ஜெயம் ரவி நடிப்பில், ஹாட்ஸ்டாரில் ஜனவரி 14-ம் தேதி வெளியாகும் பூமி படத்தின் ‘தமிழன் என்று சொல்லடா’ பாடல் வீடியோ வெளியாகி ரசிகர்கள் இடையில் நல்ல வரவேற்பைப் பெற்றுள்ளது.

இமான் இசையில், தாமரை மதன் கார்கி எழுத்தில் தமிழ என்று சொல்லடா பாடல் உருவாகியுள்ளது. அனிருத் ரவிச்சந்தர், லவன்யா மற்றும் இமான் மூவரும் இணைந்து பாடியுள்ளனர். பாடலுக்கு பிருந்தா மற்றும் ஷெரிஃப் இருவரும் நடனம் அமைத்துள்ளனர்.

சிலம்பரசன் நடிப்பில் ஜனவரி 14-ம் தேதி ரிலீஸ் ஆக உள்ள ஈஸ்வரன் படத்தின், மாங்கல்யம் பாடல் வீடியோ வெளியாகி வைரலாகி வருகிறது.

மாங்கல்யம் பாட்டை சிலம்பரசன் ரோஷினி மற்றும் தமன் மூவரும் இணைந்து பாடியுள்ளனர், யுகபாரதி பாடல் வரிகளை எழுதியுள்ளார். எஸ் தமன் இசை அமைத்துள்ளார்.

மாங்கல்யம் ஆடியோ பாடல் ரசிகர்களிடையில் நல்ல வரவேற்பை பெற்ற நிலையில், வீடியோ பாடல் இப்போது வெளியாகியுள்ளது.

விஜய் சேதுபதி, பார்த்திபன் நடிப்பில் தயாராகி வருகிறது துக்ளக் தர்பார் டீசர். டெல்லி பிரசாத் தீனதயாலம் என்பவர் இந்த படத்தை இயக்கியுள்ளார்.

ராசி கண்ணா, மஞ்சிமா மோகன் என இரண்டு கதாநாயகிகள் உள்ளனர். பிக்பாஸ் புகழ் சம்யுக்தா, கருணாகரன் உள்ளிட்டவர்களும் முக்கிய கதாபாத்திரத்தில் நடித்துள்ளனர். 7 ஸ்க்ரீன் ஸ்டூடியோ நிறுவனத்தின் கீழ் மாஸ்டர் புகழ் லலித் குமார் இந்த படத்தைத் தயாரித்துள்ளார். 96 புகழ் கோவிந்த் வசந்தா இந்த படத்துக்கு இசை அமைத்துள்ளார்.

‘துக்ளக் தர்பார்’ டீசர்!