நடிகர் விவேக் அவர்கள் மாரடைப்புக்கும் அவரது மரணத்திற்கு கொரோனா தடுப்பூசி காரணமில்லை என ஏற்கனவே அவருக்கு சிகிச்சை அளித்த மருத்துவமனை விளக்கம் அளித்துள்ளது

அதுமட்டுமின்றி சுகாதார துறை அமைச்சர் விஜயபாஸ்கர், சென்னை மாநகர கமிஷனர் பிரகாஷ் உள்பட பலரும் விவேக் மரணத்தையும் தடுப்பூசியையும் தொடர்புபடுத்த வேண்டாம் என்றும் வேண்டுகோள் விடுத்திருந்தனர்

இந்த நிலையில் சற்று முன் நாம் தமிழர் கட்சியின் ஒருங்கிணைப்பாளர் சீமான் அவர்களும் இது குறித்த தனது கருத்தை தெரிவித்துள்ளார். நடிகர் விவேக்கின் இறப்பு குறித்த கேள்விக்கு பதிலளித்த அவர், ‘நான் கொரோனா தடுப்பூசி போடவில்லை என்றும் இருப்பினும் விவேக்கின் மரணத்திற்கு கொரோனா தடுப்பூசி காரணம் இல்லை என்றும் விவேக்கிற்கு மாரடைப்பு ஏற்பட்டதால் மட்டுமே அவர் மரணமடைந்ததாகவும் தெரிவித்தார்

மேலும் ஒருவேளை ஊசி போட்டதால் கூடுதலாக வந்து இருக்கலாமே தவிர தடுப்பூசியே காரணம் இல்லை என்றும் அவர் கூறினார்.

தமிழகத்தில் சிவகாசி, விருதுநகர், கோவில்பட்டி, சாத்தூர் பகுதிகளில் அவ்வப்போது பட்டாசு தொழிற்சாலைகளில் ஏற்படும் விபத்து காரணமாக பெரும் சேதம் உயிர் பலியும் ஏற்பட்டு வருவது குறித்த செய்திகளை பார்த்து வருகிறோம். இந்த நிலையில் இன்று அதிர்ச்சி தரும் செய்தியாக வேலூர் மாவட்டத்தில் பட்டாசு கடை ஒன்றில் வெடி விபத்து ஏற்பட்டதில் 3 பேர் உயிரிழந்ததாக தகவல்கள் வெளிவந்துள்ளன.

வேலூர் மாவட்டத்தில் லத்தேரி பேருந்து நிலையம் அருகே பட்டாசு கடை ஒன்றில் திடீரென வெடி விபத்து ஏற்பட்டது. இந்த வெடி விபத்தில் சிக்கி 3 பேர் உயிரிழந்துள்ளனர். உயிரிழந்த மூவரில் பட்டாசு கடை உரிமையாளர் ஒருவர் என்பதும், அவரது இரண்டு பேரக்குழந்தைகள் என்பதும் மூவரும் பட்டாசு வெடி விபத்தில் ஏற்பட்ட தீயினால் உடல் கருகி உயிரிழந்தனர் என்றும் செய்திகள் வெளியாகி உள்ளது.

இந்த தீ விபத்தில் பட்டாசு கடை மட்டுமின்றி அருகில் நிறுத்தி வைக்கப்பட்டிருந்த பத்துக்கும் மேற்பட்ட இருசக்கர வாகனங்களும் தீயில் எரிந்து சேதம் ஆகியுள்ளது. இது குறித்த தகவல் அறிந்ததும் தீயணைப்பு துறையினர் விரைந்து வந்து தீயை தீயை அணைக்கும் முயற்சியில் தீவிரமாக ஈடுபட்டனர். இந்தநிலையில் சம்பவ இடத்தில் காட்பாடி டிஎஸ்பி நேரில் சென்று விசாரணை செய்து வருவதாக தகவல்கள் வெளிவந்துள்ளன.

மன்சூர் அலிகான் பேசியது கிரிமினல் குற்றம் என்றும் அவர் மீது சட்டப்படி நடவடிக்கை எடுக்கப்படும் என்றும் சென்னை மாநகராட்சி ஆணையர் பேட்டி அளித்து இருப்பது பெரும் பரபரப்பை ஏற்படுத்தி உள்ளது.

நேற்று நடிகர் மன்சூர் அலிகான் செய்தியாளர்களை சந்தித்தபோது கொரோனா என்ற நோயே இல்லை என்றும் தடுப்பூசி என்பது மக்களுக்கு தேவை இல்லாதது என்றும் தடுப்பூசி என்ற பெயரிலும் கொரோனா என்ற பெயரிலும் மக்களை பயமுறுத்துகிறார்கள் என்றும் தடுப்பூசி போடுவதால் கூடுதலாக நோய் வருமே தவிர எந்த நோயும் குணமாகாது என்று ஆவேசமாக பேசினார்.

மேலும் கொரோனா வைரஸ் பல ஆண்டுகளாக இருந்து வருகிறது என்றும் தற்போது தான் உருவாக்கிய அனைத்து நாடுகளின் அரசுகளும் நாடகம் ஆடுவதாகவும் பணம் சம்பாதிப்பதற்காகவே அரசியல்வாதிகள் இதுபோல் செய்கிறார்கள் என்றும் அவர் தெரிவித்தார். மேலும் முதலில் கொரோனா பரிசோதனை செய்வதை நிறுத்த வேண்டும் என்றும் இங்கு யாருக்கும் இல்லை என்றும் எனவே தடுப்பூசி யாருக்கும் தேவையில்லை என்றும் பேசினார் அவருடைய இந்த பேச்சு பெரும் பரபரப்பை ஏற்படுத்தியது.

இந்த நிலையில் இது குறித்து பேட்டியளித்த சென்னை மாநகராட்சி ஆணையர் பிரகாஷ் அவர்கள் தடுப்பூசி குறித்து அவதூறு பரப்பிய நடிகர் மன்சூர் அலிகான் மீது டிஜிபி அலுவலகத்தில் புகார் அளிக்கப்படும் என்றும் அவர் பேசியது கிரிமினல் குற்றம் என்றும் தெரிவித்துள்ளார். இதனால் பரபரப்பு ஏற்பட்டுள்ளது.