Connect with us

கட்டுரைகள்

அம்மோனியம் நைட்ரேட் என்றால் என்ன? வெடிக்க என்ன காரணம்?

Published

on

லெபனான் தலைநகர் பெய்ரூட்டில் அமோனியம் நைட்ரேட் வெடித்து சிதறியதில், 70 பேர் பலியானதுடன், 4000 க்கும் அதிகமானோர் காயமடைந்துள்ளனர். இது குறித்த பல காணொளிகள் சமூக வலை தளங்களில் வைரலாகி வருகிறது.

எத்தனை டன் வெடிப்பு?

லெபனான் வெடிப்பு சம்பவத்தில் கிட்டத்தட்ட 2750 டன் எடை கொண்ட அமோனியம் நைட்ரேட் வெடித்ததாக அந்நாட்டு அதிபர் மைக்கேல் ஆன், டிவீட் செய்துள்ளார். அதாவது இது 27,50,000 கிலோ அளவாகும்!

இந்த அம்மோனியம் நைட்ரேட் கிட்டத்தட்ட 6 ஆண்டுகள் பாதுகாப்பற்ற சூழலில் வைக்கப்பட்டிருந்ததாக கூறப்படுகிறது.

அம்மோனியம் நைட்ரேட் என்றால் என்ன?

வேதியியல் பெயரில் NH4NO3 என்று அழைக்கப்படும் அம்மோனியம் நைட்ரேட் இயற்கையாக கிடைக்கக் கூடியதாகும். இது அம்மோனியம் நேர்மின் அயனின் நைட்ரேட் உப்பாகி ஒரு வேதி சேர்மத்தில் உருவாகிறது. இது நீரில் எளிதில் கரையக் கூடிய தன்மைக் கொண்டுள்ளது.

சிலியில் உள்ள அடகாமா பாலைவனத்தில் இது அதிகம் கிடைக்கிறது. தற்போது பயன்பாட்டில் உள்ள ரசாயனங்கள் அமோனியம் நைட்ரிக் அமிலத்துடன் வினைபுரிந்தவையாகும்.

அம்மோனியம் நைட்ரேட் தொழிற்சாலைகளில் பயன்படுத்தப்படுகிறது. மேலும் இது பொதுவாக உரங்களில் பயன்படுத்தப்படுகிறது. குவாரி மற்றும் சுரங்கத்திற்கு ஒரு வெடிபொருளாகவும் பயன்படுத்தப்படுகிறது. இது ஒரு ஆக்ஸிஜனேற்றியாகும்.

அம்மோனியம் நைட்ரேட் வெடிக்க காரணம்?

எந்தவொரு எரிபொருளும் வெடிக்க குறிப்பிட்ட சில காரணங்கள் தேவை. அதேபோல் தான் அமோனியம் நைட்ரேட்டுக்கும். அமோனியம் நைட்ரேட் மிகவும் ஆற்றல் கொண்டது. இது அதிக அளவு வெப்பத்தை வெளியிடுகிறது.

ஒரு குறிப்பிட்ட அளவுக்கு மேல் அம்மோனியம் நைட்ரேட் இருந்தால் அது தீப்பிழம்பு போன்று வெளிப்புற வினைகள் பயன்படாமல் நெருப்பை வெளியிடுகிறது. இவ்வாறு அமோனியம் நைட்ரேட் எளிதில் வெடிக்கிறது. இவ்வாறு வெடிப்பதால் காற்று மாசுபடுவதோடு, பக்கவிளைவுகளையும் அதிகம் ஏற்படுத்தக்கூடிய வேதிப்பொருள் இதுவாகும்.

எரிபொருளுடன் கலந்தால் அல்லது பாதுகாப்பற்ற முறையில் சேமிக்கப்பட்டால் அமோனியம் நைட்ரேட் வெடிக்கும் தன்மை கொண்டிருப்பதால் பேராபத்தை விளைவிக்கக்கூடும்.

தீவிரவாதிகளின் ஆயுதம்

குறைந்த விலையில் தயாரிக்கப்படும் ஆயுதம் அமோனியம் நைட்ரேட். இதை வெடிக்க வைக்க டெட்டனேட்டர் மற்றும் எரிபொருள் மட்டும் தேவைப்படுகிறது.

