இன்று நடைபெற்று வரும் ஐபிஎல் கிரிக்கெட் போட்டியில் டாஸ் வென்ற பெங்களூரு அணி முதலில் பேட்டிங் செய்ய முடிவெடுத்துள்ளது

இன்று ஐபிஎல் போட்டியின் பத்தாவது போட்டியின் சென்னையில் நடைபெற்று வருகிறது. இன்றைய போட்டியில் பெங்களூர் மற்றும் கொல்கத்தா அணிகள் மோதுகின்றன. இந்த நிலையில் சற்று முன் டாஸ் போடப்பட்ட நிலையில் பெங்களூர் அணியின் கேப்டன் விராட் கோஹ்லி டாஸ் வென்று முதலில் பேட்டிங் தேர்வு செய்துள்ளார்

இதனை அடுத்து சற்று முன்னர் களமிறங்கிய படிக்கல் மற்றும் விராத் கோலி அதிரடியாக விளையாடி வருகின்றனர். முதல் ஓவரிலேயே அந்த அணி 6 ரன்கள் எடுத்துள்ளது என்பது குறிப்பிடத்தக்கது. பெங்களூரு அணி ஏற்கனவே விளையாடிய இரண்டு போட்டிகளிலும் வெற்றி பெற்றுள்ள நிலையில் இன்றும் தொடர் வெற்றி பெறுமா? என்பதை பொறுத்திருந்து பார்ப்போம்

இன்றைய போட்டியில் விளையாடும் இரு அணிகளின் வீரர்கள் குறித்த தகவலை தற்போது பார்ப்போம்

கொல்கத்தா: ரானா, கில், ராகுல் திரிபாதி, இயான் மோர்கன், ஷகிப் அல் ஹூசைன், தினேஷ் கார்த்திக், ஆண்ட்ரு ரஸல், பாட் கம்மின்ஸ், ஹர்பஜன்சிங், பிரதிஷ் கிருஷ்ணா, வருண் சக்கரவர்த்தி,

பெங்களூரு: விராத் கோஹ்லி, படிக்கல், ரஜத் படிதார், மாக்ஸ்வெல், டிவில்லியர்ஸ், ஷாபஸ் அகமது, வாஷிங்டன் சுந்தர், ஜேமிசன், ஹர்ஷல் பட்டேல், சிராஜ், சாஹல்,

நேற்று நடைபெற்ற மும்பை மற்றும் ஹைதராபாத் அணிகளுக்கு இடையிலான போட்டியில் 151 என்ற எளிய இலக்கை நோக்கி விளையாடிய அந்த ஹைதராபாத் அணி முதல் 10 ஓவர்கள் வரை ஆட்டத்தை தனது பக்கமே வைத்திருந்தது. ஆனால் அதன் பின் திடீரென ஆட்டத்தில் திருப்புமுனை ஏற்பட்டு மும்பை அணி 13 ரன்கள் வித்தியாசத்தில் வெற்றி பெற்றது என்பது குறிப்பிடத்தக்கது.

இந்த நிலையில் நேற்றைய போட்டியில் தமிழகத்தைச் சேர்ந்த யார்க்கர் கிங் நடராஜன் களமிறக்கப்படாதது பெரும் சர்ச்சையை ஏற்படுத்தியது. இந்த நிலையில் இதுகுறித்து ஐதராபாத் அணியின் ஆலோசகர் விவிஎஸ் லட்சுமணன் அவர்கள் விளக்கமளித்துள்ளார். அவர் கூறியதாவது:

நேற்றைய ஆட்டத்தில் வேகப்பந்துவீச்சாளர் நடராஜன் களமிறங்கவில்லை. அவரின் இடதுகாலில் லேசான வீக்கம் இருந்ததால் தொடர்ந்து அவர் சிரமப்படக்கூடாது என்பதற்காகவே அவருக்கு ஓய்வு அளிக்கப்பட்டது. அவருக்கு பதிலாக கலீல் அகமது களமிறக்கப்பட்டார். நடராஜன் காலில் ஏற்பட்ட வீக்கம் குறித்து மருத்துவர்களிடம் ஆலோசித்து வருகிறோம். சன்ரைசர்ஸ் மருத்துவ ஆலோசகர்கள் சரியான முடிவை எடுப்பார்கள். அது அவருக்கும், உரிமையாளருக்கும் பயனளிக்கும்” என்று விவிஎஸ் லட்சுமண் கூறினார்.

நேற்று நடைபெற்ற மும்பை மற்றும் ஹைதராபாத் அணிகளுக்கு இடையிலான போட்டியில் 151 என்ற இலக்கை நோக்கி விளையாடிய ஹைதராபாத் அணி ஆரம்பத்தில் அதிரடியாக விளையாடிய போதிலும் கடைசி நேரத்தில் சொதப்பியதால் தோல்வி அடைந்தது.

நேற்று டாஸ் வென்ற மும்பை அணி முதலில் பேட்டிங் செய்ய முடிவு எடுத்தது. இதனையடுத்து அந்த அணியின் குவின்டன் டி காக் 40 ரன்களும், பொல்லார்டு 35 ரன்களும் ரோகித் சர்மா 32 ரன்களும் எடுத்ததால், அந்த அணி 20 ஓவர்களில் 5 விக்கெட் இழப்புக்கு 150 ரன்கள் எடுத்திருந்தது.

இதனை அடுத்து 151 ரன்கள் என்ற இலக்கை நோக்கி விளையாடிய ஐதராபாத் அணி 67 ரன்கள் வரை விக்கெட் இழக்காமல் இருந்தது. மேலும் 11 ஓவர்களில் 90 ரன்கள் அடித்து விட்டதால் அந்த அணி மிக எளிதில் வெற்றி பெற்றுவிடும் என்று எதிர்பார்க்கப்பட்டது.

ஆனால் அதன்பின் மடமடவென விக்கெட்டுகள் விழுந்தன. இதனை அடுத்து இறுதியில் 137 ரன்களுக்கு ஐதராபாத் அணி ஆட்டம் இழந்ததால், மும்பை அணி 13 ரன்கள் வித்தியாசத்தில் வெற்றி பெற்றது என்பது குறிப்பிடத்தக்கது.

நேற்றைய போட்டியில் அதிரடியாக விளையாடிய பொல்லார்டு ஆட்டநாயகனாக தேர்வு செய்யப்பட்டார் இதனை அடுத்து மும்பை அணி புள்ளிகள் பட்டியலில் 4 புள்ளிகள் பெற்று முதலிடத்திலும் பெங்களூர் அணி 4 புள்ளிகள் பெற்று 2வது இடத்திலும் சென்னை அணி 3வது இடத்திலும் உள்ளது என்பது குறிப்பிடத்தக்கது.