தமிழ் சினிமாவின் பிரபல நகைச்சுவை நடிகராக வலம் வந்து கொண்டிருந்த நெல்லை சிவா, இன்று காலமானார்.

நெல்லை சிவா, நெஞ்சு வலி காரணமாக கலாமானதாக தகவல் தெரிவிக்கப்பட்டு உள்ளது. அவருக்கு வயது 69.

நெல்லை வட்டார தமிழ் மொழி வழக்கைப் பேசி பல திரைப்படங்களில் கவனம் ஈர்த்தவர் நெல்லை சிவா. குறிப்பாக ‘வைகைப் புயல்’ வடிவேலுவுடன் பல்வேறு படங்களில் நடித்து தமிழ் மக்கள் நெஞ்சங்களில் இடம் பிடித்தவர்.

நகைச்சுவை நடிகர் நெல்லை சிவா உடல்நலக்குறைவு காரணமாக காலமானார். #NellaiSiva passed away. #RIPNellaisiva pic.twitter.com/FPPvcVbTvM

— NadigarSangam PrNews (@NadigarsangamP) May 11, 2021

வடிவேலுவுடன் ‘கிணத்த காணோம்’ என்கிற நகைச்சுவை சீனுக்கா அவர் அதிகம் பிரபலமடைந்தார். அவரின் திடீர் இறப்பு தமிழ்த் திரையுலகை சோகம் அடைய வைத்துள்ளது.

தமிழ்த் திரையுலகைச் சேர்ந்த பலரும் அவரது இறப்புக்கு இரங்கல் பதிவுகளை சமூக வலைதளங்களில் இட்டு வருகின்றனர்.

 

கொரோனா வைரஸ் பரவல் காரணமாக அனைத்து திரையரங்குகளும் மூடப்பட்டுள்ள காரணத்தினால் பல திரைப்படங்கள் ஓடிடியில் ரிலீஸ் ஆகி கொண்டிருக்கும் நிலையில் நயன்தாரா நடித்த திரைப்படம் இன்று முதல் ஓடிடியில் வெளியாகும் என அறிவிக்கப்பட்டுள்ளது.

நயன்தாரா நடிப்பில் உருவான மலையாள திரைப்படம் ’நிழல்’. இந்த திரைப்படம் கடந்த மாதம் 9ஆம் தேதி திரையரங்குகளில் வெளியாகி நல்ல வரவேற்பை பெற்றது. ஆனால் இந்தப் படம் வெளியான ஒரு சில நாட்களிலேயே கேரளாவில் திரையரங்குகள் மூடப்பட்டதால் இந்த படம் மேற்கொண்டு திரையரங்குகளில் திரையிட முடியாத சூழ்நிலை ஏற்பட்டது.

இந்த நிலையில் மீண்டும் திரையரங்குகள் எப்போது திறக்கும் என்று தெரியவில்லை என்பதால் தற்போது ஓடிடியில் இந்த படத்தை வெளியிட படக்குழுவினர் முடிவு செய்துள்ளனர். இதனை அடுத்து இன்று முதல் ’நிழல்’ திரைப்படம் ஓடிடியில் ரிலீசாகும் என அதிகாரப்பூர்வமாக அறிவிக்கப்பட்டுள்ளது. இதனையடுத்து இந்த படத்தை பார்க்க விரும்பும் ரசிகர்கள் மகிழ்ச்சி அடைந்துள்ளனர் என்பது குறிப்பிடத்தக்கது.

இந்தப் படத்தில் நயன்தாராவுடன் குஞ்சாக்கோ போபன் முக்கிய வேடத்தில் நடித்துள்ளார் என்பதும் இந்த படத்தை அப்பு என்.பட்டதாரி என்பவர் இயக்கியுள்ளார் என்பது குறிப்பிடத்தக்கது.

’இந்தியன் 2’ படத்தின் தாமதத்திற்கு கமல்ஹாசனும் ஒரு காரணம் என ஷங்கர் நீதிமன்றத்தில் தெரிவித்து இருப்பது பெரும் பரபரப்பை ஏற்படுத்தி உள்ளது

கமல்ஹாசன் நடிப்பில் ஷங்கர் இயக்கத்தில் உருவாகி வரும் ’இந்தியன் 2’ படத்தை லைக்கா நிறுவனம் தயாரித்து வந்தது. இந்த படத்தின் படப்பிடிப்பு தாமதமானதை அடுத்து இயக்குனர் ஷங்கர் வேறு படத்தை இயக்க சென்றுவிட்டார்

இதனை அடுத்து லைகா நிறுவனம் தொடுத்த வழக்கு தற்போது நீதிமன்றத்தில் நடைபெற்று வருகிறது. இந்த நிலையில் நீதிமன்றத்தில் ஷங்கர் தரப்பு தற்போது ’இந்தியன் 2’ தாமதத்திற்கான காரணத்தை தெரிவித்துள்ளது.

’இந்தியன் 2’படம் தாமதத்திற்கு லைக்கா நிறுவனமே காரணம் என்று ஷங்கர் தரப்பில் இருந்து பதில் மனு அளிக்கப்பட்டுள்ளது. மேலும் கமல்ஹாசனுக்கு இந்த படத்திற்காக மேக்கப் போடும் போது ஏற்பட்ட அலர்ஜியும் ’இந்தியன் 2’ படப்பிடிப்பு தாமதமாக ஒரு காரணமென ஷங்கர் தரப்பு அந்த மனுவில் குறிப்பிடப்பட்டுள்ளது

ஏற்கனவே இந்த வழக்கை விசாரித்த நீதிமன்றம் லைகா மற்றும் ஷங்கர் இரு தரப்பினரும் கலந்து பேசி சுமூக முடிவுக்கு வருமாறு அறிவுறுத்தியது. ஆனால் அந்த பேச்சுவார்த்தை தோல்வி அடைந்தது என்பதால் தற்போது மீண்டும் இந்த வழக்கு விசாரணை நடைபெற உள்ளது என்பது குறிப்பிடத்தக்கது.