ஒரு உரக் குண்டு வெடிக்க டெட்டனேட்டர் காரணமாக அமைகிறது. வெடிக்கும் அலையின் ஆற்றல் அம்மோனியம் நைட்ரேட்டை ஆவியாக்குகிறது.

 

தீவிரவாதிகளின் தாக்குதலில், பால்டிக் எக்ஸ்சேன்ஜ் கட்டிட வெடிப்பு, பிஷப்ஸ்கேட், ஓக்லஹோமா நகரம் வெடிப்பு, டாக்லேண்ட்ஸ், மான்செஸ்டர் வெடிப்பு ஆகியவை அமோனியம் நைட்ரேட் குண்டால் நிகழ்த்தப்பட்டவை.

இது போன்று உலகம் முழுவதும் பல சம்பவங்களில், அமோனியம் நைட்ரேட் காரணமாக அமைந்துள்ளது.

This Post Was Originally Published in www.neotamil.com and first appeared as ‘அம்மோனியம் நைட்ரேட் என்றால் என்ன? ஏன்? எப்படி வெடிக்கிறது? முழு விவரம்

Advertisement

கட்டுரைகள்

வெட்டுக்கிளிகள் மனிதர்களுக்கு விடும் எச்சரிக்கை? விழித்துக்கொள்ளுமா தமிழகம்?

Published

on

கொரோனா தொற்று ஏற்கெனவே பெரும் உயிரிழப்புகளையும் பொருளாதார இழப்புகளையும் தொடர்ந்து ஏற்படுத்திவரும் நிலையில் locust swarm எனப்படும் வெட்டுக்கிளிகளின் படையெடுப்பு இந்தியாவின் வடமேற்கு மாநிலங்களின் விளைநிலங்களில் பெரும் அழிவை ஏற்படுத்திவருவது அதிர்ச்சியளிக்கிறது.

வெட்டுக்கிளிகளின் வாழ்வுமுறை

இப்போது விளைநிலங்களை ஆக்கிரமித்திருக்கும் வெட்டுக்கிளிகள் நாம் சாதாரணமாக நம் பகுதிகளில் காணும் வெட்டுக்கிளிகளுக்கு நெருங்கிய உறவினர்கள். ஆப்பிரிக்கா மற்றும் அரேபிய நாடுகளைப் பூர்வீகமாகக் கொண்ட இந்த வெட்டுக்கிளிகளின் வாழ்வுமுறை மிகவும் விசித்திரமானது.

பொதுவாகத் தனித்தனியாகக் (Solitary Phase) குறைந்த எண்ணிக்கையில் ஆங்காங்கு நிலத்தில் காணப்படும் இந்த வெட்டுக்கிளிகள் எப்போதும் ஆபத்தானவை அல்ல. வறட்சி ஏற்படும் காலகட்டங்களில் ஆங்காங்கே உதிரிகளாய் இருக்கும் இவை பசுமையான சிறிய நிலப்பரப்புகளுக்கு வந்து சேர்கின்றன. அவ்வாறு பல வெட்டுக்கிளிகள் ஒரே இடத்தில் நெருங்கி உணவுதேட நேரும்போது அவற்றின் நரம்புமண்டலம் தூண்டப்பட்டு செரட்டோனின் (serotonin) என்னும் வேதிப்பொருள் அதிக அளவில் அதன் உடலில் உற்பத்தி செய்யப்படுகிறது. அப்போதுதான் அவை ஆபத்தான அச்சுறுத்தும் உயிரினங்களாக மாற்றம் பெறுகின்றன.

வெட்டுக்கிளிகளின் அச்சுறுத்தும் படிநிலை

 

