெஞ்சார்ந்த நன்றிகள்.

மாணவர்களுக்கு துணை நிற்போம்… ஒன்றிணைந்து செயல்படுவோம்…

— Suriya Sivakumar (@Suriya_offl) September 16, 2020

பல்வேறு சர்ச்சைகளுக்கு இடையில் நாளை நீட் தேர்வு நடைபெற உள்ளது. எனவே நீட் தேர்வுக்கு வரும் மாணவர்களுக்குத் தேசிய தேர்வுகள் முகமை வெளியிட்டுள்ள வழிகாட்டு நெறிமுறைகள் பற்றி இங்கு விளக்கமாகப் பார்க்கலாம்.

1) நீட் தேர்வுக்கு அனுமதிச் சீட்டு கொண்டு செல்ல வேண்டும்.
2) விண்ணப்பிக்கும் போது பதிவேற்றப்பட்ட அதே புகைப்படம்.
3) 50 மில்லி சானிடைசர்.
4) உள்பக்கம் தெளிவாகத் தெரியும் வகையில் தண்ணீர் பாட்டில்.
5) முகக் கவசம், கையுறை கட்டாயம். தேர்வு அறைக்குள் நுழையும் முன்பு புதிய மாஸ்க் வழங்கப்படும். அங்கு அளிக்கப்படும் மாஸ்க் மட்டுமே உள்ளே கொண்டு செல்ல அனுமதி வழங்கப்படும்.
6) மாற்றுத்திறனாளிகள் எனில் அதற்கான சான்றிதழ்.
7) குறைவான உயரம் கொண்ட காலணிகள் அணியலாம். ஷூ உள்ளிட்ட கால்களை முழுவதும் மூடும் காலணிகளுக்கு அனுமதி கிடையாது.
8) முழுக்கை ஆடைகளுக்கு அனுமதி கிடையாது.
9) மதம் சார்ந்த அல்லது சமூகப் பழக்கவழக்கம் சார்ந்த குறிப்பிட்ட ஆடைகளை அணிந்து வந்தால் கட்டாயம் சோதனை செய்யப்படுவர். எனவே சீக்கிரமாகவே தேர்வு அறைக்கு வர வேண்டும்.
10) எனவே கம்மல், செயின் போன்ற அணிகலன்கள் அணிவதைத் தவிர்க்கவும்.
11) இன்றே(12/09/2020) தேர்வு நிலையம் சென்று இருக்கை அங்கு தான் உள்ளதா என்று தெரிந்துக்கொண்டு கடைசி நேரக் குழுப்பத்தை தவிர்க்கலாம்.

நாடு முழுவதும் 3,842 தேர்வு மையங்களில் 15,97,433 மாணவர்கள் நீட் தேர்வு எழுத உள்ளனர். தமிழ்நாட்டில் 238 தேர்வு மையங்களில் 1,17,990 மாணவர்கள் தேர்வு எழுத இருக்கின்றனர். சென்ற ஆண்டை விட நடப்பு ஆண்டு தமிழகத்திலிருந்து தேர்வு எழுதுபவர்களின் எண்ணிக்கை குறைந்துள்ளது.

தேசிய அளவிலான பொறியியல் படிப்புகளுக்காக எழுதப்படும் JEE தேர்வு எழுத 2 மாணவர்கள் வராத நிலையில், நீட் தேர்வுக்கு எவ்வளவு நபர்கள் வருவார்கள் என்ற கேள்வியும் எழுந்துள்ளது.