அஜித் நடித்துவரும் ’வலிமை’ படத்தின் ஃபர்ஸ்ட் லுக் போஸ்டர் அவரது ஐம்பதாவது பிறந்த நாளான மே 1ம் தேதி வெளியாகும் என அதிகாரப்பூர்வமாக அறிவிக்கப்பட்டு இருந்தது. இந்த நிலையில் தற்போது மே ஒன்றாம் தேதி ’வலிமை’ அப்டேட் இல்லை என்று அறிவிக்கப்பட்டுள்ளது. இதுகுறித்து போனிகபூர் வெளியிட்டுள்ள அறிக்கையில் கூறியிருப்பதாவது

எங்கள் நிறுவனத்தின் சார்பில் நாங்கள் கொடுத்த முந்தைய அறிக்கையில் வருகின்ற மே 1ம் தேதி அஜித் குமார் அவர்களின் 50வது பிறந்தநாளை முன்னிட்டு அவரது நடிப்பில், வினோத் இயக்கத்தில், எங்கள் நிறுவனத்தின் தயாரிப்பில் உருவான ‘வலிமை’ படத்தின் பர்ஸ்ட் லுக் வெளியிடுவதாக அறிவித்து இருந்தோம்

இந்த அறிவிப்பு வெளிவரும் வரை கொரோனா இரண்டாவது அலை வரும் என்றும் அதன் தாக்கம் சுனாமி போல் தாக்கும் என்று சிறிதும் எதிர்பார்க்கவில்லை. இந்த தருணத்தில் தேசமெங்கும் எண்ணற்றோர் பொருளாதாரம் இழந்து, உற்றார் உறவினர் உயிரிழந்து, நோய் பற்றிய பீதியிலும் அதிர்ச்சியில் ஆழ்ந்து இருக்கின்றனர். இத்தகைய அசாதாரண சூழ்நிலையில் இப்படத்தில் நடித்துள்ள கலைஞர்கள் பணியாற்றிய தொழில்நுட்ப கலைஞர்கள் அனைவரும் ஒருங்கிணைந்து எடுத்த முடிவின்படி ‘வலிமை’ படத்தின் பர்ஸ்ட் லுக் போஸ்டர் மற்றுமொரு தேதிக்கு தள்ளி வைக்கப்படுகிறது. நாம் அனைவரும் ஒன்றிணைந்து அனைவரின் நலனுக்காகவும் பாதுகாப்புக்காகவும் பிரார்த்திப்போம் என்று கூறப்பட்டுள்ளது

போனிகபூரின் இந்த அறிக்கை அஜித் ரசிகர்கள் சோகமாகியுள்ளனர்.

#Valimai #AjithKumar @ZeeStudios_ @BayViewProjOffl #Vinoth #Niravshah @SureshChandraa @thisisysr @dhilipaction @DoneChannel1 pic.twitter.com/5Is8C3gFHO

— Boney Kapoor (@BoneyKapoor) April 23, 2021

‘அகில உலக சூப்பர்ஸ்டார்’ என தனக்குத் தானே பட்டம் சூட்டிக் கொண்டவர் நடிகர் சிவா. அவரின் அடுத்தப் படத்தின் ஃபர்ஸ்ட் லுக் தற்போது வெளியிடப்பட்டு உள்ளது. 

‘தமிழ் படம்’ மூலம் தமிழ்த் திரையுலகில் மிகப் பெரும் தாக்கத்தை ஏற்படுத்தியவர் சிவா. தொடர்ந்து காமெடி படங்களில் நடித்து வரும் சிவா, அவ்வப்போது நிகழ்ச்சிகளையும் ஹோஸ்ட் செய்து வருகிறார். வானொலி தொகுப்பாளராக தன் திரைப் பயணத்தை ஆரம்பித்த சிவா, இன்று முன்னணி காமெடி ஹீரோக்களில் ஒருவராக இருக்கிறார். 

