Connect with us

கிரிக்கெட்

பாகிஸ்தானுக்கு வாழ்த்து முதல் தனி ஒருவன் சச்சின் வரை.. சென்னையோட மறக்க முடியாத டெஸ்ட் போட்டிகள்

Published

on

சென்னை: இந்தியா – இங்கிலாந்து இடையே இன்று முதல் டெஸ்ட் போட்டி தொடங்கி நடைபெற உள்ளது. உலக டெஸ்ட் சாம்பியன்ஷிப் தொடர். ஆஸ்திரேலிய வெற்றிக்கு பிறகு சொந்த மண்ணில் நடைபெறும் தொடர், கோலி – ரோஹித் மீண்டும் இணைந்த போட்டிகள் என ஏகப்பட்ட எதிர்பார்ப்புகளுடன் இந்த தொடர் நடைபெற உள்ளது. ஆஸ்திரேலிய தொடரை போலவே நிச்சயம் பரபரப்புடன் இருக்கும் என்றே கணிக்கப்பட்டுள்ளது. இந்த நிலையில் சென்னையில் நடைபெற்ற சில சுவாரஸ்யமான கிரிக்கெட் தொடர்களை பற்றி இப்போது பார்க்கலாம்.

துவண்டுபோன மக்களை மீட்டெடுத்த டெஸ்ட்:

மும்பை தாக்குதலுக்கு பிறகு ஒட்டுமொத்த இந்தியாவும் துவண்டு போய் இருந்த சமயத்தில் மக்களுக்கு கொஞ்சம் ஆறுதல் கொடுக்கும் விஷயமாக அமைந்தது 2008-ல் நடைபெற்ற இங்கிலாந்துக்கு எதிரான டெஸ்ட் போட்டி. டிசம்பர் மாதம் நடைபெற்ற அந்த போட்டியில் இந்தியாவுக்கு தொடக்கம் அவ்வளவு சிறப்பாக அமையவில்லை. இங்கிலாந்து அணி முதல் இன்னிங்சில் 316 மற்றும் இரண்டாவது இன்னிங்சில் 311 ரன்கள் எடுத்தது. ஆனால் இந்தியா முதல் இன்னிங்சில் 241 ரன்கள் மட்டுமே எடுத்திருந்தது. எப்படியும் தோல்வி உறுதி என நினைத்திருந்த நேரத்தில் மீண்டு வந்த இந்திய அணியில், சச்சினின் சதம், ஷேவாக் மற்றும் யுவராஜ் கூட்டணியால் இரண்டாவது இன்னிங்சில் 4 விக்கெட் இழப்புக்கு 384 ரன்கள் எடுத்து 6 விக்கெட் வித்தியாசத்தில் அந்த போட்டியில் வெற்றி பெற்றது.

மறக்க முடியாத தருணம்:

1999 ஆம் ஆண்டு இந்தியா – பாகிஸ்தான் இடையே சென்னையில் நடைபெற்ற டெஸ்ட் போட்டி இந்திய கிரிக்கெட் ரசிகர்களால் அவ்வளவு எளிதில் மறந்துவிட முடியாது. அப்போது கிரிக்கெட் உலகில் சிறந்த பவுலிங் படையை வைத்திருந்த பாகிஸ்தானுக்கு எதிராக தனி ஆளாக சச்சின் போராடியது இன்றளவும் வியக்கவைக்கும். 5 ஆம் நாள் ஆட்டத்தில் இந்தியா வெற்றி பெற 270 ரன்கள் தேவைப்பட்டது. இந்திய அணி ஏற்கனவே 87/5 என்கிற நிலையில் இருந்தது. இருப்பினும் சச்சின் டெண்டுல்கர் மட்டும் தனி ஒருவனாக போராடி 273 பந்துகளில் 136 ரன்கள் எடுத்து இந்திய அணியை வெற்றிக்கு பக்கத்தில் கொண்டு வந்தார். ஆனால் அவருக்கு சரியான பார்ட்னர்ஷிப் அமையவில்லை.

