Connect with us

கிரிக்கெட்

INDvENG – மொயீன் அலி பற்றிய கருத்து; மன்னிப்பு கேட்ட ஜோ ரூட் – சர்ச்சையான பிரஸ் மீட்!

Published

on

இந்தியா – இங்கிலாந்து கிரிக்கெட் அணிகளுக்கு இடையில் நான்கு போட்டிகள் கொண்ட டெஸ்ட் தொடர் தற்போது நடந்து வருகின்றது. முதல் இரண்டு போட்டிகள் சென்னையில் உள்ள சேப்பாகம் மைதானத்தில் நடந்தது. இதில் இரு அணிகளும் தலா ஒரு போட்டியில் வெற்றி பெற்றுள்ளது. இதனால் அடுத்து வரும் இரு போட்டிகள் குறித்தான ஆர்வம் மிகவும் அதிகமாக இருக்கிறது. இந்நிலையில் இங்கிலாந்து அணியின் கேப்டன் ஜோ ரூட், அந்த அணியின் ஆல் ரவுண்டரான மொயீன் அலி பற்றி சொல்லிய கருத்து ஒன்று பெரும் சர்ச்சையைக் கிளப்பி இருக்கிறது.

இங்கிலாந்து கிரிக்கெட் வாரியம், இந்தியாவுக்கு எதிரான டெஸ்ட் தொடரில் சுழற்சி முறையில் வீரர்களைத் தேர்வு செய்து களமிறக்கி வருகிறது. இதன் ஒரு பகுதியாக முதல் இரண்டு டெஸ்ட் போட்டிகளில் பங்கெடுத்த பல வீரர்கள், அடுத்து வரும் இரு போட்டிகளில் இருக்க மாட்டார்கள். அப்படித்தான் ஜோஸ் பட்லர் மற்றும் மொயீன் அலி ஆகியோருக்கு அடுத்து வரும் இரு டெஸ்டுகளில் ஓய்வு கொடுக்கப்பட்டு உள்ளது. மொயீன் அலி, இரண்டாவது டெஸ்ட் போட்டியை மட்டுமே விளையாடினார் என்பது குறிப்பிடத்தக்கது. அந்தப் போட்டியில் 8 விக்கெட்டுகளைக் கைப்பற்றிய அலி, 43 ரன்களையும் எடுத்தார்.

அவரின் சுழற் பந்து வீச்சை இந்திய அணி எதிர்கொள்ளத் திணறியது. இதனால் அவர் அடுத்து வரும் இரு போட்டிகளில் விளையாட வேண்டும் என்று பலர் கூறி வந்தனர். இப்படியான சூழலில் செய்தியாளர்கள் சந்திப்பில் பேசிய ஜோ ரூட், ‘மொயீன் அலி, இங்கிலாந்துக்குச் செல்ல வேண்டும் என்று அவராகத் தான் முடிவெடுத்தார்’ என்று கூறினார். இதனால் இங்கிலாந்து கிரிக்கெட் ரசிகர்கள், மொயீன் அலியை கடுமையாக விமர்சித்தார்கள்.

அதே நேரத்தில் இங்கிலாந்து கிரிக்கெட் வாரியம் தான், மொயீன் அலியை விளையாட வேண்டும் என்று சொல்லி ஓய்வு கொடுத்துள்ளது. இதனால் மொயீன் அலிக்கும் ஜோ ரூட்டுக்கும் இடையில் டிரெஸ்ஸிங் அறையில் மோதல் ஏற்பட்டதாக தெரிகிறது. இதைத் தொடர்ந்து ரூட், மொயீன் அலியைத் தனிப்பட்ட முறையில் சந்தித்து, தான் சொன்ன கருத்துக்கு மன்னிப்புக் கோரியுள்ளாராம். இதனால், தற்போது இங்கிலாந்து அணியில் எந்தப் பிரச்சனையும் இல்லை என்று சொல்லப்படுகிறது.

