தனியார் தொலைக்காட்சியில் Dark Tale என்ற பெயரில் ஒருவர் வாழ்க்கையில் நடந்த் த்ரில்லர் கதையை Reality Show-ஆக கொடுத்து வருகிறார்கள் ஜென்னி அண்ட் கோ (காஜல் அகர்வால், கயல் ஆனந்தி, வைபவ்). அந்த show-வின் டிஆர்பி குறைய ஆரம்பிக்கும் போது அதை நிறுத்த முடிவு செய்கிறது அந்த சேனல்.

அதன் பின் ஒரு இடத்தில் இருக்கும் பேயை Live Telecast செய்ய நினைத்து ஒரு வீட்டிற்குள் செல்கிறது ஜென்னி அண்ட் கோ. அங்கே இருக்கும் பேய் இது அண்ணனோட கோட்டை. ஒரு முறை நீங்க உள்ளே வந்துட்டா நானா நினைக்காம உங்களால வெளியில போக முடியாது என உள்ளே வைத்து மிரட்டுகிறது. (அப்படியெல்லாம் ஒண்ணும் மிரட்டவில்லை)… ஜென்னி அண்ட் கோ அந்த வீட்டுப் பேயிடம் இருந்து தப்பித்து வந்தார்களா? இல்லையா? என்பதை 7 எபிசோடுகளில் சொல்லிய்யிருக்கும் வெப் சீரிஸ் தான் இந்த Live Telecast…

சுருக்கமா சொல்லணும்னா பேயை நேரடியாகக் காட்ட நினைத்து உள்ளே போய் பேயிடம் மாட்டிக்கொள்ளும் தனியார் தொலைக்காட்சி குரூப் ஒன்று எப்படி அந்த பேயிடம் இருந்து தப்பி வந்தது என்பதை சொல்லும் தொடர் தான் இந்த Live Telecast…

Also Read: அதை மட்டும் சரியா பண்ணியிருந்தா C/O அட்டகாசம் ஆயிருக்கும்… C/O காதல் விமர்சனம்!

காஜல் அகர்வால், கயல் ஆனந்தி, வைபவ், டேனியல் பாலாஜி உள்ளிட்டோருடன் சில வெங்கட் பிரபு குரூப்புகளில் உள்ள ஆட்கள் மற்றும் சில புதுமுக நடிகர்களுடன் களம் இறங்கியிருக்கிறார் இயக்குநர் வெங்கட் பிரபு…

சென்னை 600028 இயக்குவதற்கு முன் இந்த கதையை எடுக்க நினைத்ததாக வெங்கட் பிரபு சொன்னதெல்லாம் சரிதான். அதற்காக அந்தக் கதையை அப்படியே தூசு தட்டி கொடுத்திருப்பது எந்த வகையில் நியாயம். பேய் படங்களின் மன்னன் ராகவா லாரன்ஸே கோபப்படும் அளவுக்கான ஒரு அதரப் பழசான கதை. காஞ்சனா பார்ட் – 2 இந்தக் கதைதான். ஆத்தாடி Spoiler சொல்லிட்டேனே.

பேய்க் கதைகள் எல்லாம் ஒரே கதைதான் என்றாலும் அதை சொல்லும் வகையில் பல படங்கள் நம்மை அசத்தியிருக்கின்றன. டெரர் பேய், ரொமான்ஸ் பேய், காமெடி பேய் என கோலிவுட்டில் பல பேய்கள் சுத்தியிருக்கின்றன. இவை அத்தனையும் வெங்கட் பிரபுவுக்கு வரும் தான். அதற்காக அவை எல்லாவற்றையும் ஒரே சீரிஸில் ட்ரை பண்ணிப் பார்க்க வேண்டுமா? சரி ட்ரை பண்றதெல்லாம் தப்பில்லை. அது ஒர்க் அவுட் ஆக வேண்டும் இல்லையா? அப்படி எதுவுமே ஒர்க் அவுட் ஆகாம சொதப்பியிருக்கிறார் இயக்குநர்.

வெப் சீரிஸ் என்பதற்காகவே பல காட்சிகள் நீண்டு கொண்டே செல்கின்றன என்பது சோதிக்கின்றது என்றால் பிரேம் ஜி-யின் பின்னணி இசை அதை விட நம்மைச் சோதிக்கின்றது. டெக்னிக்கலாகவும் இந்த சீரிஸில் பெரிய அளவில் சிறப்பாக அமையவில்லை. காஜல் அகர்வாலின் நடிப்பு மற்றும் வைபவின் வழக்கமான நடிப்பும் கொஞ்சமே கொஞ்சம் ஆறுதலாக இருக்கின்றன.

