சித்தி 2 சீரியலில் தன்னுடைய கதாபாத்திரத்தில் நடிக்கப் போவது யார்? என்ற கேள்விக்கு ராதிகாவே பதில் அளித்துள்ளார்.

சன் டிவி-யில் ஒளிபரப்பாகி வரும் சீரியல்களிலேயே ராதிகா சரத்குமாரின் சீரியல்களுக்கு என்று தனி ரசிகர்கள் வட்டம் உண்டு. அந்த வகையில் மிகுந்த எதிர்பார்ப்புகளுடன் சித்தி 2 நாடகம் ஒளிபரப்பாகி வருகிறது. முழு நேர அரசியலில் கணவர் சரத்குமார் உடன் சேர்ந்து ஈடுபட உள்ளதாக சமீபத்தில் ராதிகா அறிவித்திருந்தார்.

அதன் அடிப்படையில் சித்தி 2 சீரியலில் மட்டுமிருந்து இல்லாது சின்னத்திரையில் நடிப்பதில் இருந்தே மொத்தமாக விலகிக் கொள்வதாக ராதிகா அறிவித்தார். அடுத்து முன்னணியில் இருக்கும் சித்தி 2 சீரியலில் சித்தி கதாபாத்திரத்தில் நடிக்கப் போவது யார் என்ற கேள்வி அதிகப்படியாக எழுந்து காணப்பட்டது.

இதற்கு தற்போது ராதிகாவே பதில் அளித்துள்ளார். ராதிகா கூறுகையில், “நான் சித்தி 2 சீரியல்ல நடிச்சிட்டிருந்த ரோல்-ல யார் யாரோ நடிக்கப் போறாங்கன்னு செய்தி படிச்சேன். அதெல்லாம் பார்த்த போது சிரிப்புதான் வந்துச்சு. நாட்டுல எத்தனையோ விஷயங்கள் நடந்துட்டு இருக்கு. சீரியல் தொடர்பா பரப்பப்படுற செய்தியெல்லாம் நான் கண்டுக்கவே மாட்டேன்.

சித்தி 2 சீரியல்ல இனிமே என் கதாபாத்திரத்தில் யாரும் நடிக்க மாட்டாங்க. என் கதாபாத்திரம் அப்படியே மறைஞ்சிடும். இளம் நடிகர்களின் கதாபாத்திரங்களின் அடிப்படையில் கதை நகரும். தேர்தல் முடிஞ்சப்பறம் சீரியல் என்னுடைய தேவை இருக்குன்னு சொன்னா அத அப்போ பாத்துக்கலாம்” எனக் கூறியுள்ளார்.

பிக்பாஸ் தமிழ் சீசன் 5 விரைவில் தொடங்க உள்ளதாக செய்திகள் வெளியாகி உள்ளன.

பிக்பாஸ் தமிழ் சீசன் 4 சமீபத்தில் தான் நிறைவு பெற்றது. ஆனால், அதற்குள்ளாகவே சீசன் 5 எப்போது தொடங்கும் என ட்விட்டர்வாசிகள் கேள்விகளை எழுப்பத் தொடங்கிவிட்டனர். கடந்த ஆண்டு கொரோனா கட்டுப்பாடுகளால் பிக்பாஸ் தாமதமாகத் தொடங்கப்பட்டது. ஆனால், 2021 பிக்பாஸ் முதல் மூன்று சீசன்களைப் போலவே சரியான காலத்தில் தொடங்கிவிடுமாம்.

ஏறத்தாழ வருகிற ஜூன் மாதம் முதல் பிக்பாஸ் தமிழ் சீசன் 5 தொடங்கும் எனக் கூறப்படுகிறது. இதற்கான ஆவணங்கள் தயாரிக்கும் பணிகள் தற்போது தொடங்கிவிட்டுள்ளதாம். வழக்கம் போல் சீசன் 5 நிகழ்ச்சியையும் நடிகர் கமல்ஹாசன் தான் தொகுத்து வழங்குவார். ஏப்ரல் அல்லது மே மாதத்துக்குள் தமிழக சட்டசபைத் தேர்தல் நிறைவடைந்து விடும் என்பதால் கமலும் ஜூன் மாதம் தயாராகவே இருப்பார் எனக் கூறப்பட்டுள்ளது.

இப்போது இருந்தே பிக்பாஸ் தமிழ் சீசன் 5-க்கான போட்டியாளர்கள் தேர்வு விஜய் டிவி நிர்வாகத்தில் கலந்து ஆலோசிக்கப்படுகிறதாம். விரைவில் போட்டியாளர்களிடம் பேச்சுவார்த்தையைத் தொடங்குவார்கள் என்றும் கூறப்பட்டுள்ளது.

பிக்பாஸ் புகழ் ஷிவானி வீட்டில் நடத்தப்பட்ட விசேஷம் ஒன்றுக்காக பிக்பாஸ் பாலா கேங் ஒட்டுமொத்தமாக அவரது வீட்டில் கூடியுள்ள புகைப்படங்கள் வைரல் ஆகி வருகிறது.

பிக்பாஸ் ஷிவானியின் நாய்க்கு நேற்று பிறந்தநாள் கொண்டாடப்பட்டுள்ளது. அந்த பிறந்தநாள் பார்ட்டியில் ஷிவானியின் நாய்க்கு 6 வகையான கேக்குகள் வைக்கப்பட்டு கட் செய்து கொண்டாடியுள்ளனர். இந்த பிறந்தநாள் பார்ட்டிக்கு பிக்பாஸ் ஹவுஸ்மேட்ஸ்கள் பாலாஜி, ஆஜித், சம்யுக்தா ஆகியோர் கலந்து கொண்டுள்ளனர்.

தனது செல்லப்பிராணிக்கு விழா எடுத்து ஷிவானி கொண்டாடியதை நெட்டிசன்கள் வைரல் செய்து வருகின்றனர். ஒரு நாய்க்குட்டிக்கு ஆறு கேக் வெட்டுகிறார்கள், இங்கு ஒரு கேக் வெட்ட 90’ஸ் கிட்ஸ்களுக்கு ஆள் இல்லை என்றும் வைரல் கமென்ட்க்கள் குவிந்து வருகின்றன.

Happiness is indeed dancing for our Thalaivan’s Song ❤️ #vaadipottapullaveliye pic.twitter.com/zQnMmwPC3Z

— Shivani Narayanan (@Shivani_offl) February 8, 2021

 

View this post on Instagram

 

A post shared by Aajeedh Khalique (@aajeedh_khalique)