Connect with us

விமர்சனம்

விக்ரமின் ‘சாமி 2’ விமர்சனம்!

Published

on

சாமி 2, விமர்சனம், திரை விமர்சனம், விக்ரம், Saamy 2, Movie, Review, saamy 2 review, Vikram

2003-ம் ஆண்டு வெளியான சாமி திரைப்படத்தின் இரண்டாம் பாகம் சாமி ஸ்கொயர். முதல் பாகம் திருநெல்வேலியில் இருந்த ரவுடிசத்தினை ஒழித்துக் கட்டி, தனது அப்பாவைக் கொன்றவர்களையும் கொள்ளும் ஆக்சன் திரைப்படமாக இருந்தது. முதல் பாகத்தில் நகைச்சுவை, பாடல், ஹீரோயிசம், காதல், ஆக்‌ஷன் எல்லாம் சேர்ந்த கலவையாக இருந்த சாமி இரண்டாம் பாகத்தில் எப்படி இருக்கிறார் என்று பார்க்கலாம்.

சாமி 2, விமர்சனம், திரை விமர்சனம், விக்ரம், Saamy 2, Movie, Review, saamy 2 review, Vikram

 

முதல் பாகத்தில் திருநெல்வேலி ரவுடிசத்தினை ஒளித்த பிறகு சொந்த ஊரான பழனிக்கு மனைவியுடன் திரும்புகிறார் ஆறுசாமி. மறுபக்கம் பெருமாள் பிச்சைக் குடும்பம் இலங்கையில் உள்ளது. அவருக்கு மூன்று மகன் ஓ.ஏ.கே.சுந்தார், ஜான் விஜய், பாபி சிம்ஹா என்று மூன்று மகன்கள்.

போலீசுக்கு பயந்து பெருமாள் பிச்சை தலைமறைவாக உள்ளார் என்று கிண்டல் செய்யக் கோபப்பட்டுத் திருநெல்வேலி திரும்பும் பாபி சிம்ஹாவும் அவரது குடும்பத்தினரும் தனது அப்பாவை ஆறு சாமி கொன்றுவிட்டதை அறிகிறார். எனவே ஆறு சாமியையும் அவரது மனைவியையும் கொன்றுவிடுகிறார். ஆனால் இவர்களுக்கு வேலுசாமி என்று ஒரு மகன் உள்ளார்.

 

பின்னர்த் திருநெல்வேலியை மீண்டும் தன் கட்டுப்பாட்டுக்குள் கொண்டு வருகிறார் பாபி சிம்ஹா. மறு பக்கம் ஐஏஎஸ் அதிகாரியாக வேண்டும் என்ற கனவுடன் உள்ள வேலுசாமி அவரது தாத்தா டெல்லி கணேஷ் உடன் டெல்லியில் விவேக்கின் மகனாக வளர்க்கப்படுகிறார்.

மத்திய அமைச்சராக உள்ள பிரபுவிடம் முக்கியப் பொறுப்பில் உள்ள விக்ரம் ஐஏஎஸ் தேர்வில் வெற்றி பெற்றும் அதை விரும்பாமல் ஐபிஎஸ் ஆகிறார். ஆனால் திருநெல்வேலியில் போஸ்ட்டிங். டெல்லி கனேஷ் வேண்டாம் என்கிறர். ஆனால் வேலுசாமி திருநெல்வேலியில் ஐபிஎஸ் அதிகாரியாகப் பெருப்பேற்றாறா இல்லையா? தனது அப்பா அம்மாவைக் கொலை செய்தவர்களைப் பழிவாங்கினாரா இல்லையா? அதற்கிடையில் பிரபுவின் மகளான கீர்த்திச் சுரேஷ் உடன் காதல், நகைச்சுவை என்ற பெயரில் சூரி எதற்கு என்றே தெரியவில்லை. முதல் பாகத்தில் திரிஷா இருந்த கதாப்பாத்திரத்தில் ஐஷ்வர்யா ராஜேஷ்.