இந்த செரட்டோனின் உடலில் சுரந்த சில மணி நேரங்களில் அவற்றின் குணநலங்களில் பெரும் மாறுதல் ஏற்படுத்துகிறது. தனித்து வாழும் வெட்டுக்கிளிகள் அப்போதுதான் சமூகமாய் ஓத்துழைத்து வாழும் கூட்டு வாழ்வுக்குத் (Gregarious phase) தூண்டப்படுகின்றன. அவற்றின் உணவு உண்ணும் பழக்கம், நடத்தை, வேகம் என அத்தனையும் மாற்றமடைகின்றன. இந்நிலையில் சரியான ஈரப்பதமும் ஈரமண்ணும் வாய்க்கப்பெற்றால் அவற்றின் முட்டைகளிலிருந்து வெளிவரும் அடுத்த தலைமுறை வெட்டுக்கிளிகள் உருவ அமைப்பிலும் நிறத்திலும் ஏன் மூளை அளவிலும்கூட மாறுதல் பெறுகின்றன. இந்த மாற்றங்கள் முட்டைகள் பொரித்தபின் அவற்றின் வளரிளம் பருவத்தில் (Nymph) நடைபெறுகின்றது. பெற்றோரிடமிருந்து முற்றிலும் தோற்றத்திலும் நடத்தையிலும் வேறுபட்ட இந்தத் தலைமுறை பெரிய மூளை, குட்டையான கால்களுடன் அதிக தூரம் பயணிக்கும் தகவமைப்பைப் பெறுவதோடு பெரும் அழிவு சக்தியாக உருவெடுக்கின்றது.

பலநூறு முட்டைகளையிடும் ஒரு வெட்டுக்கிளி தன் வாழ்நாளில் மூன்று முறைகள் வரை முட்டையிடுகிறது. இவை இலைகளில் மட்டுமின்றி மண்ணிற்கு அடியிலும் முட்டையிடுகின்றன. பெரும் கூட்டமாக மிகக்குறைந்த கால அவகாசத்தில் மிகப்பெரும் எண்ணிக்கையில் பெருகும் இந்த வெட்டுக்கிளிகள் தம் கண்ணில் படும் பசுமை அத்தனையையும் அழித்து உண்டபடி பெரும்பசியுடன் கூட்டமாய் அடுத்தடுத்த பசுமை நிலங்களை நோக்கி நகர்கின்றன. இவற்றின் கண்ணில்படும் எந்தத் தாவரமும் தப்ப முடியாது. இவை ஒரு நாளைக்கு நூறு கிலோமீட்டர்களுக்கும் மேல்கூட பயணிக்க வல்லவை. தொடர்ந்து பசுமையை நோக்கி பயணித்துக்கொண்டே இருக்கும் இவை செங்கடலையே தரையிறங்காது தாண்டக்கூடியவை. சில ஆண்டுகள்கூட தொடர்ந்து அழிவுகளை ஏற்படுத்திக்கொண்டே தொடர்ந்து நகர்ந்துகொண்டே இருக்கும் திறன் கொண்டவை. பாலைவன லோகஸ்ட் என்ற வெட்டுக்கிளி இரண்டரை மாதங்கள் முதல் ஐந்து மாதங்கள்வரை வாழக்கூடியது.

ஆச்சரியகரமாக ஒரு குறிப்பிட்ட காலத்துக்குப்பின் அவை தாமாகவே தமது முந்தைய solitary phase ஐ அடைந்து மீண்டும் ஆபத்தற்ற ஒன்றாக மாறிவிடுகின்றன. ஆயிரத்துக்கும் மேற்பட்ட வெட்டுக்கிளி இனங்களில் வெறும் 22 இனங்களே இந்த Locust swarm எனப்படும் அழிவு சக்தியாக மாற்றம் பெறும் திறனுள்ளவை.

உலகின் மொத்த நிலப்பரப்பில் ஐந்தில் ஒரு பகுதியை அழித்து பத்தில் ஒரு பங்கு உலக மக்கட்தொகையை பட்டினிக்குத் தள்ளும் அளவுக்கு அவை திறன்பெற்றவை என்று National Geographic இவற்றைப்பற்றி பெரும் கவலைதரும் தகவலைப் பதிவு செய்கிறது.

இந்த ஆபத்தை உலகம் எப்படிக் கையாளுகிறது?

