Connect with us

விமர்சனம்

பேயிக்கும் சாமிக்கும் சண்டை… அதுல யாரு ஜெயிச்சா… நெஞ்சம் மறப்பதில்லை விமர்சனம்..!

Published

on

நீண்ட வருஷத்துக்குப் பிறகு செல்வா சார் (அப்படித்தான் சொல்லணுமான். செல்வராகவன்னு சொல்ல கூடாதுன்னு செல்வா சாரே சொல்லியிருக்கார்) நெஞ்சம் மறப்பதில்லை. சொத்துக்காக பணக்காரப் பெண்ணான ஸ்வேதாவை (நந்திதா) திருமணம் செய்து கொள்ளும் காஜி பிடிச்ச ராம்சே (எ) ராமசாமி (எஸ்.ஜே.சூர்யா) பாலியல் வன்புணர்வு செய்து கொலை செய்துவிடுகிறார். அதுக்குப் பின்னாடி என்ன நடக்குது என்பதுதான் செல்வா ஸ்டைலில் சொல்லியிருக்கும் ஜெமினி கால படம்…

ராம்சே (எ) ராமசாமி-யாக எஸ்.ஜே.சூர்யா ‘கொய்யால கொடுத்த காசுக்கு மேல கூவுறாண்டா’ என்று சொல்லும் அளவுக்கு நடித்துக் குமித்திருக்கிறார். பல இடங்களில் அது அட்டகாசமும் சில இடங்களில் கொஞ்சம் துறுத்தலாகவும் தெரிகிறது. “ரொம்ப்ப்ப நடக்கிறாண்டா… டாய் சும்மா இயல்பா நடிடா” என்று சொல்லும் அளவுக்கு நடித்து தள்ளியிருக்கிறார். இவரை தவிர இந்தப்படத்தில் வரும் மீதம் இருக்கும் பத்து கதாபாத்திரங்கள்தான். பேபி சிட்டர் மரியமாக ரெஜினா. அன்பே உருவான கதாபாத்திரம் டூ பழிவாங்கும் காட்சி வரை சிறப்பாக நடித்திருக்கிறார். செல்வராகவன் சொன்னதில் இருந்து கொஞ்சம் மாறுபட்டு நடித்திருப்பவர் இவர் மட்டும்தான். பணக்காரப் பாசக்காரியாக, கோவக்காரியாக, சரக்குகாரியாக செல்வராகவன் ட்ரேட் மார்க் கதாநாயகியாக வந்து போயிருக்கிறார் நந்திதா தாஸ். எஸ்.ஜே. சூர்யாவின் நண்பராக வரும் சிவகுமாரும், சர்ச் சிஸ்டராக வரும் கமலா கிருஷ்ணசாமி ஓரளவு கதாபாத்திரத்தின் தன்மையை உணர்ந்து நடித்திருக்கிறார்கள். இன்னும் மூவர் மட்டும்தான் பெரிதாக சொல்லிக்கொள்ளும் அளவுக்கு முக்கியத்துவம் இல்லாத பாத்திரங்கள் பரவாயில்லை என்ற ரகம் தான்.


இசை யுவன்சங்கர் ராஜா… செல்வராகவனோடு இணையும் போது ஒரு மேஜிக் உருவாகும். ஆனால், அதர பழசான மேஜிக் இங்கே நம்மை கடுமையாக சோதித்திருக்கிறது. ஒரு கட்டத்திற்கு மேல் செல்வராகவன் – யுவன்சங்கர் ராஜா கூட்டணியில் வெளியான அனைத்துப் படங்களின் பி.ஜி.எம்.களும் காதுக்குள் வந்து போகின்றன. பாடல்கள் புரியவில்லை என்றாலும் “கண்ணுங்களா என் செல்லங்களா… என் பொண்டாட்டி ஊருக்குப் போயிட்டா” ரெண்டு பாடல்கள் காட்சிப்படுத்தப்பட்ட விதத்தில் கொஞ்சம் சுவாரஸ்யம் சேர்க்கணும். திரும்பி வாங்க யுவன் நண்பா… படத்தில் சிறப்பாக இருப்பது அரவிந்த் கிருஷ்ணாவின் ஒளிப்பதிவு சூப்பர். முடிந்த அளவு நல்ல லைட்டிங்… வித்யாசமான ப்ரேம்களை வைத்து அசத்தியிருக்கிறார். ஒலிப்பதிவு கைவிட்ட செல்வா சாருக்கு ஓரளவு ஒளிப்பதிவு கைகொடுக்கிறது.

