தமிழகம் உள்பட இந்தியா முழுவதும் கடந்த ஆண்டு மார்ச் மாதம் முதல் கொரோனா வைரஸ் மிக வேகமாக பரவியது. இதனை அடுத்து அமல்படுத்தப்பட்ட ஊரடங்கு காரணமாகவும் மத்திய மாநில அரசுகள் எடுத்த நடவடிக்கைகளின் காரணமாகவும் கொரோனா வைரஸ் படிப்படியாக கட்டுப்படுத்தப்பட்டது.

தற்போது ஒரு சில மாநிலங்கள் தவிர தமிழகம் உள்பட பல மாநிலங்களில் கொரோனா வைரஸ் பாதிப்பு குறைந்துள்ளது என்பது குறிப்பிடத்தக்கது. ஆனால் அதே நேரத்தில் கடந்த சில நாட்களாக மீண்டும் கொரோனா வைரஸ் பாதிப்பு கொஞ்சம் கொஞ்சமாக அதிகரித்து வருகிறது.

இந்த நிலையில் கடந்த ஜனவரி மாதம் கொரோனா வைரஸ் தடுப்பூசி முதல் டோஸ் போடப்பட்ட நிலையில் கடந்த 4 நாட்களுக்கு முன்னர் இரண்டாம் டோஸ் போடும் பணி தொடங்கப்பட்டது. பிரதமர் மோடி உள்பட பலர் இந்த கொரோனா வைரஸ் தடுப்பூசியை போட்டுக்கொண்டனர்.

இதனையடுத்து தற்போது குஜராத்தில் கொரோனா வைரஸ் இரண்டாவது டோஸ் எடுத்துக்கொண்ட சுகாதார அதிகாரிக்கு கொரோனா பாதிப்பு உறுதி செய்யப்பட்டுள்ளதாக வெளிவந்திருக்கும் தகவல் பெரும் அதிர்ச்சியை ஏற்படுத்தியுள்ளது. குஜராத் மாநிலத்தில் உள்ள காந்தி நகர் பகுதியைச் சேர்ந்த சுகாதார அதிகாரி ஒருவர் கடந்த ஜனவரி மாதம் கொரோனா வைரஸ் முதல் டோஸ் எடுத்து கொண்டார். அவருக்கு சமீபத்தில் இரண்டாவது டோஸூம் செலுத்தப்பட்டது.

இந்த நிலையில் அவருக்கு நேற்று காய்ச்சல் இருந்ததாகவும் இதனை அடுத்து அவருக்கு சோதனை செய்ததில் கொரோனா உறுதி செய்யப்பட்டுள்ளதாகவும் தகவல்கள் வெளிவந்துள்ளன. கொரோனா வைரஸ் தடுப்பூசி இரண்டு டோஸ்கள் செலுத்தப்பட்ட பின்னரும் கொரோனா வைரஸ் பாதிப்பு ஏற்பட்டிருப்பது பெரும் அதிர்ச்சியை ஏற்படுத்தி உள்ளது.

தமிழகம் உள்பட இந்தியா முழுவதும் கடந்த ஆண்டு மார்ச் மாதம் முதல் கொரோனா வைரஸ் பரவி வந்த நிலையில் கடந்த சில மாதங்களாக தான் கொரோனா வைரஸ் பாதிப்பு குறைந்துள்ளது. இதனை அடுத்து ஊரடங்கில் தளர்வுகள் ஏற்பட்டு தற்போது பொதுமக்கள் இயல்பு வாழ்க்கைக்குத் திரும்பி உள்ளனர் என்பது குறிப்பிடத்தக்கது.

இந்த நிலையில் இங்கிலாந்து நாட்டில் உருமாறிய கொரோனா வைரஸ் இந்தியா உள்பட அனைத்து நாடுகளிலும் வேகமாக பரவி வருவதாக கூறப்பட்டது. இதனையடுத்து தற்போது கொரோனா வைரஸ் மீண்டும் தமிழகம் உள்பட ஒருசில மாநிலங்களில் மிக வேகமாக பரவி வருவதாக மத்திய அரசு எச்சரிக்கை விடுத்துள்ளது.

தமிழகம், மகாராஷ்டிரா, கேரளா, பஞ்சாப் மற்றும் கர்நாடகா ஆகிய 5 மாநிலங்களில் தான் இந்தியாவில் உள்ள மொத்த கொரோனா வைரஸ் பாதிப்பு உடையவர்களில் 82% பேர் இருப்பதாக மத்திய அரசு தெரிவித்துள்ளது. நாட்டின் ஒட்டுமொத்த கொரோனா பாதிப்பில் இந்த ஐந்து மாநிலங்களில் 82% இருப்பதால் கொரோனா பரவலை தடுக்க இந்த ஐந்து மாநில அரசுகளும் சிறப்பு கவனம் செலுத்துமாறு மத்திய அரசு அறிவுறுத்தி உள்ளது.

ஏற்கனவே கடந்த சில நாட்களாக 500க்கும் குறைவான கொரோனா பாதிப்பில் இருந்த தமிழகம் நேற்று 500 தாண்டி உள்ளது என்பது குறிப்பிடத்தக்கது.

சமீபத்தில் குறுகிய தூர ரயில் கட்டணத்தை உயர்த்திய ரயில்வே நிர்வாகம் தற்போது கட்டணம் ரூபாய் 50 என உயர்த்தி உள்ளது பெரும் பரபரப்பை ஏற்படுத்தி உள்ளது.

இது குறித்து ரயில்வே நிர்வாகம் வெளியிட்ட செய்தி குறிப்பில் ’கொரோனா காலத்தில் கூட்டத்தை தவிர்க்கும் வகையில் ஒரு சில ரயில் நிலையங்களில் மட்டும் பிளாட்பார கட்டணம் ரூ.50 என உயர்த்தப்பட்டுள்ளதாகவும், குறிப்பாக மும்பை கோட்டத்தில் உள்ள 78 ரயில் நிலையங்களில் 7 ரயில்களில் மட்டும்தான் பிளாட்பாரம் டிக்கெட் கட்டணம் ரூபாய் 50 என உயர்த்தப்பட்டு உள்ளதாகவும் அறிவிக்கப்பட்டுள்ளது.

குறுகிய காலத்திற்கு மட்டுமே இந்த கட்டண உயர்வு இருக்கும் என்றும் கொரோனா வைரஸ் பாதிப்பு நிலவரம் சரியான பின் மீண்டும் பிளாட்பாரம் டிக்கெட் குறைக்கப்படும் என்றும் முக்கியமான ரயில் நிலையங்களில் பொதுமக்கள் அதிகம் கூடுவதை தவிர்ப்பதற்காகவே இந்த பிளாட்பார கட்டணம் உயர்த்தப்பட்டதாகவும் கூறப்பட்டுள்ளது.

இருப்பினும் 10 ரூபாயாக இருந்த பிளாட்பார கட்டணம் 50 ரூபாய் என உயர்ந்துள்ளது மிகவும் அதிகம் என்றும் இதனை உடனடியாக ரயில்வே நிர்வாகம் வாபஸ் வாங்க வேண்டும் என்றும் பயணிகள் தரப்பில் கூறப்பட்டு வருகிறது. இருப்பினும் முக்கிய ரயில் நிலையங்களில் மட்டும் தான் இந்த பிளாட்பார கட்டண உயர்வு என்பது ஆறுதல் அளிக்கக்கூடிய வகையில் உள்ளது என்பது குறிப்பிடத்தக்கது.