கடைசியாக இந்தியா வெற்றி பெற 16 ரன்கள் தேவைபட்டது, 3 விக்கெட்டுகள் மீதமிருந்த நிலையில் சச்சின் தன்னுடைய விக்கெட்டை பறிகொடுத்தார். அடுத்த நான்கு ரன்களில் 3 விக்கெட்டுகளையும் வீழ்த்தி பாகிஸ்தான் வெற்றி பெற்றது. இதில் ஆச்சர்யம் கொடுக்க கூடிய விஷயம் என்னவென்றால் பாகிஸ்தான் அணி வெற்றி பெற்றவுடன் சேப்பாக்கம் மைதானத்தில் இருந்த ரசிகர்களும் அனைவரும் எழுந்து நின்று கை தட்டி பாகிஸ்தானுக்கு வாழ்த்து தெரிவித்தனர்.

ஷேவாக் அதிரடி:

2008 ஆம் ஆண்டு தென் ஆப்பிரிக்காவுக்கு எதிராக நடைபெற்ற டெஸ்ட் போட்டியின் போது முதல் இன்னிங்சில் அந்த அணி அதிரடியாக விளையாடி 540 ரன்கள் என்கிற இமாலய இலக்கை நிர்ணயித்தது. ஸ்டெய்ன், மோர்னே மோர்கல், காலிஸ் உள்ளிட்ட பந்துவீச்சாளர்களை மீறி எப்படி இந்தியா ரன்கள் எடுக்க போகிறது என எதிர்பார்த்த ரசிகர்களுக்கு ஷேவாக் விருந்து வைத்தார் என்றே சொல்ல வேண்டும். இந்த போட்டியில் தன்னுடைய இரண்டாவது முறையாக 300 ரன்களை எடுத்தார் ஷேவாக். அதுவும் 100 ஸ்ட்ரைக் ரேட்டில் எடுத்து அனைவருக்கும் ஆச்சர்யம் கொடுத்தார். மறுபக்கம் டிராவிட் தன் பங்கிற்கு சதம் அடிக்க இந்திய அணி முதல் இன்னிங்ஸில் 627 ரன்கள் குவித்தது.

இங்கிலாந்தின் கடைசி போட்டி:

2016 ஆம் ஆண்டு இங்கிலாந்து அணியின் இந்திய வருகை அந்த அணிக்கு நிச்சயம் மோசமான கனவாக தான் மாறியிருக்கும். முதல் இன்னிங்சில் 477 ரன்கள் குவித்த ஒரு அணி இன்னிங்ஸ் தோல்வியடையுமா என்றால் இங்கிலாந்து நிகழ்த்தி காட்டியது. இந்திய அணியில் கருண் நாயர் 300 ரங்களும் கே.எல். ராகுல் 199 ரன்களும் அவர்களுக்கு பக்கமலமாக ஜடேஜா, அஸ்வின் ஆகியோரின் அதிரடியினால் இந்திய அணி முதல் இன்னிங்சில் 759 ரன்கள் குவித்தது. அடுத்து ஆடிய இங்கிலாந்து அணி 207 ரன்கள் மட்டுமே எடுத்து இன்னிங்ஸ் மற்றும் 75 ரன்கள் வித்தியாசத்தில் தோல்வியை சந்தித்தது.

வரலாற்றை மாற்றிய இந்திய அணி:

கிரிக்கெட் உலகின் ராஜாவாக ஆஸ்திரேலிய அணி வலம்வந்த சமயம், 2001 ஆம் ஆண்டு இந்திய சுற்றுப்பயணம் மேற்கொண்டது. மும்பையில் நடைபெற்ற முதல் போட்டியில் ஆஸ்திரேலியாவும்,கொல்கத்தாவில் நடைபெற்ற இரண்டாவது டெஸ்ட் போட்டியில் இந்தியாவும் வெற்றி பெற்று இருந்தனர். இதனால் சென்னையில் நடைபெற்ற மூன்றாவது மற்றும் கடைசி போட்டியின் மீது எதிர்பார்ப்பு அதிகமாக இருந்தது. முதல் இன்னிங்சில் 501 ரன்கள் குவித்த இந்திய அணியால் இரண்டாவது இன்னிங்சில் வெற்றி பெற தேவைப்பட்ட 155 ரன்கள் எடுப்பதற்குள் 8 விக்கெட்டுகளை இழந்து கடைசி நேரத்தில் வெற்றி பெற்று தொடரையும் கைப்பற்றியது. இதன் மூலம் 21ம் நூற்றாண்டில் கிரிக்கெட் உலகில் ஒரு புதிய ஜாம்பவான் வந்துவிட்டதை உலகிற்கு உணர்த்தியது.

