நடிகர் விஜய் சேதுபதியின் குடும்பத்தினர் மற்றும் பெண் குழந்தை பற்றி, ஆபாசமாக சமூக வலைத்தளங்களில் பதிவிட்ட நபர் மீது நடவடிக்கை எடுக்கப்படும் என்று அமைச்சர் பாண்டிய ராஜன் உறுதியளித்துள்ளார்.

இலங்கை கிரிக்கெட் வீரர் முத்தையா முரளிதரன் கதாபாத்திரத்தில், விஜய் சேதுபதி நடிக்க இருக்கும் 800 படத்தின் ஃபர்ஸ்ட் லுக் அண்மையில் வெளியாகியது.

இந்த படம் குறித்த அறிவிப்பு வெளிவந்ததிலிருந்தே, தமிழின பற்றாளர்கள் மற்றும் இலங்கை தமிழர்கள் எதிர்த்து வந்தனர். ஆனால், ஃபர்ஸ்ட் லுக் வெளியாகும் வரை பிரச்சினை ஆகவில்லை. ஆனால் ஃபர்ஸ்ட் லுக் வெளியான பிறகு கடும் எதிர்ப்புகள் கிளம்பின. செய்தி தொலைக்காட்சிகளில் விவாதமாகவே இந்த விவகாரம் வந்தது.

அரசியல் தலைவர்கள், திரைப்பட பிரபலங்கள் என பலரும் விஜய் சேதுபதியை அந்த படத்திலிருந்து விலகுமாறும் கோரிக்கை வைத்தனர். அதே நேரம் சில நடிகர், நடிகைகள் அவருக்கு ஆதரவாகவும் பேசினர்.

அதே நேரம் சமூக வலைத்தளத்தில் ஆசாமி ஒருவர், விஜய் சேதுபதி குடும்பத்தினர் மற்றும் அவரது பெண் குழந்தை பற்றி ஆபாசமாகப் பதிவிட்டு இருந்தார். அதை பார்த்த திமுக நாடாளுமன்ற உறுப்பினர் கனிமொழி, நடிகை ரோகிணி உள்ளிட்டவர்கள் சம்மந்தப்பட்ட நபரை கைது செய்ய வேண்டும் என்று தெரிவித்தனர்.

இந்நிலையில், செய்தியாளர்களைச் சந்தித்த அமைச்சர் பாண்டிய ராஜன், “விஜய் சேதுபதியை 800 படத்தில் நடிக்க வேண்டாம் என்று அதிமுகவும் கேட்டுக்கொண்டது. அவரும் தற்போது விலகியுள்ளார். அவரது குடும்பத்திற்கு ஆபாச கொலை மிரட்டல் விடுத்துள்ள ரவுடி கைது செய்யப்படுவார். அவர் சமூக வலைத்தள ரவுடி தான். கண்டிப்பாகச் சம்மந்தப்பட்ட நபர் கைது செய்யப்பட்டு, நடவடிக்கை எடுக்கப்படும்” என்று தெரிவித்தார்.

இதே போன்று அண்மையில், தோனியின் மகள் மீதும் ஆபாச மிரட்டல் விடுத்த நபர், குஜராத்தில் கைது செய்யப்பட்டது குறிப்பிடத்தக்கது.

மாஸ்டர் திரைப்படம் கொரோனா காரணமாக 2021 பொங்கலன்று திரை அரங்குகளில் வெளியிடலாம் என்று கூறப்பட்டு வருகிறது.

எனவே தீபாவளிக்கு மாஸ்டர் திரைப்படத்தின் டீசர் வெளியிடப்படும் என்று கூறப்பட்டது. ஆனால் அப்போது வரை கொரோனா பிரச்சினை தொடர்ந்தால் என்ன செய்வது என்றும், படத்தின் ரிலீஸ் தேதி உறுதியான பிறகு தான் டிரெய்லர் வரும் என்று தெரிவிக்கப்பட்டுள்ளது.

டிரெய்லருடன் சேர்த்துப் படத்தின் ரிலீஸ் தேதி எப்போது என்ற அறிவிப்பும் வருமாம். புதுச்சேரி உள்ளிட்ட சில மாநிலங்களில் திரை அரங்குகள் திறக்கப்பட்டுள்ளன. தமிழகத்தில் இன்னும் திறக்கவில்லை. தீபாவளிக்கு முன்பு தமிழகத்தில் திரை அரங்குகள் திறக்க அதிக வாய்ப்புகள் உள்ளன.

