Connect with us

சினிமா செய்திகள்

நிறைய கருத்து… கொஞ்சம் பில்ட் அப்… நேர்கொண்ட பார்வை எப்படி இருக்கிறது…

Published

on

வசதியான மூன்று ஆண் நண்பர்களுடன் செல்லும் மூன்று நடுத்தர குடும்ப பெண்கள் அந்த ஆண்களால் பாலியல் தொல்லைக்கு ஆளாகின்றனர். அப்போது அவர்களிடம் இருந்து தப்பிக்க அவர்களில் ஒருவனை பலமாக தாக்கி விடுகிறார் அப்பெண்களில் ஒருவர். தாக்கப்பட்டவன் எம்எல்ஏ.வின் வருங்கால மருமகன்… சொல்லவா வேண்டும்… அதிகாரமும்… பணமும்… பெண்களிடம் அடி வாங்கி விட்டோமே என்ற ஆணாதிக்க மனநிலையும் அந்த பெண்களுக்கு மேலும் தொல்லை கொடுக்க வைக்கிறது. அவர்களின் தொல்லைகளில் இருந்து தப்பிக்க அந்த பெண்கள் என்ன செய்தார்கள்… அல்லது அஜித்தின் உதவியுடன் அதிலிருந்து எப்படி வெளியே வந்தார்கள் என்பதை சொல்லும் படம் தான் ‘நேர்கொண்ட பார்வை’யின் கதை…

2015ம் ஆண்டு வெளியான ‘பிங்க்’ என்ற இந்தி படத்தின் அதிகாரபூர்வ தமிழாக்கம் தான் நேர்கொண்ட பார்வை. தமிழுக்கு ஏற்ற மாதிரி சின்ன சின்ன மாற்றங்களும் அஜித் ரசிகர்களுக்காக சின்னதாக ஒரு பில்டப்பும் சேர்த்து உருவாக்கியிருக்கிறார்கள். பெரும்பாலும் வசனங்கள் பெண் சுதந்திரம் பற்றி… ஆண் பெண் உறவு பற்றியே இருக்கின்றன. படத்தின் பலமே இந்த வசனங்கள் தான். இந்தியில் இருந்த வசனங்கள் அப்படியே தமிழில் சில மாற்றங்களோடும் சில பழமொழிகளோடும் இங்கே கொண்டு வந்திருக்கிறார்கள். வசனங்கள் சொல்லப்படும் இடங்களில் எல்லாம் பெண்கள் கைதட்டலும்… சில இடங்களில் ஆண்களின் கைதட்டலும் தியேட்டரில் கேட்டது. (வசனங்கள் என்ன எப்படி இருந்தன என்று தியேட்டரில் பாருங்கள்).

ஒளிப்பதிவு நீரவ் ஷா. பெரிய அளவில் ஒளிப்பதிவுக்கு வேலை இல்லாத இந்தப்படத்திற்கு நீரவ் ஷாவின் தேவை என்ன என்று தெரியவில்லை.

இசை யுவன் சங்கர் ராஜா… பிஜிஎம்… பின்னணி இசை என மீண்டு வர முயற்சி செய்துள்ளார் என்றுதான் சொல்ல வேண்டும். இடைவேளையின்போது அஜித்துக்கு ஒரு சண்டைக்காட்சியில் பிஜிஎம் அட்டகாசம். ஆனால், பாடல்களில் இன்னும் உங்கட்ட நிறைய எதிர்பார்க்கிறோம் ராஜா என்றுதான் சொல்ல தோன்றுகிறது…

சதுரங்க வேட்டை… தீரன் அதிகாரம் ஒன்று என அட்டகாசமான திரைக்கதையில் படம் பண்ணும் ஹெச்.வினோத் இந்தப் படத்துக்கு தேவையா என்ன? இந்தியில் உள்ளதை அப்படியே எடுத்திருக்கிறார். பெரிதாக மெனக்கேடாமல் இந்தியில் உள்ள ஜீவனை கெடுத்துவிடாமல் அப்படியே எடுத்துள்ளார் வினோத். முற்பாதியில் ஒரு டென்ஷன்… மிகை இல்லாத பிற்பாதி கோர்ட் ஜீன் பரபரப்புகள்… அஜித்துக்கான பில்டப்கள் என எல்லாம் கழ்ந்துகட்டி கொடுத்துள்ளார்.