அடுத்ததாக இந்த ஆபத்தை எப்படி உலகம் எதிர்கொள்கிறது என்று பார்க்கும்போது ஏறக்குறைய கொரோனா போன்ற கையறு நிலையே காணப்படுகிறது. இந்த வெட்டுக்கிளிகளின் விரைவான இனப்பெருக்கம், தொடர்ந்த வலசை (migration), பெரும் பரவல் மற்றும் எண்ணிக்கையால் இவற்றைக் கட்டுப்படுத்துவது பெரும் சவாலான ஒன்றாக இருக்கிறது. தற்போதைய சூழலில் வானிலிருந்து தெளிக்கப்படும் வேதிப் பூச்சிக்கொல்லிகளே உலகம் முழுதும் இதற்கு தீர்வாகக் கருதப்படுகிறது. இந்திய அரசும் மாலத்தியான் எனப்படும் பூச்சிகளின் நரம்பு மண்டலத்தைத் (!) தாக்கி அழிக்கும் நச்சை இந்த வெட்டுக்கிளிகளுக்கு எதிராகப் பயன்படுத்த அறிவுறுத்தியுள்ளது. இது அதிகம் நீர்க்கப்பட்டுதான் (Ultra Low Volume) பயன்படுத்தப்படவேண்டும் என்றாலும் இதன் நச்சுத்தன்மை விவசாயத்துக்கு நன்மை செய்யும் பூச்சிகளையும் சேர்த்தே அழிக்கும் என்பதோடு அதன் நச்சு எச்சம் நீரிலும் நிலத்திலும் கலக்கும் என்பது மறுக்கமுடியாது உண்மை.

இந்த வெட்டுக்கிளிகள் விரைவில் தொடர்ந்து இடப்பெயற்சி அடைந்து விடுவதாலும் பல சதுரகிலோமீட்டர் தொலைவுகளுக்கு இலட்சக்கணக்கான எண்ணிக்கையில் காணப்படுவதாலும் இந்த பூச்சிக்கொல்லித் தெளிப்பு பெரிய அளவில் பயனளிப்பதில்லை. இந்நேரத்தில் இயற்கையிலேயே பூச்சிகளை கட்டுப்படுத்தும் பறவைகள் மற்றும் விலங்குகளை நாம் பெருமளவில் ஒழித்துவிட்டதையும் வருத்தத்துடன் நினைவுகூர வேண்டியிருக்கிறது.

விழிப்புடன் இருக்கிறதா தமிழகம்?

ஆப்பிரிக்காவிலிருந்து புறப்பட்டு அரேபியாவைக் கடந்து ஈரான், ஈராக், ஆப்கானிஸ்தான், பாகிஸ்தான் என்று பயணிக்கும் இந்த வெட்டுக்கிளிகள் சாதாரணமாக தம் வலசையை இராஜஸ்தானின் மேற்கு எல்லையோடு முடித்துவிடுவது வழக்கம். ஆனால் 27 ஆண்டுகளுக்குப்பிறகு இவை இந்தியாவின் பெரும் நிலப்பரப்பை ஆக்கிரமிக்கத் தொடங்கியிருப்பதை நாம் நம்முடைய உணவுப் பாதுகாப்பின் மீதான பெரும் அச்சுறுத்தலாகவே பார்க்கவேண்டியிருக்கிறது. இவை தமிழகத்துக்கு வராது என்று அரசு கூறினாலும் இவற்றின் இடப்பெயற்சியை சரியாக யாராலும் கணிக்கமுடியாது என்பதே அறிவியல் உண்மை. இவை தமிழகத்துக்கு வராது என்று உறுதியாகச் சொல்லிவிட முடியாது என்று பேராசிரியர் சுல்தான் இஸ்மாயில் சொல்வதைக் கவனத்தில் கொள்ளவேண்டியிருக்கிறது. மேலும் இதுகுறித்த பேட்டி ஒன்றில் பேராசிரியர் அவர்கள் தமிழக அரசும் விவசாயிகளும் தகுந்த முன்னேற்பாடுகளுடன் இருக்கவேண்டும் என்று குறிப்பிடுவதோடு வேதிப் பூச்சிக்கொல்லிக்கு மாற்றாகச் சில பாதுகாப்பான மாற்றுகளையும் முன்வைக்கிறார்.

கொரோனா விஷயத்தில் முதலில் அரசு மெத்தனமாக இருந்துகொண்டு பின்னர் கைவிரித்தது போன்றில்லாது இப்போதே நம்மிடமிருக்கும் மக்களையும் மண்ணையும் நேசிக்கும் நிபுணர்களிடம் கலந்தாலோசித்து உரிய தயாரிப்புடன் இருப்பதே விவேகமானது. ஆபத்து நெருங்க வாய்ப்புகள் இருக்கும் நேரத்தில் எவ்வித தாமதமும் இன்றி சில சோதனை முயற்சிகளைச் செய்து முடித்துவிடுவதே விவேகமானது.