கடைசியாக அவர் நடிப்பில் வெளி வந்த ‘தமிழ் படம் 2’-ம் மெகா ஹிட் அடித்தது. இதைத் தொடர்ந்து அவர் நடித்து வரும் படம் தான் ‘இடியட்’.

#Aarambikalaama

A horrific fest #IDIOT – trailer will be releasing on this April 25th.@BhalaRb @actorshiva @nikkigalrani @Screensceneoffl @iAksharaGowda @sidd_rao @skiran_kumar @subbhunaarayan @onlynikil @RIAZtheboss @CtcMediaboy pic.twitter.com/wRtnUoZ6Vr

— Screen Scene (@Screensceneoffl) April 23, 2021

‘லொல்லு சபா’ நிகழ்ச்சியை வெகு நாட்கள் இயக்கி வந்த ராம்பாலா இந்தப் படத்தை இயக்குகிறார். இந்தப் படத்தை ஸ்கிரீ்ன் சீன் மீடியா என்டர்டெயின்மென்ட் பிரைவேட் லிமிடெட் நிறுவனம் தயாரித்து வருகிறது. வரும் 25 ஆம் தேதி இந்தப் படத்தின் டிரெய்லர் ரிலீஸ் செய்யப்படும் என அறிவிக்கப்பட்டுள்ளது. 

நிக்கி கல்ரானி இந்தப் படத்தில் சிவாவுக்கு ஜோடியாக நடிக்கிறார். ஹாரர் காமெடி ஜானரில் இந்தப் படம் எடுக்கப்படுவதால் சிரிப்புக்குப் பஞ்சம் இருக்காது என்று தெரிகிறது. 

அசோக் செல்வன் கதாநாயகனாக நடிக்கும் அடுத்தப் படத்தின் ஃபர்ஸ்ட் லுக் போஸ்டர் வெளியிடப்பட்டுள்ளது. ‘ஹாஸ்டல்’ என்னும் பெயர் வைக்கப்பட்டுள்ள இந்தப் படத்தில் கதாநாயகியாக பிரியா பவானிசங்கர் நடிக்கிறார். 

இந்தப் படத்தில் நடிகர் சதீஷ் மற்றும் ‘கலக்கப்போவது யாரு’ நிகழ்ச்சியில் தோன்றி புகழடைந்துள்ள யோகியும் முக்கிய கதாப்பாத்திரத்தில் நடிக்கிறார். முழுக்க முழுக்க காமெடியை மையமாக வைத்து எடுக்கப்படும் இந்தப் படத்தை டிரைடென்ட் ஆர்ட்ஸ் நிறுவனம் தயாரிக்கிறது. சுமந்த் ராதாகிருஷ்ணன் இந்தப் படத்தை இயக்குகிறார். 

Looking forward to this fun one we made with this lovely people ❤️#HostelFirstLook@Ashokselvan @memyselfsrk @actorsathish @pravethedop #BoboShashi @krrishskumar @muralikris1001 @YogiKpy @tridentartsoffl @teamaimpr @Muzik247in pic.twitter.com/XYvG1nnsOP

— Priya BhavaniShankar (@priya_Bshankar) April 23, 2021

அசோக் செல்வன், கடைசியாக ‘ஓ மை கடவுளே’ படம் மூலம் மிகப் பெரிய ஹிட் கொடுத்திருந்தார். அதைத் தொடர்ந்து தற்போது பல படங்களில் நடித்து வருகிறார். இதில் ஹாஸ்டல் முதலில் வெளி வரும் என்று எதிர்பார்க்கப்படுகிறது. 

பிரியா பவானிசங்கர், தமிழ்த் திரையுலகின் மிகவும் பிஸியான ஹீரோயின்களில் ஒருவராக மாறியுள்ளார். அவர் கைவசம் தற்போது 5க்கும் மேற்பட்ட படங்கள் இருக்கின்றன.