தயானந்தா ஆசிரமத்தில் உள்ள ரசிகர்களுடன் எடுத்த புகைப்படங்கள் இணையத்தில் வெளியாகி உள்ளன. உத்தரகாண்ட் ரிஷிகேஷில் உள்ள தயானந்த ஆசிரமத்தில் ஓய்வெடுத்து வருகிறார் நடிகர் ரஜினி

கடந்த 2010ம் ஆண்டுக்கு முன்புவரை ஒவ்வொரு படத்தின் சூட்டிங் முடிந்த பின்பும் இமயமலை செல்வதை வழக்கமாக வைத்திருந்தார். உடல்நலக் குறைவு காரணங்களால் தொடர்ந்து இமயமலை செல்வதை தவிர்த்த ரஜினிகாந்த் 8 ஆண்டுகள் கழித்து 2.0 மற்றும் காலா ஆகிய படங்கள் படப்பிடிப்பு முடிந்து இமயமலை சென்றார். தற்போது “தர்பார்” படப்பிடிப்பு முடிந்ததை அடுத்து நடிகர் ரஜினி இமயமலைக்கு பயணம் சென்றுள்ளார்.

கைதி படத்திற்கு தணிக்கை குழு இப்படத்திற்கு U/A சான்றிதழ் வழங்கியுள்ளது. தீபாவளி பண்டிகையை முன்னிட்டு கைதி திரைப்படம் வெளியாவதும் உறுதியாகியுள்ளது.

கார்த்தி நடிப்பில் லோகேஷ் கனகராஜ் இயக்கத்தில் ட்ரீம் வாரியர்ஸ் நிறுவனம் தயாரிப்பில் உருவாகியுள்ள படம் கைதி. மாநகரம் என்னும் முதல் படத்தின் மூலம் பிரபலமடைந்த லோகேஷ் இரண்டு வருடங்கள் கழித்து இயக்கிய படம்தான் இந்த கைதி.

இந்த படத்தின் ட்ரைலர் கடந்த 7ஆம் தேதி வெளியாகி ரசிகர்களிடையே நல்ல வரவேற்பை பெற்றது.

கார்த்தியுடன் நரேன், தீனா, ரமணன் உள்ளிட்ட நடிகர்கள் நடிக்க சத்ய சூரியன் ஒளிப்பதிவு செய்கிறார். சாம் சி.எஸ். இந்த படத்துக்கு இசையமைக்கிறார். முழுக்க முழுக்க ஆக்‌ஷன் காட்சிகள் இடம்பெற்றுள்ள இந்த படத்தில் அன்பறிவ் சண்டைபயிற்சி இயக்குனராக பணிபுரிந்துள்ளார். படத்தில் கார்த்திக்கு ஜோடியாக எந்த ஹீரோயினும் இன்றி தமிழ் சினிமாவில் ஒரு புதுமுயற்சியை கையாழுகின்றனர்.

இப்படத்தை இயக்கியுள்ள லோகேஷ் கனகராஜ் தனது இரண்டாவது படமான கைதி வெளியாகுவதற்கு முன்பே விஜய்யை வைத்து ஒரு படம் இயக்க ஒப்பந்தமாகியுள்ளார்.

அட்லி-விஜய் கூட்டணியில் தெறி, மெர்சல் ஆகிய படங்களைத் தொடர்ந்து மூன்றாவது முறையாக இணைந்துள்ள படம் பிகில். பலத்த எதிர்பார்ப்புகளுக்கு இடையே சனிக்கிழமை வெளியான இதன் ட்ரெயிலர் வழக்கம்போல வரவேற்பையும் விமர்சனத்தையும் பெற்றுள்ளது. இன்றுவரை யூட்டியூப் ரெண்டிங்கிலும் இருக்கிறது.

அட்லி எடுத்த எல்லாப்படத்தையும் ஏதாவது ஒரு படத்தின் தழுவல் என்று பரவலாக விமர்சனம் வருவதும் இயல்பு. ‘ராஜா ராணி’யை ‘மௌன ராகம்’ என்றும் ‘தெறி’யை  ‘சத்ரியன்’ படத்துடனும் ‘மெர்சல்’ஐ ‘அபூர்வ சகோதரர்கள்’ படத்துடனும் ஒப்பிட்டுக்கூறி கேலி பேசினார்கள். என்றாலும் அந்த மூன்று படமும் பெரிய அளவில் வெற்றியை தேடித்தந்தது.

தற்போது புட் பாலை பின்புலமாக வைத்து எடுக்கப்பட்டுள்ள பிகில் திரைப்படத்தையும் ஜென்டில் மேன் மற்றும் சக் தே இந்தியா திரைப்படங்களின் தழுவல் என்றும் கூறுகின்றனர் நெட்டிசன்கள். அதற்கு ஏற்றார் போல சாருக்கானும் சக் தே இந்தியா மாதிரியான ஒரு திரைப்படம். அதற்கு என்னுடைய வாழ்த்து என தனது ட்விட்டர் பக்கத்தில் கருத்தை பகிர்ந்துள்ளார்.

இதற்கு பதில் அளிக்கும் விதமாக படத்தின் தயாரிப்பாளர்களுள் ஒருவரான கல்பாத்தி அர்ச்சனா “சக்தே இந்தியா திரைப்படத்தின் ரீமேக் உரிமையை வாங்க வில்லை எனவும், வாங்கியதாக வெளியான செய்திகள் வதந்தி எனவும் பிகில் படத்தின்  கிரியேடிவ் பிரடியுசர் அர்ச்சனா கல்பாத்தி தனியார் தொலைக்காட்சிக்கு அளித்துள்ள பேட்டியில் கூறியுள்ளார். மேலும் அவர் பிகில் திரைப்படத்தின் சென்சாருக்கு எந்த அரசியல் கட்சியும் நெருக்கடி கொடுக்கவில்லை நாங்கள் சுதந்திரமாக செயல்படுகிறோம்” என்றும் கூறியுள்ளார்.

திரைப்படம் வெளியான பிறகுதான் தெரியும் உண்மை நிலவரம் அதுவரை பொறுப்போம்…