வீரம்… வேதாளம்… விவேகம்… விஸ்வாசம் என மாட்டிக்கொண்ட அஜித் இந்த படத்தின் மூலம் மீண்டும் நடிக்க முயற்சி செய்திருக்கிறார் என்றே சொல்லலாம்… படம் ஆரம்பித்து 20 நிமிடம் கழித்தே பேசுகிறார். அதுவரை கொஞ்சம் பில்டப் ஏற்றிக்கொண்டே வந்து முதல் வார்த்தை பேசும் போது தியேட்டரில் இருந்த ரசிகர்கள் இதுக்காக தானே காத்திருந்தோம் என்று விசில் பறக்க விட்டனர்… பெரிய அளவில் முக்கியமில்லாத இப்படி ஒரு கதாபாத்திரத்தில் நடிக்க ஒப்புக்கொண்ட அஜித்தை பாராட்டலாம். பெண்கள் பற்றிய வசனங்கள் எல்லாம் தமிழகத்தில் பெரும் ரசிகர் பட்டாளம் வைத்துள்ள அஜித் மூலம் சொல்லப்படுவதால் அது இன்னும் அதிகம் பேரை சென்று சேரும் என்று சொல்லலாம் (ஆனால் படத்தின் முக்கிய வசனமான “பெண் சொல்லும் நோ.வுக்கு அர்த்தம் நோ தான் என்பதை மையமிட்ட No means No என்ற வசனம் வழக்கம் போல சமூக வலைதளங்களில் கேலி செய்யப்படுகிறது. இது அந்த வசனத்தின் தீவிரத்தை வழக்கம் போல அழித்துவிடும் என்பதுதான் உண்மை)அடுத்த படத்தில் நிச்சயம் வினோத் ஒரு அட்டகாசமான படத்தை அஜித்தை வைத்து கொடுப்பார் என நம்பலாம்.

கதையின் மைய பாத்திரங்களில் மீராவாக ஷ்ரதா ஸ்ரீநாத், பமிதாவாக பிக்பாஸ் அபிராமி, ஆண்ட்ரியாவாக ஆண்ட்ரியா டைரங் கச்சிதமாக நடித்துள்ளனர். படம் முழுவதும் இவர்களை சுற்றிதான் நகர்கிறது என்றாலும் தமிழகத்தில் அஜித் படம் என்றுதான் இது விளம்பரப்படுத்தப்பட்டது. ஆனால், இந்தியில் டாப்ஸிக்குதான் முன்னுரிமை அளிக்கப்பட்டிருந்தது. இவர்கள் தவிர வித்யா பாலன், டெல்லி கணேஷ், வில்லன்களாக வரும் அந்த மூவர் என ஓரளவு தங்கள் பாத்திரங்களை உணர்ந்து நடித்துள்ளனர். முக்கியமாக எதிர்க்கட்சி வக்கீலா ரங்கராஜ் பாண்டே. நன்றாக நடித்துள்ளார் என்றாலும் பல இட்டங்களில் கேள்விக்கு என்ன பதில் பார்க்கும் உணர்வையே அவரது நடிப்பு கொடுத்தது. எதிர்காலத்தில் அவரிடம் இன்னும் எதிர்பார்க்கலாம்…

இந்த படத்தின் ஜீவனே வசனமும் அந்த கோர்ட் காட்சிகளும் தான்… மிக முக்கியமான கருத்தை சொல்லும் படம். ஆனால் இந்த கருத்துகள் எல்லாம் இந்தியில் சொல்லப்பட்டு கிட்டத்தட்ட 3 ஆண்டுகள் கழித்து தான் நமக்கு வந்துள்ளன. அது மட்டும் அல்ல விதி படத்துக்கு பிறகு மிக நீண்ட கோர்ட் காட்சிகள் கொஞ்சம் போரடிக்கவே செய்கிறது. அஜித் ரசிகர்களுக்கு இது ஒரு பெரிய ஏமாற்றத்தை தரும் படம் தான்… இப்படியான படங்கள் தேவைதான் என்றாலும் அறிவுரை சொல்வது போல அமைந்து விடக் கூடாது. சொல்லப்போனால் இந்தப் படத்தின் பலம் பலவீனம் இரண்டும் அந்த கருத்து சொல்லும் வசனங்கள் தான்…

