தனுஷ் நடித்த ’கர்ணன்’ திரைப்படத்தை இயக்கிய மாரி செல்வராஜுக்கு திரையுலக பிரபலங்களின் பாராட்டுக்கள் குவிந்த நிலையில் தற்போது மீண்டும் அவர் தனுஷ் படத்தை இயக்க இருப்பதாக அறிவிக்கப்பட்டுள்ளது.

தனுஷின் ’கர்ணன்’ படத்தை முடித்துவிட்டு தற்போது துருவ் விக்ரம் நடிக்கும் படத்தை இயக்குவதற்கான பணிகளில் மாரிசெல்வராஜ் ஈடுபட்டு வருகிறார். இந்த நிலையில் சற்று முன்னர் தனுஷ் தனது டுவிட்டர் பக்கத்தில் எனது மற்றொரு படத்தையும் மாரிசெல்வராஜ் இயக்க இருக்கிறார் என்றும் இந்த படத்தின் படப்பிடிப்பிற்காக ஆரம்பகட்ட பணிகள் தொடங்கி விட்டது என்றும் அடுத்த ஆண்டு இந்த படத்தின் படப்பிடிப்பு தொடங்கும் என்றும் அறிவித்துள்ளார்.

இதனை அடுத்து மாரி செல்வராஜ், துருவ் விக்ரம் நடிக்கும் படத்தை முடித்துவிட்டு அடுத்த படத்தை தனுஷூக்காக இயக்குவார் என்று எதிர்பார்க்கப்படுகிறது. அதேபோல் தனுஷ் தற்போது ஹாலிவுட் படத்தில் நடித்து வருகிறார் என்பதும் இதனை அடுத்து அவர் கார்த்திக் நரேன் இயக்கும் படத்தில் நடிக்க இருக்கிறார் என்பதும் குறிப்பிடத்தக்கது. இந்த இரண்டு படங்களை முடித்துவிட்டு தனுஷ், மாரி செல்வராஜ் இயக்கத்தில் உருவாகும் படத்தில் நடிப்பார் என்று எதிர்பார்க்கப்படுகிறது.

Elated to announce that after the blockbuster success of Karnan, Mari Selvaraj and myself are joining hands once again. Pre production going on,
Shoot will commence next year.

— Dhanush (@dhanushkraja) April 23, 2021

’கர்ணன்’ என்ற மாபெரும் வெற்றிப் படத்தை அடுத்து மீண்டும் தனுஷ்-மாரி செல்வராஜ் இணையவிருப்பது திரையுலகில் பெரும் பரபரப்பு ஏற்பட்டுள்ளது.

பிரபல இசையமைப்பாளர் ஒருவர் கொரோனாவுக்கு பலியாகி உள்ளதை அடுத்து திரையுலக பிரபலங்கள் அவருக்கு இரங்கல் தெரிவித்து வருகின்றனர்.

கடந்த 1990ஆம் ஆண்டு முதல் 2000ம் ஆண்டு வரை பாலிவுட் திரையுலகில் பிரபல இசையமைப்பாளர்கள் ஆக இருந்தவர்கள் நதீம்-ஷர்வன் ஆகிய இரட்டையர்கள். இந்த இரட்டையர்களின் இசையமைப்பில் உருவான பல திரைப் படங்கள் சூப்பர் ஹிட்டாகின என்பது குறிப்பிடத்தக்கது.

இந்த நிலையில் இந்த இரட்டையர்களில் ஒருவரான ஷர்வன் என்பவர் கொரோனாவால் பாதிக்கப்பட்டு கடந்த சில நாட்களாக சிகிச்சை பெற்று வந்தார். இந்த நிலையில் சிகிச்சை பலனின்றி சற்று முன் அவர் காலமானதாக அறிவிக்கப்பட்டுள்ளது. இதனை அடுத்து பாலிவுட் திரையுலகமே சோகத்தில் மூழ்கி உள்ளது என்பது குறிப்பிடத்தக்கது.

Our Music community and your fans will miss you immensely #ShravanRathod ji Rest in peace 🌺Respect and Prayers🌹🇮🇳

— A.R.Rahman #99Songs 😷 (@arrahman) April 22, 2021

இசையமைப்பாளர் ஷர்வன் அவர்களின் மறைவு குறித்து கேள்விப்பட்ட திரையுலக பிரபலங்கள் பலர் இரங்கல் தெரிவித்து வருகின்றனர். ஏ.ஆர் ரகுமான், அக்ஷய் குமார், ஸ்ரேயா கோஷல் உள்பட பலர் தங்களது டுவிட்டர் பக்கங்களில் ஷர்வன் அவர்களின் மறைவுக்கு இரங்கல் தெரிவித்து வருகின்றனர். மிகப் பெரிய இசை மேதையான ஷர்வன் அவர்களின் மறைவு பாலிவுட் திரையுலகிற்கு மிகப் பெரிய இழப்பு என்று அவர்கள் தங்கள் டுவிட்டர் பக்கங்களில் குறிப்பிட்டு வருகின்றனர்.

நடிகர் சிம்பு நடிப்பில் உருவாகி வரும் மிகப்பெரிய எதிர்பார்ப்புக்குரிய திரைப்படமான மாநாடு படத்தின் படப்பிடிப்பு கிட்டத்தட்ட முடிவடையும் நிலையில் உள்ளது. இம்மாத இறுதிக்குள் இந்த படத்தின் படப்பிடிப்பை முடிக்க வெங்கட்பிரபு திட்டமிட்டு உள்ளார் என்பது குறிப்பிடத்தக்கது.

இந்த நிலையில் ஏற்கனவே இந்த படத்தின் பர்ஸ்ட் லுக் போஸ்டர் வெளியாகி மிகப்பெரிய அளவிலான நிலையில் தற்போது இந்த படத்தின் சிங்கிள் பாடலை ரிலீஸ் செய்ய படக்குழுவினர் தயாராகி வருகின்றன.

மாநாடு படத்தின் சிங்கிள் பாடலை ரம்ஜான் தினத்தில் வெளியிட படக்குழுவினர் முடிவு செய்திருப்பதாகவும் இதுகுறித்த அதிகாரபூர்வ அறிவிப்பு விரைவில் வெளியாகும் என்றும் படக்குழுவினர் தரப்பில் இருந்து செய்திகள் வெளியாகிஉள்ளது.

யுவன் சங்கர் ராஜா இசையமைத்துள்ள இந்தப் பாடல் மிகப்பெரிய அளவில் ரசிகர்கள் மத்தியில் வரவேற்பை பெறும் என்று எதிர்பார்க்கப்படுகிறது. சமீபத்தில் வெளியான சிம்புவின் ஈஸ்வரன்என்ற திரைப்படம் எதிர்பார்த்த அளவில் வெற்றி பெறாத நிலையில் சிம்புவின் மாநாடு திரைப்படம் மிகப் பெரிய அளவில் எதிர்பார்ப்பை ஏற்படுத்தி உள்ளதால் சூப்பர் ஹிட்டாகும் என்று எதிர்பார்க்கப்படுகிறது.

சிம்பு ஜோடியாக கல்யாணி பிரியதர்ஷன் நடிக்கும் இந்த திரைப்படத்தில் பாரதிராஜா, எஸ்.ஜே.சூர்யா, பிரேம்ஜி, உள்பட பலர் நடித்துள்ளனர். வெங்கட்பிரபு இயக்கத்தில் உருவாகி வரும் இந்த படத்தை சுரேஷ் காமாட்சி தயாரித்து வருகிறார்.