அதிமுக கூட்டணியில் உள்ள தேமுதிக இன்று அமைச்சர் தங்கமணி வீட்டில் தொகுதி பங்கீடு குறித்து பேச்சுவார்த்தை நடத்துவதாக திட்டமிட்டிருந்த நிலையில் திடீரென அந்த பேச்சுவார்த்தை ரத்து செய்யப்பட்டுள்ளதாக வெளிவந்திருக்கும் தகவலால் பெரும் பரபரப்பு ஏற்பட்டுள்ளது.

அதிமுக கூட்டணியில் உள்ள பாஜக மற்றும் பாமக ஆகிய இரண்டு கட்சிகளிலும் தொகுதி உடன்பாடு குறித்து பேச்சுவார்த்தை நடத்தி முடிக்கப்பட்டுவிட்டது. இதனையடுத்து இன்று அமைச்சர் தங்கமணியின் இல்லத்தில் தேமுதிக நிர்வாகிகளுடன் பேச்சுவார்த்தை நடத்த திட்டமிடப்பட்டிருந்தது.

இந்த நிலையில் அமைச்சர் தங்கமணி இல்லத்தில் நடைபெறுவதாக இருந்த அதிமுக-தேமுதிக கூட்டணி பேச்சுவார்த்தை திடீரென ரத்து செய்யப்பட்டதாக தகவல்கள் வெளிவந்துள்ளன. அதிமுக மீது தேமுதிக அதிருப்தியில் இருப்பதாகவும், இதனால் சட்டசபை தேர்தல் தொகுதி பங்கீடு பேச்சுவார்த்தையில் சிக்கல் ஏற்பட்டுள்ளதாகவும் கூறப்படுகிறது.

மேலும் தங்களுக்கு உரிய முக்கியத்துவத்தை அதிமுக தரவில்லை என தேமுதிக அதிருப்தி அடைந்து இருப்பதால் தான் அதிமுகவுடனான பேச்சுவார்த்தையை தேமுதிக நிர்வாகிகள் தவிர்த்து விட்டதாக தகவல் வெளிவந்துள்ளது

அதிமுக கூட்டணியில் ஒருவேளை தேமுதிக இடம் பெறவில்லை என்றால் தேமுதிகவின் அடுத்தகட்ட நிலை என்ன என்பதை பொறுத்திருந்து பார்ப்போம்.

தங்கம் விலை கடந்த சில நாட்களாக சரிந்து வந்த நிலையில் தற்போது மீண்டும் உயர்ந்துள்ளதாக தகவல்கள் வெளிவந்துள்ளது.

தங்கத்தில் முதலீடு செய்வது எப்போதும் பாதுகாப்பு என்றும் எந்த விலையில் தங்கம் வாங்கினாலும் அது நமக்கு லாபத்தை கொடுக்கும் என்றும் பொருளாதார வல்லுனர்கள் தெரிவித்து வருகின்றனர். இந்த நிலையில் கடந்த சில நாட்களாக தங்கத்தின் விலை வீழ்ச்சி அடைந்ததால் தங்கம் வாங்க சரியான நேரம் இதுதான் என்று பலர் அறிவுறுத்தினர்.

இந்த நிலையில் தற்போது தங்கத்தின் தேவை அதிகரித்து வருவதால் மீண்டும் தங்கம் விலை உயர்ந்துள்ளது. ஆபரண தங்கத்தின் விலை சென்னையில் இன்று ஒரு கிராம் 24 உயர்ந்து ரூபாய் 4355 விற்பனையாகி வருகிறது. ஒரு பவுன் 192 உயர்ந்து 34 ஆயிரத்து 840 என விற்பனையாகி வருகிறது

இதேபோல் 24 காரட் தங்கத்தின் விலை 8 கிராம் 37 ஆயிரத்து 912 என விற்பனையாகி வருகிறது என்பது குறிப்பிடத்தக்கது. வெள்ளியின் விலை தற்போது 80 காசுகள் உயர்ந்து 73.30 ரூபாய்க்கும், ஒரு கிலோ 73 ஆயிரத்து 300 என்ற விலையில் விற்பனையாகி வருவதாகவும் நகைக்கடை வட்டாரங்கள் தெரிவித்துள்ளனர்

இந்தியா முழுவதும் கடந்த சில வாரங்களாக தடுப்பூசி போடப்பட்டு வருகிறது என்பதும் முதலில் சுகாதார பணியாளர்களுக்கும் வயதானவர்களுக்கும் போடப்பட்டு வரும் இந்த தடுப்பூசி அடுத்த கட்டமாக 40 வயதுக்கு மேல் உள்ளவர்கள் போடுவதற்காக இன்று முதல் தொடங்கப்பட்டுள்ளது.

இந்த நிலையில் பிரதமர் மோடி இன்று காலை டெல்லி எய்ம்ஸ் மருத்துவமனையில் கொரோனா தடுப்பூசி முதல் டோஸ் போட்டுக்கொண்டார். இதனை அடுத்து அவர் பொதுமக்களுக்கு அனைவரும் கொரோனா வைரஸ் தடுப்பூசி போட்டுக்கொள்ள வேண்டும் என்றும் இந்த தடுப்பூசியை போடுவதற்கு யாரும் எந்தவித அச்சமும் பட வேண்டிய அவசியம் இல்லை என்றும் அறிவுறுத்தினார்.

இந்த நிலையில் பிரதமர் மோடிக்கு தடுப்பூசி போட்ட நர்ஸ் நிவேதா என்பவர் தனது நெகழ்ச்சியான அனுபவத்தை ஊடகம் ஒன்றில் பகிர்ந்துள்ளார். பிரதமர் மோடி அவர்களுக்கு தடுப்பூசி போட்ட பின் அவர் என்னிடம் சகஜமாக பேசினார். சொந்த ஊர் எது என்று என்னிடம் அன்புடன் விசாரித்தார் என்றும் கூறினார். மேலும் பிரதமர் மோடி அவர்களுக்கு தடுப்பு ஊசி செலுத்தியதில் எனக்கு மிக்க மகிழ்ச்சி என்று அந்த நர்ஸ் நிவேதா நெகழ்ச்சியுடன் பேட்டி அளித்துள்ளார். இந்த பேட்டி தற்போது வைரலாகி வருகிறது என்பது குறிப்பிடத்தக்கது.