த்ரில்லர், பயம், காமெடி என எதுவுமே முழுமையாக இல்லாமல் மையமாகவே இறுதி வரை உருட்டியிருப்பதுதான் Live Telecast-இன் மிகப்பெரிய மைனஸ். உங்க கிட்ட இன்னும் எதிர் பார்க்கிறோம் மிஸ்டர் விபி @ வெங்கட் பிரபு…

எல்லொருக்குள்ளும் பள்ளிப் பருவத்து காதல், கல்லூரி பருவத்துக் காதல், மிடில் ஏஜ் காதல், முதுமையில் காதல் என ஒவ்வொரு பருவத்துக்கும் உரிய காதல் உருவாகியிருக்கும். (முதிர் பருவ காதலை அனுபவதித்தது இல்லை என்றாலும் அந்த வயதுக்காரர்கள் சொன்ன காதல் கதையை நாம் கேட்டாவது இருப்போம்). அந்த காதல் அனைத்தும் அந்தந்த பருவத்துக்கே உரிய காதல் உணர்வுகளுடன் நம்மை கடந்து சென்றிருக்கும். அந்த அத்தனை காதலையும் ஒரு அட்டகாசமான ட்விஸ்ட்டோட சொல்லியிருக்கும் படம் தான் இந்த C/O காதல்…

 

2018-இல் தெலுங்குவில் வெளியான C/O கஞ்சிரபாளையம் என்ற படத்தின் தமிழ் ரீமேக் தான் C/O காதல்… இந்த ரிவீவில் இரண்டு படங்களுக்குமான ஒற்றுமை வேற்றுமை என சொல்லப் போவதில்லை. உண்மையை சொல்லனும்னா நான் 2018-இல் பார்த்ததோட தமிழ் ரீமோக்கை பார்த்துதான் ஞாபகப்படுத்திக்கொண்டேன். இந்தப் C/O காதல்… தமிழில் எப்படி இருக்கு என்பதை இனி பார்ப்போம்.

C/O காதல்… அட்டகாசமான கதை… நல்ல திரைக்கதை, அதற்கு ஏற்றார் போல இசை… கதை களம்… இப்படி நான்கு வெவ்வேறு காதல் கதைகள். வெவ்வேறு காலத்தில் நடப்பது. இதை கதையாக எழுதுவது மட்டுமல்ல அதை திரையில் கொண்டுவருவதற்கு சரியான டெக்னீசியன்ஸ் தேவை. அப்படி இந்தப் படத்திற்கான டெக்னீசியன்ஸ் எல்லாம் சரியாக அமைந்து விட்டனர். அதுவும் இந்தக் கதையை அட்டகாசமாக எடிட் செய்திருக்கிறார் இந்தப் படத்தின் எடிட்டர்.

நான்கு கதையும் எந்தக் கதையுடனும் எதுவும் ஒட்டி வந்து பார்வையாளர்களை தொல்லை செய்யவில்லை துருத்தவும் இல்லை. மதுரையில் நடக்கும் கதைக்கான கூடுதல் சுவாரஸ்யத்தைக் கொடுப்பது இந்தப் படத்திற்கான இசை தான்.

எல்லாம் சரியாக அமைந்து விட்டது., கதாபாத்திரங்களின் தேர்வும் அட்டகாசம். ஒவ்வொரு பருவத்திற்குமான காதல் கதைகளின் ஆண், பெண் கதைபாத்திரங்கள் எல்லாம் சரியாக அமைந்துவிட்டன. அப்புறம் என்னதான் இந்தப் படத்தில் பிரச்னை என்கிறீர்களா? எல்லா கதாபாத்திரங்களின் நடிப்பும் நாடகத்தன்மையுடன் நடித்துள்ளார்கள். அதாவது ஆர்டிபீசியலாக இருக்கிறது. நடிக்கிறார்கள் என்பது அப்படியே தெரிகிறது. இதை மட்டும் தவிர்த்து இருந்தால் இந்தப் படம் நிச்சயம் ஒரு அட்டகாசமாக அனுபவமாக அமைந்திருக்கும். ஆனால், தெலுங்கு பட இயக்குநர் என்பதாலோ என்னவோ அப்படி அமைந்திருக்கலாம்.

Also Read: அந்த வீடியோவை பாத்துட்டு கதை எழுதிருப்பாங்க போல… பாரிஸ் ஜெயராஜ் விமர்சனம்!