கொல்லப்பட்ட பெண் பேய் பழி வாங்கும் கதை. ஆனால், அதை சொல்ல நினைத்தவிதம் சூப்பர். மேக்கிங் நல்லா இருக்கு. ஆனால், ஓரளவுக்கு மேல் சகித்துக்கொள்ள முடியவில்லை. ஒவ்வொரு படத்திலும் கதை சொல்லும் விதத்தில் மட்டும் தனித்தன்மையை காட்டினால் போதும் என்ற முடிவுக்கு வந்துவிட்டார் போல செல்வா சார். என்ன செல்வா சார் எங்கள வச்சு learning ஆ… என்று கேட்கத் தோணுகிறது. முற்பாதி ஓ.கே. பிற்பாதில் போலீஸ் ஸ்டேசன்ல வரும் அந்த ஒரு பாட்டு வரை ஓ.கே. அதுப்பிறகு தான் குழந்தைகளுக்கு சொல்லும் பூச்சாண்டி கதைகளைப் போல சுத்த ஆரம்பித்திருக்கிறார் செல்வா சார்…
செல்வா சார்… யுவன் சங்கர் ராஜா… கூட்டணி. பல எதிர்ப்புகளுக்கு இடையே வெளியான படம் என்ற எதிர்ப்பார்ப்பில் சென்றால் படம் நம்மை வலுவாக ஏமாற்றி அனுப்புகிறது.

செல்வா சார் ரசிகர்கள் சொல்வது போல இன்னும் 5 வருஷம் கழிச்சுப் பார்த்தால் இந்தப் படம் ஓரளவு புரிந்தாலும் புரியலாம்… அலோ பத்து வரும் கழிச்சு பாக்கணும்னு நீங்க சொல்றது கேக்குது. அதான் இந்தப் படம் எடுத்து அல்ரெடு அஞ்சு வரும் ஆயிடுச்சுல. அப்போ நான் சொல்ற கணக்கு சரிதானே… சும்மா இருங்கடே… learnig ஆ… நண்பா…

Advertisement

விமர்சனம்

Shadow and Bone Web Series – விமர்சனம்

Published

on

இரு நாடுகளுக்கு இடையே மிகப்பெரிய கருப்பு வேலி இருக்கிறது. அது அந்த இரண்டு நாடுகளின் வளர்ச்சிக்கும் பெரிய தடையாக இருக்கிறது. அதைத் தாண்டி அடுத்த பக்க நாட்டிற்கு சென்றால் தான் வளமாக வாழ முடியும். அதற்காக ஒரு பக்கம் இருக்கும் நாட்டின் வீரர்கள் ஒவ்வொரு முறையும் முயற்சி செய்கிறார்கள். ஆனால் இருளுக்குள் இருக்கும் அந்த டிராகன்கள் அவர்களை அந்த இருளை மீறி செல்ல முடியாமல் தடுத்து கொன்று விடுகின்றன.

இதை மீறி செல்ல வேண்டும் என்றால் சிறப்பு சக்தி உடையவர்களால் தான் முடியும். அதுவும் சூரிய சக்தி உடைய பெண்ணால் தான் முடியும். பல நூறு ஆண்டுகள் காத்திருப்புக்குப் பின் அப்படி ஒரு சக்தியோடு ஒரு பெண் வளர்கிறார். ஒரு சந்தர்ப்பத்தில் அதை தெரிந்துகொள்ளும் அந்த நாட்டு மக்கள் அவரை தங்களை மீட்க வந்த தேவதை என கொண்டாடுகிறார்கள். ஒரு பக்கத்தினர் அவரை கொலை செய்ய முயற்சி செய்கிறார்கள். கொண்டாடப்படவும், கொலை செய்யப்படவும் அந்தப் பெண் தேடப்படுவது ஏன் என்பதை சில பல சுவாரஸ்ய காட்சிகளுடன் சொல்லியிருக்கும் சீரியல் தான் Shadows and Bone.

