என்ஆர்சி, சிஏபி, சிஏஏ உள்ளிட்ட குடியுரிமை சட்டத் திருத்தங்களைச் செய்ததிலிருந்து, தமிழகத்தில் அகதிகளாக உள்ள இலங்கைத் தமிழர்களின் நிலை என்ன என்பது கேள்விக்குறியாகவே உள்ளது.

இந்த குடியுரிமை சட்டத்திற்கு எதிராகத் தமிழகம் உட்பட நாடு முழுவதும் போராட்டம் நடைபெற்றது. தமிழக அரசும், மத்திய அரசிடம் இலங்கை தமிழ் அகதிகளுக்கு இரட்டை குடியுரிமை வழங்க வேண்டும் என்று கோரிக்கை வைத்தது.

ஆனால், இன்று புதுவை எம்பி கோகுலகிருஷ்ணன் மாநிலங்களவையில் எழுப்பிய கேள்விக்குப் பதில் அளித்த, மத்திய உள்துறை இணை அமைச்சர் நித்தியானந்த ராய், “இலங்கை தமிழ் அகதிகளுக்கு இரட்டை குடியுரிமை அளிக்க சட்டத்தில் இடமில்லை என்று தெரிவித்துள்ளார்.

நடப்பு கல்வி ஆண்டு முதல் 5 மற்றும் 8-ம் வகுப்பு மாணவர்களுக்கு பொதுத் தேர்வு நடைபெற உள்ளது.

இந்த பொதுத் தேர்வு நடைமுறை பெறும் அளவில் எதிர்ப்புகளைப் பெற்று வரும் நிலையில், திங்கட்கிழமை பத்திரிக்கையாளர்களைச் சந்தித்த பள்ளிக்கல்வித் துறை அமைச்ச செங்கோட்டையன், “5 மற்றும் 8-ம் வகுப்பு பொதுத்தேர்வுகளைக் கண்டு மாணவர்கள் பயப்பட வேண்டாம்.

ஆண்டுதோறும் நடைபெறும் தேர்வைப் போலவே இந்தப் பொதுத்தேர்வு நடைபெறும். தேர்வில் பங்கேற்கும் அணைத்து மாணவர்களும் 100 சதவீத தேர்ச்சியைப் பெறுவார்கள்.

மாணவர்களுக்குப் பெற்றோர்கள் பக்கபலமாக இருக்க வேண்டும், பொதுத்தேர்வு குறித்த புரிதலை மாணவர்களுக்கு ஏற்படுத்தித் தர வேண்டும்” அமைச்சர் செங்கோட்டையன் கேட்டுக்கொண்டார்.

எனவே பொதுத் தேர்வு நடைபெற்றாலும் எப்போதும் போல அனைத்து மாணவர்களும் அடுத்த ஆண்டு படிப்பைத் தொடர்வதில் எந்த சிக்கலும் இருக்காது என்று கூறப்படுகிறது.

ஆனால் இதை வைத்து மாணவர்கள் தரம் பிரிக்கப்பட்டு அவர்கள் திறனுக்கு ஏற்றவாறு பாடத்திட்டங்கள் மற்றும் பயிற்சிகளில் மாற்றம் நடைபெற வாய்ப்புகள் உள்ளது.

பொதுத்தேர்வு எழுதுவதால், 8-ம் வகுப்பு படிக்கும் மாணவர்களுக்கு மாலை ஒரு மணி நேரம் சிறப்பு வகுப்பு என்று ஈரோடு மாவட்ட முதன்மை கல்வி அலுவலர் சுற்று அறிக்கை அனுப்பி இருந்தது சர்ச்சை ஆனது.

8-ம் வகுப்பு படிக்கும் மாணவர்களுக்கு, சிறப்பு வகுப்புகள் ஏதுமில்லை என்று தொடக்கக் கல்வி இயக்குனரகம் தெளிவு படுத்தியிருந்தது.

இந்நிலையில் இந்த சர்ச்சைக்கு விளக்கம் அளித்துள்ளது பள்ளி கல்வித் துறை அமைச்சர் செங்கோட்டையன், “ஈரோடு மாவட்ட மாணவர்கள், விருப்பப்பட்டால் சிறப்பு வகுப்பில் பங்கேற்கலாம்” என்று தெரிவித்துள்ளார்.