கொரோனா ஊரடங்கு காரணமாகத் திரைப்படங்கள் அமேசான் பிரைம், நெட்பிளிக்ஸ், ஜீ5 போன்ற ஓடிடி தளங்களில் வெளியாகின்றன.

ஆனால் இப்படி ஓடிடியில் வெளியான திரைப்படங்கள் ப்ல தோல்வியையே சந்தித்தன. அதை எப்படி சரி செய்வது என்று திட்டமிட்ட ஜீ5, ஜீ ப்ளக்ஸ் (zeePlex) என்ற புதிய ஓடிடி தளத்தை உருவாக்கியது.

இந்த செயலியில் புதியதாக வெளியிடப்படும் திரைப்படங்களைப் பார்க்கலாம். ஆனால் ஒவ்வொரு படத்திற்கும் தனித்தனியாகக் கட்டணம் வசூலிக்கப்படும். இதே போன்று தயாரிப்பாளர் ரீகல் டாக்கீஸ் என்ற தளத்தை ஏற்கனவே தொடங்கி இருந்தார். இதில் இதுவரை எந்த புதிய திரைப்படமும் வெளியாகவில்லை. பழைய திரைப்படங்களை மட்டும் ரூ.20 செலுத்திப் பார்க்க முடியும்.

ஆனால், ஜீ ப்ளக்ஸ் நிறுவனம் புதிய படங்களை ஒரு முறை பார்க்க, 199 ரூபாய் கட்டணம் நிர்ணைத்து உள்ளது. இது திரை அரங்கு கட்டணங்களைக் காட்டிலும் அதிகமாக உள்ளது. ஆனால் ஸ்மார்ட் டிவிகளில் பார்க்கும் போது குடும்பமே சேர்ந்து உட்கார்ந்து 199 ரூபாய்க்குப் படத்தைப் பார்த்துவிட முடியும்.

இது குறித்து கருத்து தெரிவித்துள்ள தயாரிப்பாளர் தனஞ்ஜெயன், “ஓடிடி தளத்தில் எந்த ஒரு படத்தை நேரடியாகப் பார்க்க 199 ரூபாய் கட்டணம் வசூலிப்பது மிக அதிகமானது. மாதம் சந்தா தொகை கட்டி இலவசமாகவே படங்களைப் பார்க்கப் பார்வையாளர்கள் விரும்புவார்கள். சுவரஸ்யாமன படம், பெரும் ரசிகர் பட்டாளம் கொண்ட படங்களை மட்டுமே பணம் கட்டி பார்ப்பார்கள். இந்த புதிய கட்டணம் முறை எப்படி வரவேற்பைப் பெறுகிறது என்று பார்ப்போம்” என கூறியுள்ளார்.

தமிழில் முதல் படமாக விஜய் சேதுபதியின், கா.பெ.ரணசிங்கம் ஜீ ப்ளக்ஸில் வெளியாகும் என்று எதிர்பார்க்கப்படுகிறது.

பிரபல நடிகர், நடிகைகளுக்கு பர்சனல் லைஃப் என்பது உண்டு. ஆனால் பிரபலங்கள் என்பதால், அவரது ரசிகர்களுக்கு சம்மந்தப்பட்ட நடிகர் நடிகைகளின் மொபைல் எண் கிடைத்தவிடால் அவ்வளவு தான். அவர்களுடைய மொபைல் எண்களை அவர்களது நண்பர்களுடன் பகிர்ந்துவிடுவார்கள், மொபைல் எண் ஒலித்தபடியே இருக்கும்.

இந்த சிக்கலுக்கு தீர்வு காண நினைத்த நடிகை சமந்தா, தனது உறவினர்களுக்கும், நண்பர்களுக்கும், திரைத் துறை சார்ந்தவர்களுக்கு புது கண்டிஷன் ஒன்றை போட்டுள்ளார்.

புதிய கண்டிஷன் படி, நடிகை சமந்தாவைத் தொடர்புகொள்ள நினைப்பவர்கள், அவரது மொபைல் எண்ணிற்கு சம்மந்தப்பட்ட நபரின் பெயரை எஸ்எம்எஸ் அனுப்ப வேண்டும். அந்த நபர் தெரியாதவர் என்றால் சமந்தா அழைப்பு வரும் போது போன் எடுப்பார் அல்லது கால் செய்வாராம். இல்லை என்றால் சமந்தா நாட் ரீச்சபள் என்று கண்டீஷன் போட்டுள்ளார்.

அடிக்கடி சமந்தாவின் மொபைல் எண்ணிற்கு வரும் புது புது எண்களின் அழைப்புகளால், ஏற்பட்ட கசப்பான அனுபவங்கள் காரணமாக இந்த முடிவை எடுத்ததாக சம்ந்தா தெரிவித்துள்ளார்,

பிரபல பாலிவுட் இயக்குநர் மற்றும் நடிகருமான அனுராக் கஷ்யப் மீது, நடிகை பாயல் கோஷ் பாலியல் குற்றச்சாட்டு வைத்துள்ளது பாலிவுட்டில் பெரும் பரபரப்பை ஏற்படுத்தி வருகிறது.

பாலியல் குற்றச்சாட்டு குறித்து டிவிட்டரில் தெரிவித்த பாயல் கோஷ், “அனுராக் கஷ்யப் என்னுடன் மிகவும் தவறாக நடந்துகொண்டார். இந்த கலைஞன் பின்னால் உள்ள அரக்கத்தனத்தை நாட்டுக்கு வெளிக்காட்டி பிரதமர் மோடி நடவடிக்கை எடுக்க வேண்டும். எனக்கு தெரியும் இது எனது பாதுகாப்பைப் பாதிக்கும். எனக்கு உதவுங்கள்” என்று தெரிவித்து இருந்தார்.

பாயல் கோஷின் குற்றச்சாட்டுக்கு, “அடிப்படை ஆதாரம் அற்ற குற்றச்சாட்டு” என்று கஷ்யப் டிவிட்டரில் தெரிவித்து இருந்தார்.

அனுராக் கஷ்யப்புக்கு ஆதரவு தெரிவித்த டாப்ஸி, நீங்கள் ஒரு பெண்ணியவாதி என்று எனக்கு தெரியும் என்றும் அவருடன் தான் சேர்ந்து படத்தில் பணியாற்றிய புகைப்படத்தையும்” இன்ஸ்டாகிராமில் பகிர்ந்துள்ளார்.

 

View this post on Instagram

 

For you, my friend , are the biggest feminist I know. See you on the sets soon of yet another piece of art that shows how powerful and significant women are in the world you create 🙂 🤗

A post shared by Taapsee Pannu (@taapsee) on Sep 19, 2020 at 10:23pm PDT