இந்த சீரியல் Liegh Bardugo-வின் Grisha என்ற நாவல் மற்றும் Six of Crows என்ற நாவல்களை இணைத்து திரைக்கதையாக்கப்பட்டுள்ளது. நல்ல பேன்டஸி கதை. அதற்கான நடிகர்கள் தேர்வு என அட்டகாசம் செய்திருக்கிறார்கள். ஒவ்வொரு எபிசோடிலும் ஒரு சஸ்பென்ஸ் உடைக்கப்படும். அப்படி உடைக்கப்படும் சஸ்பென்ஸ் மற்றும் அதற்கான விதம் மிகவும் அட்டகாசமாக சுவாரஸ்யமாக இருக்கும். இதன் பலமே அதுதான். இதிலும் சின்ன சின்ன காதல், அதில் ஏமாற்றம் என சென்டிமென்டுகளுக்கும் பஞ்சமில்லாமல் இருக்கிறது.

நல்ல கதைதான் நிறைய டவிஸ்டுகள் இருக்கின்றன. ஆனால், ஒவ்வொரு எபிசோடிலும் ஓவர் பில்டப் கொடுக்கிறார்கள். அதற்கு இசையும் உதவுகிறது. வடிவேலு காமெடியில் சொல்வது போல பில்டப் கொடுக்கிறானே தவிர ஆக்சன்ல ஏதும் இல்லை என்பது இந்த தொடருக்கு அப்படியே பொருந்தும். கொடுக்கப்பட்ட பில்டப் அளவுக்கு காட்ஸிகளும் வேகமாக இருந்திருந்தால் இந்த தொடர் இன்னுமே ஒரு நல்ல அனுபவத்தை கொடுத்திருக்கும். ஆனாலும் இப்போதும் குறையில்லை. ஒரு நல்ல பேன்டஸி பிரீயட் தொடர் பார்க்க விரும்புவர்கள் இதைப் பார்க்கலாம். அடுத்தடுத்த சிசன்களின் இன்னும் கூட சுவாரஸ்யம் இருக்கலாம். எட்டு எபிஸோடுகளாக நெட்பிலிக்சில் காண கிடைக்கிறது. பார்த்து வையுங்கள் கிரிசா மற்றும் பிளாக் வில்லனின் போட்டிகள் அடுத்தடுத்து நம்மை வியக்க வைக்கலாம்.

Continue Reading

விமர்சனம்

Sexify Series – விமர்சனம்

Published

on

ஐடி துறையில் படிக்கும் நடாலியா என்ற இறுதி ஆண்டு மாணவி தன்னுடைய புராஜெக்ட்-க்காக ஆப் தயாரித்து வருகிறார். ஆனால், அவருக்கு கெய்டு செய்யும் புரோபசர் அந்த ஆப் ஐடியாவை ரிஜெக்ட் செய்கிறார். கொஞ்சம் செக்சியாகசியாக் இருக்க வேண்டும் என ஐடியா கொடுக்க பெண்கள் செக்ஸில் எப்படி உச்சம் அடைகிறார்கள். அதை அடைய என்ன செய்ய வேண்டும் என்பதை கண்டுபிடிக்க ஆப் ஒன்றை தயாரிக்கலாம் என்ற ஐடியாவோடு வருகிறார் நடாலியா. அதற்கு துணையாக தன்னுடைய கத்தோலிக்க தோழி பவுளினா மற்றும் மற்றோரு தோழி மோனிகாவுடன் இணைத்து செய்யும் காமெடி கலாட்டா தான் Sxify வெப் சீரியஸ்.

செக்ஸ் என்றால் என்ன என்றே தெரியாத நடாலியா, செக்ஸ் செய்துகொண்டே கொஞ்சம் குடும்ப பெண்ணாக, கடவுளுக்கு பயப்படும் பெண்ணாக பவுளினா, தன் விருப்பப்படி, தனக்கு தேவையானதை செய்துகொண்டு எப்போதும் செக்ஸ் மீது அதிக ஆசை கொண்ட மோனிகா இவர்கள் மூவரும் சேர்ந்து செய்யும் கலாட்டாவில் செக்ஸ் பத்திய நிறைய விஷயங்களை பார்வையாளர்களுக்கு கடத்துகிறது இந்த சீரியல். இடையே இடையே கொஞ்சம் காமெடி, கொஞ்சம் சென்டிமென்ட் என சுவாரஸ்யமாவே நகர்கிறது இந்த சீரியல்.

