தமிழகத்தில் வரும் ஏப்ரல் 6-ஆம் தேதி சட்டமன்ற பொதுத்தேர்தல் நடைபெற இருக்கும் நிலையில் அனைத்து அரசியல் கட்சிகளும் கூட்டணி குறித்த பேச்சுவார்த்தையை விறுவிறுப்பாக நடத்தி வருகின்றன.

தமிழகத்தில் அதிமுக கூட்டணியில் உள்ள பாஜகவுக்கு 25 முதல் 30 தொகுதிகளை கிடைக்க வாய்ப்பு இருப்பதாக கருதப்படுகிறது. இந்த நிலையில் பாஜகவில் போட்டியிடும் பிரமுகர்கள் குறித்த தகவல் தற்போது கசிந்துள்ளது.

மதுரை தெற்கு தொகுதியில் ஏஆர் மகாலட்சுமியும், காரைக்குடி பகுதியில் பிஆர் செந்தில்நாதன், ராஜபாளையம் பகுதியில் நடிகை கெளதமிம் சேப்பாக்கம் தொகுதியில் நடிகை குஷ்புவும் மயிலாப்பூர் தொகுதியில் அண்ணாமலை போட்டியிட வாய்ப்பு இருப்பதாகவும் இவர்களுக்கு கிட்டத்தட்ட இந்த தொகுதிகள் இறுதி செய்யப்பட்டுள்ளதாகவும் கூறப்படுகிறது.

மேலும் கோவை மற்றும் சென்னையில் மேலும் ஒரு சில தொகுதிகளில் பாஜக பிரமுகர்கள் போட்டியிடுவார்கள் என்றும் சென்னையில் உள்ள முக்கிய தொகுதியில் பாஜக தமிழக தலைவர் எல் முருகன் போட்டியிடுவார் என்றும் கூறப்படுகிறது. அனேகமாக திமுக தலைவர் முக ஸ்டாலினை எதிர்த்து கொளத்தூரில் அவர் போட்டியிடுவார் என்று கூறப்படுகிறது.

அதிமுக மற்றும் பாஜக தொகுதி உடன்பாடு பேச்சுவார்த்தை குறித்து பேச்சுவார்த்தை முடிவடைந்த நிலையில் விரைவில் அதிகாரபூர்வமாக அறிவிக்கப்பட்ட இருக்கும் நிலையில் தற்போது வேட்பாளர்கள் குறித்த தகவல் கசிந்துள்ளது பெரும் பரபரப்பை ஏற்படுத்தி உள்ளது.

புதுவையில் நாராயணசாமி தலைமையிலான காங்கிரஸ் அரசு சமீபத்தில் கவிழ்ந்த நிலையில் தற்போது புதுவை சபாநாயகர் சிவக்கொழுந்து திடீரென தனது பதவியை ராஜினாமா செய்துள்ளார்.

சமீபத்தில் புதுவையில் முதல்வர் நாராயணசாமி ஆட்சி பெரும்பான்மையை நிரூபிக்க முயற்சித்தபோது நியமன உறுப்பினர்களுக்கு வாக்களிக்க அனுமதிக்க கூடாது என காங்கிரஸ் கட்சி கோரிக்கை விடுத்தது. ஆனால் அந்த கோரிக்கையை சபாநாயகர் சிவக்கொழுந்து நிராகரித்ததை அடுத்து நாராயணசாமி அரசு பெரும்பான்மை இழந்ததாக அறிவிக்கப்பட்டது.

திமுக மற்றும் காங்கிரஸ் எம்எல்ஏக்கள் அடுத்தடுத்து ராஜினாமா செய்ததால் புதுவையில் நாராயணசாமி அரசு கவிழ்ந்தது என்பது குறிப்பிடத்தக்கது. இந்த நிலையில் நேற்று உள்துறை அமைச்சர் அமித்ஷா புதுவைக்கு வருகை தந்திருந்த போது சபாநாயகர் சிவக்கொழுந்து அவர்களின் மகன் மற்றும் சகோதரர் பாஜகவில் இணைந்தனர்

இவர்கள் இருவரும் பாஜகவில் இணைந்த சில மணி நேரங்களில் சபாநாயகர் பதவியை ராஜினாமா செய்ததாகவும் உடல்நிலையை கருத்தில் கொண்டே இந்த முடிவு எடுத்துள்ளதாகவும் சிவக்கொழுந்து துணை நிலை ஆளுனரிடம் ராஜினாமா கடிதத்தை அனுப்பி உள்ளார். ராஜினாமாவை அடுத்து சிவக்கொழுந்து அவர்களும் பாஜகவில் இணைய வாய்ப்பு இருப்பதாக கூறப்படுவதால் புதுவையில் மீண்டும் பரபரப்பு ஏற்பட்டுள்ளது

அதிமுக மற்றும் பாஜக இடையே தொகுதி உடன்பாடு குறித்த பேச்சுவார்த்தை இரவு 10 மணிக்கு தொடங்கி நள்ளிரவு ஒரு மணிக்கு முடிந்ததாக தகவல்கள் வெளிவந்துள்ளன.

நேற்றிரவு சென்னை வந்த அமித்ஷாவுடன் முதலமைச்சர் எடப்பாடி பழனிச்சாமி, துணை முதலமைச்சர் ஓ பன்னீர்செல்வம், தேனி தொகுதி எம்பி இரவீந்திரநாத் குமார் ஆகியோர் அதிமுக தரப்பிலும், பாஜக தரப்பில் எல்.முருகன், பொன் ராதாகிருஷ்ணன், சிடி ரவி மற்றும் சந்தோஷ் ஆகியோர் பேச்சுவார்த்தை நடத்தினர்

சென்னையில் உள்ள நட்சத்திர விடுதியில் இரவு 10 மணிக்கு தொடங்கிய இந்த பேச்சுவார்த்தை சுமார் 3 மணி நேரத்திற்கு மேல் நடந்தது என்பதும் நள்ளிரவு ஒரு மணிக்கு மேல் பேச்சுவார்த்தையும் நிறைந்ததாகவும் தெரிகிறது.

இதனை அடுத்து உள்துறை அமைச்சர் அமித்ஷா விமானம் மூலம் டெல்லி புறப்பட்டு சென்றார் இந்த நிலையில் பேச்சுவார்த்தை சுமுகமாக முடிவடைந்ததாகவும் அதிமுக கூட்டணியில் பாஜகவுக்கு எத்தனை தொகுதிகள் என்பது குறித்த தகவல்கள் பின்னர் அறிவிக்கப்படும் என்றும் தமிழக பாஜக தலைவர் எல்.முருகன் தெரிவித்தார்.

அனேகமாக இன்று அதிமுக தலைமை பாஜகவுக்கு எத்தனை தொகுதிகள் என்பது குறித்த அதிகாரபூர்வ அறிவிப்பை வெளியிடும் என்று எதிர்பார்க்கப்படுகிறது.