பிக்பாஸ் நிகழ்ச்சியின் அடுத்த சீசனை கமலுக்கு பதிலாகச் சிம்பு இயக்குவார் என்று தகவல்கள் வெளியாகி வந்தன. இந்நிலையில் பிக்பாஸ் நிகழ்ச்சியைச் சிம்பு தொகுத்து வழங்க ஓகே சொன்னாலும், கமல் தான் தொகுத்து வழங்குவார் என்று செய்தி பூமி டுடே தளத்திற்குக் கிடைத்த தகவல்கள் கூறுகின்றன.

தமிழில் இதுவரை பிக்பாஸ் நிகழ்ச்சி 4 சீசன்கள் வரை நடந்துள்ளது. முதல் சீசன் முதலே இதை நடிகர் கமல்ஹாசன் தொகுத்து வழங்கி வருகிறார்.

ஆனால் கடந்த 2 சீசன்களாகவே, சிம்புதான் பிக்பாஸ் நிகழ்ச்சியின் அடுத்த சீசனை தொகுத்து வழங்குவார் என்று செய்திகள் வரும். ஆனால் கமல்ஹாசன் தான் தொகுத்து வழங்குவார்.

அதே போன்று இப்போதும் பிக்பாஸ் சீசன் 5 நிகழ்ச்சியைக் கமல்ஹாசன் தான் தொகுத்து வழங்குவார். பிக்பாஸ் நிகழ்ச்சியைத் தயாரித்து வழங்கும் எண்டமால் ஷைன் நிறுவனம் கமல்ஹாசனுடன் 5 வருடங்களுக்கு ஒப்பந்தம் போட்டுள்ளது.

இந்த ஒப்பந்தத்தின் படி பிக்பாச் சீசன் நிகழ்ச்சியைக் கமல்ஹாசன் தான் தொகுத்து வழங்குவார். பிக்பாஸ் சீசன் 6 வேண்டுமானால் சிம்பு அல்லது பிற நடிகர்கள் தொகுத்து வழங்க வாய்ப்புள்ளது.

குக்கு வித் கோமாளி சீசன் 2 நிகழ்ச்சியின் பிரபலம் ஒருவர் உடல் நலக் குறைபாடு காரணமாக மருத்துவமனையில் அனுமதிக்கப்பட்டுள்ளார்.

குக்கு வித் கோமாளி சீசன் 2 நிகழ்ச்சியில் வைல்ட் கார்டு போட்டியாளர் ஆக நுழைந்தவர் நடிகை ரித்திகா. 3 வாரங்கள் மட்டுமே நிகழ்ச்சியில் தொடர்ந்தவர் பின்னர் எலிமினேட் ஆனார். தற்போது விஜய் டிவி சீரியலில் பிஸியாக நடித்து வரும் ரித்திகா உடல் நலக் குறைவால் மருத்துவமனையில் அனுமதிக்கப்பட்டுள்ளார்.

இதுகுறித்து ரசிகர்களிடம் ரித்திகா தெரிவித்ததும் பலரும் அவருக்கு ஆறுதல் சொல்லியும் விரைவில் உடல் நலம் பெற வேண்டும் எனவும் கூறி வருகின்றனர். ஃபுட் பாய்சன் ஏற்பட்டதால் ரித்திகா மருத்துவமனையில் அனுமதிக்கப்பட்டு கொஞ்சம் தேறியதும் வீடு திரும்பி உள்ளார். சமீபத்தில் தான் மற்றொரு குக்கு வித் கோமாளி பிரபலம் ஆன மணிமேகலை விபத்தில் சிக்கி தற்போது காயம் காரணமாக ஓய்வு எடுத்து வருகிறார் என்பதும் குறிப்பிடத்தக்கது.

விஜய் டிவியில் ஒளிபரப்பாகிவரும் ’குக் வித் கோமாளி நிகழ்ச்சியில் கலந்துகொண்ட கோமாளிகளில் ஒருவராகிய மணிமேகலைக்கு சிறு விபத்து ஏற்பட்டுள்ளதாகவும், இதனால் அவர் இரண்டு வாரங்களுக்கு நிகழ்ச்சியில் கலந்துகொள்ள மாட்டார் எனவும் தகவல்கள் வெளிவந்துள்ளன

குக் வித் கோமாளி நிகழ்ச்சியில் இயல்பான காமெடி செய்து கொண்டிருப்பவர் மணிமேகலை. அவரது காமெடிக்காகவே பலர் இந்த நிகழ்ச்சியை பார்த்து வருகிறார்கள் என்பது குறிப்பிடத்தக்கது. ஆனால் அதே நேரத்தில் அவரைப் பார்த்து அனைத்து குக்குகளும் மிரண்டு போவார்கள் என்பதும் குறிப்பிடத்தக்கது

இந்த நிலையில் குக் வித் கோமாளி மணிமேகலைக்கு திடீரென சிறு விபத்து ஏற்பட்டுள்ளதாகவும், அவர் வீட்டில் அடுப்பில் இருந்து சுடுதண்ணி இறக்கும் போது இந்த விபத்து ஏற்பட்டதாகவும் இதனை அடுத்து அவர் சிகிச்சை பெற்று வருவதாகவும் கூறப்படுகிறது

இந்த நிலையில் இதுகுறித்து மணிமேகலை தனது இன்ஸ்டாகிராமில் கூறியதாவது: ஆடி காரில் போவது வசதியான வாழ்க்கை இல்லை, ஆஸ்பத்திரிக்கு போகாமல் வாழ்வதே வசதியான வாழ்க்கை’ என்று சமீபத்தில் படித்தேன், நல்லா இருந்தது. ஒரு சின்ன விபத்து. ஆனால் நலமாக இருக்கின்றேன். அடுத்த இரண்டு வாரங்களுக்கு ‘குக் வித் கோமாளி’ நிகழ்ச்சி உள்பட அனைத்து நிகழ்ச்சியையும் மிஸ் செய்கிறேன் என்று பதிவு செய்துள்ளார்.

இரண்டு வாரங்கள் மணிமேகலையை மிஸ் செய்வோம் என்ற தகவல் ’குக் வித் கோமாளி ரசிகர்களை பெரும் அதிர்ச்சிக்குள்ளாக்கியுள்ளது