நீண்ட நாளுக்குப் பிறகு முதல்மரியாதை தீபன் நடித்திருக்கிறார். இப்போது இருக்கும் ஆட்களுக்கு அவர் யார் என்றே தெரியாது. அந்த நிலாவத்தான் கையில பிடிச்சேன்”னு பாடியிருப்பாரே அவர்தான். இந்த அறிமுகம் எல்லாம் தேவையில்லைதான் என்றாலும் அவர் உண்மையில் அட்டகாசமாக நடித்திருக்கிறார்.

இந்து, கிறிஸ்துவம், இஸ்லாம் என அனைத்து மதங்களையும் விமர்சனம் செய்துள்ளது மட்டுமல்லாது, சாதி பற்றிய விமர்சனம், பெண்கள் சுதந்திரம் என அங்காங்கே படம் முழுவதும் பல சமூக அக்கறையுள்ள விஷயங்களையும் இயக்குநர் இணைத்திருப்பதும் ரசிக்கும்படியே இருக்கிறது. ஆனால், பொட்டை என்ற வார்த்தை மட்டும் பின்னணி இசை போல தொடர்ந்து வந்துகொண்டிருக்கிறது. இதை தவிர்த்திருக்கலாமே பாஸ்.

பெரிய அளவில் அறிமுகம் இல்லாத நடிகர்களை வைத்து ஒரு அழகான கதையை கொஞ்சம் பிசகினாலும் சிக்கலுக்கு உள்ளாகும் வாய்ப்புள்ள கதையை அட்டகாசமாக கொடுத்துள்ளது இந்தப் படக்குழு. காதலர் தினத்தில் பார்ப்பதற்கு ஒரு நல்ல பீல்குட் மூவி இந்த C/O காதல்…

வடசென்னைல கானா பாடல் பாடிட்டு சுத்திட்டு இருக்குற பாரிஸ் ஜெயராஜ் சந்தானம். டைவர்ஸ் வாங்கிக் கொடுத்துட்டு காதலை பிரிச்சு வைக்கிறதே வேலையா வச்சுட்டு இருக்கிற அவரோட வக்கீல் அப்பா. இந்த வக்கீல் அப்பாவோட காதலை பிரிக்கும் புராஜெக்ட்ல சந்தானத்தோட காதலை பிரிக்க வேண்டிய கட்டாயத்துக்கு தள்ளப்படுறார். அது ஏன் எதுக்கு? சந்தானத்தோட காதலை பிரிச்சு வச்சாரா இல்லையா என்பதை சொல்லியிருக்கும் படம் தான் இந்த பாரிஸ் ஜெயராஜ்…

ஹீரோவா இல்லை சூப்பர் ஹீரொவா மாற தொடர்ந்து முயற்சி செய்திருக்கும் சந்தானத்திற்கு உதவி செய்ய முயற்சி செய்திருக்கும் மற்றொரு படம் தான் இந்த பாரிஸ் ஜெயராஜ். கானா பாடகரா ஜெயராஜ் கானா பாடலைப் போல ரைமிங்கா தொடர்ந்து பேசுவது சந்தானம் சொல்வது போல கடுப்பாகுற மாதிரி காமெடியா இல்லை எரிச்சல் ஆகுற மாதிரி காமெடி பண்ண ஆரம்பிச்சுட்டார். ஹீரோவாகும் வெறியில் இருக்கும் சந்தானம் சாண்டி மாஸ்டர் உதவியால வழக்கம் போல கான்சியஸா கேமராவ பாத்து ஆட முயற்சி செய்திருக்கிறார். நல்லவேளை ஒரே ஒரு சண்டை தான்.

Also Read: எப்படி இந்தக் கதையெல்லாம் ஓகே பண்றீங்க… களத்தில் சந்திப்போம் விமர்சனம்

சந்தானத்தின் அப்பாவ ப்ருத்வி ராஜ் தெலுங்கு நடிகர்… சந்தானத்தின் அம்மா, கதாநாயகி அனைகா சோதி… அவரது அம்மா… மொட்டை ராஜேந்திரன், கலக்கப்போவது யாரு வினோத், லொள்ளு சபா நடிகர்கள், பழைய ஜோக் தங்கதுரை என பலரும் காமெடிக்காவே எடுத்து உள்ளே உலாவ விட்டிருக்கிறார். ஆனால், எல்லோரும் டைமிங்காக கத்திட்டு இருக்காங்களே தவிர காமெடின்னு ஒரு துளி கூட ஒர்க் அவுட் ஆகலை. பாவம் அவங்க என்ன பண்ணுவாங்க. இயக்குநர் எழுதியிருந்தா தானே.

