சூர்யா நடித்த ’சூரரைப்போற்று’ திரைப்படம் கடந்த சில மாதங்களுக்கு முன்னர் அமேசான் ஓடிடி தளத்தில் வெளியானது என்பது தெரிந்ததே. இந்த படத்தை அவரது ரசிகர்கள் மட்டுமின்றி தமிழக மக்கள் அனைவரும் கொண்டாடினர்.

ஜிஆர் கோபிநாத் என்ற தொழிலதிபரின் வாழ்க்கை வரலாற்றை தழுவி உருவாக்கப்பட்ட திரைப்படமான இந்த படம், ஒரு சாதாரண இளைஞர் எப்படி விமானம் நிறுவனத்தின் உரிமையாளர் ஆகிறார் என்பதை மிகவும் சிறப்பாக தனது திரைக்கதையின் மூலம் இயக்குனர் சுதா கொங்காரா தெரிவித்திருந்தார்.

இந்த நிலையில் இந்த படம் ஏற்கனவே ஒரு சில பிரிவுகளுக்கு ஆஸ்கார் விருதுக்கு பரிந்துரை செய்யப்பட்டுள்ள நிலையில் தற்போது சிறந்த நடிகர் மற்றும் சிறந்த நடிகை ஆகிய 2 பிரிவிற்கு ஆஸ்கார் விருதுக்கு தகுதி பெற்ற படங்களின் பட்டியலில் இடம்பெற்றுள்ளது.

இதுவரை ஆஸ்கார் விருதுக்கு தகுதி பெற்றுள்ள 366 படங்களில் சூரரைப்போற்று படமும் ஒன்று என்பதும் சூர்யா சிறந்த நடிகராகவும் அபர்ணா பாலமுரளி சிறந்த நடிகைக்கான பட்டியலிலும் தகுதி பெற்றுள்ளனர் என்பது குறிப்பிடத்தக்கது.

வரும் மார்ச் 15-ம் தேதி அடுத்த கட்ட பட்டியல் வெளியாகும் என்றும் அந்த பட்டியலிலும் சூரரைப்போற்று திரைப்படம் இடம்பெற அதிக வாய்ப்பு இருப்பதாக கூறப்படுவதால், இந்த படம் ஆஸ்கர் விருதை நெருங்கி விட்டதாகவே கருதப்படுகிறது.

சூப்பர் ஸ்டார் ரஜினிகாந்த் மற்றும் அவரது மனைவி லதா ஆகியோர் திருமணம் நடந்து நாற்பது ஆண்டுகள் ஆனதை அடுத்து அவரது ரசிகர்கள் திருமண நாளை கொண்டாடி வருகின்றனர்.

கடந்த 1981-ஆம் ஆண்டு பிப்ரவரி 26ஆம் தேதி நடிகர் ரஜினிகாந்த் லதாவை காதலித்து திருப்பதியில் திருமணம் செய்து கொண்டார். இதனை அடுத்து ரஜினி லதா திருமணம் நடந்து இன்றுடன் 40 ஆண்டுகள் முடிவடைந்ததை அடுத்து ரசிகர்கள் இது குறித்த புகைப்படங்களை சமூக வலைதளங்களில் பதிவு செய்து கொண்டாடி வருகின்றனர்.

மேலும் ரஜினி-லதா தம்பதிக்கு திரையுலக பிரமுகர்கள் மற்றும் அரசியல் பிரபலங்கள் வாழ்த்து தெரிவித்து வருகின்றனர் என்பது குறிப்பிடத்தக்கது. இதனை அடுத்து ரஜினி-லதா குறித்த ஹேஷ்டேக் சமூக வலைதளங்களில் வைரலாகி வருகிறது என்பது குறிப்பிடத்தக்கது.

மேலும் ரஜினி தனது மனைவி லதா மற்றும் இரண்டு மகள்களுடன் இன்று தனது திருமண நாளை போயஸ் கார்டன் வீட்டில் கொண்டாட இருப்பதாகவும் தகவல்கள் வெளிவந்துள்ளன.

சிம்பு நடிப்பில் கௌதம் மேனன் இயக்கத்தில் ஒரு திரைப்படம் உருவாக இருப்பதாக சமீபத்தில் அறிவிப்பு வெளியானது என்பதும் இந்த படத்தை வேல் பிலிம்ஸ் இண்டர்நேஷனல் நிறுவனம் தயாரிக்க இருப்பதாகவும் செய்திகள் வெளியானது.

இந்த நிலையில் தற்போது இது குறித்த அதிகாரப்பூர்வ அறிவிப்பில் இந்த படத்தின் டைட்டில் வெளியாகியுள்ளது. இந்த படத்திற்கு, ‘நதிகளிலே நீராடும் சூரியன்’ என்ற டைட்டில் வைக்கப்பட்டுள்ளது. மேலும் இந்த படத்திற்கு இசையமைப்பாளர் ஏஆர் ரகுமான் இசையமைக்க இருப்பதாகவும் கவிஞர் தாமரை பாடல்கள் எழுத இருப்பதாகவும் அறிவிக்கப்பட்டுள்ளது.

மேலும் இந்த படத்தின் அட்டகாசமான டைட்டில் போஸ்டரும் இணையதளங்களில் வைரலாகி வருகிறது என்பது குறிப்பிடத்தக்கது. இந்த படத்தில் சிம்பு ஜோடியாக நடிக்க முன்னணி நடிகை ஒருவரிடம் பேச்சுவார்த்தை நடத்தப்பட்டு வருவதாகவும், மிக விரைவில் இதுகுறித்த அதிகாரப்பூர்வ அறிவிப்பு வெளியாகும் என்றும் தெரிகிறது.

மேலும் இந்த படத்தில் பணிபுரியும் தொழில்நுட்பக் கலைஞர்கள் குறித்த தகவலும் மிக விரைவில் படக்குழுவினர் வெளியிடுவார்கள் என்று எதிர்பார்க்கப்படுகிறது. ஏப்ரல் மாதம் இந்த படத்தின் படப்பிடிப்பு தொடங்க இருப்பதாகவும் இந்த ஆண்டு இறுதியில் இந்த படத்தை வெளியிட திட்டமிடப்பட்டு இருப்பதாகவும் செய்திகள் தெரிவிக்கின்றன

It’s all making sense now.
Happy to announce the title …@arrahman @SilambarasanTR_ @IshariKGanesh @VelsFilmIntl #SilambarasanTR47 pic.twitter.com/iLaKfe4XZI

— Gauthamvasudevmenon (@menongautham) February 25, 2021