மிக முக்கியமான விசயத்தை எடுத்துசொல்லும் இந்தப்படத்தை பெண் நண்பர்களோடு சென்று ஒரு முறை பார்த்துவிடலாம். நிச்சயம் காசுக்கு இழப்பு இருக்காது… அஜித் ரசிகர்கள் கொஞ்சம் காமன் ஆடியன்ஸுக்கு வழிவிட்டு நிற்கலாம். இந்தப் படத்திற்கு மட்டும்…

— ச.அழகுசுப்பையா

சினிமா செய்திகள்

என் ரசிகர்களை பெண்கள் தைரியமாக காதலிக்கலாம்: சிம்பு

Published

on

நடிகர் சிம்பு நீண்ட காலத்திற்குப் பிறகு ஒரு கல்லூரியின் விழாவில் கலந்துகொண்டு பேசியுள்ளார்.

“அப்போது அவர் கல்லூரி மாணவர்களைப் பாட்டுப் பாடியும், நடனமாடியும் உற்சாகப்படுத்திய சிம்பு, தனது ரசிகர்களைப் பெண்கள் தைரியமாகக் காதலிக்கலாம்.

ஊரே என்னைக் கழுவி ஊற்றும் போது, என் தலைவன் திரும்பி வருவான் என்று எனக்கு ஆதரவாக நின்றார்கள். அப்ப கட்டின பொண்டாட்டிக்கும் லவ் பன்ற பெண்ணுக்காகவும் எப்பாடி நிற்பார்கள் என்று நினைத்துப் பாருங்கள்.

எனக்குப் படங்கள் கிடைப்பதைத் தடுக்க கூட்டமே வேலை செய்கிறது. இப்படி ஆதரவு அளிப்பது அவர்களை காண்டாகிறது. இப்படி எனது ரசிகர்கள் எனக்கு ஆதரவு அளித்ததற்கு நன்றி.” என்று சிம்பு உருக்கமாகப் பேசினார்.

Continue Reading

சினிமா செய்திகள்

‘ரஜினி 168’ படத்தின் டைட்டில் மற்றும் மோஷன் போஸ்டர் வெளியானது..!

#அண்ணாத்த #Annaatthe

Published

on

ரஜினியின் 168வது படத்தின் தலைப்பு அறிவிக்கப்பட்டது. ட்விட்டரில் அதகளம் செய்யும் ரஜினியின் ரசிகர்கள்.

முருகதாஸின் தர்பார் படத்தை அடுத்து,இயக்குநர் சிவா இயக்கத்தில் தனது 168வது படத்தில் நடித்து வருகிறார் ரஜினி. இதில், கீர்த்தி சுரேஷ், நயன்தாரா, குஷ்பூ, மீனா, சூரி, பிரகாஷ் ராஜ், சதீஷ் என கோலிவுட் நட்சத்திர பட்டாளங்களே இணைந்து நடிக்கின்றனர்.

விஸ்வாசம் படத்தை தொடர்ந்து சிவாவின் இந்தப் படத்துக்கும் டி.இமான் இசையமைக்கிறார். சன் பிக்சர்ஸ் தயாரிக்கும் இந்தப் படத்தின் படப்பிடிப்புகள் முழுவீச்சில் நடைப்பெற்று வருகிறது. இந்த ஆண்டு தீபாவளி விருந்தாக படம் திரைக்கு வரும் என்று அறிவிக்கப்பட்டிருந்த சமயத்தில், சிவா, படத்தின் வேலைகளை வேகமாகவும், விவேகமாகவும் நடத்தி வருவதால், இந்த ஆண்டின் ஆயுத பூஜைக்கு ரஜினி 168 படத்தை வெளியிட அதிக வாய்ப்பிருப்பதாக சொல்லப்பட்டது.