கிரிக்கெட்

டெஸ்ட் சாம்பியன்ஷிப் இறுதிப் போட்டிக்கு இந்திய அணித் தேர்வு; யார் இன் – யார் அவுட்?

Published

on

By

வரும் ஜூன் மாதம் 18 ஆம் தேதி நியூசிலாந்து கிரிக்கெட் அணிக்கு எதிரான டெஸ்ட் சாம்பியன்ஷிப் போட்டியில் இந்திய கிரிக்கெட் அணி விளையாட உள்ளது. இந்தப் போட்டிக்கான அணியைத் தேர்வு செய்துள்ளது இந்திய கிரிக்கெட் கட்டுப்பாட்டு வாரியமான பிசிசிஐ.

மேலும் இந்த டெஸ்ட் சாம்பியன்ஷிப் இறுதிப் போட்டியைத் தொடர்ந்து இங்கிலாந்து கிரிக்கெட் அணிக்கு எதிராக, 5 போட்டிகள் கொண்ட டெஸ்ட் தொடரிலும் இந்திய அணி விளையாட உள்ளது. அந்த கிரிக்கெட் தொடருக்கும் அணித் தேர்வு செய்யப்பட்டுள்ளது.

கடைசியாக சொந்த மண்ணியில் இந்தியா, இங்கிலாந்துக்கு எதிரான டெஸ்ட் தொடரில் விளையாடியது. அப்போது அணியில் இடம் பெற்றிருந்த ஆல்-ரவுண்டர் ஹர்திக் பாண்டியா மற்றும் சுழற் பந்து வீச்சாளர் குல்தீப் யாதவ் ஆகியோர் தற்போது அணியிலிருந்து நீக்கம் செய்யப்பட்டு உள்ளனர்.

அனுமா விகாரி மீண்டும் அணிக்கு கம் பேக் கொடுத்துள்ளார்.

தேர்வு செய்யப்பட்ட இந்திய அணி:

விராட் கோலி, அஜிங்கியே ரஹானே, ரோகித் சர்மா, சுப்மன் கில், மயான்க் அகர்வால், செத்தேஷ்வர் புஜாரா, அனுமா விகாரி, ரிஷப் பன்ட், ரவிச்சந்திரன் அஷ்வின், ரவீந்திர ஜடேஜா, அக்சர் படேல், வாஷிங்டன் சுந்தர், ஜஸ்ப்ரீத் பும்ரா, இஷாந்த் சர்மா, முகமது ஷமி, முகமது சிராஜ், ஷ்ராதுல் தாக்கூர், உமேஷ் யாதவ்.

கே.எல்.ராகுல் மற்றும் ரிதிமன் சகா ஆகியோர் உடல்நலத்தைப் பொறுத்து அணியில் இடம் பெறுவார்கள்.

 

Continue Reading

கிரிக்கெட்

முன்னாள் ஆஸ்திரேலிய கிரிக்கெட் வீரர் கடத்தல்; சிக்கிய மர்மக் கும்பல்!

Published

on

By

ஆஸ்திரேலிய கிரிக்கெட் அணியின் முன்னாள் சுழற்பந்து வீச்சாளர் ஸ்டுவர்ட் மெக்கில், கடந்த மாதம் கடத்தப்பட்டு உள்ளார். இதைத் தொடர்ந்து அவரைக் கடத்தியவர்களைத் தேடும் பணியில் ஆஸ்திரேலிய காவல் துறையினர் ஈடுபட்டு வந்தனர். சிட்னியின் ஆஸ்திரேலிய போலீஸார், திடீர் சோதனை செய்ததில் ஸ்டுவர்டை கடத்திய கும்பலைச் சேர்ந்த 4 பேரை மடக்கிப் பிடித்தனர்.

50 வயதாகும் ஸ்டுவர்டை, கடந்த மாதம் 14 ஆம் தேதி மர்மக் கும்பலால் கடத்தப்பட்டார். அவரை சில மணி நேரம் துன்புறுத்திய அந்தக் கும்பல் ஸ்டுவர்டை விடுவித்தது. இந்த சம்பவத்தால் மிரண்டு போன ஸ்டுவர்ட், அப்போதிலிருந்து இப்போது வரை பெரிதாக வெளியில் தலை காட்டாமல் இருந்து வருகிறார்.