தொடரும் அச்சுறுத்தல்களும் காலநிலை மாற்றமும்

வெட்டுக்கிளிகளின் படையெடுப்பு இவ்வுலகத்துக்குப் புதியதல்ல. இஸ்ரயேலர்களிடமிருந்த எகிப்தியர்களைக் காக்க எகிப்தியர்களின் நிலத்தின்மீது கடவுள் வெட்டுக்கிளிகளை ஏவியதான குறிப்புகள் பைபிளில் காணக்கிடக்கின்றன. அக்காலத்திலேயே வெட்டுக்கிளிகள் ஒரு அச்சுறுத்தும் சக்தியாகவே இருந்திருக்கின்றன. எனினும் இன்றைய அதிகரிக்கும் புவி வெப்பமும் காலநிலை மாற்றமும் இந்த அழிவு சக்திக்கு இன்னும் அதிக சாதகமாக இருப்பதை அறிவியலாளர்கள் குறிப்பிடுகின்றனர். ஆபத்தற்ற solitary phase இல் வாழும் வெட்டுக்கிளிகளை ஆபத்தான Gregarious phase க்கு மாற்றுவது அவற்றின் சுற்றுச்சூழலும் காலநிலையுமே. அதிகரிக்கும் கடல்களின் வெப்பநிலை அதிக ஈரப்பதத்தையும் அபூர்வமான புயல்களையும் கிழக்கு ஆப்பிரிக்கா மற்றும் அரேபிய தீபகற்பத்தில் ஏற்படுத்தி இந்த வெட்டுக்கிளிகளின் Gregarious phase க்கு மேலும் மேலும் தூண்டக்கூடும் என்று எச்சரிக்கின்றனர்.

கொரோனா உட்பட உலகெங்கும் நடக்கும் விசித்திரமான தொடர் நிகழ்வுகள் நமக்குச் சுட்டிக்காட்டுவது ஒன்றே ஒன்றுதான். காலநிலை மாற்றம். உலக வெப்பமயமாதலின் விளைவுகளை நம் தலைமுறை ஏற்கெனவே சந்திக்கத் தொடங்கிவிட்டது. உலக வெப்பமயமாதல் பூச்சிகளின் பெருக்கத்திலும் நடத்தியிலும் விரும்பத்தகாத மாற்றங்களை ஏற்படுத்தும் என்று அறிவியலாளர்கள் ஏற்கனெவே எச்சரித்திருக்கின்றார்கள். மனிதன் பூச்சிக்களை சப்பிட்டு வாழும் காலம் நெருங்கிவிட்டது என்றும் கூறுகின்றனர்.

Continue Reading

இந்தியா

தங்களைத் தானே சாப்பிட்டு வாழும் வெட்டுக்கிளிகளிடம் இருந்து விளை பயிர்களை காப்பாற்றவே முடியாதா?

Published

on

சமீபத்தில் சூர்யா நடிப்பில் வெளியான காப்பான் படத்தில் ஒரு காட்சி வரும் தஞ்சை மாவட்ட விவசாய நிலங்களின் பெரும்பகுதியை வெட்டுக்கிளிகள் கூட்டம் அழிப்பது போன்று. அதனால் விவசாயிகள் பல்வேறு சிக்கல்களுக்கு உள்ளாவது போன்றும். அது வெறும் கற்பனை அல்ல. தற்போது உலக நாடுகளில் மட்டுமல்லாது இந்தியாவின் ராஜஸ்தான், பஞ்சாப், டெல்லி உள்ளிட்ட பல்வேறு வட மாநில விவசாய நிலங்களை இந்த வெட்டுக்கிளிகள் அழித்து வருகின்றன. பார்க்க சாதுவாக இருக்கும் வெட்டுக் கிளிகளால் இன்று உலக நாடுகள் பல பல்வேறு சிக்கல்களை சந்தித்து வருகின்றன. கொரோனாவைக் கூட கட்டுப்படுத்திவிடலாம் போல. ஆனால், இந்த வெட்டுக்கிளிகளை கட்டுப்படுத்துவது என்பது அவ்வளவு எளிதாக இருக்காது என்ற நிலையில் இன்று உலகம் இருக்கிறது.

