தமிழகத்தில் கொரோனா வைரஸ் தொற்றுப் பரவலைக் குறைக்கும் நோக்கில் நேற்று முதல் பல கட்டுப்பாடுகள் கொண்ட ஊரடங்கு உத்தரவு அமலில் இருக்கிறது. இந்நிலையில் தற்போது பல்வேறு தளர்வுகளை அறிவித்திருக்கிறது தமிழக அரசு.

அதன்படி, ‘காய்கறி, மலர்கள் ஆகியவற்றை விற்பனை செய்ய அளிக்கப்பட்ட அனுமதியைப் போன்று, அதே நிபந்தனைகளுடன் பழ வியாபாரமும் மேற்கொள்ளலாம் என்று அறிவிக்கப்படுகிறது.

ஆங்கில மருந்துக் கடைகள் இயங்க அளிக்கப்பட்ட அனுமதியைப் போன்று அதே நிபந்தனைகளுடன் நாட்டு மருந்துக் கடைகளும் இயங்கலாம் என்று அறிவிக்கப்படுகிறது.

அனைத்துத் தொழில் நிறுவனங்கள் ஊரடங்கு காலத்தில் தொழிற்சாலைகளில் பறி பராமரிப்புப் பணிகளை மேற்கொள்வதற்கு ஒரு நாள் மட்டும் குறைந்த அளவிலான பணியாளர்களுடன் மேற்கொள்ள அனுமதி வழங்கப்படுகிறது’ என்று தளர்வுகள் குறித்த விவரங்களை தமிழக அரசு அறிவித்துள்ளது.

தனியார் மற்றும் ஐடி நிறுவனங்களுக்கு விதிக்கப்பட்டுள்ள கட்டுப்பாடுகள் தொடர்ந்து அமலில் இருக்கும் என்று தெரிகிறது. அதேபோல மதியம் 12 மணிக்கு மேல் அனுமதிக்கப்பட்ட கடைகள் செயல்படவும் தடைகள் தொடரும் எனத் தெரிகிறது.

தமிழக முதல்வராக சமீபத்தில் பதவியேற்ற முக ஸ்டாலின் அவர்கள் தனது செயலாளராக 4 ஐ.ஏ.எஸ் அதிகாரிகளை நியமித்தார் என்பதை ஏற்கனவே பார்த்தோம். உதயச்சந்திரன், உமாநாத், சண்முகம் மற்றும் அனு ஜார்ஜ் ஆகிய நால்வருக்கும் தற்போது துறைகளை ஒதுக்கீடு செய்யப்பட்டுள்ளது

இது குறித்து சற்று முன் வெளியான தகவலின்படி நால்வருக்கும் ஒதுக்கீடு செய்யப்பட்டுள்ள துறைகள் குறித்த விவரங்கள் பின்வருமாறு:

உதயச்சந்திரன் – பள்ளிக்கல்வி, உயர்கல்வி, தொழில்துறை உள்ளிட்ட துறைகள் ஒதுக்கீடு

உமாநாத் – நிதி, உணவு, சுகாதாரம், போக்குவரத்து உள்ளிட்ட துறைகள் ஒதுக்கீடு

சண்முகம் – முதலமைச்சர் அலுவலக நிர்வாகம், கூட்டுறவு, வருவாய், சட்டம், வேளாண் உள்ளிட்ட துறைகள் ஒதுக்கீடு

அனு ஜார்ஜ் – சமூக நலம், சுற்றுலா, விளையாட்டுத்துறை, சுற்றுச்சூழல் உள்ளிட்ட துறைகள் ஒதுக்கீடு

தமிழகத்தில் புதிதாக ஆட்சிப் பொறுப்பேற்றுள்ள திமுக அரசு, தனது கட்சியின் சட்டமன்ற உறுப்பினரான அப்பாவுவை சட்டசபை சபாநாயகராக தேர்வு செய்துள்ளது.

கடந்த 2016 ஆம் ஆண்டு திமுக சார்பில் சட்டமன்றத் தேர்தலில் போட்டியிட்ட அப்பாவு, 49 வாக்குகள் வித்தியாசத்தில் தோல்வியுற்றதாக அறிவிக்கப்பட்டது. அதை எதிர்த்து அவர் நீதிமன்றத்தில் முறையிட்டார். அந்த வழக்கு இன்று வரை நடந்து வருகிறது.

இந்நிலையில் இந்த முறை மீண்டும் திமுக சார்பில் எம்.எல்.ஏ ஆக போட்டியிட்ட அப்பாவு, அபார வெற்றி பெற்று சட்டமன்றத்துக்குள் நுழைந்துள்ளார். மேலும் அவர் போட்டியின்றி சபாநாயகராகவும் தேர்வு செய்யப்பட்டு உள்ளார்.

M Appavu, an ex-Congressman, who first entered TN Assembly on a TMC ticket & later as an Independent & subsequently representing the DMK, is the new Speaker. Five years ago he was pushed & bundled out of a counting centre. He lost by 49 votes. His election petition is pending. pic.twitter.com/lvnfv2J1CE

— D Suresh Kumar (@dsureshkumar) May 11, 2021

2016 ஆம் ஆண்டு அவர் தொகுதிக்கு உட்பட்ட வாக்குச் சாவடியில் பிரச்சனை இருப்பதாக குற்றம் சாட்டியபோது, அங்கிருந்த காவலர்களால் அவர் தரதரவென வெளியே இழுத்து வரப்பட்டு அவமானப்படுத்தப் பட்டார்.

இன்று அதே அப்பாவு, சபாநாயகராக தேர்வு செய்யப்பட்டுள்ளது குறித்து சமூக வலைதளங்களில் ஒப்பீடு வீடியோ ஒன்று வலம் வந்து கொண்டிருக்கிறது.