சந்திரமுகி, ஒஸ்தி, தேவி, அருந்ததி உள்ளிட்ட படங்களில் வில்லன் நடிகராக நடித்தவர் சோனு சூட்.

மும்பையில் புலம் பெயர்ந்த தொழிலாளர்களுக்கு உணவு வழங்குவது மற்றும் சொந்த ஊருக்குச் செல்ல பேருந்து வசதி போன்ற உதவிகளை சோனு சூட் செய்து வருகிறார்.

இந்நிலையில், குரும்புக்கார மது பிரியர் ஒருவர், “ஊரடங்கால் என்னால் வீட்டை விட்டு வெளியில் செல்ல முடியவில்லை. தனக்கு மது கடைக்கு சென்று வர உதவ முடியுமா?” என்று சோனு சூட்டுக்கு டிவிட்டர் மூலம் கேட்டுள்ளார்.

அதை பார்த்து என்ன நினைத்தாரோ சோனு சூட், “என்னால் உங்களுக்கு மதுக்கடையிலிருந்து திரும்பி வர உதவ முடியும். உங்களுக்கு அந்த உதவி தேவைப்பாட்டால் எனக்கு தெரியப்படுத்துங்கள்” என்று குறிப்பிட்டுள்ளார்.

ஊரடங்கு காலத்தில் மும்பையில் உள்ள 12 ஆயிரத்துக்கும் மேற்பட்ட பலம் பெயர் தொழிலாளர்கள் அவர்களது சொந்த ஊர்களுக்கு சென்று சேர சோனு சூட் உதவியுள்ளார் என்பது குறிப்பிடத்தக்கது.

தமிழில் வெற்றிமாறன் இயக்கத்தில் தனுஷ் ஜோடியாக ஆடுகளம் திரைப்படம் மூலம் அறிமுகமானவர் டாப்ஸி.

தற்போது பாலிவுட் திரைப்படங்களில் பிஸியாக உள்ள டாப்ஸி தனது காதல் பற்றிய முக்கிய அறிவிப்பை வெளியிட்டுள்ளார்.

அதில், “நான் எதையும் யாரிடமும் மறைத்ததில்லை. என் வாழ்க்கையில் ஒருவர் இருக்கிறார் என பெருமையாகவே சொல்ல விரும்புகிறேன். இது என் பெற்றோருக்கும் தெரியும். என் பெற்றோர், சகோதரி ஆகியிருக்கும் எனது காதலரை பிடிக்க வேண்டும். இல்லை என்றால் நன்றாக இருக்காது” என்று கூறியுள்ளார்.

32 வயதான டாப்ஸி டென்மார்க்கை சேர்ந்த மத்தியாஸ் போ என்ற பேட்மிட்டன் விளையாட்டு வீரரை காதலிக்கிறார் என்று கூறப்படுகிறது.

டாப்ஸியின் காதல் குறித்து பேசிய அவரது தாய், “டாப்ஸி யாரை தேர்வு செய்தாலும், அதில் எங்களுக்கு சம்மதமே என்று தெரிவித்துள்ளார்.

நான் கைதாகவில்லை, வீட்டில்தான் படம் பார்த்துக்கொண்டு இருந்தேன் என்று பூனம் பாண்டே மறுப்பு தெரிவித்துள்ளார்.

சமூக வலைத்தளங்களில் அடிக்கடி சர்ச்சையை ஏற்படுத்தும் வகையில் புகைப்படங்களை வெளியிடுபவர் பூனம் பாண்டே.

கொரோனா தொற்று பரவல் காரணமாக மே 17-ம் தேதி வரை நாடு முழுவதும் ஊரடங்கு கடைப்பிடிக்கப்பட்டு வருகிறது.

இந்நிலையில் பூனம் பாண்டே மற்றும் அவரது காதலர் இருவரும், எந்த ஒரு காரணமும் இன்றி சொகுசு காரில் மும்பை நகரில் உள்ள மெரைன் டிரைவில் வலம் வந்துள்ளனர்.

இவர்களைத் தடுத்து நிறுத்தி விசாரித்து வந்த காவல் துறையினர், அவர்கள் உபயோகித்த விலை உயர்ந்த பிஎம்டபள்யூ கார், பூனம் பாண்டே மற்றும் அவரது காதலரைக் கைது செய்து நடவடிக்கை எடுத்துள்ளனர்.

சட்டத்தை மதிக்காதது, கொரோனா தொற்று பரவ காரணமாக இருந்தது போன்று பலவேறு பிரிவுகளில் பூனம் பாண்டே மீது வழக்கு தொடரப்பட்டுள்ளது என்று கூறப்பட்டது.

அதற்கு மறுப்பு தெரிவித்துள்ள பூனம் பாண்டே, “நான் இரவு முழுவதும் படமாக பார்த்துக்கொண்டு இருந்தேன். நான் கைதாகவில்லை. நலமுடன் வீட்டில் தான் இருக்கிறேன். என்னை பற்றி எதுவும் எழுதாதீர்கள்” என்று வீடியோ மூலம் தெரிவித்துள்ளார்.

இவர் யார் என்று தெரியாதவர்களுக்கு கிரிக்கெட் போட்டி ஒன்றில் இந்தியா வென்றால் நிர்வாணமாகக் காட்சியளிப்பேன் என்று சர்ச்சையை ஏற்படுத்தியவர் தான் பூனம் பாண்டே என்பது குறிப்பிடத்தக்கது.