சுருங்க சொன்னால் சாமி 2 அப்பா, அம்மாவைக் கொன்றவர்களைப் பழிவாங்கும் திரைப்படமே ஆகும். காதல், நகைச்சுவை, பாடல்கள் என்றும் ஒன்றும் படத்தினை வேகமாகக் கொண்டு செல்ல உதவவில்லை. முதல் பாகத்தில் இருந்து விறுவிறுப்பு துளியளவும் இல்லை.

விக்ரமின் நடிப்பு, அதிரடி ஆக்‌ஷன் காட்சிகள் மட்டுமே படத்திற்குப் பலமாக இருக்கும் நிலை அது மட்டும் ஒரு படத்தின் வெற்றிக்கு போதாது என்பதற்குச் சாமி 2 உதாரணம் என்பதை இந்தப் படத்திற்குப் பிறகாவது ஹரி உணர வேண்டும். பாடல்களும் பெரியதாக மக்களைக் கவரவில்லை. முதல் பாகத்தில் ஹாரிஷ் ஜெயராஜ் பிரித்து மேய்ந்திருப்பார். ஸ்னேகனின் ‘கல்யாணம் தான் கட்டிக்கிட்டு ஓடி போலாமா’ பாடல் இன்று வரை பலருக்கு நினைவிருக்கும் நிலையில் சாமி 2 அப்படி எதையும் செய்யவில்லை என்பது மிகப் பெரிய வருத்தம்.

விமர்சனம்

‘பென்குயின்’ குயின் தானா? திரை விமர்சனம்!

Published

on

கொரோனா ஊரடங்கால் திரை அரங்குகள் திறக்கப்படுவதில்லை. இதை தங்களுக்குச் சாதகமாகப் பயன்படுத்திக்கொண்ட அமேசான் பிரைம் நிறுவனம் சென்ற மாதம் ஜோதிகாவின் பொன்மகள் வந்தால் திரைப்படத்தையும் இந்த வாரம் கீர்த்தி சுரேஷ் நடிப்பில் பென்குயின் படத்தையும் நேரடியாக ஆன்லைனில் வெளியிட்டுள்ளது.

கார்த்திக் சுப்புராஜின் ஸ்டோன் பெஞ்ச் பிலிம்ஸ் நிறுவனம் தயாரித்துள்ள பென்குயின் திரைப்படமும் பொன்மகள் வந்தால் போல பெண் கதாபாத்திரத்திற்கு முக்கியத்துவம் உள்ள க்ரைம் திரில்லர் படமே.

கதை

கீர்த்தி சுரேஷூம் அவரது கணவருக்கும் ஒரு ஆண் குழந்தை. இருவருக்கும் இடையில் ஏற்பட்ட சிறு கருத்து வேறுபாட்டால் விவாகரத்து பெற்றுப் பிரிந்துவிடுகின்றனர். ஆனால் மகன் மற்றும் நட்பு ரீதியாலான உறவு மட்டும் தொடர்கிறது.

இதற்கிடையில் கீர்த்தி சுரேஷ் இரண்டாம் திருமணம் செய்துகொள்கிறார். மகன் அஜய் 2 வயதில் கானாமல் போய்விடுகிறார். தேடிப் பார்த்து ஓய்ந்து போக, இரண்டாம் கணவருடன் கர்ப்பமாகிறார். 9 மாத கர்ப்பிணியாக இருக்கும் போது மீண்டும் அவரது முதல் பையன் கிடைக்கிறான். ஆனால் பேச மாட்டேன் என்கிறான். அவன் கடத்தப்பட்ட பின்னணி என்ன? யார் அவனைக் கடத்தினார்கள்? எதற்காக என்பது தான் கதை.

பென்குயின் குயின் தானா?

படத்தில் கீர்த்தி சுரேஷை தவிரத் தெரிந்த முகம் என்று பெரிதாக யாரும் இல்லை. நடிகையர் திலகம் படத்திற்குப் பிறகு பெண் கதாபத்திறத்திற்கு முக்கியத்துவம் உள்ள படத்தில் கீர்த்தி சுரேஷ் நடித்துள்ளார்.