வெட்டுக்கிளிகளால் விவசாய நிலம் பாதிக்கப்படுவது என்பது எகிப்தின் பிரமிடுகள் தோன்றிய காலம் தொட்டே நடந்து வருகிறது. வெட்டிக் கிளிகளின் கூட்டம் ஒரே நேரத்தில் பூமியின் 20 % நிலப்பரப்பை தாக்கி அழிக்கும் திறன் கொண்டது. உலக மக்களின் வாழ்வாதாரத்தை 10 %க்கும் அதிகமாக பாதிக்கிறது. குறைந்தது ஒரு நாளைக்கு 200 டன் தாவரங்களை உணவாக எடுத்துகொள்கிறது என்றால் அதன் தீவிரத்தை ஆபத்தை உணர்ந்துகொள்ளுங்கள். அப்படியானால் ஒரு கூட்டத்தில் எத்தனை வெட்டுக்கிளிகள் இருக்கும் என்பதை யூகித்துக்கொள்ளுங்கள்.

வெட்டுக் கிளிகள் வெறும் தாவரங்களை மட்டும் உண்பவை அல்ல. அவை தங்களைத் தாங்களே உண்ணும் ஒரு மாமிச உண்ணிகளும் கூடத்தான். கேட்கவே கொஞ்சம் அதிர்ச்சியாகவும் பயமாகவும் இருக்கிறது இல்லையா? ஆனால், அது தான் உண்மை. வெட்டுக் கிளிகளின் கூட்டம் ஒரே நேரத்தில் இரு வேறு நாடுகளில் உள்ள கூட்டங்களோடு தொடர்பை ஏற்படுத்திக்கொள்ளும் அளவுக்கு திறன் வாய்ந்தவை. அப்படி தொடர்பை ஏற்படுத்திக்கொள்ளாமல் அவைகளால் இனப்பெருக்கத்தை செய்ய முடியாது என்கிறது ஒரு ஆய்வு.

வெட்டுக் கிளிகளின் கூட்டங்களை கட்டுப்படுத்த சில வழிமுறைகள் சில ஆய்வுகள் மூலம் கண்டறியப்பட்டுள்ளன.

வெட்டுக்கிளிகள் இருக்கும் பகுதிகளில் விமானங்களை தாழ்வாகப் பறக்க விட்டு அந்த சத்தத்தின் மூலம் அவற்றை அழிக்க முடியும் என்கிறது ஒரு ஆய்வு. வெட்டுக்கிளிகளுக்குள் இருக்கும் தொடர்பை அழிக்கும் வகையில் அவை பறக்கும் இடங்களில் டயர்களை எறிப்பது, பள்ளங்கள் தோண்டுவது போன்ற வழிமுறைகளையும் பின்பற்றலாம். ஆனால், இந்த முயற்சிகள் அவற்றைக் கட்டுப்படுத்த ஓரளவே பயன்படும் என்கின்றன.பூச்சிக்கொல்லிகளை தெளித்து அவற்றை தடுக்கலாம் என்றாலும் இது சுற்றுச்சூழலில் மிகப்பெரிய பாதிப்பை ஏற்படுத்தும் என்பதால் அதுவும் ஆபத்தான ஒன்றுதான்.

இவையெல்லாம் இருக்க இன்று தமிழக அரசும் வெட்டுக்கிளிகள் தமிழகத்தில் வராமல் இருக்க வந்தால் தடுப்பது குறித்து ஒரு அறிவிப்பை வெளியிட்டுள்ளது. அதில், சுற்றுச்சூழலை பாதுகாக்கும் பயிர்ப்பாதுகாப்பு மருந்தான வேம்பு சார்ந்த பூச்சிக்கொல்லிகளை தெளிக்கலாம். மாலத்தியான் மருந்தினை தெளிப்பான்கள் மற்றும் பெரிய டிராக்டர்கள் மற்றும் தீயணைப்பு இயந்திரங்கள் மூலம் தெளிக்கலாம். உயிரியல் கட்டுப்பாட்டு காரணியான பெட்டாரைசியன் அனிசோபிலே என்ற எதிர் உயிர் பூஞ்சாணத்தினை தெளித்து கட்டுப்படுத்தலாம், வெட்டுக்கிளிகளை உண்ணும் கோழி உள்ளிட்ட பறவைகள் மற்றும் விலங்குகளையும் கட்டுப்பாட்டு பணியில் பயன்படுத்தலாம். அரசு அனுமதி மூலம் விமானம் மூலம் பூச்சிக் கொல்லிகளை விமானம் மூலம் தெளிக்கலாம் என பல்வேறு அறிவுரைகளை இன்று தமிழக அரசும் வெளியிட்டுள்ளது.