இது குறித்த எந்த தகவலும் வராத நிலையில், திடீரென படத்தின் தலைப்பை ‘அண்ணாத்த’ என அறிவித்துள்ளது சன் பிக்சர்ஸ். இந்த டைட்டிலை போஸ்டரோடு மட்டுமில்லாமல் மோஷன் போஸ்டராகவும் வெளியிட்டுள்ளனர். இதனையடுத்து உற்சாகமடைந்த ரசிகர்கள் #Annaatthe #அண்ணாத்த ஆகிய ஹேஷ்டேக்குகளை ட்ரெண்ட் செய்து வருகின்றனர்.

Continue Reading

சினிமா செய்திகள்

தனுஷ் படத்தை தடை செய்ய வேண்டும், மாரி செல்வராஜை கைது செய்ய வேண்டும்; கருணாஸின் சாதி அமைப்பு புகார்!

Published

on

நடிகர் தனுஷ் இப்போது பரியேறும் பெருமாள் இயக்குநர், மார் செல்வராஜ் இயக்கத்தில் கர்ணன் திரைப்படத்தில் நடித்து வருகிறார்.

1991-ம் ஆண்டு மணியாச்சியில் நடைபெற்ற சாதி கலவரத்தை மையப்படுத்தி இந்த திரைப்படம் எடுக்கப்பட்டு வருவதாகக் கூறப்படுகிறது.

தற்போது இந்த திரைப்படத்தின் படப்பிடிப்பு திருநெல்வேலி, தூத்துக்குடி மாவட்டங்களில் நடைபெற்று வருகிறது. அதில் ஒரு காட்சியில் தனுஷ் மணியாச்சி காவல் நிலையத்தை அடித்து நொறுக்குவது போன்ற படப்பிடிப்பு நடைபெற்றுள்ளது.

இதை போன்ற வன்முறையான படங்களை எடுக்க அனுமதியளிக்கக் கூடாது. எனவே, தனுஷ் படத்தை தடை செய்ய வேண்டும், மாரி செல்வராஜைக் கைது செய்ய வேண்டும் என்று கருணாஸ் அவர்களின் முக்குலத்தோர் புலிப்படை அமைப்பிடமிருந்து காவல் துறையிடம் புகார் அளிக்கப்பட்டுள்ளது என்று தகவல்கள் கூறுகின்றன.

Continue Reading




வீடியோ செய்திகள்1 min ago

9 வயது ஆஸ்திரேலிய சிறுவனுக்கு நன்கொடையாக கிடைத்த ரூ.3.40 கோடி

வீடியோ செய்திகள்8 mins ago

பாதுகாவலருடன் சேர்ந்து நடனம்; அசத்திய இந்திய கிரிக்கெட் வீராங்கனை

வீடியோ செய்திகள்13 mins ago

சரக்கும் மிடுக்குமாய் “திரெளபதி” தரிசனம்..! போலி வக்கீல்கள் மீது சாடல்

வீடியோ செய்திகள்17 mins ago

மீண்டும் மெட்ராஸ் ஐ… செய்யவேண்டியது என்ன?

வீடியோ செய்திகள்21 mins ago

திரெளபதி படம்:”பெண் பிள்ளைகளை பெற்றவர்கள் பார்க்க வேண்டும்”- Ramadoss பேட்டி

Daily Prediction, Rasi palan, தினபலன், ராசி பலன்
தினபலன்8 hours ago

உங்கள் ராசிக்கான இன்றைய பலன்கள்! (28/02/2020)

தமிழ் பஞ்சாங்கம், tamil panchangam
தமிழ் பஞ்சாங்கம்8 hours ago

இன்றைய தமிழ் பஞ்சாங்கம் (28/02/2020)

வணிகம்24 hours ago

வெங்காயம் விலை சரிவு; ஏற்றுமதி மீதான தடை நீக்கம்!