க்ரைம் திரில்லர் படம் என்பதால், பார்வையாளர்களுக்குப் பலர் மீது சந்தேகம் வர வேண்டும் என்பதற்காகவே பல கதாபாத்திரங்கள் சொருகப்பட்டுள்ளது போன்று தெரிகிறது. என்ன தான் கீர்த்தி சுரேஷ் தனது நடிப்பிற்காக அவார்டு எல்லாம் வாங்கி இருந்தாலும் மொத்தமாகப் பார்த்தால் ஒரு நாடகத்தனமாகவே திரைக்கதை அமைக்கப்பட்டுள்ளது.

132 நிமிடங்கள் ஓடும் படத்தில் டைட்டில் கார்டு போன்றவற்றைத் தவிர்த்தால் 125 நிமிடம். இது முழுவதுமே நிதானமாகவே நகருகிறது. படத்தின் கடைசி 40 நிமிடம் இருக்கும் போது வரும் டிவிஸ்ட்களால் படம் வேகம் எடுக்கும் என்று பார்த்தால், அதன் பின்பும் பல லாஜிக் ஓட்டைகளுடன் முடிவுக்கு வருகிறது. வில்லன் சாரி, வில்லி கதாபத்திறத்திற்கு கடைசி 5 நிமிடங்கள் வரை வேலையே இல்லை. கீர்த்தி சுரேஷின் இரண்டாம் கணவர் கதாபாத்திரம் எதற்கு என்றே தெரியவில்லை.

பின்னணி இசையில் சந்தோஷ் நாராயணன் பேருக்குத் தனது கடமையைச் செய்துள்ளார். சொல்லும் அளவிற்கு ஏதுமில்லை. படத்திற்கு முக்கிய பிளஸ் என்று பார்த்தால் ஒளிப்பதிவு மட்டுமே. மலை பகுதியில் நடுக்கும் கதையைச் சிறப்பாகப் படம் பிடித்துள்ளார் என்று கூறலாம். உண்மையில் கார்த்திக் சுப்புராஜ் கதையைக் கேட்ட பிறகுதான் படத்தை தயாரித்தாரா என்று தான் கேட்க தோன்றுகிறது.

இயக்குநர் ஈஷ்வர் கார்த்திக் படத்தை எடுத்துள்ள வேகத்திற்குத் தத்தித் தத்திச் செல்லும் பெங்குயின் கூட வேகமாகச் சென்று விடும் போல.

ஆக மொத்தத்தில் பெங்குயின் குயினாக இல்லை என்றாலும், ஒரு ஜோக்கராக கூட இல்லாமல் போய்விட்டது என்பது வருத்தம் அளிக்கிறது.

பென்குயின் – டிரெய்லர்

Continue Reading

சினிமா

தர்பார் விமர்சனம்… மற்றொரு அட்டகாசமான ரஜினி படம்…

Published

on

மும்பையில் காவல் ஆணையர் ஆதித்ய அருணாச்சலம் (ரஜினி) கண்ணில் படும் ரவுடிகளை எல்லாம் என்கவுண்டர் செய்கிறார். அதை விசாரிக்க வரும் மனித உரிமைகள் கழகத்தினரையும் (ஆணையம் இல்லை கழகம். அப்படித்தான் தலைவர் சொன்னார்) மிரட்டி கையெழுத்து வாங்கி அனுப்பிவிடுகிறார் ஆதித்ய அருணாச்சலம். ஆனால், உண்மையில் இவ்வளவு மூர்க்கமான ஆள் இல்லை ஆதித்ய அருணாச்சலம். அப்படியானால் இவ்வளவு மூர்க்கமாக ஆதித்ய அருணாச்சலம் நடந்துகொள்வதற்கான காரணம் என்ன? என்பதை சுருள் சுருளான கம்பிவளைவுகளுக்குப் பின்னான பிளாஸ்பேக் மூலம் சொல்லும் படம் தான் தர்பார்…