பேசாமல் இயக்குநர் ஜான்சன் கே விஜய் டிவி-யிடம் பேசி லொள்ளு சபா பார்ட் – 2… பார்ட் – 3 என ஆரம்பிச்சுடலாம். ஏ1, பாரிஸ் ஜெயராஜ் படங்களை விட லொள்ளு சபா எபிசோடுகள் எல்லாம் இப்போ பார்த்தாலும் அட்டகாசமாக இருக்கும். நிறைய பாத்திரங்களை வைத்துவிட்டு காமெடி தான் டிராக் என முடிவு செய்து பழைய கதை களத்தை பிக்ஸ் செய்துவிட்டார். ஆனால், ஒரு காட்சியில் கூட காமெடி ஒர்க் அவுட் ஆகவில்லை. ஒர்க் அவுட் ஆகும் அளவுக்கு எழுதவில்லை.

கதாநாயகன் கானா பாடகர். இசை சந்தோஷ் நாராயணன். கேட்கவே எவ்ளோ அட்டகாசமா இருக்கு. சந்தோஷ் நாராயணன் போடும் கானா பாடலுக்கு இந்த தமிழ்நாடே அடிமையாகிக்கிடக்க இந்த படத்தில் வரும் ஒரு கானா பாடல் கூட மனதில் மட்டுமில்லை காதில் ஒட்டவே இல்லை. காதில் ஈயத்தை காய்ச்சி ஊத்துவது போலத்தான் இருக்கின்றன பாடல்கள் எல்லாம். எந்த பாடலும் எந்த இடத்திலும் பொருந்தவே இல்லை. உங்களை நம்பித்தானே சந்தோஷ் சந்தானம் இந்த படத்தை நடிக்க ஒத்துட்டு இருப்பாரு. எங்களை ஏமாத்துனது மட்டுமல்ல அவரையும் ஏமாத்திட்டிங்களே சந்தோஷ்.

பாக்கெட்ல கிடக்கும் ரூ.200 உங்களை உறுத்திக் கொண்டிருந்தால் இந்தப் படத்தை நீங்கள் போய் தியேட்டரில் பார்க்கலாம். கொஞ்சம் புத்திசாலியாக இருந்தால் இதை டெலிகிராம்லேயே பார்க்கலாம். அப்போ என்னத்துக்கு நீ போய் தியேட்டர்ல பாத்தன்னு கேட்காதீங்க. என்னால உங்களுக்கு ரூ.200 லாபம். அத யோசிங்க.

சரி Spoiler வேண்டாம் அப்படின்னு நினைக்குறவங்க இதுக்கு பின்னாடி படிக்க வேண்டாம். இந்த விமர்சனத்துக்கு தலைப்புல X-Videos பாத்துட்டு இந்த கதையை எழுதியிருப்பாங்கன்னு சொல்லியிருப்போம். அது ஏன்னா… சந்தானம்… ஹீரோயின் அனைகா சோதி காதலிக்க ஆரம்பிச்சுடுவாங்க. முதல்நாள் காதல் பிரேக்-அப் ஆனதும் ஹீரோயின் அடுத்த நாளே சந்தானத்தை காதலிக்க ஆரம்பிச்சுடுவாங்க. இருவரும் காதலிக்க ஆரம்பிச்சதும் சந்தானத்தின் அதான் அந்த காதலை பிரித்து வைக்கும் புனித வேலையை பார்க்கும் வக்கீல் அப்பாவுக்கு தெரிய வரும் ஹீரோயின் அனைகா தன்னோட மகள்னு.

இப்போ புரியுதா… ஆமா ஹீரோ சந்தானம் முதல் மனைவியின் மகன், ஹீரோயின் அனைகா இரண்டாவது மனைவியின் மகள். இன்னும் சொல்லனும்னா சந்தானம்… அனைகா இருவரும் அண்ணனும், தங்கச்சியும். இருவரும் காதலிக்கும் விஷயம் அப்பாவுக்கு தெரியும். அப்பா முன்னாடியே அண்ணனும் தங்கையும் ரொமான்ஸ் எல்லாம் செய்வாங்க… இன்னுமா இந்தக் கதையை நான் சொல்லணும்… நீங்க கேட்கணும்.

ரொம்ப சுமாரான முதல் பாதி… மிகப்பெரிய உறுத்தலான இரண்டாம் பாதி. இத்தனையும் தாங்கிக் கொண்டு டிவியில் இனி போட்டால் கூடா நான் பார்க்க தயாராக இல்லை. நீங்க எப்படின்னு கேட்டுக்கோங்க…