அதே நேரத்தில் இங்கிலாந்து கிரிக்கெட் வாரியத்தின் சுழற்சி முறை வீரர்கள் தேர்ச்சியைப் பல முன்னாள் இங்கிலாந்து கிரிக்கெட் வீரர்களும் விமர்சித்து வருகிறார்கள். இந்தியாவுக்கு எதிரான தொடரில் வெற்றி பெற்றால் மட்டும் தான் இங்கிலாந்து அணியால், டெஸ்ட் சாம்பியன்ஷிப் இறுதிப் போட்டியில் பங்கெடுக்க முடியும். ஆனால் அந்த அணி நிர்வாகமோ, இந்தியாவுக்கு எதிராக தங்களது சிறந்த வீரர்களை களமிறக்காமல் இருக்கிறது என்று விமர்சிக்கப்படுகிறது.

 

 

 

 

 

 

 

Advertisement

கிரிக்கெட்

இந்தியாவுக்கு எதிரான 3வது டெஸ்ட்: 4 விக்கெட்டுக்களை இழந்து இங்கிலாந்து திணறல்

Published

on

By

அகமதாபாத்தில் திறக்கப்பட்டுள்ள புதிய கிரிக்கெட் மைதானத்தில் இன்று இந்தியா மற்றும் இங்கிலாந்து அணிகளுக்கு இடையிலான மூன்றாவது கிரிக்கெட் டெஸ்ட் நடைபெற்று வருகிறது. இந்த போட்டியில் டாஸ் வென்ற இங்கிலாந்து அணி முதலில் பேட்டிங் செய்ய தீர்மானித்தது.

இதனை அடுத்து தற்போது இங்கிலாந்து அணி பேட்டிங் செய்து வரும் நிலையில் 25 ஓவர்களில் 4 விக்கெட்டுகளை இழந்து 80 ரன்கள் மட்டுமே எடுத்து திணறி வருகிறது என்பது குறிப்பிடத்தக்கது.

தொடக்க ஆட்டக்காரர் கிராலே 53 ரன்கள் எடுத்திருந்தபோதிலும், மற்றொரு தொடக்க ஆட்டக்காரர் சிப்ளே மற்றும் பெயர்ஸ்டோ ஆகிய இருவரும் டக் அவுட் ஆகினர். மேலும் கேப்டன் ரூட் 17 ரன்களில் அவுட் ஆகி விட்டதை அடுத்து தற்போது பென் ஸ்டோக்ஸ் மற்றும் போப் ஆகியோர் விளையாடி வருகின்றனர்.

இன்றைய போட்டியில் இந்தியாவின் அக்ஷர் பட்டேல் மிக அருமையாக பந்துவீசி 2 விக்கெட்டுகளை வீழ்த்தியுள்ளார். அஸ்வின் மற்றும் இஷாந்த் சர்மா தலா ஒரு விக்கெட்டுகளை வீழ்த்தி உள்ளனர் என்பது குறிப்பிடத்தக்கது

இன்று நடைபெற்று வரும் மைதானத்திற்கு பிரதமர் மோடியின் பெயர் வைக்கப்பட்டுள்ளது என்பதும், நரேந்திர மோடி மைதானத்தில் ஒரு முனை ரிலையன்ஸ் எண்ட் என்றும் மைதானத்தின் மற்றொரு முனை அதானி எண்ட் என்று பெயரிடப்பட்டுள்ளது என்பதும் குறிப்பிடத்தக்கது.

Continue Reading

கிரிக்கெட்

‘நீ என்னனை கைவிட்டுட்ட இஷாந்த்!’- கடைசி டெஸ்டில் தோனியின் அவலநிலை; வெளிவந்த ரகசியம்

Published

on

By

இன்று இந்தியா – இங்கிலாந்து கிரிக்கெட் அணிகளுக்கு இடையிலான 3வது டெஸ்ட் போட்டி, குஜராத்தில் உள்ள அகமதாபாத்தில் நடக்கிறது. இது இந்திய அணியின் வேகப் பந்து வீச்சாளர் இஷாந்த் சர்மா பங்கேற்கும் 100வது டெஸ்ட் போட்டியாகும். இந்திய அணிக்காக பவுலிங்கில் பல்வேறு சாதனைகளை இஷாந்த் சர்மா புரிந்துள்ளார். அப்படிப்பட்டவர் இந்திய அணியின் முன்னாள் கேப்டன் மகேந்திர சிங் தோனியின் கடைசி டெஸ்டின் போது நடந்த சம்பவம் பற்றி ரகசியம் உடைத்துப் பேசியுள்ளார்.