தர்பார் திரை விமர்சனம்

ஆதித்ய அருணாச்சலமாக அவ்வளவு அழகாக சுருசுருப்பாக இருக்கிறார் ரஜினி… இப்போதும் சொல்லலாம்… வயசானாலும் உன் அழகும் ஸ்டைலும் மாறவே இல்லை என்பதை. ஏனென்றால் இதெல்லாம் அவர் கூடவே பிறந்தவை இல்லையா? நகைச்சுவை, ஆக்‌ஷன், செண்டிமெண்ட் என அதகளம் செய்திருக்கிறார் ரஜினி. அவ்ளோ இளமை… அவ்ளோ வேகம்… இப்போதும் ரஜினியின் கண்கள் நடிக்கின்றன. ஸ்கிரீனில் முழுவதுமாக ஆக்கிரமித்துள்ளார் ரஜினி. பாடல் காட்சிகளில் இவரின் எனர்ஜி வேற லெவல். நயன் தாராவிடம் காதலை சொல்லும் காட்சிகளில் அண்ணாமலை ரஜினியை பார்க்கலாம். அவ்ளோ அப்பாவியாக காதலை வெளிப்படுத்துகிறார். ரஜினியை மட்டுமே பேசிக்கொண்டே போகலாம். பார்த்துக்கொண்டே இருக்கலாம். தர்பாரிலும் அவரின் மேஜிக் ஒர்க் அவுட் ஆகியிருக்கிறது. இனியும் ஆகும்…

Darbar Review in Tamil | தர்பார் விமர்சனம்ரஜினி தவிர்த்து தர்பாரில் கவனிக்க வைப்பவர்கள் நிவேதா மற்றும் யோகி பாபு. ரஜினி படங்களில் வரும் தங்கைகள் போல இப்போது மகள்கள். வருகிறார்கள் பாசம் பொங்குகிறார்கள் இடையில் இறந்து போகிறார்கள். அதையே இம்மி பிசகாமல் செய்திருக்கிறார் நிவேதா.

யோகி பாபுவின் ஒன் லைன் கவுண்டர்கள் செம்மையாக ஒர்க் அவுட் ஆகியிருக்கின்றன. எல்லா இடத்திலும் ரசிக்கும் படியாக இருக்கின்றன. ரஜினியை கலாய்க்கும் இடங்களில் அவ்ளோ அழகாக கவுண்டர் கொடுத்திருக்கிறார். மிக முக்கியக் காரணம் இதற்கெல்லாம் சூப்பர் ஸ்டார் அனுமதி கொடுத்தது தான். இதெல்லாம் மற்ற எந்த பெரிய நடிகருக்கும் வராத ஒரு பெரிய குணம். ரஜினி ஏன் சூப்பர் ஸ்டார் என்பதற்கு யோகி பாபுவுக்கு சினிமாவில் கொடுத்துள்ள ஸ்பேஸ் சொல்லும். யோகி பாபுவும் அடக்கி அதே நேரம் ரசிக்கும் வகையில் நடித்திருக்கிறார்.

தர்பார் முழுவதும் வில்லன்கள் தான். தாடி வைத்து வந்து ரஜினியின் குண்டடிபட்டு செத்துக்கொண்டே இருக்கிறார்கள். சுனில் ஷெட்டி தான் முக்கியமான வில்லன் என்றாலும் அவர் இடைவேளைக்குப் பின்னர்தான் வருகிறார். முருகதாஸ் படங்களில் வில்லன்களுக்கு ஆரம்பத்தில் இருந்து ஒரு பில்டப் கொடுத்து எப்படா வில்லனுடன் கதாநாயகன் மோதுவான் என்ற எதிர்பார்ப்பை ஏற்படுத்தியிருப்பார். இதிலும் பில்டப் கொடுத்துள்ளார். ஆனால், அது கொஞ்சம் ஓவர் டோஸாக அமைந்துள்ளது. பெரிய அளவில் வில்லனுக்கான கதாபாத்திரம் வெயிட் இல்லை.

மற்றபடி ஓ… நயன்தாரா… மன்னிச்சுடுங்க… நாலே நாலு காட்சியில் மட்டுமே வருகிறார். அதில் இரண்டு பாடல்காட்சி. ரஜினி படத்தில் வலுவாக இருக்கும் வில்லனே இதில் கொஞ்சம் வலு இல்லாமல் இருக்கும் போது சும்மா கடமைக்காக வைக்கப்பட்டுள்ள போது கதாநாயகிக்கு மட்டும் என்ன பெரிய இடம் இருக்கப் போகிறது. நயன்தாரா மற்றொரு ரஜினி பட நாயகி அவ்ளோ தான் படத்தில் அவருக்கான இடம்.