Sex Education, Master in Sex சீரியல்கள் அளவிற்கு வந்திருக்க வேண்டிய சீரியல் இது. ஆனால், திரைக்கதை மற்றும் கொஞ்சம் ஸ்லோவான படமாக்கல் மூலமாக இடையே கொஞ்சம் பெரிய சோர்வை ஏற்படுத்துகிறது. இந்த காலத்திலும் செக்ஸ் பற்றியே தெரியாத ஒரு பெண் இருப்பாரா என்ன? என்பதெல்லாம் மிகப்பெரிய பூ சுற்றல். ஒரு முயற்சியை செய்யும் போது அதற்கு எப்படி எதிரி வரவேண்டும் என உலகம் முழுக்க ஒரே பார்முலா தான் இருக்கிறது போல. அதே போல முடிவும் இப்படித்தான் இருக்க வேண்டும் என இருக்கும் போல.

அதாவது முயற்சி செய்வதை கூட இருக்கும் ஒரு மாணவரே கெடுக்க நினைக்க, அவர் நினைத்தது போல பல்கலைக்கழகம் நடலாயாவின் புராகஜேட்டை ரிஜெக்ட் செய்ய, இறுதி நேரத்தில் இவர் புகுந்து கலாட்டா செய்து தன்னுடைய புராஜேக்ட்டை பிரிசண்ட் செய்ய. ஓராயிரம் படங்கள் மற்றும் சீரியலில் இதை பார்த்திருப்போம். அதே தான் இங்கேயும்.
இடையில் இருந்த கொஞ்ச தொய்வு, வழக்கமான கதை சொல்லல் முறை மற்றும் இறுதி காட்சி அமைப்பு தவிர்த்து கொஞ்சம் திரைக்கதையில் மெனக்கெட்டிருந்தார் இந்த சீரியல் நிச்சயம் நல்ல வரவேற்பு பெற்றிருக்கும். என்ன செய்வது ஓடிடி-க்கு இதுவே போதும் என அவர்களும் நினைத்துவிடுகிறார்கள் போல. நெட்பிலிக்சில் 8 எப்பிசோடாக இருக்கும் இதன் இரண்டாம் பாகம் எப்படி இருக்க போகிறது என பார்ப்போம்.

Continue Reading

விமர்சனம்

The Serpent – விமர்சனம்

Published

on

70-களின் மத்தியில் ஆசிய கண்டம் முழுவதும் 20-க்கும் மேற்பட்ட கொலைகளை செய்துவிட்டு ஒரு இந்திய வம்சாவளி குற்றவாளி உலகம் முழுவதும் உல்லாசமாக சுற்றித் திரிந்திருக்கின்றான். அவனைப்பற்றிய கதை தான் இந்த The Serpent.

உலகம் முழுவதும் ஆலன் பயணம் செய்யும் சார்லஸ் சோப்ராஜ் தன்னை ஒரு வைர வியாபாரியாக அடையாளப்படுத்திக்கொள்கிறான். செல்லும் நாடுகளில் எல்லாம் அங்கே புதிதாக வரும் சுற்றுலா பயணிகள் தான் இவன் டார்கெட்.

அவர்களை சந்தித்து தன்னுடைய இடத்திற்கு வர வைத்து, குறைந்த விலையில் வைரம் வாங்கி தருவதாக ஆசை வார்த்தை கூறுவான். அதன்பின்னர் தன்னுடைய வீட்டில் நடக்கும் பார்ட்டியில் பங்கு பெற செய்து அவர்களுக்கு நன்றாக போதை ஏற்றி விட்டு அவர்களிடம் இருக்கும் பணம், பாஸ்போர்ட் என எல்லாவற்றையும் புடுங்கிக்கொண்டு அவர்களை கொலை செய்துவிடுவான். இதுக்கு தன்னுட்டைய காதலி மரியா மற்றும் நண்பன் அஜயை உடன் வைத்துக்கொள்வான்.

எல்லாக் கொலைகளும் மிக சாதாரணமாக நடத்தி விடுகிறான். அவன் செய்யும் ஒரு கொலையை பேப்பரில் படிக்கும் ஹெர்மன் என்ற போலீஸ் அதிகாரி ஒவ்வொரு கொலையாக தோண்ட ஆரம்பிக்கிறார். அதில் இருந்து தான் பல அதிர்ச்சிகள் வெளி வர தொடங்குகின்றன. ஒரு கொலையை பின் தொடரும் அவருக்கு பல்வேறு கொலைகள் அதே போல நடந்திருப்பது தெரிய வருகிறது.

அதன் பின்புலத்தில் இருக்கும் சோப்ராஜ் பற்றி தெரிந்தாலும் அதை பின்பற்றி அவனை கைது செய்ய உரிய ஆதாரங்கள் இல்லாமல் தவிக்கிறார். ஆதாரங்களை திரட்டும் காட்சியும், சோப்ராஜ் கொலை செய்தும் காட்சிகளும் ஒரே பாதையில் செல்கின்றன. நல்ல சுவாரஸ்யமான கதை கொஞ்சம் கூடுதலாக சுவாரஸ்யபடுத்தி சொல்லியிருக்கிறார்கள்.

தொடரின் மிகப்பெரிய பலம் மற்றும் பலவீனம் கொலை மற்றும் கொலையை கண்டு பிடிக்கும் காட்சிகள் தான். மிகப்பெரிய குழப்பத்தை தருகின்றன. திடீரென 3 மாசத்துக்கு முன் எனவும் 10 மாசத்துக்குப் பின் எனவும் 6 ஆண்டுகள் முன் எனவும் காலத்தில் பல குழப்பம். தொடர்ந்த அதை கவனிக்க முடியவில்லை. ஒரு கட்டத்திற்கு மேல் அதை அப்படியே விட்டுவிட்டு கதையில் கவனம் செலுத்த தொடங்கிவிட வேண்டியதுதான் வேறு வழியில்லை. தொடரில் நடித்துள்ள அனைவரும் சிறப்பாக நடித்திருக்கிறார்கள். அவர்கள் கதாபாத்திரம் நிச்சயம் நம் மனதில் ஒட்டும். ஆனால், கதையை சொன்ன விதத்தில் இருக்கும் குழப்பம் எதையும் ரசிக்க விடவில்லை.

இவ்வளவு கொலைகளை எளிதாக செய்வதும் என்ன சிக்கலும் இல்லாமல் நாடு விட்டு செல்வதும் என ராஜா வாழ்க்கை வாழ்ந்திருக்கிறான் சோப்ராஜ். உண்மைதான் என்றாலும் அதை ஏற்க கொஞ்சம் தயக்காம இருக்கிறது. பல காட்சிகள் முன் கூட்டியே அனுமானிக்க கூடியதாக இருந்தன. கதை சொன்ன விதத்தில் இன்னும் கொஞ்சம் தெளிவு காட்டியிருந்தால் நிச்சயம் இந்த the serpent ஒரு நல்ல பொழுதுபோக்காக இருந்திருக்கும்.

பல காட்சிகள் ஏன் என்றே தெரியாமல் மிக நீளமாக இருந்தது சோர்வையும் ஏற்படுத்துகிறது. வரலாற்று கதைகளை ஒரு நபரின் கதைகளை இதைவிட சிறப்பாக சொன்ன பல சீரியஸ் நமக்கு இருக்கின்றன. ஆனாலும், ஓர் இந்திய வம்சாவளியை சேர்ந்தவர் உலகில் உள்ள அனைத்து காவல்துறைக்கும் எந்த அளவிற்கு சிம்ம சொப்பனமாக இருந்தார். யார் அந்த சார்லஸ் சோப்ராஜ். அவரது வாழ்க்கை எப்படி இருந்தது என்பதை ஒரு 8 எப்பிசோடாக இருக்கும் இந்த தொடரைப் பார்த்து தெரிந்துகொள்ளலாம்.

பெரிய மோசம் எல்லாம் செய்யாது இந்த உண்மை கதை. என்ன கொஞ்சம் எடிட் செய்திருக்கலாம் என்பதுதான் நம் எண்ணம். பார்த்துவிட்டுச் சொல்லுங்கள்.

8 எப்பிசோடுகளாக நெட்பிலிக்ஸில் பார்க்க கிடைக்கிறது…

Continue Reading
தமிழ்நாடு11 mins ago

எனது தம்பி முதலமைச்சர் ஆவது எனக்கு பெருமை: முக அழகிரி வாழ்த்து

சினிமா செய்திகள்19 mins ago

வெற்றிமாறனின் ‘வடசென்னை’ பட நாயகிக்கு கொரோனா: வீட்டில் தனிமைப்படுத்தி கொண்டதாக தகவல்

தமிழ்நாடு37 mins ago

முன்னாள் மத்திய அமைச்சர் பொன்.ராதாகிருஷ்ணனுக்கு கொரோனா!

இந்தியா1 hour ago

2ஆம் வாய்ப்பாடு கூட தெரியவில்லையா? திருமணத்தை நிறுத்திய மணமகள்!

வேலைவாய்ப்பு1 hour ago

இந்திய விளையாட்டு ஆணையத்தில் வேலைவாய்ப்பு!