ஆனால், இந்த வெட்டுக்கிளிக் கூட்டங்களை கட்டுப்படுத்துவது அவ்வளவு எளிதானதாக தெரியவில்லை. முன்னெச்சரிக்கை நடவடிக்கை மட்டுமே இதற்கு ஒரு சிறந்த மருத்து ஆகும். ஆனால், மூன்றே மூன்று வெட்டுக்கிளிகள் மட்டுமே ஒரு கோடிக்கணக்கான வெட்டிக்கிளிகள் அடங்கிய கூட்டத்தை உருவாக்கப் போதுமானது என்பதையும் மனதில் வைத்துக்கொள்ளுங்கள்….

வெட்டுக்கிளிகளிடம் இருந்து பயிர்களை இயற்கை முறையில் காப்பது எப்படி?

Continue Reading

கட்டுரைகள்

கொரோனா வைரஸில் இருந்து தப்பிக்க எந்த மாஸ்க் சிறந்தது!

Published

on

கொரோனா வைரஸ் பாதிப்பிலிருந்து தப்பிக்க, மக்கள் மாஸ்க் பயன்படுத்துவது அதிகரித்து வருகிறது.

மக்கள் பயன்படுத்தும் மாஸ்க்குகளில் என்95, சர்ஜிக்கல் மாஸ்க், எஃப்எஃப்பி1 மாஸ்க், ஆக்டிவேட் கார்பன் மாஸ்க், துணி மாஸ்க், ஸ்பஞ்ச் மாஸ்க் போன்ற வகைகள் உள்ளன. இவற்றில் எந்த மாஸ்க் பயன்படுத்துவது சிறந்தது என்ற விளக்கத்தை இங்கு பார்க்கலாம்.

என்95 மாஸ்க்

வைரஸ் – 95%

பேக்டீரியா – 100%

தூசி – 100%

மகரந்தம் – 100%

சர்ஜிக்கல் மாஸ்க்

வைரஸ் – 95%

பேக்டீரியா – 80%

தூசி – 80%

மகரந்தம் – 80%

எஃப்எஃப்பி1 மாஸ்க்

வைரஸ் – 95%

பேக்டீரியா – 80%

தூசி – 80%

மகரந்தம் – 80%

ஆக்டிவேட் கார்பன் மாஸ்க்

வைரஸ் – 10%

பேக்டீரியா – 50%

தூசி – 50%

மகரந்தம் – 50%

துணி மாஸ்க்

வைரஸ் – 0%

பேக்டீரியா – 50%

தூசி – 50%

மகரந்தம் – 50%

ஸ்பாஞ்ச் மாஸ்க்

வைரஸ் – 0%

பேக்டீரியா – 5%

தூசி – 5%

மகரந்தம் – 5%

Continue Reading




சினிமா செய்திகள்1 hour ago

வலிமை பட ஷூட்டிங்கில் ஜிம் பாய்ஸால் ஏற்பட்ட சர்ச்சை!

சினிமா செய்திகள்2 hours ago

பாலா இயக்கும் 3 ஹீரோ படத்தில் புக்கானார் ஜி.வி.பிரகாஷ்!

சினிமா செய்திகள்3 hours ago

சிம்புவை தொடர்ந்து உதயநிதியுடன் கைகோர்க்கும் சுசீந்திரன்!

சினிமா செய்திகள்3 hours ago

நீண்ட இடைவெளிக்குப் பிறகுக் கிராமத்துக் கதையில் விக்ரம்.. இயக்குநர் யார் தெரியுமா?

சினிமா செய்திகள்6 hours ago

1000 திரை அரங்குகளில் வெளியாகும் மாஸ்டர்!

சினிமா செய்திகள்6 hours ago

அண்ணாத்த படப்பிடிப்பு மீண்டும் தள்ளிப்போகிறது..!

