இந்தியா சுற்றுப்பயணம் மேற்கொண்டுள்ள இந்திய கிரிக்கெட் அணி 4 டெஸ்ட் போட்டிகள் கொண்ட தொடரில் விளையாடி வருகிறது.

முதல் டெஸ்ட் போட்டியில் இங்கிலாந்து வென்றது.இரண்டாவது போட்டியில் இந்தியா வென்றது. புதன்கிழமை அகமதாபாத் மோடி மைதானத்தில் தொடங்கிய 3வது டெஸ்ட் போட்டியின் இரண்டாவது நாளிலேயே இந்திய அணி 10 விக்கெட் வித்தியாசத்தில் வெற்றி பெற்றுள்ளது.

இந்தியக் கிரிக்கெட் வீரர் அஸ்வின் ரவிச்சந்திரன் டெஸ்ட் கிரிக்கெட் போட்டிகளில் 400 விக்கெட்டுகள் வீழ்த்தி சர்வதேச டெஸ்ட் கிரிக்கெட் உலகில் வரலாற்றுச் சாதனை படைத்துள்ளார்.

அஸ்வின் ரவிச்சந்திரன் இன்று இந்தியா- இங்கிலாந்து மோதும் டெஸ்ட் போட்டியில் பங்கேற்று விளையாடி வருகிறார். இந்த டெஸ்ட் தொடரின் மூன்றாவது போட்டியில் இன்றைய இரண்டாவது இன்னிங்க்ஸில் ஆர்ச்சர் விக்கெட்டை வீழ்த்திய போது 400 விக்கெட்டுகள் என்ற வரலாற்றுச் சாதனையைப் படைத்தார் அஸ்வின்.

இந்திய பந்துவீச்சாளர்கள் வரிசையில் கும்ளே, கபில் தேவ், ஹர்பஜன் சிங் வரிசையில் 400 விக்கெட்டுகள் வீழ்த்திய நான்காவது வீரர் ஆகியுள்ளார் அஸ்வின். ஆனால் இதுமட்டுமில்லாமல், முரளிதரனுக்கு அடுத்தபடியாக மிகக் குறைவான டெஸ்ட் போட்டிகளில் விளையாடி 400 விக்கெட்டுகளை வீழ்த்திய இரண்டாவது சர்வதேச வீரர் என்ற பெருமையைப் பெற்றுள்ளார் அஸ்வின். அஸ்வின் வெறும் 77 போட்டிகளில் இந்த 400 விக்கெட்டுகளை வீழ்த்தி உள்ளார்.

A major milestone for India’s spin king R Ashwin 🙌#INDvENG pic.twitter.com/QbXdiD8fYO

— ICC (@ICC) February 25, 2021

இந்தியா – இங்கிலாந்து கிரிக்கெட் அணிகளுக்கு இடையிலான 3வது டெஸ்ட் போட்டியின் முதல் நாள் ஆட்டத்தின் போது, இந்திய கேப்டன் விராட் கோலியை நோக்கி ரசிகர் ஒருவர் ஓடி வந்துள்ளார். அவரைப் பார்த்து கோலி கொடுத்த ரியாக்‌ஷன், இணையத்தில் வைரலாகி வருகிறது.

இந்தியா – இங்கிலாந்து இடையிலான மூன்றாவது டெஸ்ட் போட்டி, நேற்று அகமதாபாத்தில் பகலிரவு ஆட்டமாக தொடங்கியது.

டாஸ் வென்று முதலில் பேட்டிங் செய்த இங்கிலாந்து 112 ரன்களுக்குத் தனது அனைத்து விக்கெட்டுகளையும் இழந்தது. இதைத் தொடர்ந்து விளையாடி இந்திய அணி, 99 ரன்களுக்கு 3 விக்கெட்டுகளை இழந்து விளையாடி வருகிறது. இங்கிலாந்து அணி சார்பில் முதல் இன்னிங்ஸில் அதன் தொடக்க வீரர்களில் ஒருவரான ஜாக் கிராலி, அதிகபட்சமாக அரைசதம் விளாசினார். இந்தியாவுக்காக சுழற்பந்து வீச்சாளர் அக்சர் படேல், 6 விக்கெட்டுகளைக் கைப்பற்றினார்.

நேற்றைய ஆட்டத்தில் ரோகித் சர்மாவுடன் இணைந்து கோலி போட்ட பார்ட்னர்ஷிப்பால் இந்தியாவின் ஸ்கோர் மளமளவென உயர்ந்தது. அதே நேரத்தில் 58 பந்துகளில் 27 ரன்கள் எடுத்திருந்த போது, ஜாக் லீச் பந்தில் விக்கெட் ஆனார் கோலி. இதற்கு முன்னர் தான் கோலியின் தீவிர ரசிகர் ஒருவர் மைதானத்துக்குள் பாதுகாப்பு வளையங்களைத் தாண்டி ஓடி வந்துள்ளார். அப்போது கோலி, பதறியடித்துப் பின் வாங்கிய ரியாக்‌ஷன் இணையத்தில் வைரலாகவும், மீம் கன்டென்டாகவும் மாறியுள்ளது.

கோலியின் ரியாக்‌ஷன் இதோ:

pic.twitter.com/5FZEglxfPL

— EditVideoBot (@editvideobot) February 24, 2021