இந்த சம்பவத்தால் மிகவும் பாதிக்கப்பட்ட ஸ்டுவர்ட்க்கு நியாயம் கிடைக்க ஆஸ்திரேலிய போலீஸ் முயன்று வந்துள்ளது. அந்த வகையில் சிட்னியில் செய்த திடீர் ரெய்டில் வழக்கில் சம்பந்தமுடைய நான்கு பேர் கைது செய்யப்பட்டு உள்ளனர்.

இந்த கடத்தல் சம்பவத்தையொட்டி, எந்த வித தொகையும் கடத்தல் கும்பலுக்கு கொடுக்கப்பவில்லை. ஆனால், பணத்தைக் குறி வைத்து தான் கடத்தல் சம்பவம் நடந்ததாக தெரிகிறது.

 

Continue Reading

கிரிக்கெட்

ரத்து செய்யப்பட்ட ஐபிஎல்- RCB அணியை வைத்து செய்த நெட்டிசன்ஸ்!

Published

on

By

பல வீரர்களுக்கும், அணி நிர்வாகக் குழு உறுப்பினர்களுக்கும் கொரோனா வைரஸ் தொற்று உறுதி செய்யப்பட்டு வந்ததைத் தொடர்ந்து ஐபிஎல் தொடர் தற்காலிகமாக ரத்து செய்யப்படுவதாக இந்திய கிரிக்கெட் வாரியமான பிசிசிஐ அறிவித்துள்ளது.

இந்த முறை ஐபிஎல் சீசனைப் பொறுத்தவரை 8 போட்டிகளில் விளையாடி 6ல் வெற்றி பெற்று 12 புள்ளிகளுடன் முதலிடத்தில் இருக்கிறது டெல்லி கேபிட்டல்ஸ். அதைத் தொடர்ந்து தலா 10 புள்ளிகள் பெற்று இரண்டு மற்றும் மூன்றாவது இடத்தில் இருந்து வருகிறது சென்னை சூப்பர் கிங்ஸ் மற்றும் ராயல் சேலஞ்சர்ஸ் பெங்களூர் அணி.

ஆர்.சி.பி அணி இந்த முறை, எப்படியும் பிளே ஆஃப் சுற்றுக்குள் நுழைந்து கோப்பையை முதல் முறையாக தட்டிச் செல்லும் என்று பலரும் ஆருடம் கூறி வந்தனர். இப்படியான சூழலில் ஐபிஎல் தொடர் ரத்து செய்யப்பட்டுள்ளது கிரிக்கெட் ரசிகர்களை பொங்கியெழ வைத்துள்ளது.

குறிப்பாக ஆர்.சி.பி அணியை நெட்டிசன்கள் பலரும் கிண்டல் செய்து வருகின்றனர். விராட் கோலி தலைமையிலான பெங்களூர் அணி, இதுவரை ஒரு முறை கூட ஐபிஎல் கோப்பையை வென்றதில்லை என்பது குறிப்பிடத்தக்கது. அதுவே கிண்டல்களுக்கும் கேலிக்கும் வழி வகுத்துள்ளது.

ஆர்.சி.பி அணியை கேலி செய்து வந்த மீம்ஸ்கள்:

Continue Reading
தமிழ் பஞ்சாங்கம், tamil panchangam, இன்றைய நல்ல நேரம், nalla neram today
தமிழ் பஞ்சாங்கம்18 mins ago

இன்றைய தமிழ் பஞ்சாங்கம் (12/05/2021)

Daily Prediction, Rasi palan, தினபலன், ராசிபலன், Tamil Horoscope, Daily Horoscope in Tamil, Horoscope in Tamil
தினபலன்2 hours ago

உங்களுக்கான இன்றைய ராசிபலன்கள் (12/05/2021)

சினிமா செய்திகள்6 hours ago

பிரபல தமிழ் நகைச்சுவை நடிகர் காலமானார் – திரையுலகினர் அதிர்ச்சி!!!

தமிழ்நாடு7 hours ago

Lockdown: ஊரடங்கில் கூடுதல் தளர்வுகள் அளித்தது தமிழக அரசு!

தமிழ்நாடு8 hours ago

முதலமைச்சரின் 4 செயலாளர்களுக்கான துறைகள் ஒதுக்கீடு!

தமிழ்நாடு9 hours ago

2021ல் சட்டசபை சபாநாயகர்; 2016ல் காவலர்களால் வெளியேற்றப்பட்டவர் – அப்பாவு குறித்த வைரல் வீடியோ!

தமிழ்நாடு9 hours ago

‘சரக்கு அடிச்சா கொரோனா பறந்துடும்..’- உளறும் குடிமகன்கள்; வைரல் வீடியோ

தமிழ்நாடு9 hours ago

ட்ரோன் மூலம் கொரோனா விழிப்புணர்வு; மைலாப்பூரில் போலீஸ் புதிய முயற்சி!

தமிழ்நாடு9 hours ago

ஞாயிற்றுகிழமையும் ரேசன் கடை உண்டு: தமிழக அரசு அறிவிப்பு!

வேலைவாய்ப்பு9 hours ago

மகாநதி கோல்ஃபீல்ட்ஸ் லிமிடெட் நிறுவனத்தில் வேலைவாய்ப்பு!

வேலைவாய்ப்பு1 year ago

தமிழ்நாடு ஊரக வளர்ச்சி மற்றும் ஊராட்சித் துறை வளர்ச்சித் துறையில் வேலை!

சினிமா2 years ago

பிக்பாஸ் வீட்டில் லைட் ஆஃப் செய்த பின்னர் இரவில் நடப்பது என்ன தெரியுமா? வெளியான ரகசியம்!

இந்தியா2 years ago

6 பேரால் இரண்டு நாள் வைத்து சீரழிக்கப்பட்ட சிறுமிக்கு மொட்டை அடித்த பஞ்சாயத்து!

தமிழ்நாடு2 years ago

தமிழகத்தின் 22 மாவட்டங்களில் மழைக்கு வாய்ப்பு: பள்ளி, கல்லூரிகளுக்கு விடுமுறை!

இந்தியா2 years ago

ரோஜாவை ஸ்பெஷலாக கவனித்த ஜெகன் மோகன் ரெட்டி: புதிய பதவியை ஏற்றுக்கொண்டார்!

சினிமா3 years ago

பேரனுக்காக ஆட்டோவில் பயணித்த ரஜினி!

சினிமா செய்திகள்3 years ago

விஜய் டிவி சீரியலில் நடிக்க ஆசையா? இதோ ஓர் அரிய வாய்ப்பு!

வேலைவாய்ப்பு2 years ago

தமிழக அரசின் ஆரம்ப சுகாதார நிலையங்களில் வேலை!

வேலைவாய்ப்பு2 years ago

தமிழக அரசின் சமூக நலத்துறை மற்றும் சத்துணவுத் திட்டத் துறையில் வேலை!

சினிமா3 years ago

நடிகை அமலா பால் முதல் முறையாகப் பிகினி உடையில் கவர்ச்சி போட்டோ!

வீடியோ4 months ago

ஈஸ்வரன் படத்தில் பலராலும் பாராட்டப்பட்ட ‘கொரோனா’ காட்சி – வீடியோ!

வீடியோ4 months ago

ஸ்டைலான சிம்புவின் ‘மாநாடு’ மோஷன் போஸ்டர்!

வீடியோ4 months ago

பூமி படத்தின் ‘தமிழன் என்று சொல்லடா’ பாடல் வீடியோ!

வீடியோ4 months ago

ஈஸ்வரன் படத்தின் ‘மாங்கல்யம்’ பாடல் வீடியோ!

Tughlaq Durbar Teaser Poster
வீடியோ4 months ago

விஜய் சேதுபதி – பார்த்திபன் நடிப்பில் ‘துக்ளக் தர்பார்’ டீசர்!

வீடியோ4 months ago

விக்ரமுக்கு இர்பான் பதான் வில்லை.. ‘கோப்ரா’ டீசர்!

வீடியோ4 months ago

2021-ல் மீரட்ட வரும் ‘கேஜிஎஃப் 2’ டீசர்!

வீடியோ4 months ago

சிலம்பரசனின் ‘ஈஸ்வரன்’ படத்தின் பாடல் ஆடியோ!

சினிமா செய்திகள்4 months ago

இன்று வெளியாக உள்ள ஈஸ்வரன் பட பாடல்களின் முன்னோட்டம்!

கேலரி5 months ago

சஞ்சிதா ஷெட்டி – லேட்டஸ்ட் புகைப்பட கேலரி!

Trending