இந்தியாவில் மிக மகிழ்ச்சியான மாநிலம் என்ற பட்டத்தை தொழில்துறை வளர்ச்சியே இல்லாத மிசோரம் பெற்றுள்ளது.

இந்தியாவின் பிரபல நிர்வாகத் திறனுக்கான நிபுணர் ராஜேஷ் பில்லனியா, இந்தியாவின் முதல் மகிழ்ச்சியான மாநிலங்கள் என்ற பட்டியலை வெளியிட்டுள்ளார். இதற்காக மார்ச் முதல் ஜூலை 2020-க்கு இடையில் 16,950 நபர்களுடன் கருத்துக்கள் பெறப்பட்டுள்ளது.

கடைசியாகக் கிடைத்த முடிவில் மிசோரம், பஞ்சாப், அந்தமான் நிகோபார் தீவுகள், புதுச்சேரி, சிக்கிம் ஆகிய மாநிலங்கள் டாப் 5 இடத்தை பிடித்துள்ளன.

36 மாநில மக்களிடம் இருந்து பெறப்பட்ட இந்த ஆய்வு முடிவில் 3.29 மகிழ்ச்சி மதிப்பெண்ணுடன், தமிழ்நாடு 29-வது இடத்தை பிடித்துள்ளது. தென் இந்தியாவில் புதுச்சேரி, தெலுங்கானா (9), ஆந்திர பிரதேசம் (11), கேரளா (14), கர்நாடகா (16) ஆகிய மாநிலங்கள் டாப் 20 மகிழ்ச்சியான மாநிலங்களுக்குள் வந்துள்ளன.

சட்டிஷ்கர், உத்தரகாண்ட், ஒடிசா, மேகாலயா, கோவா ஆகிய மாநிலங்களில் கடைசி 5 இடத்தை பிடித்துள்ளன. எப்போது தீவிரவாதிகள் பிரச்சனை, குண்டு வெடிப்பு என பரபரப்பாக இருக்கும் ஜம்மு காஷ்மீர் கூட தமிழ்நாட்டை விட மகிழ்ச்சியாக உள்ளதாகக் குறிப்பிடப்பட்டுள்ளது.

India’s 36 States Happiness Report 2020

கோவிட்-19, சம்பளம், ஆன்மீகம், கட்டமைப்பு என பல்வேறு படிகளின் கீழ் கேள்விகள் கேட்கப்பட்டு அதற்குப் பதில் அளித்த தரவுகளை வைத்து இந்த முடிவு பெறப்பட்டுள்ளது.

முழு ஆய்வு நீங்களே பாருங்கள்:

இந்தியாவில் 59.7 சதவீத மாணவர்கள் பள்ளிக்கு நடந்து தான் செல்கிறார்கள் என்று தேசிய புள்ளியில் அமைப்பு தெரிவித்துள்ளது.இது குறித்து விளக்கமாக இங்குப் பார்க்கலாம்.

பள்ளிக்கு 57.9 சதவீத ஆண் மாணவர்கள் நடந்து செல்கின்றனர். ஆண் மாணவர்களை விடச் சற்று அதிகமாக 62.1 சதவீத மாணவிகள் நடந்து பள்ளிக்கு செல்கின்றனர்.

நகர்ப்புறம் மற்றும் கிராமப்புற மாணவர்கள் என்று பிரித்துப் பார்த்தாலும் ஆண் மாணவர்களை விடப் பெண் மாணவர்களே அதிகளவில் நடந்து பள்ளிக்கு செல்கின்றனர். நகர்ப் புறங்களில் 61.4 சதவீத ஆண் மாணவர்களும், 66.5 சதவீத பெண் மாணவர்களும் நடந்து செல்கின்றனர். இதுவே கிராமப்புறம் என்று பார்த்தால், 57.9 சதவீத ஆண் மாணவர்களும் 62 சதவீத பெண் மாணவர்களும் பள்ளிக்கு நடந்து செல்கின்றனர்.

பள்ளிக்கு நடந்து செல்வதற்கு அடுத்தபடியாக 12 சதவீத பள்ளி மாணவர்கள் பொது போக்குவரத்தைப் பயன்படுத்துகின்றனர். கிராமப் புறங்களில் 11.3 சதவீத மாணவர்களும், நகர்ப் புறங்களில் 15.3 சதவீத மாணவர்களும் பள்ளிக்குச் செல்ல பொது போக்குவரத்தைப் பயன்படுத்துகின்றனர்.

பஸ் பாஸ் பயன்படுத்தும் மாணவர்களின் எண்ணிக்கையைக் கணக்கிடும் போதும் நகர்ப்புற மாணவர்களை விட கிராமப்புற மாணவர்கள் அதிகளவில் பஸ் பாஸ் பயன்படுத்தி பள்ளிக்குச் செல்கின்றனர்.

கிராமப்புறங்களில் 92.7 சதவீத மாணவர்களுக்கு 1 கிலோ மீட்டர் இடையில் ஆரம்பப் பள்ளிகள் உள்ளன. நகர்ப்புறங்களில் 87.2 சதவீத மாணவர்களுக்கு 1 கிலோ மீட்டர் இடையில் ஆரம்பப் பள்ளிகள் உள்ளன. நடுநிலைப் பள்ளிகளும் கிராமப்புற மாணவர்களுக்கு 1 கிலோ மீட்டர் இடையில் அதிகளவில் கிடைக்கிறது. இதுவே மேல்நிலைப் பள்ளிகள் என்று பார்த்தால் நகர்ப்புற மாணவர்களுக்குத் தான் 1 கிலோ மீட்டர் இடையில் அதிக பள்ளிகள் உள்ளன.

விரைவில் ரயில் டிக்கெட் கட்டணம் உயர்த்த வாய்ப்புள்ளதாக வெளியான தகவல் பயணிகளிடையில் அதிர்ச்சியை ஏற்படுத்தியுள்ளது.

ரயில் நிலையங்களைச் சர்வதேச தரத்தில் உயர்த்த முடிவு செய்துள்ள, இந்தியன் ரயில்வேஸ் அதற்காக ரயில் நிலையம் பயன்பாட்டுக் கட்டணத்தை டிகெட் கட்டணத்துடன் சேர்த்து வசூலிக்க முடிவு செய்துள்ளது.

இந்தியா முழுவதும் 7000 ரயில் நிலையங்கள் உள்ள நிலையில், முதற்கட்டமாக அவற்றில் 15 சதவீத ரயில் நிலையங்களில் (1000) மட்டும் இந்த பயன்பட்டு கட்டணம் வசூலிக்கப்படும் என்று கூறப்படுகிறது.

அதன்படி, பயணிகளில் அதிகளவில் கூடும் ரயில் நிலையங்களில் இந்த கட்டணம் அறிமுகம் செய்யப்பட உள்ளது. ரயில் டிக்கெட் கட்டணத்துடன் பயன்பாட்டுக்கா கட்டணமும் இணைக்கப்படலும், டிக்கெட் கட்டணத்தில் பெரிய மாறுதல் இருக்காது என்று இந்தியன் ரயில்வேஸ் தெரிவித்துள்ளது.