அப்படித் திறந்தாலும், கொரோனா தொற்று பாதுகாப்பு கருதி, சிறிய படங்கள் மட்டுமே திரை அரங்குகளில் வெளியிட அதிக வாய்ப்புகள் உள்ளன. அப்படி திரைப்படங்கள் வெளியான பிறகு வரும் சிக்கல்கள் போன்றவற்றுக்குத் தீர்வு காணப்பட்ட பிறகு மாஸ்டர் வெளியாகும்.

சூர்யாவின் சூரரைப் போற்று திரைப்படம் அக்டோபர் 30-ம் தேதி, ஓடிடியில் வெளியாவது உறுதி. இப்படி ஓடிடியில் வெளியான, வெளியாகிய திரைப்படங்கள் எந்த காரணத்தைக் கொண்டு திரை அரங்குகளில் வெளியிடப்படாது என்று திரை அரங்கு உரிமையாளர்கள் சங்கங்கள் உறுதியாக உள்ளன.

ஆனால் விஜய் ரசிகர்கள், ஏப்ரல் மாதம் வெளியாக இருந்த மாஸ்டர் திரைப்படம் பொங்கலுக்கு தள்ளிப்போனாலும் பரவாயில்லை. தீபாவளிக்கு டிரெய்லர் வெளியாகினால் நன்றாக இருக்கும் என்று எதிர்பார்ப்பில் உள்ளனர்.

தமிழ் திரைப்பட ரசிகர்கள், டிரெய்லர் வெளியானாலே அது ஏதாவது ஹாலிவுட் பட காப்பியா என்றும் கண்டு பிடித்துவிடுவார்கள். அதுமட்டுமல்லாமல் இதுதான் கதை என்று சமூக வலைத்தளங்களில் பரவி விடும். எனவே படம் வெளியாகும் சில நாட்களுக்கு முன்பு டிரெய்லரை வெளியிட அதிக வாய்ப்புகள் உள்ளது என்று கூறப்படுகிறது.

ஆனால் லோகேஷ் கணகராஜ் திரைப்படத்தின் கதைகளை அவ்வளவு எளிதில் கண்டு பிடிக்க வாய்ப்பும் இல்லை.

கொரோனா ஊரடங்கு காரணமாக, ராகவேந்திரா திருமண மண்டபம் பயன்படுத்த முடியாமல் இருந்தது.

இந்த காலகட்டத்தில் ராகவேந்திரா திருமண மண்டபத்திற்கு, சென்னை மாநகராட்சி விதித்துள்ள 6.50 லட்சம் ரூபாய் சொத்து வரி விதித்துள்ளது. இந்நிலையில் அதை ரத்து செய்ய வேண்டும் என்று சென்னை உயர் நீதிமன்றத்தில், ரஜினிகாந்த் தரப்பிலிருந்து மனுத்தாக்கல் செய்யப்பட்டது.

அதை விசாரித்த நீதிபதிகள், இதுவெல்லாம் ஒரு பிரச்சினை என்று நீதிமன்றத்தில் வழக்கு தொடர்ந்துள்ளீர்கள், நீதிமன்றத்தின் நேரத்தை வீணடிக்காதீர்கள் என்று ரஜினிகாந்த்தைக் கண்டித்தனர்.

ரஜினிகாந்த்துக்கு 6.50 லட்சம் கட்டுவது எல்லாம் ஒரு பிரச்சினையா, இதற்கெல்லாம் நீதிமன்றத்தை நாடுவார்கள் என்றும் சமூக வலைத்தளங்களில் விமர்சிக்கப்பட்டு வருகிறது.

இந்நிலையில் சொத்து வரி விவகாரத்தில் நீதிமன்றத்துக்குச் சென்று இருக்க வேண்டும் என்ற அவசியமில்லை, அனுபவமே பாடம் என்று ரஜினிகாந்த் டிவிட் செய்துள்ளார்.

ரஜினிகாந்த்தின் டிவிட்டில், “ராகவேந்திரா மண்டப சொத்து வரி…, நாம் மாநகராட்சியில் மேல்முறையீடு செய்திருக்க வேண்டும். தவறை தவிர்த்திருக்கலாம். #அனுபவமே_பாடம்” என்று தெரிவித்துள்ளார்.

ராகவேந்திரா மண்டப சொத்து வரி…

நாம் மாநகராட்சியில் மேல்முறையீடு செய்திருக்க வேண்டும்.

தவறைத் தவிர்த்திருக்கலாம்.#அனுபவமே_பாடம்

— Rajinikanth (@rajinikanth) October 15, 2020