Daily Prediction, Rasi palan, தினபலன், ராசி பலன்
தினபலன்1 day ago

உங்கள் ராசிக்கான இன்றைய பலன்கள்! (27/02/2020)

தமிழ் பஞ்சாங்கம், tamil panchangam
தமிழ் பஞ்சாங்கம்1 day ago

இன்றைய தமிழ் பஞ்சாங்கம் (27/02/2020)

வேலை வாய்ப்பு4 months ago

தமிழ்நாடு ஊரக வளர்ச்சி மற்றும் ஊராட்சித் துறை வளர்ச்சித் துறையில் வேலை!

சினிமா7 months ago

பிக்பாஸ் வீட்டில் லைட் ஆஃப் செய்த பின்னர் இரவில் நடப்பது என்ன தெரியுமா? வெளியான ரகசியம்!

இந்தியா6 months ago

6 பேரால் இரண்டு நாள் வைத்து சீரழிக்கப்பட்ட சிறுமிக்கு மொட்டை அடித்த பஞ்சாயத்து!

தமிழ்நாடு6 months ago

தமிழகத்தின் 22 மாவட்டங்களில் மழைக்கு வாய்ப்பு: பள்ளி, கல்லூரிகளுக்கு விடுமுறை!

இந்தியா8 months ago

ரோஜாவை ஸ்பெஷலாக கவனித்த ஜெகன் மோகன் ரெட்டி: புதிய பதவியை ஏற்றுக்கொண்டார்!

வேலை வாய்ப்பு6 months ago

தமிழக அரசின் ஆரம்ப சுகாதார நிலையங்களில் வேலை!

வேலை வாய்ப்பு7 months ago

தமிழக அரசின் சமூக நலத்துறை மற்றும் சத்துணவுத் திட்டத் துறையில் வேலை!

தமிழ்நாடு7 months ago

கனவில் வந்து அழுதார் அத்தி வரதர்: ஸ்ரீவில்லிபுத்தூர் ஜீயர் சடகோப ராமானுஜர் பரபரப்பு பேட்டி!

சினிமா செய்திகள்6 months ago

நடிப்பு ஒர்க்கவுட் ஆகலை.. இடுப்பு வைரல் ஆகிடுச்சு!

சினிமா செய்திகள்7 months ago

நீச்சல் உடையில் போஸ் கொடுத்துள்ள பிக்பாஸ் தர்ஷன் காதலி!

வீடியோ செய்திகள்1 min ago

9 வயது ஆஸ்திரேலிய சிறுவனுக்கு நன்கொடையாக கிடைத்த ரூ.3.40 கோடி

வீடியோ செய்திகள்8 mins ago

பாதுகாவலருடன் சேர்ந்து நடனம்; அசத்திய இந்திய கிரிக்கெட் வீராங்கனை

வீடியோ செய்திகள்13 mins ago

சரக்கும் மிடுக்குமாய் “திரெளபதி” தரிசனம்..! போலி வக்கீல்கள் மீது சாடல்

வீடியோ செய்திகள்17 mins ago

மீண்டும் மெட்ராஸ் ஐ… செய்யவேண்டியது என்ன?

வீடியோ செய்திகள்21 mins ago

திரெளபதி படம்:”பெண் பிள்ளைகளை பெற்றவர்கள் பார்க்க வேண்டும்”- Ramadoss பேட்டி

தமிழ் பஞ்சாங்கம், tamil panchangam
தமிழ் பஞ்சாங்கம்1 day ago

இன்றைய தமிழ் பஞ்சாங்கம் (27/02/2020)

வீடியோ செய்திகள்2 days ago

ரயிலில் தவறி விழுந்த இளைஞரை காப்பாற்றிய காவலர்…குவியும் பாராட்டு

வீடியோ செய்திகள்2 days ago

அமெரிக்க அதிபர் ட்ரம்ப்புக்கும் – சி.என்.என் செய்தியாளருக்கும் இடையே கடும் வாக்குவாதம்

வீடியோ செய்திகள்2 days ago

மார்ச் 2ம் தேதி களம் இறங்கும் தோனி: ஆரவாரத்திற்கு தயாராகும் சேப்பாக்கம்

வீடியோ செய்திகள்3 days ago

ஆண்டீஸ் மலைத்தொடரில் கடுமையான நிலச்சரிவு

Trending