இந்தியாவில் உள்ள அனைத்து வங்கிகளிலும் 14 மணி நேரம் வரும் ஏப்ரல் 18-ஆம் தேதி ஆர்டிஜிஎஸ் என்ற பணம் பரிவர்த்தனை செயல்படாது என இந்திய ரிசர்வ் வங்கி தெரிவித்துள்ளது பெரும் பரபரப்பை ஏற்படுத்தி உள்ளது.

வங்கிகளில் ஆன்லைன் மூலம் பண பரிவர்த்தனை செய்வதற்கு நெஃப்ட் மற்றும் ஆர்டிஜிஎஸ் ஆகிய இரண்டும் பயன்பட்டு வருகிறது என்பது குறிப்பிடத்தக்கது. ஏராளமான வங்கி வாடிக்கையாளர்கள் இந்த இரண்டு முறையை பயன்படுத்தி பண பரிவர்த்தனை செய்து வருகின்றனர். இந்த இரண்டிலும் பண பரிவர்த்தனை செய்வது மிகவும் பாதுகாப்பானது என்பதால் வங்கி வாடிக்கையாளர்கள் இதனை பயன்படுத்தி வருகின்றனர்.

இந்த நிலையில் ஆர்.டி.ஜி.எஸ். தொழில்நுட்பத்தில் ஒரு சில மாற்றங்களும் மேம்பாடுகளும் செய்ய இருப்பதை அடுத்து ஏப்ரல் 18-ஆம் தேதி அதிகாலை 12 மணி முதல் 14 மணி நேரத்திற்கு செயல்படாது என இந்திய ரிசர்வ் வங்கி அறிவித்துள்ளது. இதனால் வங்கி வாடிக்கையாளர்கள் அதிர்ச்சி அடைந்துள்ளனர். எனினும் நெஃப்ட் வழக்கம் போல் செயல்படும் என்றும் அதில் பண பரிவர்த்தனை செய்து கொள்ளலாம் என்றும் இந்திய ரிசர்வ் வங்கி அறிவித்துள்ளது.

இந்தியாவில் கொரனோ வைரஸ் இரண்டாவது அலை மிக வேகமாக பரவி வரும் நிலையில் நலிவடைந்தவர்கள் மீண்டும் வேலைக்கு செல்ல முடியாத நிலை ஏற்பட்டுள்ளது. இதனை கணக்கில் கொண்டு அவர்களுக்கு மாதம் ரூபாய் 6 ஆயிரம் நிதி உதவி செய்ய வேண்டும் என காங்கிரஸ் கட்சியின் தலைவர் சோனியா காந்தி பிரதமருக்கு கடிதம் எழுதியுள்ளார்.

கடந்த சில வாரங்களாக தமிழகம் உட்பட இந்தியா முழுவதும் மிக வேகமாக கொரனோ வைரஸ் பரவி வருகிறது. இதனை அடுத்து கடுமையான கட்டுப்பாடுகள் இரவு நேர ஊரடங்குகள், பகல் நேர ஊரடங்குகள் என மத்திய மாநில அரசுகள் பிறப்பித்து வருகின்றன.

இதனால் ஏழை எளிய மக்கள் வீட்டை விட்டு வெளியே செல்ல முடியாமல் வருமானம் இன்றி தவித்து வருகின்றனர். இதனையடுத்து அவர்களுடைய வாழ்வாதாரத்தை காப்பாற்ற நலிவடைந்த மக்களுக்கு மாதம் ரூபாய் 6 ஆயிரம் நிதி உதவி செய்ய வேண்டும் என பிரதமர் மோடிக்கு காங்கிரஸ் கட்சி தலைவர் சோனியா காந்தி கடிதம் எழுதியுள்ளார். இதுகுறித்து மத்திய அரசு பரிசீலிக்குமா? என்பதை பொறுத்திருந்து பார்ப்போம்.

கடந்த ஆண்டு கொரோனாவால் நாடு முழுவதும் பாதிக்கப்பட்டு பெரும்பாலான மக்கள் சாப்பாட்டுக்கு வழியில்லாமல் கஷ்டப்பட்டுக் கொண்டிருந்த போதும் காங்கிரஸ் கட்சி இதே கோரிக்கையை மத்திய அரசுக்கு எழுப்பியது. ஆனால் மத்திய அரசு ஒரு ரூபாய் கூட நலிவடைந்தவர்களுக்கு பணமாக தரவில்லை என்பது ஏமாற்றத்தைக் உரிய ஒன்று என்பது குறிப்பிடத்தக்கது.

தமிழகத்தின் அண்டை மாநிலங்களில் ஒன்றான கேரளாவில் கொரோனா வைரஸ் பாதிப்பு அதிகரித்துக்கொண்டே வரும் நிலையில் அங்கு தடுப்பூசி போடும் பணி முடுக்கிவிடப்பட்டுள்ளது.

இந்த நிலையில் தற்போது கேரளாவில் தடுப்பூசிகள் பற்றாக்குறை ஏற்பட்டுள்ளதை அடுத்து கேரள முதல்வர் பினராயி விஜயன் அவர்கள் மத்திய அரசுக்கு கடிதம் எழுதியுள்ளார். அந்த கடிதத்தில் கேரளாவுக்கு 50 லட்சம் தடுப்பூசிகள் உடனடியாக தேவை என்றும் இதனை மத்திய அரசு உடனடியாக அனுப்பி வைக்க வேண்டும் என்றும் அவர் குறிப்பிட்டுள்ளார்.

மத்திய சுகாதாரத்துறை அமைச்சர் ஹர்ஷ்வர்தன் அவர்களுக்கு கேரள முதல்வர் பினராயி விஜயன் எழுதியுள்ள இந்த கடிதம் தற்போது வைரலாகி வருகிறது. கேரளாவில் கொரோனா வைரஸை கட்டுப்படுத்தும் பணியில் சுகாதாரத் துறை தீவிரமாக இருப்பதாகவும் உடனடியாக தடுப்பூசியை வழங்க வேண்டும் என்றும் கேரள முதல்வர் அந்த கடிதத்தில் குறிப்பிட்டுள்ளார் இதனையடுத்து விரைவில் மத்திய அரசு கேரளாவிற்கு தடுப்பூசி அனுப்பும் என்று எதிர்பார்க்கப்படுகிறது.

சமீபத்தில் கொரோனாவால் பாதிக்கப்பட்ட கேரள முதல்வர் பினராயி விஜயன் அவர்கள் சிகிச்சை எடுத்து கொண்டிருக்கின்றார் என்பது குறிப்பிடத்தக்கது.