கொரோனா வைரஸ் எதிரொலியாக நாடு முழுவதும் 21 நாட்களுக்கு ஊரடங்கு உத்தரவு பிறப்பிக்கப்பட்டுள்ளது.

எனவே வருகின்ற ஏப்ரல் மாதம் 15-ம் தேதி நடக்கவிருந்த ஐபிஎல் கிரிக்கெட் போட்டிகள், மீண்டும் ஒத்திவைக்கப்பட அதிக வாய்ப்புள்ளது.

டெல்லியில் செய்தியாளர்களைச் சந்தித்த பிசிசிஐ தலைவர் சவுரவ் கங்கூலி, கொரோனா வைரஸ் பாதிப்பிலிருந்து மீள்வதில் கடந்த 10 நாட்களாக எந்த ஒரு முன்னேற்றமும் இல்லை. எனவே ஐபிஎல் போட்டி குறித்து தற்போதைக்கு எதுவும் கூற முடியாது.

மேற்கு வங்க அரசு கேட்டுக்கொண்டால், கொல்கத்தா ஈடன் கார்டன் கிரிக்கெட் மைதானத்தில் உள்ள அரைகளை மருத்துவ வசதிக்காகப் பயன்படுத்த அளிக்கத் தயாராக உள்ளோம் என்று கங்குலி தெரிவித்துள்ளார்.

இந்திய கிரிக்கெட் அணி நியூசிலாந்துக்கு எதிரான இரண்டாவது ஒருநாள் கிரிக்கெட் போட்டியில் படுதோல்வி அடைந்துள்ளது.

முதலில் பேட்டிங் செய்த நியூசிலாந்து அணி 50 ஓவர் முடிவில் 8 விக்கெட்களை இழந்து 273 ரன்கள் எடுத்தது.

274 ரன்கள் எடுத்தால் வெற்றி பெறலாம் என்று இலக்கை நோக்கி அடுத்து விளையாடத் தொடங்கிய இந்திய அணி 48.3 ஓவரில் 10 விக்கெட்களையும் இழந்து 251 ரன்களை மட்டுமே எடுத்து தோல்வியுற்றது.

இந்திய அணி சார்பாகா ஜடேஜா மட்டும் அதிகபட்சமாக 55 ரன்களை எடுத்தார். மூன்று ஒருநாள் போட்டிகள் கொண்ட இந்த தொடரில், இந்திய அணி தொடர்ந்து இரண்டு போட்டிகளில் தோல்வியுற்றதால் தொடரை வெல்லும் வாய்ப்பையும் இழந்தது.

நியூசிலாந்துக்கு எதிரான மூன்றாவது போட்டி 11-ம் தேதி நடைபெறும். அதிலாவது இந்திய அணி வெற்றி பெறுமா என்று ரசிகர்கள் ஏக்கத்தில் உள்ளனர்.

நியூசிலாந்துக்கு எதிரான முதல் ஒருநாள் கிரிக்கெட் போட்டியில் விளையாடிய கே.எல்.ராகுல் அதிகபட்சமாக 88 ரன்களை எடுத்து ஆட்டம் இழக்காமலிருந்தார்.

அதன் மூலம் கே.எல்.ராகுல் தோனியின் சாதனையை முறியடித்துள்ளார். இந்திய விக்கெட் கீப்பர்களில் நியூசிலாந்துக்கு எதிராக அதிகபட்ச ரன்கள் எடுத்தவர் என்ற பெருமையை கே.எல்.ராகுல் பெற்றுள்ளார்.

கே.எல்.ராகுலுக்கு அடுத்த இடத்தில் முன்னாள் இந்திய கிரிக்கெட் அணி கேப்டம் மற்றும் விக்கெட் கீப்பர் தோனி 85, 79, 68, 56 மற்றும் 50 ஆகிய ரன்களை நியூசிலாந்துக்கு எதிரான ஒருநாள் போட்டிகளில் பெற்று இருந்தார்.