உலகம்2 hours ago

ஃபேஸ்புக், டுவிட்டர் முடக்கம் எதிரொலி: இணையதளம் தொடங்குகிறார் டிரம்ப்!

சினிமா செய்திகள்3 hours ago

கொரோனாவுக்கு பலியான நகைச்சுவை நடிகர் பாண்டு!

தமிழ்நாடு4 hours ago

இன்று முதல் எந்தெந்த கடைகள் எத்தனை மணி நேரம் இயங்க வேண்டும்: தமிழக அரசு விளக்கம்

தமிழ்நாடு5 hours ago

டீ குடித்துவிட்டு மொய் வைக்கலாம்: வித்தியாசமாக கொரோனா நிதி திரட்டிய டீக்கடைக்காரர்!

தமிழ்நாடு5 hours ago

3வது நாளாக இன்றும் பெட்ரோல், டீசல் விலை உயர்வு: செஞ்சுரி அடிப்பது எப்போது?

வேலைவாய்ப்பு1 year ago

தமிழ்நாடு ஊரக வளர்ச்சி மற்றும் ஊராட்சித் துறை வளர்ச்சித் துறையில் வேலை!

சினிமா2 years ago

பிக்பாஸ் வீட்டில் லைட் ஆஃப் செய்த பின்னர் இரவில் நடப்பது என்ன தெரியுமா? வெளியான ரகசியம்!

இந்தியா2 years ago

6 பேரால் இரண்டு நாள் வைத்து சீரழிக்கப்பட்ட சிறுமிக்கு மொட்டை அடித்த பஞ்சாயத்து!

தமிழ்நாடு2 years ago

தமிழகத்தின் 22 மாவட்டங்களில் மழைக்கு வாய்ப்பு: பள்ளி, கல்லூரிகளுக்கு விடுமுறை!

இந்தியா2 years ago

ரோஜாவை ஸ்பெஷலாக கவனித்த ஜெகன் மோகன் ரெட்டி: புதிய பதவியை ஏற்றுக்கொண்டார்!

சினிமா3 years ago

பேரனுக்காக ஆட்டோவில் பயணித்த ரஜினி!

சினிமா செய்திகள்3 years ago

விஜய் டிவி சீரியலில் நடிக்க ஆசையா? இதோ ஓர் அரிய வாய்ப்பு!

வேலைவாய்ப்பு2 years ago

தமிழக அரசின் ஆரம்ப சுகாதார நிலையங்களில் வேலை!

வேலைவாய்ப்பு2 years ago

தமிழக அரசின் சமூக நலத்துறை மற்றும் சத்துணவுத் திட்டத் துறையில் வேலை!

சினிமா3 years ago

நடிகை அமலா பால் முதல் முறையாகப் பிகினி உடையில் கவர்ச்சி போட்டோ!

வீடியோ3 months ago

ஈஸ்வரன் படத்தில் பலராலும் பாராட்டப்பட்ட ‘கொரோனா’ காட்சி – வீடியோ!

வீடியோ4 months ago

ஸ்டைலான சிம்புவின் ‘மாநாடு’ மோஷன் போஸ்டர்!

வீடியோ4 months ago

பூமி படத்தின் ‘தமிழன் என்று சொல்லடா’ பாடல் வீடியோ!

வீடியோ4 months ago

ஈஸ்வரன் படத்தின் ‘மாங்கல்யம்’ பாடல் வீடியோ!

Tughlaq Durbar Teaser Poster
வீடியோ4 months ago

விஜய் சேதுபதி – பார்த்திபன் நடிப்பில் ‘துக்ளக் தர்பார்’ டீசர்!

வீடியோ4 months ago

விக்ரமுக்கு இர்பான் பதான் வில்லை.. ‘கோப்ரா’ டீசர்!

வீடியோ4 months ago

2021-ல் மீரட்ட வரும் ‘கேஜிஎஃப் 2’ டீசர்!

வீடியோ4 months ago

சிலம்பரசனின் ‘ஈஸ்வரன்’ படத்தின் பாடல் ஆடியோ!

சினிமா செய்திகள்4 months ago

இன்று வெளியாக உள்ள ஈஸ்வரன் பட பாடல்களின் முன்னோட்டம்!

கேலரி5 months ago

சஞ்சிதா ஷெட்டி – லேட்டஸ்ட் புகைப்பட கேலரி!

Trending