பிரபல நடிகருக்காக சிம்பு பாடிய பாடல் ஒன்று இன்று ரிலீஸ் என அறிவிக்கப்பட்டுள்ளதை அடுத்து சிம்புவுக்கு வாழ்த்துக்கள் குவிந்து வருகிறது.

பிரபல தமிழ் திரைப்பட நடிகர் கார்த்தி. இவர் நடித்து முடித்துள்ள ’சுல்தான்’ என்ற திரைப்படம் வரும் ஏப்ரல் 2ஆம் தேதி உலகம் முழுவதும் திரையரங்குகளில் வெளியாக உள்ளது. இந்த படத்தின் புரமோஷன் பணிகள் விறுவிறுப்பாக நடைபெற்று வரும் நிலையில் இன்று இரவு 7 மணிக்கு இந்த படத்தின் சிங்கிள் பாடல் ஒன்று வெளியாக இருப்பதாக அறிவிக்கப்பட்டுள்ளது.

யாரையும் இவ்வளவு அழகா’ என்று தொடங்கும் இந்த பாடலை சிம்பு பாடி உள்ளதாகவும் இந்த பாடலை விவேகா என்பவர் எழுதி இருப்பதாகவும் அறிவிக்கப்பட்டுள்ளது. இசை இரட்டையர்கள் விவேக்-மெர்வின் இசையில் உருவாகியுள்ள இந்த பாடல் சிம்புவின் குரலில் மிகப் பெரிய ஹிட்டாகும் என்று எதிர்பார்க்கப்படுகிறது.

சிவகார்த்திகேயன் நடித்த ரெமோ என்ற திரைப்படத்தை இயக்கிய பாக்யராஜ் கண்ணன் இயக்கியிருக்கும் இந்தப் படத்தில் கார்த்தி ஜோடியாக ராஷ்மிகா மந்தனா நடித்துள்ளார். மேலும் இந்த படத்தில் நெப்போலியன், லால், யோகி பாபு உள்பட பலர் நடித்துள்ளனர். சத்யன் சூரியன் ஒளிப்பதிவில் ரூபன் படத்தொகுப்பில் இந்த படம் உருவாகியுள்ளது.

🎶 #Sulthan2ndSingle – யாரையும் இவ்ளோ அழகா releasing today at 7 PM.

🎤 #SilambarasanTR
✍️ @Viveka_Lyrics
🥁 @MervinJSolomon @iamviveksiva @Karthi_Offl @iamRashmika@Bakkiyaraj_k #சுல்தான்#Sulthan2ndSingleFromToday#Sulthan2ndSingleFromToday7pm pic.twitter.com/osAZkmpzFy

— Diamond Babu (@idiamondbabu) March 5, 2021

பல்வேறு தடைகளுக்கு பின்னர் நான்கு ஆண்டுகள் கழித்து ‘நெஞ்சம் மறப்பதில்லை’ திரைப்படம் இன்று தமிழகம் உள்பட உலகம் முழுவதும் ரிலீஸ் ஆக உள்ளது.

எஸ்ஜே சூர்யா, ரெஜினா, நந்திதா நடிப்பில் செல்வராகவன் இயக்கத்தில் யுவன் சங்கர் ராஜா இசையில் உருவாகியுள்ள ‘நெஞ்சம் மறப்பதில்லை’ திரைப்படம் ஏற்கனவே மிகப்பெரிய எதிர்பார்ப்பை ஏற்படுத்தியுள்ள நிலையில் இன்று திரையரங்குகளில் ரிலீஸ் ஆகிறது.

இந்த நிலையில் இந்த படத்தின் ரன்னிங் டைம் 2 மணி நேரம் 22 நிமிடங்கள் அதாவது 142 நிமிடங்கள் என்ற தகவல்கள் வெளிவந்துள்ளன. சுமார் இரண்டரை மணி நேரமே உள்ள திரைப்படம் என்பதால் சரியான அளவில் உள்ள திரைப்படம் என்று ரசிகர்கள் கருத்து தெரிவித்துள்ளனர்.

ஏற்கனவே இந்த படத்தின் டீசர், ஸ்னீக்பீக் வீடியோ உள்பட புரமோஷன் பணிகள் விறுவிறுப்பாக நடந்தது என்பதும் இதனை அடுத்து இந்த படத்திற்கு நல்ல எதிர்பார்ப்பு ஏற்பட்டுள்ளது என்பது குறிப்பிடத்தக்கது. இந்த படத்தில் மிக சிறப்பாக எஸ்.ஜே.சூர்யா நடித்துள்ளதாக ரசிகர்கள் மற்றும் திரையுலகினர் கருத்து கூறி வருகின்றனர். இந்த படம் வெளிவந்தால் எஸ்ஜே சூர்யா பிரபல நடிகர்கள் பட்டியலில் இணைந்து விடுவார் என்று கூறப்படுகிறது.

உலகம் முழுவதும் வசூலில் சக்கை போடு போட்ட ’பாஸ்ட் அண்ட் பியூரியஸ்’ திரைப்படம் இதுவரை எட்டு பாகங்கள் வெளிவந்துள்ள நிலையில் ஒன்பதாம் பாகத்தின் ரிலீஸ் தேதி தற்போது அறிவிக்கப்பட்டுள்ளது

பாஸ்ட் அண்ட் ப்யூரியஸ் படத்தின் ஒன்பதாவது பாகம் வரும் ஜூன் மாதம் 25ஆம் தேதி ரிலீஸாகும் என அதிகாரபூர்வமாக அறிவிக்கப்பட்டுள்ளது. இதனை அடுத்து ரசிகர்கள் மகிழ்ச்சி அடைந்துள்ளனர்.

கடந்த 2001 ஆம் ஆண்டு ஜூன் மாதம் ’பாஸ்ட் அண்ட் பியூரியஸ்’ திரைப்படத்தின் முதல் பாகம் வெளிவந்தது. அதன் பின்னர் 2003, 2006, 2009, 2011 2013, 2015, 2017 ஆகிய வருடங்களில் அடுத்தடுத்த பாகங்கள் வெளிவந்த நிலையில் தற்போது 2021 ஆம் ஆண்டு ஜூன் 25ஆம் தேதி இந்த படத்தின் ஒன்பதாம் பாகம் வெளிவர இருப்பதாக அறிவிக்கப்பட்டுள்ளது.

வழக்கம்போல் வின் டீசல் இந்த படத்தின் நாயகனாக நடித்துள்ளார் என்பதும் குறிப்பிடத்தக்கது. இந்த படத்திற்கு மிகப்பெரிய எதிர்பார்ப்பு இருக்கிறது என்பதும் தமிழ் உள்ளிட்ட அனைத்து இந்திய மொழிகளிலும் இந்த படம் வெளியாகும் என்பது குறிப்பிடத்தக்கது.