தர்பார் விமர்சனம் | Darbar Review in Tamil

தர்பார் ரஜினிகாந்த் போஸ்ட்டர்

போலீஸ் கதை… அதை ரஜினிக்கு ஏற்ற மாதிரி… ரஜினி ரசிகர்களுக்குப் பிடிக்கும் மாதிரி… ரஜினி படமாக எடுத்திருக்கிறார் ரஜினி. சார் இதுதான் காட்சி… ஸ்டைலா கெத்தா நடிங்க சார் என சொல்லிவிட்டு உட்கார்ந்துவிட்டார் போல முருகதாஸ்… மற்றபடி மும்பை தாதாக்களை அழிக்கும் ஒரு போலீஸ் கதை தான் இது. ஒளிப்பதிவு சந்தோஷ் சிவன். தளபதியில் காட்டியதை விட ரஜினியை அழகாக காட்டியுள்ளார். மற்றபடி இந்தப் படத்திற்கு சந்தோஷ் சிவனின் தேவை இல்லை என்றுதான் சொல்ல வேண்டும். இசை அனிருத்… ரஜினிக்கான பின்னணி இசை நன்றாக இருக்கிறது. பாடல்கள் முன்னரே பிரபலம் ஆகிவிட்டன. ஆனால், இரண்டாம் பாதியில் காதை கொஞ்சம் பதம் பார்த்துவிட்டுத்தான் அனுப்புகிறார்.

Darbar Review in Tamil | தர்பார் விமர்சனம்

தர்பார் ரஜினிகாந்த்

முற்பாதி அட்டகாசமாக இருக்கிறது. இரண்டாம் பாதியும் சூப்பர் ரகம் தான். ஆனால், கொஞ்சம் இழுவை. அவ்ளோ பில்டப் கொடுத்த வில்லன் ரெண்டே அடியில் செத்துப்போவது. ரஜினி சுட்டுக்கொண்டே இருப்பது. மகள், யோகி பாபு, நயன்தாரா என எப்போது ரஜினியுடனேயே இருப்பது. எல்லா இடங்களுக்கும் எம்பசி, மினிஸ்டரி என எந்த இடமாக இருந்தாலும் அசால்டாக சென்று வருவது என இன்னும் எவ்ளோ இதில் குறை கண்டுபிடிக்க வாய்ப்பு இருந்தாலும் ரஜினி என்ற ஒற்றை ஆள் படத்தை ரசிக்க வைத்துவிடுகிறார். அதனால் தான் இன்னும் சூப்பர் ஸ்டாராக இருக்கிறார் ரஜினி.

ரஜினிக்கு வயது எழுபது… கிட்டத்தட்ட 40 ஆண்டுகளாக திரையில் வந்தாலே வசீகரிக்கும் பெயர் ஆளுமை ரஜினி. தர்பாரிலும் அப்படியே செய்திருக்கிறார். ரஜினி ஒரு சினிமாவை பொழுதுபோக்காக மட்டுமே பார்ப்பவர். இதுவும் ஒரு நல்ல ரஜினியின் பொழுதுபோக்கு படம்…

Continue Reading

சினிமா

இரண்டாம் உலகப் போரின் கடைசி குண்டு விமர்சனம்… கொஞ்சம் சத்தமாக வெடித்திருக்க வேண்டும்…

Published

on

இரண்டாம் உலகப் போரின்போது மும்பை வரும் சரக்கு கப்பல் நடுக்கடலில் விபத்துக்குள்ளாகிறது. அப்போது அதில் இருந்த பயணிகள் உட்பட 40 ஆயிரத்துக்கும் மேற்பட்ட குண்டுகள் கடலில் மூழ்கிவிடுகின்றன. அப்படியான குண்டுகளை அப்புறப்படுத்துவதாக இந்திய நிறுவனமும் அமெரிக்க நிறுவனமும் 2000 கோடியை ஊழல் செய்து அவற்றை நடுக்கடலில் கொட்டி விடுகின்றனர் அந்தக் குண்டுகள் அவ்வப்போது அலைகளால் அடித்து வரப்பட்டு வெடிக்கின்றன. சில குண்டுகளை மக்கள் கப்பலின் பாகங்கள் என நினைத்தும் இரும்பு என நினைத்தும் உடைக்கும்போது அவை வெடித்து விபத்து நடக்கின்றன. அப்படி நடக்கும் விபத்தில் 10 கி.மீ. தூரமும் 2000க்கும் மேற்பட்ட. மக்களும் இறக்கின்றனர். அப்படி ஒரு குண்டு மாமல்லபுரம் கடற்கரையில் ஒதுங்குகிறது. அதை இரண்டு கூட்டம் தேடுகிறது. குண்டு வெடித்ததா இல்லையா என்பதை தியேட்டரில் பார்த்துக்கொள்ளலாம்.

நல்ல கதை, நல்ல நடிகர்கள் இருந்தும் சில நேரம் சுவாரஸ்யம் இல்லாத அல்லது திசை மாறும் திரைக்கதைகளால் சில படங்கள் கொஞ்சம் மோசமாகிவிடும் வாய்ப்பு உருவாகும். அப்படியான ஒரு படம்தான் இந்த படம்.

குண்டை கைப்பற்றி ஊழலை மறைக்க நினைக்கும் ஒரு கும்பல்… குண்டை கண்டுபிடித்து ஊழலை வெளிக்கொண்டுவரும் ஒரு கும்பல்… இவர்கள் இருவருக்குள்ளும் மாட்டிக்கொண்ட நாயகன்… என்ன எப்படி என ஒரு நல்ல சேஜிங் படமாக உருவாகியிருக்க வேண்டியது…

காய்லாங்கடை தொழில்… அங்கு நடக்கும் உழைப்பு சுரண்டல்… அந்த மக்களின் வாழ்க்கை… அவற்றுக்குள் கதாநாயகனின் செயல்கள் என இப்படி யாருமே தொடாமல் விட்டிருந்த புத்தம் புதிய கதைக்களம்… சொல்ல எவ்வளவோ சொல்லியிருக்க வேண்டிய படம்…

இடைநிலை சாதி பெண்ணை காதலிக்கும் தலித் இளைஞர்… அதில் நடக்கும் சிக்கல்… அந்த கிராம மக்களின் வாழ்வியல்… அதில் உள்ள கூத்து கலை… பண்பாடு… என உருவாகியிருக்க வேண்டிய படம்… இது புதிய கதை இல்லைதான் என்றாலும் விழுப்புரம் மற்றும் அதை ஒட்டிய பகுதிகளை மையமிட்டு அங்குள்ள சாதிய அரசியலை பேசி ஒரு படம் வரவே இல்லை. அதனால் இதுவும் நிச்சயம் புதிய களமாக அமைந்திருக்கும்… அமைந்திருக்க வேண்டிய படம்…

ஆனால், இத்தனை விஷயங்கள் இருந்தும் இந்தப் படம் சருக்கும் இடம் இவை மூன்றையும் ஒரே கதைக் களத்துக்குள் கொண்டுவந்து ஒன்றையும் தெளிவாகச் சொல்லாமல் செல்வதுதான்.

படம் ஆரம்பிக்கும் முதல் காட்சியிலேயே அட ஒரு அருமையான படத்துக்கு வந்திருக்கிறோம் என்ற உணர்வை ஏற்படுத்திய இயக்குநர் அடுத்தடுத்து பெரிய ஏமாற்றங்களை கொடுக்கிறார்.

