சென்னை மாதவரம் சுற்றுவட்டாரத்தில், ஆண் நண்பர்களைத் திருட்டுத்தனமாகச் சந்திக்கும் பெண்களை பாலியல் வன்புணர்வு செய்த போலி போலீஸ் கைது செய்யப்பட்டுள்ளான்.

மணலியைச் சேர்ந்த பெண் ஒருவர், புகார் ஒன்றை அளித்தார். அதில் மாதவரம் பால் பண்ணை அருகில், ஆண் நண்பருடன் பேசிக்கொண்டு இருந்த போது, காவலர் என்று கூறிக்கொண்டு வந்த நபர் ஒருவர் ஆண் நண்பரை விரட்டியடித்துவிட்டு தன்னை பாலியை வன்கொடுமை செய்ததாகத் தெரிவித்து இருந்தார். மேலும் தன் கை பையில் வைத்திருந்து 15 ஆயிரம் ரொக்கப் பணத்தையும் பிடுங்கிச் சென்றதாகக் குறிப்பிட்டு இருந்தார்.

இதையடுத்து விசாரணையைத் தொடங்கிய காவல் துறையினர், சிசிடிவி காட்சி ஒன்றை ஆய்வு செய்த போது, பிச்சைமணி என்பவன் தான் இதற்குக் காரணம் என்று கண்டு பிடித்து கைது செய்தனர்.

அவனை விசாரணை செய்ததில் 50-க்கும் மேற்பட்ட பெண்களிடம், காவலர் எனக் கூறி பாலியல் வன்கொடுமையில் ஈடுபட்டது தெரியவந்துள்ளது.

தேமுதிக தலைவர் விஜயகாந்த்துக்கு கொரோனா தொற்று அறிகுறி உள்ளதால், மருத்துவர்கள் சிகிச்சை அளித்து வருகின்றனர்.

விஜயகாந்த்துக்கு கொரோனா தொற்று அறிகுறிகள் இருந்ததை அடுத்து, சென்னை நந்தம்பாக்கத்தில் உள்ள பிரபல மியாட் தனியார் மருத்துவமனையில் அனுமதிக்கப்பட்டுள்ளார்.

கொரோனா தொற்று அறிகுறிகள் இருந்ததால், மருத்துவமனையில் அனுமதிக்கப்பட்டுள்ள விஜயகாந்த்துக்கு, கொரோனா சோதனை நடைபெற்றுள்ளதாகவும், அதற்கு முன்னதாக வழங்கப் பட வேண்டிய சிகிச்சைகள் வழங்கப்பட்டு வருகிறது என்றும் தகவல்கள் கூறுகின்றன.

தேமுதிக தொண்டர்கள், மருத்துவமனை பக்கம் குவிந்துவருகின்றனர்.

திருமணமானதை மறைத்து, இளம்பெண்களை ஏமாற்றி திருமணம் செய்தால், கடுமையான தண்டனை வழங்க வேண்டும் என்று சென்னை உயர் நீதிமன்றம் எச்சரித்துள்ளது.

காணாமல் போன 10-ம் வகுப்பு மாணவியை மீட்டுத் தர வேண்டும் என்ற ஆட்கொணர்வு மனு, சென்னை உயர் நீதிமன்றத்தில் விசாரணைக்கு வந்துள்ளது.

அப்போது மாணவி ஆடை தொழிற்சாலை ஒன்றில் பணிபுரிந்து வந்ததாகவும், அங்கு பணிபுரிந்து வந்த திருமணமான ஒருவரை மணமுடிந்ததாகவும் காவல் துறையினர் அறிக்கை சமர்ப்பித்தனர்.

வீட்டை விட்டு ஓடிப் போகும் இளம் பெண்களை, ஏற்கனவே திருமணமானவர் ஏமாற்றி திருமணம் செய்துகொண்டதாக எத்தனை வழக்குகள் பதிவு செய்யப்பட்டுள்ளன. இப்படி வந்த புகாரின் பெயரில் எத்தனை பேர் கைது செய்யப்பட்டுள்ளனர் என்று நீதிபதிகள் அறிக்கை சமர்ப்பிக்குமாறு நீதிபதிகள் கேட்டுள்ளனர்.

மேலும், இப்படி திருமணமானதை மறைத்து, இளம்பெண்களை ஏமாற்றியவர்கள் மீது கடும் நடவடிக்கை வேண்டும் என்றும் சென்னை உயர் நீதிமன்றம் தெரிவித்துள்ளது.