சூர்யா நடிக்க இருக்கும் 40வது திரைப் படத்தை சன் பிக்சர்ஸ் நிறுவனம் தயாரிக்க உள்ளது என்பதும் இந்த படத்தை பாண்டிராஜ் இயக்க உள்ளார் என்பதும் தெரிந்ததே.

இந்த நிலையில் இந்த படத்தின் பூஜை சமீபத்தில் நடைபெற்ற நிலையில் விரைவில் படப்பிடிப்பு தொடங்கும் என தெரிகிறது. சூர்யா தற்போது தான் கொரோனாவில் இருந்து மீண்டு உள்ளதால் ஓய்வுக்குப் பின் அவர் படப்பிடிப்பில் கலந்து கொள்வார் என்று கூறப்படுகிறது.

இந்த நிலையில் இந்த படத்தில் சூர்யா ஜோடியாக பிரியங்கா மோகன் மற்றும் சத்யராஜ், தேவதர்ஷினி, சரண்யா பொன்வண்ணன் உள்ளிட்ட பலர் நடிக்க இருப்பதாக அறிவிக்கப்பட்டது. அதேபோல் டி இமான் இந்த படத்தில் இசையமைக்க உள்ளார் என்பதும் ராண்டி இந்த படத்திற்கு ஒளிப்பதிவு செய்ய உள்ளார் என்பதும் தெரிந்ததே

இந்த நிலையில் சமீபத்தில் இந்த படத்தில் ராஜ்கிரண் இணைந்தார் என்ற செய்தியைப் பார்த்தோம். தற்போது ராஜ்கிரன் மற்றும் சத்யராஜ் நடிக்க இருக்கும் கேரக்டர் குறித்த தகவல்கள் கசிந்துள்ளது. இரண்டு கிராமத்தின் பெரிய மனிதார்களாக ராஜ்கிரன் மற்றும் சத்யராஜ் நடிக்க இருப்பதாகவும் இரண்டு கிராமத்திற்கும் இடையே ஏற்பட்ட ஒரு முக்கிய பிரச்சனையை இருவரும் சேர்ந்து புத்திசாலித்தனமாக எப்படி தீர்த்து வைக்கிறார்கள் என்பதுதான் இந்த படத்தின் கதை என்று கூறப்படுகிறது.

தளபதி விஜய் நடிப்பில், இயக்குனர் நெல்சன் இயக்கத்தில், சன் பிக்சர்ஸ் நிறுவனம் தயாரிக்க இருக்கும் ’தளபதி 65’ படத்தின் படப்பிடிப்பு விரைவில் தொடங்கும் என்று எதிர்பார்க்கப்பட்ட நிலையில் தற்போது வந்துள்ள தகவலின்படி மார்ச் 15ஆம் தேதி இந்த படத்தின் படப்பிடிப்பு தொடங்குகிறது.

இந்த படத்தின் முதல்கட்ட படப்பிடிப்பு வெளிநாட்டில் அதாவது ரஷ்யாவில் படமாக்க திட்டமிட்டு இருந்த நிலையில் தற்போது அந்த திட்டத்தில் மாற்றம் ஏற்பட்டு விட்டதாகவும் முதல் கட்ட படப்பிடிப்பு சென்னையில் நடைபெற இருப்பதாகவும் தகவல்கள் வெளிவந்துள்ளன.

இந்த நிலையில் கடந்த இரண்டு நாட்களுக்கு முன்னர் தளபதி விஜய்க்கு லுக் டெஸ்ட் எடுக்கப்பட்டதாகவும் அந்த லுக் மிகவும் திருப்திகரமாக இருப்பதாக படக்குழுவினர் அனைவரும் தெரிவித்ததாகவும் கூறப்படுகிறது.

மேலும் இந்த படத்தில் ராஷ்மிகா மந்தனா அல்லது பூஜா ஹெக்டே ஆகிய இருவரில் ஒருவர் நாயகியாக நடிப்பார் என்று கூறப்பட்ட நிலையில் தற்போது ராஷ்மிகா மந்தனா போட்டியில் இருந்து விலகி விட்டதாக தெரிகிறது. இதனை அடுத்து பூஜா ஹெக்டே தான் கிட்டத்தட்ட இந்த படத்தின் நாயகி என்பது உறுதி செய்யப்பட்டுள்ளது.

தனுஷ் நடிப்பில் மாரி செல்வராஜ் இயக்கிய ’கர்ணன்’ திரைப்படம் வரும் ஏப்ரல் 9ஆம் தேதி ரிலீஸாக உள்ளது என்பது தெரிந்ததே. இந்த படத்தின் புரமோஷன் பணிகள் விறுவிறுப்பாக நடைபெற்று வரும் நிலையில் நாளை மாலை 5.03 மணிக்கு இந்த படத்தின் இரண்டாவது சிங்கிள் பாடல் வெளியாக உள்ளதாக அறிவிக்கப்பட்டுள்ளது

’கர்ணன்’ படத்தின் தயாரிப்பாளர் கலைப்புலி தாணு அவர்களின் டுவிட்டர் பக்கத்தில் வெளியாகிய இதுகுறித்த தகவலில் நாளை வெளியாகும் பாடலின் டைட்டில் ’பண்டாரத்தி புராணம்’ என்று அறிவிக்கப்பட்டுள்ளது

ஏற்கனவே வெளியான கண்டா வரச்சொல்லுங்க என்ற பாடல் மிகப் பெரிய ஹிட்டான நிலையில் அதே பாணியில்தான் இந்த பாடலும் இருக்கும் என்பது இந்த டைட்டில் இருந்து தெரியவருகிறது. சந்தோஷ் நாராயணன் இசையில் உருவாகிய இந்த பாடல், ‘கண்டா வரச்சொல்லுங்க’ பாடல் போலவே ஹிட் ஆகுமா என்பதை பொறுத்திருந்து பார்ப்போம்.

Get ready folks, #Karnan Paadal 2 #PandarathiPuranam from tomorrow 5:03 PM #YeaaluPandarathi @dhanushkraja @Music_Santhosh @mari_selvaraj @thinkmusicindia @KarnanTheMovie pic.twitter.com/OGHpOAszwu

— Kalaippuli S Thanu (@theVcreations) March 1, 2021