ரஞ்சித் தன்னுடைய அத்தனை நடிகர்களையும் இதிலும் பயன்படுத்தியிருக்கிறார்கள்… அட்டக்கத்தி தினேஷ் லாடி ஓட்டுநராக பாடி லாங்குவேஜ், பேச்சு, லுக் என என அட்டகாசமாக பொருந்தியிருக்கிறார்… கயல் ஆனந்தி, ரக்‌ஷிதா, ராமதாஸ் @ முனீஷ்காந்த்… இவர்கள் நான்கு பேரும் கதையில் முழுவதுமாக ஆக்கிரமித்துள்ளனர். மற்றவர்கள் எல்லோரும் வருகிறார்கள்… போகிறார்கள்…

இசை தென்மா… முதலில் குண்டுக்கு போடும் பின்னணி, இறுதியில் வரும் ஒரு பாடலுக்கான கிராமிய இசை தவிர மற்ற இடங்களில் பெரிதாக ஒட்டவில்லை… இன்னும் தனியிசையில் மட்டுமின்றி திரையிசையிலும் வளர வேண்டும் என வாழ்த்துகிறோம்…

அதிரன் ஆதிரை… கதை தேர்வு, பாத்திரங்கள் தேர்விலும், சில காட்சிகளிலும் முத்திரை பதிக்கிறார். இன்னும் கொஞ்சம் மெனக்கெட்டால் நிச்சயம் ஒரு சிறப்பான திரைக்கதையுடன் ஒரு அட்டகாசமான கதையை எதிர்பார்க்கலாம். என்ற நம்பிக்கை இருக்கிறது… காத்திருக்கிறோம்…

ரஞ்சித் பட்டறையில் இருந்து சமூக அரசியல் சினிமாக்கள் தொடந்து வருகின்றன. தேவையும் கூட. ஆனால், அவை கதையாகவும், திரையாகவும் முழுமை பெற்றால் தான் அந்தப் பட்டறையின் நோக்கம் முழுமை பெறும். அல்லது இந்த வசனங்களையும் கருத்துகளையும் தமிழகத்தில் எளிதில் கடந்து செல்லப்படும்… அப்படித்தான் பல முக்கியமான வசனங்கள் தேவையே இல்லாமல் வருகின்றன. கடந்து செல்லப்படுகின்றன…


இது நம்மைவிட அவர்களுக்கு நன்றாகவே  தெரியும். விரைவில் அப்படியான ஒரு படத்தை எதிர்பார்ப்போம்… குண்டு பெயரில் உள்ள பிரமிப்பு படத்தில் இல்லாதது ஒரு பெரிய ஏமாற்றமே…

Continue Reading




Daily Prediction, Rasi palan, தினபலன், ராசிபலன், Tamil Horoscope, Daily Horoscope in Tamil, Horoscope in Tamil
தினபலன்8 hours ago

உங்கள் ராசிக்கான இன்றைய பலன்கள் (25/09/2020)

தமிழ் பஞ்சாங்கம், tamil panchangam, இன்றைய நல்ல நேரம், nalla neram today
தமிழ் பஞ்சாங்கம்8 hours ago

இன்றைய தமிழ் பஞ்சாங்கம் (25/09/2020)

வேலை வாய்ப்பு19 hours ago

சென்னை மாவட்ட குழந்தைகள் காப்பகத்தில் வேலைவாய்ப்பு!

தமிழ்நாடு22 hours ago

ஆண் நண்பர்களைத் திருட்டுத்தனமாகச் சந்திக்கும் பெண்களுக்கு ஏற்பட்ட அதிர்ச்சி சம்பவம்!

தமிழ்நாடு24 hours ago

விஜயகாந்துக்கு கொரோனா.. தீவிர சிகிச்சை அளித்து வரும் மருத்துவர்கள்!

Daily Prediction, Rasi palan, தினபலன், ராசிபலன், Tamil Horoscope, Daily Horoscope in Tamil, Horoscope in Tamil
தினபலன்1 day ago

உங்கள் ராசிக்கான இன்றைய பலன்கள் (24/09/2020)

தமிழ் பஞ்சாங்கம், tamil panchangam, இன்றைய நல்ல நேரம், nalla neram today
தமிழ் பஞ்சாங்கம்1 day ago

இன்றைய தமிழ் பஞ்சாங்கம் (24/09/2020)

வேலை வாய்ப்பு2 days ago

கடலூர் அரசு விடுதியில் வேலைவாய்ப்பு!

வேலை வாய்ப்பு2 days ago

புதுக்கோட்டைச் சிறைச்சாலை பார்ஸ்டல் பள்ளியில் வேலைவாய்ப்பு!

வேலை வாய்ப்பு2 days ago

அரசுப் பணியாளர் தேர்வாணையத்தில் வேலைவாய்ப்பு!

வேலை வாய்ப்பு11 months ago

தமிழ்நாடு ஊரக வளர்ச்சி மற்றும் ஊராட்சித் துறை வளர்ச்சித் துறையில் வேலை!

சினிமா1 year ago

பிக்பாஸ் வீட்டில் லைட் ஆஃப் செய்த பின்னர் இரவில் நடப்பது என்ன தெரியுமா? வெளியான ரகசியம்!

இந்தியா1 year ago

6 பேரால் இரண்டு நாள் வைத்து சீரழிக்கப்பட்ட சிறுமிக்கு மொட்டை அடித்த பஞ்சாயத்து!

தமிழ்நாடு1 year ago

தமிழகத்தின் 22 மாவட்டங்களில் மழைக்கு வாய்ப்பு: பள்ளி, கல்லூரிகளுக்கு விடுமுறை!

இந்தியா1 year ago

ரோஜாவை ஸ்பெஷலாக கவனித்த ஜெகன் மோகன் ரெட்டி: புதிய பதவியை ஏற்றுக்கொண்டார்!

சினிமா2 years ago

பேரனுக்காக ஆட்டோவில் பயணித்த ரஜினி!

வேலை வாய்ப்பு1 year ago

தமிழக அரசின் ஆரம்ப சுகாதார நிலையங்களில் வேலை!

வேலை வாய்ப்பு1 year ago

தமிழக அரசின் சமூக நலத்துறை மற்றும் சத்துணவுத் திட்டத் துறையில் வேலை!

சினிமா செய்திகள்2 years ago

விஜய் டிவி சீரியலில் நடிக்க ஆசையா? இதோ ஓர் அரிய வாய்ப்பு!

தமிழ்நாடு5 months ago

பெண்களுக்கு வட்டியில்லாக் கடன்.. தொடக்கி வைத்த அமைச்சர்!

கிரிக்கெட்2 weeks ago

பந்தை பறக்கவிட்ட தோனி.. கொண்டாட்டத்தில் ரசிகர்கள்!

சினிமா செய்திகள்3 weeks ago

தேர்வு எழுத சென்ற சாய் பல்லவி.. செல்பி எடுத்துக்கொண்ட மாணவர்கள்.. வைரல் வீடியோ!

வீடியோ செய்திகள்1 month ago

காதலை வித்தியாசமாகத் தெரிவிக்க தீ மூட்டிக்கொண்ட காதலன்! (வீடியோ உள்ளே)

வீடியோ2 months ago

சூர்யா ரசிகர்களுக்கு வழங்கிய பிறந்தநாள் ட்ரீட்!

வீடியோ செய்திகள்6 months ago

இந்தியாவில் கொரோனாவால் பாதிக்கப்பட்டோரின் எண்ணிக்கை 85 ஆக அதிகரிப்பு

வீடியோ செய்திகள்6 months ago

சாலையில் விழுந்த ஆக்ஸிஜன் சிலிண்டர் வெடித்ததில் இளைஞர் உயிரிழப்பு

வீடியோ செய்திகள்6 months ago

கொரோனா தொற்று ஏற்பட்டால் என்ன செய்ய வேண்டும்? – சிறப்பு தொகுப்பு

வீடியோ செய்திகள்6 months ago

கோடீஸ்வரனாக்கும் பிரம்ம முகூர்த்தம் – வெளிவராத ரகசியங்கள் சொல்லும் Shelvi

வீடியோ செய்திகள்6 months ago

லாரியும் ஜீப்பும் மோதி புதுமண தம்பதி உட்பட 11 பேர் உடல்நசுங்கி உயிரிழப்பு

வீடியோ செய்திகள்6 months ago

நானும் எதிர்பார்த்து காத்திருக்கிறேன் – ரஜினி

Trending

%d bloggers like this: