மேற்கு வங்க மாநிலத்தில் மொத்தம் எட்டு கட்டங்களாக சட்டமன்ற தேர்தல் நடைபெற்று வரும் நிலையில் இன்றுடன் ஆறு கட்ட தேர்தல் முடிவடைந்து விட்டது. இன்னும் இரண்டு கட்ட தேர்தல் மட்டுமே நடைபெற உள்ள நிலையில் தற்போது அங்கு தேர்தல் பிரச்சாரம் உச்சக்கட்டத்தில் உள்ளது என்பது குறிப்பிடத்தக்கது

குறிப்பாக பாஜக சார்பில் பிரதமர் மோடி, உள்துறை அமைச்சர் அமித்ஷா, திரிணாமுல் காங்கிரஸ் சார்பில் முதல்வர் மம்தா பானர்ஜி ஆகியோர் தீவிரமாக பிரச்சாரம் செய்து வருகின்றனர். இந்த நிலையில் நாளை மேற்கு வங்க மாநிலத்தில் தேர்தல் பிரச்சாரம் செய்ய பிரதமர் மோடி திட்டமிட்டிருந்தார். இதற்கான ஏற்பாடுகள் அனைத்தும் நடந்து கொண்டிருந்த நிலையில் திடீரென பிரதமரின் தேர்தல் பிரச்சாரம் ரத்து செய்யப்பட்டதாக அறிவிக்கப்பட்டுள்ளது

கொரோனா பரவல் குறித்து நாளை உயர்மட்ட குழுவுடன் ஆலோசனை கூட்டம் நடைபெற இருப்பதால் மேற்கு வங்கத்தில் நடைபெறவிருந்த தேர்தல் பிரசாரத்தை பிரதமர் ரத்து செய்து விட்டதாக தகவல்கள் வெளிவந்துள்ளன. கொரோனா பரவலை தடுப்பது குறித்து உரிய நடவடிக்கை எடுக்குமாறு சுப்ரீம் கோர்ட் மத்திய அரசுக்கு காட்டமான அறிவுறுத்தல் தெரிவித்துள்ளதை அடுத்து தனது தேர்தல் பிரச்சாரத்தை பிரதமர் மோடி ரத்து செய்து விட்டதாக கூறப்படுகிறது.

நாட்டில் கொரோனா தொற்றின் பரவல் எதிர்பாராத உச்சத்தை எட்டியுள்ள நிலையில், உயிர் காக்கும் ஆக்ஸிஜன் சப்ளைக்கும், தடுப்பூசிக்கும் தேசியத் திட்டம் ஒன்று அவசியம் என்று வலியுறுத்தப்பட்டு வருகிறது. இந்நிலையில் உத்தர பிரதேச மாநிலத்தின் முதல்வர் யோகி ஆதித்யநாத், தங்கள் மாநிலத்தில் 18 வயதை எட்டிய அனைவருக்கும் இலவசமாக கொரோனா தடுப்பூசி போடப்படும் என்று தெரிவித்துள்ளார்.

இந்தியாவில் கடந்த 24 மணி நேரத்தில் முன் எப்போதும் இல்லாத அளவுக்கு 3.14 லட்சம் பேருக்கு கொரோனா தொற்று ஏற்பட்டுள்ளது. அதேபோல ஒரே நாளில் 2,104 பேர் இறந்துள்ளனர். இப்படியான சூழலில் உச்ச நீதிமன்றம் முக்கிய கருத்தைத் தெரிவித்துள்ளது.

‘உத்தர பிரதேசத்தை கொரோனா வைரஸ் இல்லாத மாநிலமாக உருவாக்க தீவிர முயற்சி மேற்கொள்ளப்பட்டு வருகிறது. அதன்படி, மே 1-ம் தேதி முதல் 18 வயதுக்கு மேற்பட்ட அனைவருக்கும் இலவசமாக கொரோனா தடுப்பூசி வழங்கப்படும். இதன்மூலம் கொரோனா தோல்வி அடையும், இந்தியா வெல்லும்.

நாட்டில் 18 வயதுக்கு மேற்பட்டவர்களுக்கு கொரோனா தடுப்பூசி வழங்க, பிரதமர் மோடி உத்தரவிட்டதற்கு நன்றி தெரிவித்துக் கொள்கிறேன். பிரதமரின் இந்த அறிவிப்பு நாட்டில் தடுப்பூசி போடும் நடவடிக்கையை மேலும் அதிகரிக்கும். இதன்மூலம் கொரோனா வைரஸ் பரவல் விரைவாக தடுக்கப்படும்’ என்று முதல்வர் ஆதித்யநாத் கூறியுள்ளார்.

நாட்டில் பல்வேறு மாநிலங்களில் முறையான ஆக்ஸிஜன் சப்ளை இல்லாத காரணத்தினால் கடந்த சில நாட்களில் மட்டும் பலர் உயிரிழந்து இருக்கிறார்கள் என்பது குறிப்பிடத்தக்கது.  குறிப்பாக தலைநகர் டெல்லியில் ஆக்ஸிஜன் சப்ளை மிகவும் அபாயகரமான நிலையில் உள்ளதாகவும், இதன் காரணத்தால் பல கொரோனா நோயாளிகள் உயிரிழக்க நேரிடும் என்றும் அஞ்சப்படுகிறது. இதைத் தொடர்ந்து கொரோனா நோயாளிகளுக்கு முறையாக ஆக்ஸிஜன் சப்ளை செய்யப்பட வேண்டும் எனக் கோரி டெல்லி நீதிமன்றத்தில் பல்வேறு மனுக்கள் தாக்கல் செய்யப்பட்டன. 

இந்த மனுக்களை விசாரித்த நீதிமன்றம், ‘ஒருசில மருத்துவமனைகள்தான் ஆக்சிஜன் தட்டுப்பாடு தொடர்பாக நீதிமன்றத்தை அணுகியுள்ளன. ஆனால், ஆக்சிஜன் தேவை 5 மடங்கு அதிகரித்துள்ளதாக எங்களுக்குத் தகவல் கிடைத்துள்ளது. ஒட்டுமொத்தமாகத் தட்டுப்பாட்டைச் சமாளிக்க வேண்டியது மத்திய அரசின் கடமை என்று கண்டிப்புடன் கூறினர்.

மேலும், நீங்கள் உங்களுக்குத் தேவையான இனிமையான நேரத்தைப் பொறுமையாக எடுத்துக் கொள்ளுங்கள். மக்கள் இங்கே மடிந்து கொண்டு இருக்கட்டும். இப்படி ஓர் இக்கட்டான நேரத்தில் வேறெங்கெல்லாம் ஆக்சிஜன் இருக்கிறதோ அங்கெல்லாம் பிச்சை எடுங்கள், கடனாகக் கேளுங்கள், இல்லை திருடுங்கள்’ என்று மத்திய அரசைக் காட்டமாக சாடியுள்ளது.