தளபதி விஜய் நடிக்க இருந்த ‘தளபதி 6’5 திரைப்படத்தை ஏஆர் முருகதாஸ் தான் இயக்குவதாக முதலில் அறிவிக்கப்பட்டிருந்தது. ஆனால் திடீரென ஏஆர் முருகதாஸ் கூறிய கதை விஜய்க்கு பிடிக்கவில்லை என்பதால் அவர் அந்த படத்தில் இருந்து நீக்கப்பட்டு அதன்பிறகு நெல்சன் உள்ளே இணைந்தார் என்பதும் தற்போது இந்த படத்தின் படப்பிடிப்பு ஜார்ஜியாவில் நடந்து வருகிறது என்பது குறிப்பிடத்தக்கது.

விஜய் படத்தை மிஸ் செய்த ஏஆர் முருகதாஸ் அதே கதையை சிவகார்த்திகேயனுக்கு கூறியுள்ளதாகவும் அவர் கதையை ஓகே செய்து விட்டதாகவும் விரைவில் இந்த படத்தின் படப்பிடிப்பு தொடங்கும் என்றும் கூறப்பட்டது.

இந்த நிலையில் ஏஆர் முருகதாஸ் தயாரிக்கும் திரைப்படம் ஒன்றின் அறிவிப்பு சற்று முன் வெளியாகி உள்ளது. இந்த திரைப்படத்திற்கு ’1947’ என்ற டைட்டில் வைக்கப்பட்டுள்ளது இந்த திரைப்படத்தை ஓம்பிரகாஷ் பட் என்ற தயாரிப்பாளர் உடன் இணைந்து ஏஆர் முருகதாஸ் தயாரிக்கவுள்ளார் என்பது குறிப்பிடத்தக்கது.

இந்த படத்தை அவருடைய உதவி இயக்குனர்களில் ஒருவரான பொன்குமரன் என்பவர் இயக்க இருப்பதாகவும் இந்த படத்தில் நடிக்கும் நட்சத்திரங்கள் மற்றும் தொழில்நுட்ப கலைஞர்கள் குறித்த அறிவிப்பு இன்னும் ஒரு சில நாட்களில் வெளியாகும் என்றும் கூறப்படுகிறது.

வெற்றிமாறன் இயக்கத்தில் சூர்யா நடிக்கும் ‘வாடிவாசல்’ திரைப்படத்தின் அறிவிப்பு கடந்த சில மாதங்களுக்கு முன் வெளியானது என்பதும் ஆனால் அதன்பின் அந்த படம் குறித்த எந்த தகவலையும் படக்குழுவினர் அறிவிக்கவில்லை என்பது குறிப்பிடத்தக்கது. இதனை அடுத்து இந்த படம் ட்ராப் செய்யப்பட்டதாக கூட வதந்தி கிளம்பியது.

ஆனால் ‘வாடிவாசல்’ படத்தின் தயாரிப்பாளர் கலைப்புலி எஸ் தாணு அவர்கள் கண்டிப்பாக ‘வாடிவாசல்’ திரைப்படம் உருவாகும் என்றும் விரைவில் இந்த படத்தின் படப்பிடிப்பு தொடங்கும் என்றும் அறிவித்திருந்தார்.

இந்த நிலையில் இதனை உறுதி செய்வது போல் சற்று முன் இந்த படத்தின் இசையமைப்பாளர் ஜிவி பிரகாஷ் அவர்கள் ‘வாடிவாசல்’ படத்தின் பாடல்கள் கம்போசிங் பணியைத் தொடங்கிவிட்டதாக தனது டுவிட்டரில் அறிவித்துள்ளார். இதனை அடுத்து அவருக்கு சூர்யா ரசிகர்கள் வாழ்த்துக்களை தெரிவித்ததோடு சூப்பர் ஹிட் பாடல்களாக எங்கள் தலைவர் சூர்யாவுக்கு கம்போஸ் செய்யுங்கள் என்று வேண்டுகோள் விடுத்துள்ளனர்.

The music work for #VaadiVaasal starts today …. 🔥 @Suriya_offl @VetriMaaran @theVcreations

— G.V.Prakash Kumar (@gvprakash) April 13, 2021

வெற்றிமாறன் தற்போது சூரி நடிக்கும் படத்தை இயக்கி வருகிறார் என்பதும் அதேபோல் பாண்டிராஜ் இயக்கத்தில் உருவாகி வரும் படத்தில் சூர்யா நடித்து வருகிறார் என்பதும் தெரிந்தது. இந்த இரண்டு படங்களின் படப்பிடிப்புகள் முடிந்த பிறகு சூர்யா மற்றும் வெற்றிமாறன் ஆகிய இருவரும் ‘வாடிவாசல்’ படத்திற்காக இணைவார்கள் என்பது குறிப்பிடத்தக்கது.

தமிழ் திரையுலகில் நகைச்சுவை நடிகர்களில் ஒருவராகிய செந்தில் மற்றும் அவரது குடும்பத்தினருக்கு கொரோனா தொற்று உறுதி செய்யப்பட்டதை அடுத்து அவர்கள் மருத்துவமனையில் அனுமதிக்கப்பட்டு உள்ளதாக செய்திகள் வெளியாகியுள்ளது.

தமிழகத்தில் கடந்த சில நாட்களாக கொரோனாவால் பாதிக்கப்பட்டு வருபவர்களின் எண்ணிக்கை அதிகமாகி வருகிறது. அப்பாவி பொதுமக்கள் மட்டுமின்றி திரையுலக பிரபலங்களும் அரசியல்வாதிகளும் கொரோனாவால் பாதிக்கப்பட்டு வருகின்றனர்.

இந்த நிலையில் சற்று முன் வெளியான தகவலின்படி நடிகர் செந்திலின் குடும்பத்தினர் அனைவரும் கொரோனாவால் பாதிக்கப்பட்டு உள்ளனர். நடிகர் செந்தில் அவரது மனைவி. மகன். மற்றும் மருமகள் ஆகிய நால்வரும் கொரோனாவால் பாதிக்கப்பட்டுள்ளதாகவும் இதனையடுத்து அவர்கள் நால்வரும் சென்னையில் உள்ள தனியார் மருத்துவமனையில் அனுமதிக்கப்பட்டுள்ளதாகவும் செய்திகள் வெளியாகி உள்ளது.

இதனை அடுத்து செந்தில் மற்றும் அவரது குடும்பத்தினர் விரைவில் கொரோனாவில் இருந்து குணமாக வேண்டும் என ரசிகர்கள் வாழ்த்து தெரிவித்து வருகின்றனர்.