2014-15 ஆம் ஆண்டில் இந்திய இணி, ஆஸ்திரேலியா சுற்றுப் பயணம் செய்து டெஸ்ட் தொடரில் விளையாடியது. இதுவே தோனியின் கடைசி டெஸ்ட் தொடராக அமைந்தது.

‘தோனியின் கடைசி டெஸ்டின் போது மூட்டுப் பகுதியில் ஏற்பட்ட காயம் காரணமாக பல ஊசிகள் என் உடலில் செலுத்தப்பட்டது. அப்போது பாதி டெஸ்டில் என்னால் பந்து வீச முடியாத நிலை ஏற்பட்டது.

அது பற்றி நான் கேப்டனாக இருந்த தோனியிடம் கூறினேன். அவரும் அதற்கு, பரவாயில்லை இனி நீ பந்து வீசத் தேவையில்லை. என் கடைசி டெஸ்ட் போட்டியில் பாதியிலேயே நீ விலகிவிட்டாய் என்று தெரிவித்தார். எனக்கு அப்போது என்ன சொல்கிறார் எனப் புரியவில்லை.

பின்னர் செய்தியாளர்கள் சந்திப்பில், தன் டெஸ்ட் கிரிக்கெட் ஓய்வு குறித்து அறிவித்தார் தோனி. அப்போது தான், எனக்கு அவர் என்ன சொன்னார் எனப் புரிந்தது. உண்மையில் அது தோனியின் கடைசி டெஸ்ட் எனத் தெரிந்திருந்தால், கண்டிப்பாக தொடர்ந்து பந்து வீசியிருப்பேன்’ என்று உருக்கத்துடன் கூறியுள்ளார் இஷாந்த் சர்மா.

 

Continue Reading

கிரிக்கெட்

‘ஏன்டா நீ ஆஸி., கேப்டன்டா… இப்டியா பேசுறது’- ஆரோன் பின்சை வறுத்தெடுத்த மைக்கெல் கிளார்க்

Published

on

By

ஆஸ்திரேலிய ஒருநாள் மற்றும் டி20 அணிகளின் கேப்டனாக இருப்பவர் ஆரோன் பின்ச். அவரை இந்த ஆண்டு ஐபிஎல் ஏலத்தில் எந்த அணியும் எடுக்காதது பலருக்கு அதிர்ச்சியைக் கொடுத்தது. ஆனால், அதை பெரிதாக அலட்டிக் கொள்ளாமல் பின்ச் கூறிய கருத்து சர்ச்சையை ஏற்படுத்தியுள்ளது. பின்ச்சின் கருத்துக்கு அவரை சாடியுள்ளார் ஆஸ்திரேலிய கிரிக்கெட் அணியின் முன்னாள் கேப்டன் மைக்கெல் கிளார்க்.

2021 ஆம் ஆண்டுக்கான ஐபிஎல் தொடர் இன்னும் ஒரு சில மாதங்களில் நடக்க உள்ளது. இதையொட்டி ஐபிஎல் மினி ஏலம் சென்ற வாரம் சென்னையில் நடந்தது. இதில் பல்வேறு அணிகள் தங்களுக்கு விருப்பமான வீரர்களை ஏல முறையில் எடுத்துள்ளது.

ஏலத்துக்கு 1,097 வீரர்களில் இருந்து 292 பேர் தேர்வு செய்து ஏலப் பட்டியல் உருவாக்கப்பட்டு இருந்தது.

இதில் ஆஸ்திரேலிய அதிரடி பேட்ஸ்மேன் கிளென் மேக்ஸ்வெல்லை எடுக்க ஐபிஎல் அணிகளுக்கு இடையே கடும் போட்டி ஏற்பட்டது. அவரை ரூ.14 கோடிக்கு ஆர்சிபி அணி வாங்கியுள்ளது. அதேபோல தென்னாப்பிரிக்க கிரிக்கெட் அணியின் ஆல்-ரவுண்டர் கிறிஸ் மோரிஸை ரூ.16.25 கோடிக்கு வாங்கியுள்ளது ராஜஸ்தான் ராயல்ஸ் அணி.

இது ஒருபுறம் இருக்க, இங்கிலாந்து வீரர்கள் அலெக்ஸ் ஹேல்ஸ், ஜேஸன் ராய், ஆஸ்திரேலிய வீரர்கள் அலெக்ஸ் கெரே, ஆரோன் பின்ச், வங்கதேச வேகப்பந்துவீச்சாளர் முஸ்தபிசுர் ரஹ்மான், இலங்கை வீரர் குஷால் பெரேரா, சாம் பில்லிங்ஸ் ஆகியோரை ஏலத்தில் எடுக்க எந்த அணி நிர்வாகமும் முன்வரவில்லை. இந்த வீரர்கள் சமீப காலமாக சிறப்பான ஆட்டத்தை வெளிப்படுத்தி வந்தனர்.

ஐபிஎல் அணிகளின் இந்த முடிவு குறித்து பின்ச் கூறுகையில், ‘ஐபிஎல் தொடரில் பங்கெடுத்திருந்தால் அது மிகச் சிறப்பானதாக இருந்திருக்கும். அது ஒரு பிராமதமான தொடர் என்பதில் மாற்றுக் கருத்து இல்லை. ஆனால், நான் இந்த முறை எந்த அணியாலும் எடுக்கப்பட மாட்டேன் என்பதை எதிர்பார்த்தே இருந்தேன். தற்போதைக்கு குடும்பத்துடன் நேரம் செலவிடுவது என்பது அவ்வளவு மோசமான விஷயமாக இருக்காது’ என்று கூறியுள்ளார். அவரின் இந்தக் கருத்துப் பலரை ஆச்சரியப்பட வைத்துள்ளது.

அதே நேரத்தில் பின்ச்சின் பேச்சால் கொதிப்படைந்த கிளார்க், ‘இப்படியான ஒரு கருத்தை பின்ச் தெரிவித்துள்ளார் என்பதை என்னால் நம்பவே முடியவில்லை. பின்ச் தான் ஆஸ்திரேலியாவின் கேப்டனாக இருக்கும் நபர். அப்படியென்றால் அனைத்து அணிகளும் அவர் வேண்டும் என்று தான் நினைத்திருக்க வேண்டும். அப்படியான எண்ணத்தில் தான் அவரும் இருந்திருக்க வேண்டும். அதை விடுத்து, எந்த அணியும் எடுக்காது என்று எனக்கே தெரியும். அதைப் பற்றி கவலை கொள்ளவில்லை என்று பேசுவது பொறுப்பான பதில் அல்ல. இது அவரின் நம்பிக்கையற்ற மனநிலையைப் பிரதிபலிக்கிறது’ என விமர்சித்துள்ளார்.

Continue Reading
தமிழ் பஞ்சாங்கம், tamil panchangam, இன்றைய நல்ல நேரம், nalla neram today
தமிழ் பஞ்சாங்கம்3 hours ago

இன்றைய தமிழ் பஞ்சாங்கம் (25/02/2021)

Daily Prediction, Rasi palan, தினபலன், ராசிபலன், Tamil Horoscope, Daily Horoscope in Tamil, Horoscope in Tamil
தினபலன்4 hours ago

உங்களுக்கான இன்றைய ராசிபலன்கள் (25/02/2021)

தினபலன்5 hours ago

இன்றைய தினபலன் | நல்ல நேரம் (25/02/2021)

சினிமா செய்திகள்8 hours ago

ஜெயலலிதா பிறந்தநாளையொட்டி கங்கனாவின் ‘தலைவி’ பட அப்டேட்..!

சினிமா செய்திகள்10 hours ago

த்ரிஷ்யம் 2 ரீமேக்கில் நடிக்கும் நடிகை நதியா… எந்த கதாபாத்திரம் எனத் தெரியுமா?

சினிமா செய்திகள்10 hours ago

கே.ஜி.எஃப் படத்தை எல்லாம் மறந்துவிடுவீர்கள்… தளபதி 65 அப்டேட் கொடுத்த நெல்சன்!

தமிழ்நாடு10 hours ago

செய்தியாளர்களைச் சந்திக்கிறார் நடிகர் ரஜினிகாந்த்..!- ஏதேணும் முக்கிய அறிவிப்பா?

வேலைவாய்ப்பு11 hours ago

ஆவின் நிறுவனத்தில் வேலைவாய்ப்பு!

வேலைவாய்ப்பு11 hours ago

அழகப்பா பல்கலைக்கழகத்தில் வேலைவாய்ப்பு!

வேலைவாய்ப்பு11 hours ago

மத்திய அரசுப் பணியாளர் தேர்வாணையத்தில் வேலைவாய்ப்பு!

வேலைவாய்ப்பு1 year ago

தமிழ்நாடு ஊரக வளர்ச்சி மற்றும் ஊராட்சித் துறை வளர்ச்சித் துறையில் வேலை!

சினிமா2 years ago

பிக்பாஸ் வீட்டில் லைட் ஆஃப் செய்த பின்னர் இரவில் நடப்பது என்ன தெரியுமா? வெளியான ரகசியம்!

இந்தியா1 year ago

6 பேரால் இரண்டு நாள் வைத்து சீரழிக்கப்பட்ட சிறுமிக்கு மொட்டை அடித்த பஞ்சாயத்து!

தமிழ்நாடு2 years ago

தமிழகத்தின் 22 மாவட்டங்களில் மழைக்கு வாய்ப்பு: பள்ளி, கல்லூரிகளுக்கு விடுமுறை!

இந்தியா2 years ago

ரோஜாவை ஸ்பெஷலாக கவனித்த ஜெகன் மோகன் ரெட்டி: புதிய பதவியை ஏற்றுக்கொண்டார்!

சினிமா2 years ago

பேரனுக்காக ஆட்டோவில் பயணித்த ரஜினி!

வேலைவாய்ப்பு1 year ago

தமிழக அரசின் ஆரம்ப சுகாதார நிலையங்களில் வேலை!

சினிமா செய்திகள்2 years ago

விஜய் டிவி சீரியலில் நடிக்க ஆசையா? இதோ ஓர் அரிய வாய்ப்பு!

வேலைவாய்ப்பு2 years ago

தமிழக அரசின் சமூக நலத்துறை மற்றும் சத்துணவுத் திட்டத் துறையில் வேலை!

தமிழ்நாடு10 months ago

பெண்களுக்கு வட்டியில்லாக் கடன்.. தொடக்கி வைத்த அமைச்சர்!

வீடியோ1 month ago

ஈஸ்வரன் படத்தில் பலராலும் பாராட்டப்பட்ட ‘கொரோனா’ காட்சி – வீடியோ!

வீடியோ1 month ago

ஸ்டைலான சிம்புவின் ‘மாநாடு’ மோஷன் போஸ்டர்!

வீடியோ1 month ago

பூமி படத்தின் ‘தமிழன் என்று சொல்லடா’ பாடல் வீடியோ!

வீடியோ1 month ago

ஈஸ்வரன் படத்தின் ‘மாங்கல்யம்’ பாடல் வீடியோ!

Tughlaq Durbar Teaser Poster
வீடியோ1 month ago

விஜய் சேதுபதி – பார்த்திபன் நடிப்பில் ‘துக்ளக் தர்பார்’ டீசர்!

வீடியோ2 months ago

விக்ரமுக்கு இர்பான் பதான் வில்லை.. ‘கோப்ரா’ டீசர்!

வீடியோ2 months ago

2021-ல் மீரட்ட வரும் ‘கேஜிஎஃப் 2’ டீசர்!

வீடியோ2 months ago

சிலம்பரசனின் ‘ஈஸ்வரன்’ படத்தின் பாடல் ஆடியோ!

சினிமா செய்திகள்2 months ago

இன்று வெளியாக உள்ள ஈஸ்வரன் பட பாடல்களின் முன்னோட்டம்!

கேலரி2 months ago

சஞ்சிதா ஷெட்டி – லேட்டஸ்ட் புகைப்பட கேலரி!

Trending