வேலை வாய்ப்பு7 hours ago

ஊரக வளர்ச்சி மற்றும் ஊராட்சித் துறையில் வேலைவாய்ப்பு!

டிவி7 hours ago

அர்ச்சனாவை சுருக்கென்று குத்திய ஆஜித்.. என்ன பதில் வந்து இருக்கும்?

வேலை வாய்ப்பு8 hours ago

ஊராட்சி அலுவலகத்தில் வேலைவாய்ப்பு!

டிவி8 hours ago

ஆரியை வாய் திறக்கவிடாத பாலாஜி.. ஹீரோவா? வில்லனா?

வேலை வாய்ப்பு1 year ago

தமிழ்நாடு ஊரக வளர்ச்சி மற்றும் ஊராட்சித் துறை வளர்ச்சித் துறையில் வேலை!

சினிமா1 year ago

பிக்பாஸ் வீட்டில் லைட் ஆஃப் செய்த பின்னர் இரவில் நடப்பது என்ன தெரியுமா? வெளியான ரகசியம்!

இந்தியா1 year ago

6 பேரால் இரண்டு நாள் வைத்து சீரழிக்கப்பட்ட சிறுமிக்கு மொட்டை அடித்த பஞ்சாயத்து!

தமிழ்நாடு1 year ago

தமிழகத்தின் 22 மாவட்டங்களில் மழைக்கு வாய்ப்பு: பள்ளி, கல்லூரிகளுக்கு விடுமுறை!

இந்தியா1 year ago

ரோஜாவை ஸ்பெஷலாக கவனித்த ஜெகன் மோகன் ரெட்டி: புதிய பதவியை ஏற்றுக்கொண்டார்!

சினிமா2 years ago

பேரனுக்காக ஆட்டோவில் பயணித்த ரஜினி!

வேலை வாய்ப்பு1 year ago

தமிழக அரசின் ஆரம்ப சுகாதார நிலையங்களில் வேலை!

சினிமா செய்திகள்2 years ago

விஜய் டிவி சீரியலில் நடிக்க ஆசையா? இதோ ஓர் அரிய வாய்ப்பு!

வேலை வாய்ப்பு1 year ago

தமிழக அரசின் சமூக நலத்துறை மற்றும் சத்துணவுத் திட்டத் துறையில் வேலை!

தமிழ்நாடு7 months ago

பெண்களுக்கு வட்டியில்லாக் கடன்.. தொடக்கி வைத்த அமைச்சர்!

வைரல் செய்திகள்4 days ago

மனிதர்களைப் போல ‘டீ’ வாங்கி குடிக்கும் யானை.. வைரல் வீடியோ!

வீடியோ2 weeks ago

சசி குமாரின் ‘எம்.ஜி.ஆர்.மகன்’ ட்ரெய்லர்!

வீடியோ2 weeks ago

வாத்தி யாரு? விஜய்யின் ‘மாஸ்டர்’ டீசர்!

வீடியோ3 weeks ago

சன் டிவியில் தீபாவளிக்கு நேரடியாக ரிலீஸ் ஆகும் ‘நாங்க ரொம்ப பிஸி’ டிரெய்லர்!

வீடியோ3 weeks ago

மீண்டும் ‘விக்ரம்’.. #கமல்ஹாசன்232 பட தலைப்பை அறிவித்த படக்குழு!

வீடியோ1 month ago

ஜீவா, அருள்நிதி சேர்ந்து கலக்கும்‘களத்தில் சந்திப்போம்’ பட டீசர்!

வீடியோ1 month ago

சிம்புவின் ‘ஈஸ்வரன்’ ஸ்லிம்மாக மிரட்டும் போஸ்டர்!

வீடியோ1 month ago

ஏர் ஓட்டுபவனும் ஏரோபிளைனில் போவான்.. சூரரைப் போற்று திரைப்பட டிரெய்லர்!

கிரிக்கெட்3 months ago

பந்தை பறக்கவிட்ட தோனி.. கொண்டாட்டத்தில் ரசிகர்கள்!

சினிமா செய்திகள்3 months ago

தேர்வு எழுத சென்ற சாய் பல்லவி.. செல்பி எடுத்துக்கொண்ட மாணவர்கள்.. வைரல் வீடியோ!

Trending

%d bloggers like this: